荳子冰室 (上水中心)

過咗午飯時間，店內6、7張枱冇人坐，見有卡位想埋去坐，點知店員話兩個人坐卡位要搭枱，但我見有其他卡位都係得兩個人坐，跟住我問店員他們點解唔使搭枱嘅，之後店員冇答我，佢哋啲服務態度⋯⋯😤…查看更多

電話scan QR code 點餐後發現一直未上菜，再翻看時才看見系統顯示部分食物已售罄，需要整張訂單刪除，重新再下單，浪費了不少等待時間。如果有職員提醒食物售罄，需要更改訂單，或在下單時顯示會較好。現場還看到旁邊的顧客因為等得太耐才發現訂單無效，無奈離去。希望可以改善一下。…查看更多

店內有5-6張吉枱，也要求客人搭枱。職員態度惡劣唔話可以搭枱就唔比坐。然後同意搭枱後，立即安排其他客人入內搭枱。其實多人時搭枱，我明白，也理解。但店內有5-6張空桌，店外也無人等候，職員安排搭枱，我就真係完全唔理解，只可以話餐廳玩野 ！…查看更多

同朋友去完打波又想食少少野放肆一下，又唔想食太多野就揀咗荳子冰室歎返個下午茶。餐廳帶有少少裝修係懷舊冰室風，門口有個賣麵包既位置有好傳統既冰室特色，地方雖然唔算大，但勝在乾淨企理同坐得舒服。✨我同朋友點咗好邪惡既菠蘿油🍍同煉奶多士🍞，外皮脆口嘅菠蘿包，加上厚厚嘅牛油，重點！！牛油係另上嫁，自己鐘意加幾多就幾多。雖然好邪惡但一咬落去真係滿滿嘅幸福感；多士烘得香脆，配埋煉奶，甜度剛剛好！朋友試咗杯凍鴛鴦🥤，話咖啡同奶茶嘅比例調得非常完美，正正！而我就叫咗杯茶走，飲落多非常香滑。不過因為見到咁多人排隊都唔係太好意思坐太耐，我哋都係食完啲野同飲埋杯野快快手咁走。…查看更多

Lunch行過上水，見到火車站附近的商場有間荳子冰室，見出門擺係門口面包櫃嘅面包好似幾吸引，就打算食個lunch。等左一陣就有位，lunch time嚟講算快。入座見到今日嘅精選lunch 唔太吸引，就叫左常餐：叉燒通粉﹑庵列蘑菇炒蛋﹑餐包﹑熱飲，盛惠56元。餐包幾好食，仲熱，又脆 ; 炒蛋都唔錯。問題出係叉燒通粉身上，啲叉燒酸嘅，應該變壞左，我食左一塊已經唔敢再食，結果行到半路肚痛，真係難忘嘅經歷!…查看更多