茶香閣

營業中

休息中

食晏時間係牛頭角成日都食快餐店今次公司附近終於又多一個選擇,有間新餐廳叫茶香閣今日去真人實測下先。有幾款午餐揀,另外餐牌都有幾多選擇.....揀個男人的浪漫(煎蛋肉餅飯)😎黎到嘅時候份量都幾足,煎到個面脆卜卜,厚厚嘅肉餅有濃郁冬菇味。加埋最佳配搭太陽蛋,豉油加蛋汁真係食多幾碗飯。午飯時間真係要早dd落去拎位人流都幾多,職員安排入座跟得幾足,等5-10分鐘就可以入去坐。一坐低職員送左個例湯黎,飲完唔會口渴。👌值得一贊廚師有心機烹調,裝修舒適。下次可以约埋同事試多幾款野先

即製雙拼三文治有多款選擇：(火腿/雞即製雙拼三文治蛋/餐肉/芝士/咸牛肉/吞拿魚)這次試了即製雙拼三文治，真是讓人驚艷！三文治一上桌，柔軟的方包夾著豐富餡料，視覺上就很吸引人。一口咬下，口感簡直絕妙。餡料的搭配別出心裁，一邊是香濃滑嫩的炒蛋，蛋香濃郁入口即化。另一邊是鹹香有勁咸牛肉煎得火候剛好，增添口感。兩種口味在口中交織，卻又和諧相融，令人回味無窮。搭配凍檸茶飲品也很加分，用金屬杯裝住冰涼順口，在品嚐三文治的過程中，起到了很好的解膩作用。總括黎講:呢份即製雙拼三文治從味道到搭配都十分出色，是值得一試再試的美味，推薦給每一位尋求美味早餐或輕食的朋友！而家香港地想食份早餐$30真心抵食見好多人買外賣三文治廿十幾蚊連熱飲,(良心店)放便上班族

門口大字報寫明早餐，外賣自取，雙拼蛋治$26，只係話凍飲加$3，熱飲冇話要加錢，到喺手機落單嘅時候，已經撇除咗餐具，仲要收多一蚊外賣盒嘅$，總共收咗$27 ，同日，相差10分鐘落單，我朋友同我叫嘅嘢一樣，但係只收佢$26，去到取早餐時，詢問個職員點解收我$27，收我朋友係$26，佢嘅解釋係首先就話你有冇要餐具，我話冇，跟住捻住三文治睇吓係咪用個盒裝住，又冇，跟住佢回覆我話我個嘢飲用紙杯裝，所以收多我一蚊係正常嘅，根本就唔知佢一蚊喺邊度就夾硬話喺個紙杯度，如果係咁呀！咁就唔係$26個餐？咁即系張海報就係呃人㗎啦，難基本上個餐就系$27，嘢飲唔攞杯裝，唔通攞隻手去裝？仲要喺度死雞撐飯蓋，連道歉都冇。咩餐廳🤬🤬🤬🤬🤬🤬🤬🤬🤬🤬

見公司附近新開左新餐廳，立刻試試新野，如果好食以後lunch time就多個選擇……可惜味道好普通，重點係份量少得太過份，湯飯好似俾人偷食咗一半，只有半碗及4，5片豬肉，這樣連飲品要$6x…. 板燒雞腿燒肉汁丼，其實只係雞胸肉非雞腿，不但肉好鞋又無味，而且勁細塊，根本是下午茶份量…仲衰過吉x家，連凍飲$69…. 凍飲要+$6…其實茶餐廳都係+$3 only….咁嘅質素及價錢，觀塘真係大把選擇，絕對唔會再去….

今日Lunch係創紀之城呢個美食沙漠，發現咗一個綠洲。一間新開嘅餐廳叫茶香閣。😍😍😍入去果陣員工好殷勤帶位好有禮貌，服務態度真係俾個like佢入去嗰陣見到佢精選午餐有三款，心大心細嘅我見餐牌仲有好多其他選擇好啦係時候決定～今日就試吓佢個溫泉蛋煙肉卡邦尼意粉一嚟到已經好誇張，擺放得好靚，仲有一陣非常濃郁嘅芝士味。食咗一啖就知道真材實料份量非常充足。真係性價比十足，媲美出面$二三百蚊一碟嘅水準大家如果嚟呢度食，必定要試呢個（世一）溫泉蛋煙肉卡邦尼意粉嚟緊我再試吓佢其他嘢再分享俾大家