茶舍 (景福街)

營業中

休息中

新蒲崗景福街的「茶舍」絕對是滿足你味蕾的好地方！這裡的食物份量十足，選擇多樣，無論你是來吃早餐、午餐、晚餐還是下午茶，總能找到合你口味的美食！🌟 今日要買外賣俾兩個化骨龍。茶舍最正，大件夾抵食，味道又正，款式又多。剛好趕到下午茶，又可以選下午茶，抵上加抵。🐔 忌廉野菌皇烤雞扁意粉：烤雞肉質鮮嫩多汁，搭配香濃的忌廉醬汁，配上滿滿野菌的香氣，讓人忍不住一口接一口！🍄🧀🥪 火腿蛋三文治：層層疊的火腿蛋三文治，滑蛋厚實，火腿和芝士的完美結合，每一口都能感受到多層次的口感，讓人驚喜不已！🍳🧀🍍 菠蘿鮮茄三層焗豬扒飯：香濃的菠蘿和鮮茄配上嫩滑的豬扒，飯粒吸滿醬汁，每一口都是濃郁的滋味，豬扒焗得剛剛好，真是港式焗飯中的佼佼者！🍅🍚這裡的餐點還會附送飲品，無論是香濃的奶茶還是滑順的華田，都為這餐增添了不少滿足感！☕️🥤茶舍不僅提供優質的食物，還充滿了香港地道風味，是一個讓人想一去再去的地方！😍✨

早排有事又要去新蒲崗，正當諗緊去唔去Mikki食飯時，發現原來Mikki對面既茶舍都唔錯！🔶豚肉斧頭扒煎蛋飯：有別於平時係茶餐廳既豬扒煎蛋飯，茶舍既斧頭扒除左大大塊之外，又唔會好乾身，夠哂juciy，加埋熱辣辣既煎蛋，送飯一流🔶龍蝦汁海鮮意粉：龍蝦汁好濃味，海鮮又非常足料，意粉煮得唔錯，有口感！🔶紅湯：紅湯質素喜出望外。濃濃既湯底，仲要有堆牛肉，非常好味！🔶鮮奶卷：依個甜品真係不得了。非常鬆脆，一咬就已經係鮮奶。鮮奶仲要炸完都好滑🔶柑桔炸雞：即叫即炸，所以上菜時都仲熱辣辣。雞件炸得外脆內軟，為依餐畫上完美既句號。值得一提，餐廳門口有自助水機可以等大家拎凍茶飲。天氣熱既時候，都可以飲住凍茶等入座，非常窩心既安排

呢間餐廳係好多地方都有分店，而且價錢又好平民化，係平時成日嘅飯堂，今次再同大家分享多啲嘢食～龍蝦湯海鮮飯作為湯飯愛好者，好推薦呢個湯飯，首先龍蝦湯味道濃郁得來又唔會太鹹，無論係泡飯食定齋飲到好點，而且入面嘅海鮮超級多，包括有蝦仁、魷魚、青口、蜆、帶子，而且海鮮每舊都超級大，份量十足南瓜野菌烤雞意大利飯同樣份量十足，意大利飯口感啱啱好，成個飯帶有南瓜淡淡嘅鮮甜味同濃郁嘅忌廉味，令人一啖接一啖咁食落去😋野菌同烤雞份量都好多，尤其是烤雞好大嚿，口感嫩滑

成日放lunch個陣見到新蒲崗呢間茶舍有人係到排隊，加上有朋友介紹話裡面有新menu出左好好食，有日心血來潮終於去到食😆之前食過lunch menu，印象中都唔錯！我同朋友決定叫下唔同野食，一齊share!🍙 蒲燒鰻魚炒珍珠飯雖然外表睇落無話好特別，但估唔到有好多木魚絲👍🏻食落去其實好唔錯！啲珍珠米炒得粒粒分明，唔會黐埋一舊，食落口感煙韌得嚟唔乾，同埋鰻魚燒得外層微微焦香，內裡嫩滑，仲帶住少少甜甜地嘅蒲燒味，我地一羹一羹食到停唔到口🤤滿足！🥩 即烤安格斯牛叉燒呢個係新menu見到覺得個樣幾打卡able，又做緊優惠，$128可以食到安格斯牛，幾吸引🤤一上枱同食落口個陣真係好驚喜🥹安格斯牛原來都可以做到似叉燒咁既效果，脂香味濃，外層焦糖化得岩岩好，有種港日fusion感～肉質嫩滑多汁，食落去唔會韌，牛味濃郁👍🏻我特別鍾意佢下面啲配菜，有菠蘿、番薯、南瓜、菜同埋薯條，一次過滿足我想有唔同蔬菜水果同炸薯條嘅渴望🤤本身仲驚食唔飽，但係最後係超級飽😂呢個真係大推！下次想食埋新menu嘅其他嘢食🤭🍎 富士蘋果生芝士蛋糕 & 🍰 生芝士蛋糕雖然飽飽地，但係想食下甜品，本身諗住去第二度食，但原來呢度有生

「茶舍」位於新蒲崗景福街，環境乾淨企理，座位舒適，係一個適合朋友聚餐或一個人食飯嘅好地方！🐷 三文魚蟹柳芝士汁焗飯焗飯嘅芝士汁濃郁香滑，三文魚同蟹柳份量足，飯粒吸收晒芝士嘅香味，食落去好滿足！不過焗飯嘅飯底可以再濕潤少少，咁就更加完美！🐷 黑椒牛柳粒炒意粉牛柳粒嫩滑多汁，黑椒味香濃惹味，意粉炒得啱啱好，口感彈牙，整體味道唔錯！唯一係黑椒味可以再均勻啲，有啲位稍為偏淡。整體嚟講，「茶舍」食物質素唔錯，價錢合理，係新蒲崗區一個唔錯嘅選擇！茶舍📍 新蒲崗景福街91-95號地下5-7號舖#吃貨日常 #新蒲崗美食 #焗飯 #炒意粉 #hkfoodie #foodiehk #茶舍

情人節晚上，太座用心良苦，一齊食個靚仔茶記擇日再fine dine慳錢。茶舍算是新派茶記，光猛整潔，中西式一應俱全。先點了個湯意粉一試。蝦湯底味濃夠鮮，海鮮足料，青口，大蜆，蝦肉，魷魚等肉質結實，扁意粉掛湯保留嚼勁，絕對收貨。美國牛小排叫5成說到做到，表面微焦肉身暗紅無血水，肉味濃郁不韌，粗薯香脆，有誠意。跟餐鹹檸七十分甘香，非常解渴。職員好心額外附送甜品，蘋果生芝士蛋糕軟綿綿，清甜的蘋果粒配搭聰明。絕對是非一般茶記可比。

想講呢間靚靚茶餐廳選擇勁多，中西日全部有齊，就算一大班朋友黎都肯定滿足曬大家，我哋點左個濃蝦湯海鮮扁意粉，湯底十分濃郁鮮甜，海鮮足料有青口帶子海蝦同蜆肉，食完個麵都包你想清埋個碗湯，之後我哋叫左個雞扒芝士撈丁因為我實在太耐冇食過所以好掛住，濃濃既芝士cream到呢，同出前一丁係最佳拍檔，雞扒煎得香口，juicy而且雞皮香脆勁惹味，不論當輕食下午茶或晚餐都推介，我哋太肚餓所以再叫埋個鰻魚滑蛋飯埋齋，真心好高質，如圖所見大大件鰻魚絕不慳料，滑蛋啲蛋汁拌飯一流，三道茶都高質，大家去新蒲崗推薦！環境又坐得舒服！

近日同老公周圍去辦年貨，真係冇時間煑飯，又攰又餓，剛好經過景福街茶舍，一於食埋飯先返屋企。餐廳是一家高品質茶餐廳，裝修時尚，座位以卡座為主，環境乾淨燈光明亮。菠蘿鮮茄三層焗豬扒飯：即叫即焗，豬扒大塊仲係厚切，肉質鮮嫩，鮮茄醬汁份量足，粒粒分明的飯粒用蛋炒過，混合着茄汁的香甜，非常惹味。蝦汁龍蝦仔露筍長通粉：長通粉軟硬適中，沾滿蝦汁鮮味又彈牙，龍蝦仔彈牙露荀爽口。生炸珍寶雞髀：即叫即炸，店員告知因係生炸，等候時間比較耐。雞肶上枱熱辣辣，皮脆肉嫩，伴碟嘅薯條香脆可口。主食送熱飲。熱奶茶口感幼滑，帶出茶的回甘滋味。熱華田口感細緻順滑，味道甜而不膩，有濃郁奶味與麥芽。

今日26/1下晝三點鐘左右入去諗住試吓幫襯下午茶，一入去右邊見到有一張卡位我哋三個人咪諗住坐埋去囉。但係張枱應該有之前個客剛剛走咗有幾隻杯喺度，正想坐低之際有個金毛員工後生仔帶黑色口罩大約五呎10吋高同我哋用好晦氣嘅說話講（等我執埋張枱先啦）聽到已經唔舒服。咁我哋咪冇坐低囉，然後佢拎走咗啲杯我哋就坐埋去，跟住佢返轉頭攞張枱布想抹枱，跟住又同我哋用好晦氣嘅說話同我哋講（你哋可唔可以起身先呀，等我抹埋張枱先啦）跟住我就忍唔住同佢講你咪抹囉，點解要我哋起身呀？（其實當時張枱唔係好污糟）跟住佢話驚整污糟我哋，我咪話你小心啲抹咪可以囉。之後佢仲想駁嘴我就同佢講你嗱嗱聲啦！其實抹枱執杯係冇問題㗎，但係用咁嘅態度同語氣同客講就好大問題。如果你係老細睇到呢段嘢，你真係檢討吓你啲員工用咩態度對啲客？今時今日咁嘅服務態度可以咩？香港啲老細成日話冇生意。咁嘅服務態度點會有生意啊。

有晚好晏收工，同同事去咗公司附近茶餐廳食晚飯，本身諗住是但求其食飽算，點知餐牌好多選擇而且都好吸引，價值仲好親民，最後點咗兩個主菜一個小食一個甜品share食。餐牌選擇多多紐倫堡德國脆豬手配薯菜，本身仲有個白飯，由於豬手太大食唔曬嘅關係，我哋都冇要到個白飯，豬手份量好大，豬手皮都脆脆哋，豬肉都入味，薯菜就不過不失，豬手配埋酸菜食都唔覺油膩。主菜豬手追加咗個冰震蘭花苗，色澤碧綠，入口都好爽脆，點芥辣豉油個味道好清新，夏天食應該仲正。波士頓龍蝦海鮮湯扁意粉，有魷魚、蜆、青口大大隻清口龍蝦好多膏，味道好香濃，龍蝦肉好彈牙，肉質鮮甜，老實講冇諗過百零蚊可以食到咁高質嘅龍蝦，食完好食嘅龍蝦累積咗一日嘅工作疲勞都冇曬。意粉配蝦膏好正生芝士蛋糕，香濃芝士味，口感軟滑，性價比極高

今日同同事係新蒲崗見完客, 就去左附近既呢間茶記食野, 因為係外面見佢地方夠大, 裝修都唔錯🥰佢個卡位好闊, 坐得好舒服, 食物方面我地都揀左佢個HITEA百搭自選, 貪佢既選擇夠多, 可以揀兩款野食😋HITEA百搭自選:迷您鮮茄湯通+脆炸雞翼鮮茄通味道相當濃郁, 入面仲真係有番茄粒同洋蔥, 另外佢個炸雞翼都好出色, 雞翼咬落去仲有肉汁, 炸得岩岩好😍HITEA百搭自選:一口西多士+香煎豬扒一口西多士外皮香脆，入面既麵包仲係軟綿綿，加埋煉奶味道香甜。豬扒夠大塊, 唔會煎到好乾, 啖啖肉, 好正😊

位於新蒲崗的一間隱世茶舍，也是因為最近學車來的地方，平常都也很少來到這邊，學完車想吃點東西，見到不少人光顧就去試試！價錢不算很貴，而且很多款式選擇，出餐的速度也很快，難怪這麼多人光顧。這次我們點了兩款，第一款是牛肋骨滑蛋包飯，牛肋骨燉得非常入味，肉質嫩滑，最怕吃到是咬不開的，香味濃郁。搭配滑滑的蛋包飯，蛋香濃郁，米飯煮得剛剛好，每一口都很滿足。飲品方面，他們的凍奶茶值得一提。奶茶是濃郁的茶底，奶量剛剛好，甜度剛好，適合我這種不喜歡太重牛奶味的人。入口後茶香和奶香融合得很好，不會太多冰，所以不會因為冰融了就變淡。香草鮮野菌忌廉天使麵也是一個亮點。這道菜用新鮮野菌和香草，加上濃郁的忌廉醬汁，味道濃郁又不膩。天使麵條吸滿了醬汁，口感細膩，每一口都很有層次，視覺和味覺都很滿足。最後要推薦的是柚子雞中翼。雞翼炸得酥脆，但裡面的肉還是很嫩，咬下去多汁又香。柚子的清香讓整道菜更有層次感，讓人越吃越想吃。總捨來說，這間茶舍在菜式味道上都表現得很好，有時真的想不到吃什麼，這裡絕對值得一試，反正有超多款食物可選擇，質素也不錯。

收工閒逛下，行行下發現新蒲崗原來都幾多野食，仲要唔同特色既都有，有貴有平，我自己其實鍾意行香港碩果僅存既舊區多過啲毫無特別既大商場，舖頭係正新蒲崗地標Mikiki隔離，一啲都唔難搵，門口光猛，入到去座位都好寬敞，唔錯！食物方面佢竟然西式港式日式甚至鋸返個靚扒都有，款式非常之多泡椒魚皮佢叫神秘小食，好剌激胃口同食慾，如果你見到呢個，我絕對推介，辣度岩岩好而面合酸酸甜甜既配菜即刻勁想食野酥炸奶卷一定要襯熱食，奶香溶溶滑滑的在酥脆既外皮入面，滿足哂成個口腔羅宋湯本來對茶記既餐湯冇咩期望，上到枱黎，嘩！啲料勁多，每一啖菜同肉都充滿湯匙之中，好吃既男士有福了餐沙律簡簡單單的新鮮蔬菜，配以誘人邪惡的胡麻醬,OMG生炸雞脾配薯菜恰到好處既炸脾，切開係滿滿既肉，滑溜溜之餘脾入面既脂肪唔會太多，啖啖都係肉同炸粉既脆三層芝士鮮茄牛脷飯熱辣辣上枱既芝士焗飯富有拉絲效果，牛脷初時諗係薄切果種啦，點知埋到黎見到再拎起，原來係厚切，咬落去果種入口見溶既質感好惹味，成個焗飯有好多既蛋同茄，層次分明又突出，太好味了吧熱華田呢度可以揀多奶少奶，個人口味傾向多奶，會令成極野口感更突出和滑動

今日外出工作，趁這個機會外出用膳。從玻璃窗外看見食客吃著大大份的香炸豬扒包，非常吸引。於是決定入《茶舍》吃午餐，看看手錶原來已是下午兩時，有下午茶供應，下午茶款式多樣，猶豫不決之際，望望鄰座的客人在吃什麼，是特價常餐  - 自家製雪菜肉絲湯米粉配炒蛋火腿丹麥酥包。好吧！我也點這個餐。果然沒有選錯，份量和味道很好。👍😊雪菜肉絲湯米粉：奇怪！為什麼雪菜色澤又淺，味道又清淡🤔。以為食店不是用雪菜，一直以來都是吃著色澤較深，味道偏鹹的雪菜。後來才知道雪菜是食店自家製的，感覺健康。湯底比一般茶餐廳較濃郁，米粉份量也很充足。炒蛋火腿丹麥酥包：潤滑炒蛋保留蛋香和蛋汁，味道一流。最驚喜是丹麥酥包，烘後的丹麥酥包，不但散發牛油香氣，而且口感酥脆，配上炒蛋和火腿一同吃，非常好味。😋

今晚我們沒有煮飯，決定去新蒲崗的茶舍享用晚餐。這家茶舍的環境相當舒適，讓人感到放鬆。點餐時，我選擇了「咖哩吉列豬扒滑蛋包飯」，搭配一杯凍奶茶，吃起來豐富而美味。老婆則點了「蒲燒鰻魚珍珠飯」，還有龍蝦湯和沙律，並加了子雞件，選擇了一杯凍檸茶作為飲品。我們的餐點味道都非常出色，特別是那塊豬扒，外脆內滑，咖哩醬汁也很香濃。而那個煉乳草莓芝士蛋糕更是令人驚喜，口感細膩，甜而不膩。最後，結帳時發現總共才200元，性價比超高。今晚的晚餐不僅美味，還讓我們享受了愉快的用餐時光，真是一個完美的夜晚。