茶皇殿

營業中

休息中

第一次去這品牌/酒樓飲茶，自助攞飛及等咗10分鐘就有位，叫咗個午餐套餐加小小點心，蝦餃不錯，胡椒豬肚湯就唔夠熱，小炒王炒得唔錯，腸粉就凍咗D，炒飯中規中矩，鮮蝦腐皮卷好脆，其他D點心都夠熱，食物整體來說ok。人手唔夠，加水自己做。個指引洗手間poster貼得唔係咁起眼才問門口收銀姐姐洗手間係邊度，粗聲粗氣的回覆，好唔耐煩。埋單時睇倒有遊戲代幣送，又係粗聲粗氣的回覆過隔離對面問。今時今日咁嘅服務，真係嚇親。

優惠不清晰，員工說話不算話，說好的優惠結帳時，突然說沒有就沒有！說話態度極為惡劣！漏單，等了一個多小時也沒有任何合理的解釋！經理好像完全不怕人投訴，謝絕溝通！原來這間公司已負評如潮…經過這次後下次一定會睇過OpenRice評分，先好選擇餐廳😵解決方法有好多，冇諗到經理完全拒絕溝通，我們也不是不講道理的人，只要清晰，簡單解釋我們都會接受，但這個態度實在令人難以接受！真係非常之失望，不可一，不可再👎🏽👎🏽

母親節帶媽食飯，12人套餐，過程一言難盡，講佐6點半上餐，6點53先打單，話收銀唔記得，等佐半個鍾，先食到第一道菜，食到最後，有個壽包，又唔記得，又等佐半個鍾，呢餐飯，食到一肚氣

今日一家大小飲茶，用餐體驗極差，真係嬲到要打食評。漏單情況嚴重，服務態度更係十分惡劣，特別係一位高大嘅男侍應，我們加單4款點心後，超過30分鐘都無送嚟，想查詢一下進度，我哋問咗一句後，呢位侍應反應好大，好串咁講：「咩未嚟啊，邊樣！邊樣啊！你要講我先追到架，張單又唔係我落嘅，我地即叫即整架，你地10分鐘前先落喎，邊有咁快！」我地30分鐘前已經交咗單，佢哋遲咗入單，仲將責任推比客人。之後我地再問我哋第一轉order嘅啫喱都冇嚟到，呢位男侍應大大聲講：「啫喱凍架嘛，你要嘅我咪即刻拎出嚟，你係咪要啊？」加單4款點心，最後嚟咗2款，腸粉order咗2次，2次都冇落到單，叫水仙變咗鐵觀音，加水又要叫幾次先有。全程0服務可言，咁樣嘅服務態度真係冇下次！

28/3/202411:00左右入到餐廳，即刻有位，坐低後冇任何人詢問飲乜嘢茶同冇人比水我地，不停舉手叫侍應，等左十分鐘，終於有人來左。我地點完野，比一張order紙，都要用幾分鐘時間先有人理，唔緊要，多人來飲茶大家明白。呢間餐廳離譜到，點8個點心，一個漏左入機，一個漏左冇來，之後第一輪啲野到齊（其實仲漏左個未送來），之後加單，個侍應攞走張加單紙後，等左45分鐘食物冇來，舉手叫人來問可唔可以取消張單，男待應態度差到垃圾咁。話我地只等左20分鐘左右，食物係即叫即整，需要等。個問題，我地已經等超級45分鐘先出聲話取消張加單紙，事實上佢地收到紙後完全冇幫我地入機，係突然見到張紙定唔知點，過左半個鐘先來入，之後仲話見到張單顯示二十分鐘前先落單，真心比佢吹脹。仲有呢間餐廳全部人都唔係做野，個個態度差到死，明明佢地做錯野，冇入單，過左半個鐘先入單就賴返我哋轉頭，我唔明白點解有呢啲咁垃圾既餐廳存在，簡直俾錢買難受！！！明明我地一開始好心好氣同佢地，如果真係漏左就取消張單，我地唔等。佢仲要發返我地脾氣。樓面既人，收銀員個個都黑口黑面，好似大家得罪左佢地咁。我真係未試過遇到一間咁差既餐廳，真心想講粗口。

【127】用家自費分享！Walk in 㩒飛，等咗10分鐘，滿座。8️⃣0️⃣CP值，2014/1/8/一/14:12，平日下午茶時段，二人埋單連加一$188，平均每人$94。店在商場頂樓，都算易搵，裝修光猛闊落，坐得舒服，感覺乾淨，招呼普通，落單算快，上菜算快，味道合格，下午茶點心價錢同唐記差唔多，但有得坐慢慢食，整體算抵食，會再去試下其他嘢。0️⃣0️⃣茗茶2位$16。7️⃣0️⃣鮮蝦炸雲吞$20.80，夠脆，蝦都大隻。7️⃣0️⃣叉燒瀨粉$23.80，分量大，叉燒唔錯。下午茶孖寶36.80x3共$110.407️⃣0️⃣鮮竹牛肉球3粒，正常。6️⃣0️⃣香煎蘿蔔糕3件，偏硬，多粉。8️⃣0️⃣煎釀茄子3件，好味。8️⃣0️⃣蟹子燒賣皇3粒，抵食，好味。7️⃣0️⃣鰹魚碎虎皮尖椒，唔錯。7️⃣0️⃣香茜牛肉腸粉，唔錯。

茶皇殿餐廳位於油塘地鐵站大本營商場3樓,餐廳裝修新淨,設有u型卡座梳化和多個貴賓房,設有巨型大電視,餐廳提供早茶,午市,下午茶和晚飯,每個時段都有不同优惠。豉汁蒸鳳爪($12.8 下午茶)豉汁蒸鳳爪好入味夠淋滑。潮州蒸粉果($16.8 下午茶)潮州粉果辣辣地嘅惹未。叉燒瀨粉($18.8 下午茶)叉燒色澤好靚,入口夠香淋,瀨粉軟硬適中。鳳梨蝦春捲(&20.8 下午茶)鳳梨蝦春卷酸酸甜甜幾好味。叉燒腸粉($22.8 下午茶)叉燒夠多粉皮不厚又滑。

去過三次,次次都有蝦碌鏡頭,好似剝花生咁睇戲,但今次真係忍唔住要寫食評~酒樓最敗筆就係啲樓面嗰個企喺度唔知做乜,一係就走埋你張枱騷擾你傾計,無啦啦食緊嘢走埋度搞你佢哋唔知搵乜嘢好做。見到隔離枱好多投訴,上次見隔離枱叫咗每人一位上的鮑魚餐,嚟到炒埋一碟上枱,唔怪得隔離4人呱呱嘈要攞返入廚房分碟。其實食物初時沒大問題,只係食一次差一次。所謂一蚊嘅燒鵝越食越差又韌又柴。諗住平平地一蚊优惠。搵個位坐下是但食算啦,每次見啲侍應行好古靈精怪行同衣著騎呢見到都幾反胃。環境新個場靚都冇用,應該唔會再去。尋晚9点未夠,食食下個侍應冇問我,非常自然地隊張單呢要我埋單。我枱面仲有食物嗰場仲有十幾台客我都好愕然。呢度啲侍應好唔掂,個個好似炒散咁,完全冇紀律同質素。食食下嘢無啦啦又走埋你張枱搞下啲餐牌餐具,旭下啲枱面又唔知做乜,直情騷擾客人。我好介意食緊嘢時冇需要幫助D侍應槓埋嚟,冇距離唔衛生,啲管理層點解唔搞好啲,請埋啲咁樣嘅質素楼面趕客。裝修咁靚又有鬼用,嘥曬啲錢咁樣落去真係好快玩完。楼面呢頭扮有服務呢頭追你埋單趕客,侍應戇居居只顧趕吃宵夜收工,趕客走好矛盾。見到呢班人工作啼笑皆非衣衫襤褸更反胃,食都食得唔

冬瓜盅送來是湯已經冇咗一半向傳菜反影她沒有理彩，剛有個疑似部長經過，他說攞返入廚房加水，後來再送出一模一樣的也是之前個沒有換𠆤新的，由侍應分湯後一啖入口淡而無味已知發現只加了半盅水，叫客人怎接受喱？真是不知所謂，沒有良心的酒樓，其他菜也不掂，以後不會再來🤬此店由開張到現在都是劣評，請用心做好吧🤷‍♂️

我都極少出食評，今次真係忍唔住要講一講。其他分店唔知，油塘分店完全唔掂。服務又冇，飲茶好似自助咁，乜都要自己嚟，想搵個侍應係極難。食物又唔見得好食，鹹肉粽入面一粒肉都冇。另外我第一次見燒賣外面塊皮係溶嘅，仲衰過一般屋邨茶樓。話就話飲茶送代幣玩夢幻樂園，但係消費$300先送4個代幣，而玩個夢幻迷宮其實係要288個代幣/2小時。送4個真係好慷慨！總結係完全唔掂，如果要講優點，只係因為隔離就有個樂園比小朋友玩。

今日帶屋企人去飲茶，落單後等咗30分鐘啲點心都未送到，我同個侍應講叫佢幫我睇睇，我等咗好耐，佢話ok，ok完之後一直都冇反應，直到10分鐘後我搵另一個侍應，先發覺原來係冇幫我落過單，我發哂脾氣。個侍應即刻幫我落單，同應該有同廚房催單，因為落單後啲點心都嚟得幾快下，但可能係咁嘅原因，啲點心唔係好夠熱。食物質素唔差，不過啲服務質素就有待改善。

食過兩次，d 樓面好似炒散咁樣，咩都唔知。抱住「呢單嘢唔係我跟開」嘅態度，要乜冇乜，除咗套餐個白飯。職員又懶醒話會幫我跟個小菜再話俾我聽，結果無返過嚟。單都冇落過。親子餐廳方面，隔籬嗰個遊樂區唔係連住。同你喺商場去咗冒險樂園間舖嘅感覺一樣.....嘢食味道都正常，但無服務。

油塘大本型新開咗間親子酒樓，將酒樓+兒童樂園二合一，喺酒樓門口等位悶悶哋，可以陪小朋友去旁邊玩下遊戲先。是夜先來品嚐下酒樓大廚嘅功夫先！黑椒炒牛仔骨通常去酒樓食飯，我鍾意點煲仔小菜，一來夠鑊氣，二來大多數煲仔菜都一定經大廚炒兩炒再上碟，所以熱度十足。而呢款黑椒炒牛仔骨味道濃郁而不太油膩，牛仔骨肉味濃，分量亦多，最鍾意係夠！鑊！氣！鹹魚雞粒豆腐煲嫩滑的豆腐加上雞肉，調味不俗，惟鹹魚味略淡，但依然係送飯必選，推介！清遠走地雞將雞煮熟後，再沾旁邊的蔥油同食。以為係主角的走地雞，味道卻平平，雞肉不太有雞味，肉質不過不失，而蔥油不夠香濃，食落雖然無乜問題，但亦不見得很出色。蒜蓉炒白菜仔

本身真係好少去街坊酒樓度食野，感覺其實唔喺太多野食，而且有好重味精。最近油塘因為foodcourt做唔住關閉左，呢間新酒樓又岩岩開，就過左黎試下。佢哋做緊一蚊一隻鵝或雞，我一坐低，侍應就好殷勤咁問我不如先落左隻雞先，因為淨番最後一隻，我咪即刻order 囉。之後睇番周圍啲人都係食鵝，就知道鵝已經沽清。不過以落par一蚊起計，我就大條道理再慢慢睇有咩其他野食。諗左一陣就慢慢地向侍應order冬瓜盅同埋唔知邊一樣野。點知都係沽清。咁我就叫左小炒王，本來諗住叫三樣最後變左兩樣。個雞同小炒王其實都幾好味，小炒王更加係好足料，雖然喺用急凍海鮮，但係個醬炒得唔錯，又冇雪味，又有口感。隻雞都係中上之選。但係其實埋單都係200蚊內，先唔好講好唔好食，如果每張單都係因為餸菜不足，再加上已經有隻雞填飽左個肚，再再加上之後冇乜返枱，其實都幾難做，希望佢地加油，再定好啲個市場策略同入貨管理。都希望我再有第二次幫襯時已經有改進

我未試過去過一間餐廳係成單都冇落到，人生入面最差嘅堂食經歷。因為實在令人難以接受所以特等開左一個openrice account 在此留下評。我地平日8點入左，叫左三個菜，其中一道菜因為係特價燒鵝所以供應有限。等半粒鐘都未有野到，於是就叫左侍應過黎，先發現其實冇落單。當侍應想幫我地落單嘅時候，我地想點嘅菜都已經售罄。最令人難以接受嘅係經理嘅態度。完全沒有道歉嘅打算，仲要笑笑口話幫我地再落單就冇問題，完全唔覺得自己做錯野。在此希望告誡所以人，光顧此店前請三思。