茶痴 (Eastmark)

營業中

休息中

網上見到有人話「茶痴」係全港最好飲嘅芝士奶蓋🧀🤩 身為foodie梗係立即bookmark定，睇下幾時有機會試一試佢啦😌 不過佢得上環同埋九龍灣2間店，兩個地方都係我比較少去嘅，拖到最近終於去開九龍灣嗰頭，即刻試咗，果然無令我失望😍💛九龍灣呢間分店嘅裝修係半開放式，旁邊有個打卡位擺咗1張高枱同4張高凳，仲用啲乾花做裝飾，可以打卡之餘，亦都可以坐低飲埋先走😚•🥢 綿芝日本白桃 $48芝士奶蓋好綿密，而且係偏厚身，所以唔會好快溶，飲落好香芝士味，但又唔會好鹹好膩，成件事好balance!白桃四季春沙冰好綿滑，凍得嚟又唔會好有冰粒感🧊桃味超濃郁，而且香甜，仲飲到好多桃肉🍑😋 加埋四季春茶底，好清香🤤•🥢 綿芝金鳳烏龍 $32 (少甜少冰)另一杯想飲奶蓋加醇茶，但唔知揀咩好，因為烏龍茶都有幾種，於是問下店員唔同烏龍茶嘅分別，金鳳烏龍係黑烏龍，有啲炭焙味，而金萱烏龍就會回有甘味，最後揀咗金鳳烏龍，飲落真係有啲炭焙味同啲啲苦味，即使同奶蓋一齊飲茶味仲幾突出，奶蓋好厚，唔會好快溶晒落啲茶到，因為朋友唔鍾意太甜，所以佢都幾鍾意呢個配搭😌 如果想飲奶蓋又唔想咁膩，配金鳳烏龍都幾好～😋

粒粒水果茶夏日熱辣辣，成日都口痕想飲番杯fresh嘅飲品。呢杯粒粒水果茶就係一個唔錯嘅選擇啦。可能係我個人口味嘅關係，少甜仲覺得好甜，可能下次試下再少甜d🤣我鍾意水果荼其中一個原因係有有啖啖果肉食😍有西瓜、士多啤梨、蘋果、橙，d水果吸收左茶味，感覺倍感juicy舖頭仲有個打卡位，最適合文青係到打個卡📷不過係lunch hour就有好多打工仔會過嚟買買飲，所以記得避開繁忙時間啦！

忙碌嘅工作偶然需要輕鬆一下，一杯台式飲品足夠抒緩壓力，或者在夏日增添一份涼快。位於九龍灣工商區Eastmark，黃店林立嘅茶痴，為客人提供一個文青風格嘅打卡位，外賣返Office亦可以鬆弛緊張情緒。 🔔如果外賣，不如喺店鋪影張相，因為店傍嘅裝飾好靚 粒粒紅柚($38)有兩塊紅柚喺杯邊，影相好吸睛飲品係碎冰好夠凍，飲到最後仲有白色嘅冰未溶哂因為係紅柚，所以味道清爽唔會過甜但略嫌唔太似真正水果味，似syrup 嘅味道 好味指數 🌕🌕🌕🌗🌑抵食指數 🌕🌕🌕🌑🌑打卡指數 🌕🌕🌕🌕🌑推介指數 🌕🌕🌕🌑🌑

⋆⁺₊⋆𝘾𝙃𝙄𝘾𝙃𝘼 茶痴.棉芝日本白桃/ $48 / 🥨🥨🥨.茶底係四季春茶，配搭上白桃的鮮甜✨好清新好夏天的感覺🤍奶蓋屬於鹹奶蓋，芝士味好香濃🧀奶蓋份量會比一般茶飲店多少少(•̀ᴗ•́)و口感十分綿密🥺飲落去仲有啖啖白桃果肉🍑果肉份量算多！每一口飲到4/5粒，但較為細粒～個人認為可以大粒小小口感更佳🥰飲落去茶味唔太重，但鐘意白桃嘅人應該覺得好飲～以700cc嘅價格黎講其實比普遍茶飲偏貴😿不過應該係因為用新鮮蜜桃所以先至定價偏高～［滿分5個🥨］...⌫ 茶痴 (九龍灣)九龍灣常悅道21號The Eastmark1樓3號舖.#九龍灣咔嚓@by.kacha

武漢肺炎千其唔好出嚟搞事，等我食多幾餐安樂茶飯呀~ please~~ 隔咗成個月冇飲茶痴，大家都好掛住佢 我要飲芝士茶！！！！我地order咗綿芝白桃烏龍，綿芝日本白桃，綿芝芒果~ 好懷念嘅味道呀~ 我係飲綿芝芒果嘅， 佢芝士真係冇得輸， 好味到爆！！！！ 我每次都會飲到咁上下，開蓋"了"埋d飲唔到嘅cheese嚟食， 嗰種感覺真係好滿足~ 足料芒果肉， 真係好好飲， 佢唔係平， 但係飲過就知佢其實一定唔係cheap嘢~ 所以我地久唔久都會order嚟飲

剛好經過附近，見到呢間環境不錯且幾吸引的店舖，於是買一杯試試。呢間店舖雖然細，但裝修幾靚同埋選擇有好多。平時飲開葡萄柚茶的我，當然第一次要試試佢既粒粒紅柚。粒粒紅柚（少甜少冰）（$36）果然真係粒粒果肉，底層舖左少少果肉，在杯邊亦擺上碼塊的紅柚。平時飲開的紅柚除左有酸甜味，仲有少少苦澀的味道。但呢間「無」。值得一贊。欣賞👍🏻👍🏻飲落去非常解暑，而且唔會太甜，味道適中。下次有機會經過要再試試其他款式，尤其是奶蓋系列，感覺佢地出名奶蓋系列。

每逢到夏天，出親街都係想飲啲又凍又甜嘅嘢飲。茶痴系夏日出左個季節限定 綿芝日本白桃，雖然48蚊吾算平，但系絕對值得去飲。我叫左少冰正常糖，佢嘅四季春茶個茶底都幾濃，所以即使正常糖都吾算好甜，ok。佢嘅芝士奶蓋屬於偏咸奶味較重的，一啖奶蓋，一啖有白桃肉嘅茶，系呢個大熱天時，真系一個字 爽～ 吾知個期間限定做到幾時，要試就真系要早啲去啦。

個人對芝士奶蓋不是特別喜好，怕太濃很膩超難消化。但我能喝痴茶的奶蓋！記得上年冬天新分店在九龍灣開業，冬天嘛天氣很冷，叫咗熱的綿芝紅玉 Fluffy Black Tea ($28)。其實是求其叫的，貪佢係紅茶底可以提神。點知！一試難忘沒誇張，因為以後我就例牌只喝這個！奶蓋是凍既，紅茶是熱的，又是我最喜愛的冰火交融感(像Dirty那種)，紅茶夠濃，喝到半杯以下芝士奶蓋會慢慢溶於茶底，taste like 台式奶茶。都喝了半年，沒有肚子痛（腸胃不好😂）☺️💛

武漢肺炎爆咗以嚟，一路都冇得去旅行，又冇得去大陸出差，冇得飲喜茶，個同事無啦啦提起想飲喜茶，但係而家冇得飲， 我即刻同佢講， 有喜茶都唔好飲啦， 係飲就飲茶痴我即刻order咗佢嘅最愛，綿芝芒果， 其他同事發現有其他奶蓋， 我就一定唔會轉軚，我對佢嘅芝士奶蓋好專一嘅， 佢地有d人怕肥， 見到有yogurt奶蓋就轉咗想試， 佢地話飲咗冇咁guilty喎我地叫咗6 杯， 有綿芝芒果，綿芝日本白桃，綿芝紅火龍~ 佢冇晒南山荔枝， 冇得飲， 不過轉白桃都唔錯吖~ 一如以往， 大家都飲得好開心~ 想飲喜茶嘅同事，以後都會記得飲茶痴喇

武漢肺炎搞到個人冇mood, 好彩呢排武漢肺炎case少d, 可以開心d咁食食食~ 我地又order茶飲， 點少得on賣飛佛list嘅茶痴呢~ 我地今次order咗綿芝芒果， 綿芝南山荔枝，黑糖珍珠鮮奶同綿芝台灣紅心芭樂~ 一飲就知係正啦~ 全部人都好滿意大家都好欣賞佢嘅cheese奶蓋， 咁佢嘅cheese奶蓋又真係number one既， 我暫時未飲到一間出色過佢嘅， 我每次都開蓋用飲筒食晒佢d cheese, 食到超乾淨。 我今次飲嘅係綿芝台灣紅心芭樂， 佢真係真材實料，食得到紅心芭樂嘅果籽， 真係好fresh, 再加埋我最愛嘅綿芝奶蓋， 真係冇得頂

一直都見好多人幫襯 心思思去幫襯見好多人幫襯 預左需時等候不過試過後就覺得值得店員態度有禮 因為係繁忙階段我又忍不住問了幾次要等多久 店員都會用心答覆 佢既奶蓋係我試過係最出色 飲過好多店鋪既奶蓋有好多都唔錯不過都覺得好漏呢隻係我飲完又唔覺得好飽肚味道剛剛好 而且茶味好出，配埋奶蓋完全係perfect match無左喜茶都唔緊要 有我地自己本土香港人出既奶蓋飲品都一樣出色😇請完同事飲都覺得好有質素經過每逢Happy Friday都會想幫襯😊

今日天氣又焗又熱，經過見到水果茶諗住試吓🥵🥵順便降下暑(未到6月熱到爆炸)點知一試先發覺原來咁好飲，仲要咁足料，有勁多生果可以慢慢咬。仲係新鮮日本生果無得去日本唯有食下日本生果頂住先，解下日本引，哈哈！考慮咗一陣都係加埋綿芝係面試吓，睇吓有咩特別，係咪講到咁好飲(我又驚食綿芝會增肥🤣)抱住試下心態，飲落先發現原來又滑又香，絕對係好過出邊某某啲連鎖分店平時成日經過都無為意😅😅下次我會再黎幫襯。

本身非常期待，因為見到食評都讚好，唔知係我唔好彩定點，呢間野又係伏到喊😓因為外賣關係我冇即時飲一啖、如果有，我唸我回即刻要求退錢！👎👎👎珍珠奶茶居然沒有珍珠,到咗飲ge時候，味道很其怪, 只有苦澀味，的確好重茶味（好似平時用茶包沖完杯茶放咗好耐先飲咁樣）我淨係知好難飲！杯嘢真係飲唔落呀！咁ge價錢，咁ge 質素，完全唔ok！(初時以為只是我那杯, 但原來全部人都是這樣說) 綿芝仲衰得泡沫！ 而且味道實在難以形容。物不所值 性價比極低！唔值呢個價！整體來說唔會再幫襯！中伏！！！仲要係大伏，請大家三思。

間鋪頭離地鐵站都唔算近抱住試新野嘅態度來收銀隔離有一個可以坐嘅地方打下卡（可以用Payme付款)今次試綿芝紅玉加珍珠💁🏻‍♀️紅茶味夠出奶蓋好濃厚而且好夠甜好似食緊cheesecake再加上珍珠飲完成杯真係好似食咗個甜品咁😛

☕️ 食品：👍🏻👍🏻👍🏻👍🏻 🤵🏻 服務：👍🏻👍🏻👍🏻👍🏻🛋 環境：👍🏻👍🏻👍🏻👍🏻P.S. 上環亦有分店我自己每隔一段時間都會買杯芝士奶蓋衝擊吓，而喜歡佢嘅原因係因為可以配襯不同茶底，或者加入不同款式水果，配搭各式各樣不同層次、質感、味道嘅芝士奶蓋，每一次飲都會有驚喜 🤩講到呢間比較少人認識嘅茶痴，無論係茶底、水果底、抑或最令人著迷嘅芝士奶蓋，同樣做得恰如其分，正正令人「痴迷」😍💋 綿芝青森蘋果 ($45) 圖右用「綿芝」呢個詞語嚟形容佢嘅芝士奶蓋，真係好適合！👍🏻 芝士奶蓋好香濃亦好creamy，一口呷下嘅厚度、甜度適中；最驚為天人係呢個季節限定青森蘋果果蓉，口感非常豐富，未飲完一杯已經諗緊下一次幾時再嚟幫襯～ 😆💋 白桃烏龍 ($25) 圖左呢杯烏龍茶嘅茶底係淡淡嘅茶味，吾會太苦澀，不過白桃味唔算非常突出，反而襯托出芝士奶蓋嘅綿密香濃 🥰