茶泰 (啟田商場)

營業中

休息中

之前都食過一次，食物味道都okay既，只係侍應態度差少少；所以今日同屋企人一行4人再試多次，食午餐，結果叫肉碎生菜包...無；炸蝦餅...無；泰式鳳爪...無；叫咖喱想加粉蒜蓉包或手爪餅...無；想叫串燒食...都係無😑，叫10樣野，有7樣都無；等左一段時間先有位，入到店落單唔係樣樣都無，就係落錯單，叫2杯凍檸茶，只幫你落一杯，同侍應更改，最後都只係送一杯黎😡；加上侍應既態度，真係成餐飯都食得唔開心😤作為一間泰國餐廳，基本既泰國食品都無備齊；登記等位時又唔講明/或收起相關餐牌，服務態度差，慢，又甩漏，就算食物再好食，都留唔住d客😒

因為限聚令，今晚約咗三個朋友再嚟呢度試吓佢哋嘅晚餐，原來菜式比午餐多，全部菜色由朋友點：👇1. 泰蠔煎蛋$68，其實係泰國蠔仔餅，最奇怪係完全沒有番薯粉、木薯粉、分分鐘可能生粉都沒有，唔知佢點整可以做到個蛋漿好蓬鬆fluffy，除咗蠔仔之外餡料還有芫荽和金不換，跟上一次我嚟食午餐的時候的那個做法完全不一樣，呢個做法超好食，我諗冇人咁樣整！有創意！2. 泰式烤豬頸肉$36，味道好，不過因為切薄左才燒，所以食落去乾咗啲，同埋黐住個焗盤仔，要大力剷起。3. 金不換牛肉炒金邊粉pad thai$$59，非常之好食，而且並不太油。4. 飛天通菜$52，有啲辣味，並不油膩炒得很好吃！顏色青綠！啲朋友好鍾意食！5. 泰式明爐烏頭$108，啲朋友特別鍾意佢冇泥味，個湯汁好正，除咗有肉碎之外，有酸梅、泰式鹹酸菜、還有一些泰國香料，味道誘人。條魚係燒過先攞嚟的，但係入邊還有少少生，所以要浸煮一下。6. 船河$56，乜餸都有啲，塊炸豬扒好食過上次嘅，因為今次夠稔了，豬扒係切成條撞才擺上去，我諗有半塊豬扒，還有扎肉和泰國牛丸，餸同埋河粉都好多。由於啲湯係深啡色嘅，我哋唔知有乜嘢材料餚，所以即使好好飲都唔敢全部

昨天下午我去到藍田茶泰食下午飯大約1:45 左右， 我們在1:48 落單點選了一個咖喱金邊粉，冬陰功蝦湯河，美祿沙冰，鹹檸七。食物好快已經上枱但飲品過了15分鐘飲品仍未送出期間問咗三個同事會幫我跟進，最後大約20分鐘，才送出一杯鹹檸七，之後我問了一位穿着綠色制服的同事亦說會幫我跟進，最後25分鐘後我再問他一次他只對我說飲品仍然未製作叫我轉其他飲品，我不明白為什麼25分鐘內不能先製作我的飲品而且期間我看見不斷製作其他飲品，但係一共四位同事話說幫我跟進，但是我看不見他們有盡力安排我的飲品。我明白他們十分之忙碌但是穿着綠色制服的同事態度比我的感覺沒有聆聽我的問題便隨便行開只是叫我選擇其他飲品，態度極之不好及輕佻。

難得平日放假出去食早餐，見到茶泰門口餐牌食物照片好吸引就入去試下。叫了豬排salad餐+奶茶和雜菌炒蛋配細雪菜肉絲米線+咖啡。兩個餐上枱時熱騰騰，正!豬排好juicy好入味配埋個薯茸炒蛋及salad菜，大滿足!是我這段時間食過最滋味的早餐而且價錢只是30幾蚊，ok喎

自從德田個間鴻運啲廚師返左泰國，藍田就無乜好泰國野食啦😭而呢間茶泰喺啟田商場開左無耐，惟有就食住先過下癮啦！呢間嘢喺Taste of Aisa旗下嘅餐廳，姐係同百分百餐廳、桃園製作、意八餐廳等同一個集團，想講藍田已經有5、6間！叫左呢個茶泰船粉👆🏻，味道係幾好，香港人整嘅船粉黎講係唔錯架啦！份量好大😆配料都好多！！有生牛肉、炸豬皮、扎肉、牛肉丸、豬肉丸等等，而我就配左金邊粉，幾有咬口🥳👇🏻生菜包係泰國菜必食😆雖然話係集團式嘅餐廳通常無好野😹不過呢個生菜包又幾有驚喜，夠香夠多又有少少辣辣地😆呢個可以encore🥰唯一覺得麻麻地嘅係，佢嘅熱飲－>熱檸水，因為無檸檬！！雖然都有少少酸酸地，但完全唔似飲緊檸水，而且啲顏色就有啲似洗碗水😅希望佢以後落返檸檬啦🍋🍋🍋

佢d咖喱幾好食，但係懷疑個廚師係咪未煮過菜！試過佢個馬拉盞牛肉粉芥蘭，d菜炒到勁乾又腥！！！個牛肉又老又鞋好似食緊塊爛布！！上面仲要有d黑黑地唔知係炒燶定冇洗到隻鑊 真係嬲到上黎寫食評😡個菜完全唔值個價

今天星期六的下午男友需要上班，所以早上的時候我便約他到家中附近的啟田商場吃早餐了，商場內總共有幾間餐廳我們都想嚐試一下，而今次我們便先試試這間泰式餐廳~「茶泰」雖然這是一間泰國餐廳，但是對比起它們的「在地化」泰式早餐，我們更鍾情於西式的早餐，所以我和男友分別點了它們其中兩款「重量級」的早餐~ 「香茅雞扒拼餐肉和」和「吉列魚柳拼扎肉」No.1【香茅雞扒拼餐肉】$37既然稱為「重量級」早餐，食物的款式種類當然非常多，除了雞扒和餐肉外，還包括了炒蛋、蒜香法包、沙津菜以及薯蓉，份量足以媲美一份午餐雖然雞扒的份量並不算太大，但是肉質卻非常柔軟嫩滑和緊緻彈牙，小口品嚐的時候，鮮甜無比的雞汁立即傾巢而出，香甜可口，肉汁四溢，口感豐富而飽滿，大家都吃得津津有味， 箸如雨下美中不足的是，雞扒的外皮略為有點厚，導致真正的雞肉少之又少，如果下次餐廳的雞扒可以大塊一點便更好了另外由於炒蛋的熟度控制得剛剛好，所以質感非常香滑柔順，入口即化，我們每一口都充滿著淡淡的雞蛋氣息，香飄十里，蛋香四溢，美味得讓人陶醉其中，一試傾心不過蒜香法包、餐肉以及薯蓉的味道便稍遜一籌了，雖然我們是堂食，但是法包卻一早已經是冷冰冰的，

2:30喺門口等左3個字，2:45入得去話而家係午餐未有下午茶，我未齊人又冇諗過呢間野原來有分仲要比一般遲，就問佢咁下午茶餐幾時同有啲咩食，員工唔應機，要我一係入，一係唔入就俾下一位。咁我諗住入去坐住等睇下野食就入左先。坐左3個字左右，餐牌野食基本睇完等埋朋友黎就叫，呢個時候呢個員工又埋黎話我係咪叫左野食仲想攞走我手上既餐牌，我心諗揸住都想攞？我揸實餐牌話我未叫野食的，想等埋朋友黎先叫，佢竟然話佢地要轉下午茶如果而家唔叫野食唔該出去再排過隊，我真心即刻想xx佢，我話咁即係點，佢話一係我而家叫左自己嗰份先，因為我朋友唔見左個電話，我又唔想企喺出面等，咁我就唯叫左自己嗰份先⋯野食黎到，cha thai船河個湯底咁甜既？又冇泰式野感覺泰式豆腐其實就係八爪魚仔既醬加豆腐⋯炸豬皮硬既，咬到牙都痛熱檸水冇檸檬又有怪味到埋單，行到出去，櫃面個員工喺度顧住㩒個pad冇理過有冇人要埋單，要我話埋單先叫另一個人黎幫我埋單呢間乜_野餐廳黎？

因為食物選擇種類多，坐位空間舒服，已多次光顧。今早早餐光顧下幫助經濟。疫情照舊測體溫正常後入座。服務員正在清潔估計剛離座嘅用餐枱。1）我坐低見檯面仲有一灘水未抹，我示意服務員幫忙抹下，服務員將menu悔氣地棄在我食具上。2）我坐在靠牆邊櫈座位滿佈食物渣滓，再通知服務員清潔時，不友善的眼神四目交投，一声對唔住都無，敷衍抹一抹就離開，我還要自己清潔一番。係現時這個疫情下， 食肆衛生非常重要 。食客＋食肆要加倍留意。

呢間食店啲服務員有時要叫幾次先做野我認為可以接受，將貨就價我好明白，可能他們時薪好低。但今早一位女待應的態度真係令我好無耐又嬲。話說我叫咗杯凍檸茶，比我見到上錯咗比另一枱客(兩位中年男女沒有帶口罩系度頃緊計)，啲口水一定噴到我杯飲品啦……咁非常時期丫嘛，我咪當臉請個女待應換一杯囉……點知比她寸話放咗“一下”，隨即發脾氣將我杯0茶好大力咁掉落回收的地方。其實我明白係浪費咗杯飲品，不過宜家係非常時期……唔係無得選擇我都唔會出街食……香港人大壓力我知，但希望貴公司的員工唔好再向顧客發脾氣。而今次，我認為自己係有權系呢個時勢請她換杯新的比我……如果貴公司的管理層見到我呢篇食評，希望你們多瞭解一下員工的工作態度，謝謝!

前幾日經過茶泰就同自己講星期三晚要來試佢個泰式明爐烏頭魚，好景不常突然宣佈晚市禁堂食，唯有先試佢個下午茶輕食。茶泰下午茶餐都幾多選擇價錢約40蚊以下。叫了兩個餐~豬排湯河+咖啡及泰式豬頸肉炒河+0茶。豬排湯河用上沙爹湯底配上炸豬皮，賣相唔錯，就是覺湯底味道較淡。反而豬頸肉炒河粉就幾濃味，有點像乾炒牛河配上肥嘟嘟的芽菜好爽口。上菜時服務員只給我一隻湯匙，是泰國人習慣用湯匙食炒河嗎？最後忍不住還是要求服務員給我隻义呢！餐茶有驚喜，咖啡好滑，熱0茶見不到一塊塊的lemon片，反覺沒有討厭的苦澀味多了淡淡lemon香味

等到位入去 他冇講清楚坐邊個位 我們不明白 便隨便坐了一個位 然後服務員來到帶我們去要坐的位置 此人態度惡劣地說假期不能選位 我的朋友十分生氣，反駁後他竟然還嘴，即使顧客不是上帝，也應該友善地對待，此人態度實在令人髮指

藍田都有高質泰國餐廳🤩​炒金邊粉佢話辣但一啲都唔辣​不過炒得好好味​船河超多料 好抵食 湯底味道適中唔太濃烈​豬頸肉半肥瘦烤得剛剛好 好香口 ​美祿沙冰甜左小小 不過都唔錯 美祿味濃​​

今日帶咗兩位烹飪班老師和一位烹飪班同學一齊去左呢度食午餐慶祝其中一位老師修讀意大利菜文憑畢業，而畢業那位老師就正住在附近。大家一致認為以下的食物及飲品值得推介：1. 泰式船河$56 - 個湯底好得，唔會太濃烈，亦唔會太肥膩，啱香港人胃口。配料迷你的牛丸和扎肉味道也很好，還有幾片泰國炸豬皮及一塊開四件的豬扒。2. 冬陰功湯米線$51- 個湯底好得，同結業左嘅冬陰公公以前個湯底一模一樣，係我嘅至愛，雖然兩位烹飪班老師嫌香茅味和南疆的味不夠，但係我覺得反而咁樣仲啱本地人食，啲米線都好滑。3. 椒鹽手作薯片$18- 聽個名諗唔到會咁好食，係好似嘅薯片，脆而咬落不會碎晒。4. 泰式乾炒牛河$54- 我哋全部人最鍾意這個菜式。5. 清邁小菠蘿炒飯$54- 呢個係外賣返去俾阿爸食做的午餐，我試咗兩啖味道很好，啲炒飯粒粒分明，唔會黐埋一舊，而且香噴噴，有粟米粒及紅蘿蔔粒，菠蘿比一般菠蘿炒飯切得細粒啲。6. 三色冰$12- 同學話好好飲，如果唔係咁多冰又唔夠凍，但係咁多冰飲飲下又要畢啲冰出來才可以食到杯底的材料。7. 凍檸茶少甜（聞說他們用的是冷壓檸檬汁，所以見唔到檸檬皮）$10 - 我叫咗兩杯，一杯係

外賣一個飯，由18:33落單，到18:50再去問，見有個外賣係度，問帶位男職員係咪我個號碼，佢死話唔係等到19:07有另一個號碼，佢先叫埋果盒起碼由18:50擺到19:07的外賣，正正係我單號碼，話佢頭先問你又話唔係，個男職員一句都唔回應就扮忙走左，一句唔好意思都無！態度極之差帶位男職員目測50歲+，其實唔想做，嫌多人等位，多人叫外賣咪叫人唔好等囉，咁自己就唔駛做又唔駛黑面，真係唔明，做野做到咁係咩心態