茶泰 (荃新天地2)

營業中

休息中

真係好差 完全係呃客搏大霧！！<事件一>下午茶時段去食手機落單嗰陣見到有迷你豬扒湯河因為見到張圖片有芫荽蔥同埋炸豬皮，仲可以加$3轉冬陰功湯底所以果斷地嗌左嚟到之後所有配菜都冇晒由於我好鍾意食炸豬皮 所以就問侍應係咪俾漏咗侍應要求廚房倒少少俾我廚房: ”因為我係下午茶所以係唔會有”我: “但係張圖係有…”廚房: “因為你轉咗冬陰功湯底所以冇”我: “但係手機落單嗰陣仲問我使唔使走青同走豬皮 ，唔關係唔係下午茶或者冬陰功湯嘅事”最後先肯俾返。完全係俾漏咗之後呃啲客。————————<事件二>由於除左主食仲叫左有雪糕嘅甜品所以落單嘅時候已經同侍應講咗甜品後上侍應話冇問題但最後主食未到 雪糕甜品就已經到咗我哋要求雪返佢但經理又話: “由於係叫下午茶所以唔可以後上甜品”(即係話連雪返都唔肯)但其實甜品完全係正價嘅食物唔係下午茶加幾蚊就可以有嘅嘢點會關下午茶事呢？點解乜都要用下午茶去推卸自己嘅錯最後經理發晦氣: “咁我掉咗佢啦，之後整個新嘅俾你”講真 點會敢食呢。其實有心嘅 就算係唔係跟餐甜品好多餐廳都會考慮顧客 甜品後上啦基本野都唔得 等執啦。

入黎坐勁耐冇人理,問佢攞完餐牌想落單先比張紙我,叫我自己掃code,咁點解唔一早比我？坐係到等佢咁耐係為乜？仲要想問佢講野,未開口就話比張紙你,然後自己走左,連講野既機會都冇。 然後到埋單嘅時候,$87,我比$100, 佢話佢冇散紙, 我同佢講我淨係得cash喺身, 然後佢話佢都冇辦法我都盡咗力, 好似想叫我自己諗掂去咁, 咁其實呢個唔係我問題喎,你有乜理由一蚊散紙都冇, 咁我都同佢講我都冇辦法, 佢先至話咁你等等啦,要去唱錢。 如果你真係唔想收cash, 其實可以講明只收電子貨幣。 唔係計較佢找唔找返幾蚊比我, 而係佢態度好有問題, 頭先找多咗十蚊比我都即時比返佢。

本身想食下粉麵見到個門面都幾靚～諗住試吓呢間一入到去已經覺得個冷氣唔夠出面商場多涼過佢同埋啲抹枱毛巾要洗多啲幫我哋清潔完張枱之後都有陣異味(似係毛巾洗濕up咗好耐唔乾果隻味)坐低果時係下午茶時間～諗住嗌個船河唔會錯，話晒都係泰國嘢🥹本身個船河一嚟到嘅時候個樣幾靚仔配料麵幾足㗎～點知一食落去嘅時候😑個湯完全冇味好似搵緊清水送麵🫣佢除咗啲配料食物有味之外個湯係👎🏻👎🏻👎🏻👎🏻希望真係能夠改善下🥹因為真係唔好食同埋下午茶價錢嚟講算係高不過芒椰西米露嗰啲就都幾好飲同埋出面門口賣嘅泰國零食都幾多選擇不過嘢食湯底，真心要諗諗佢🫨

食物質素差員工態度惡劣，十問九唔應，上菜又大力掉在枱面，推跌食客餐具落地亦無留意簡直 係劣質之前幫襯葵芳算都會果間完全唔係咁樣，所以先諗住再食，以後都唔會再食呢間嘢了！

似茶記feel的泰國菜🛋環境：在city walk2期都算易揾，門口好似超級市場，有一排零食之類的選擇，入去人唔多，晚飯時間都不用等位。座位有卡位同高位。🍽食物：泰國嘢選擇都幾多，飲品有啤酒同椰汁價錢都唔會好貴。整體食物中規中矩，烤串反而幾好食。黃咖喱豬頸肉好大份，味道也一般，完全食唔晒，人少真系不推薦，簡直已經算一個餐了💁🏿‍♂️💁🏿‍♀️冇服務，拎水同碗都要自己拎，服務員棟系度，好似祇有上菜會幫下手

服務態度真係差劣到極點嘢食又唔係好食冬陰功魚 我相信呢間餐廳唔知咩叫冬陰功菠蘿炒飯2粒菠蘿仔真系得2粒d侍應十問九吾應嗌枝啤酒都要講勁多次先有真係白痴先會再幫襯只可以話就算多嘢食服務冇要求我都唔會再去嗰度食簡直冇言語可以形容到呢間嘢🤦🏼‍♀️差都阻住地球轉垃圾到不堪…其實呢間餐廳如果唔想做飲食服務行業不如唔好做啦真係好耐都未遇過一間咁差既餐廳要嬲到我要比差評我永遠都唔會再嚟真係好想呢間舖嘅老闆可以見到到底食客有幾不滿😤

親民泰菜🇹🇭很多菜式都可以揀少鹹少油、飲品揀少甜少冰，味道都唔錯啊😍😍😍🐔水門雞(半隻) $99半隻雞拆咗肉都算大碟，雞肉好嫩滑，配埋特製薑蓉雞醬都幾好味🌿蒜蓉炒通菜 $61用蒜蓉炒清清哋，通菜嫩綠爽脆🐟泰式明爐鱸魚 $138揀了小辣，鮮嫩魚肉配熱騰騰湯汁好好吃🫓香酥手抓餅 +$22捧上枱時餅仲熱、鬆脆好吃🥥原個椰青 $28好大個椰青，呢個價錢超值👍椰青水鮮甜，刮埋椰青肉一齊食好味😋

中午收銀態度差我，沒有禮貌。首先有東西漏單，不能用信用卡EPS..一句唔好意思都無。我咁啱八達通唔夠錢，沒有現金，唯有要用微信，第一次唔得，我再掃，佢鬧我唔好我自狂掃，鬧我整壞佢部機。我只係多掃了一次。RESET完我再掃唔得，跟住我同佢講，我換了銀行ACCOUNT 想再試。佢超晦氣，超無禮貌咁話，頭先咪試咗兩次lor, 我話我換左個account 想再試，佢仲係要話咪試過lor... 最後佢都整俾我試，然後就成功支付了。我覺得這樣的態度很過份。我唔會再去幫襯佢。

同朋友行開街想食泰國野，咁路經就見到呢間。因為平日食晏時間比較多人，無得拎飛又唔會 mark 低人數，只可以企係出面排住等，呢方面就有待改善啦，大約等咗 15 分鐘左右就被安排入座。店內前半部份近門口有 LUNCH BOX、乾貨、零食賣，後半部份就係餐廳，室內樓底高，D 位排得唔密，所以都幾寬敞舒服既。服務方面就真心麻麻地，好似 KEEP 住唔多望到你既情況，其實我都只係想拎張 QR CODE 落單遮。點餐方面，QR CODE 自己入單，四個女仔叫三款野食 Share 食，份量岩岩好。泰式烤豬肉溫泉蛋鍋飯置頂既炸豬皮要快手食咗先，淋咗就會韌，份量夠，材料都多既，味道ok。泰式金不換炒金邊粉多汁，味濃，味道正常。水門雞配湯河雞肉夠滑夠淋，湯河嘅牛肉湯底幾夠味，但河粉份量就偏少。

今日晏晝去荃灣，友人提議去食泰國野，揀左呢間坐落係荃新天地二期望落都幾chill 既茶餐廳。入口右邊放滿泰式飲品零食，好似圖書館咁，不過架上唔係圖書，而係泰式食品，幾特別！餐廳內裝修別緻，好舒服，位與位之間闊落，最啱同朋友食飯吹水。我們一行四人，叫左兩個冬蔭湯河，一個蠔仔煎蛋飯，一個香茅豬扒蛋飯。冬蔭湯河味濃但又不太辣，有少少酸，酸得來好開胃，唔錯。蠔仔煎蛋飯有驚喜，有蠔味，同蛋混合一齊食，一絕，值得推薦。香茅豬扒蛋飯，豬扒煎得啱啱好，鷄蛋大份得來又唔會老，唯一要彈既係醬汁比較多一點，不過對於我這個喜歡有汁撈飯既人，就冇乜問題。雖然話係食飯時間，但侍應都冇話催促我們埋單，所以都食得幾自在，包埋野飲人均$69，唔貴，有時間有機會可以再幫襯。

有天平日放工到荃新天地的戲院看電影，當然要先醫飽肚子，時間緊迫，就選了左近的「茶泰」。「茶泰」主打傳統與創新口味兼備的新派泰菜。餐廳將傳統的泰式美食經過改良以滿足港人口味。對於部分熱愛泰國美食的忠粉來說，味道不夠正宗。可能正如其名「茶泰」，是帶有茶餐廳風味的泰菜。雖然味道不似預期，但勝在選擇多元，價格相宜，且份量充足，是平日放工外吃之選。餐廳面積不小，座位比一般茶餐廳闊落舒適，環境亦比一般茶餐廳乾淨企理。下次再到荃灣睇戲，也想再光顧一試，如明爐鱸魚、泰式船粉、咖哩農夫包等菜式。泰式醬烤骨 $108飛天通菜 $64 泰式金不換抄金邊粉 $74沙嗲雞肉串燒 $37泰式香葉肉碎煎蛋飯 $70茶泰 荃灣楊屋道18號荃新天地2 UG樓UG81號舖+852 2662 1068

下午茶時段。剛好路經這商場，在諗不到食什麼的情況下，都想食粉面。因此，再次幫襯呢間餐廳。我和友人，分別點了兩個下午茶，一個牛丸湯河，一個豬肉丸湯河。另外加了$18（3隻蒜香牛油雞翼，因為見隔離枱有人點了，好似幾靚便跟住點了）。最後要了兩杯熱美祿。我個人覺得豬肉丸比牛丸更勝一籌，可是都是偏咸左少少。味道太濃。不過，好想讚讚湯裡的配菜——芽菜好飽滿，脹卜卜的。又爽口。好清新。好食！湯河粉都順滑。幼細。都好食！可是，雞翼上台樣子很好，熱🔥辣辣。但，太多牛油味，卻完全食不到任何蒜香味。最失望是雞肉。雖然是滑身。但好似完全沒醃過咁。淡而沒味。。。只有賣相好，但味道便不太好啦。最後個美祿都不夠濃。但可以接受。不過以下午茶及這個價錢，我覺得已經算不錯！性價比都ok

中午12:30行入去食，一位我入去時成間野入座率只有3成，店員竟然安排圖一的位置俾我，我話唔坐，店員一聽就話嗰啲4人位，我一望明明有好位（不論二人或四人枱），最後我無理佢轉坐二人枱。如果係爆場的話，我會考慮坐唔坐。但7成座位都係空嘅，我食完你都坐唔滿啦！希望貴公司係入座安排檢討下，企喺客人角度諗吓，相信唔會咁趕客。仲有冷氣不足。老實講食物方面唔差嘅，嗌咗個水門雞船河。今次係俾咗雞胸位就hi咗少少。

同家人有事到荃灣，順便到位於荃新天地2的茶泰午餐。餐廳的設計有心思，裏面係餐廳，而門口附近就設有Grab n Go lunch box櫃及乾貨貨架。家人叫咗泰式雜錦船粉，食材都算豐富，味道亦OK，粉的份量女士係足夠，不過男士就可能唔夠。我就叫咗泰式乾炒豬頸肉河粉，河粉的份量太少，唔夠食。豬頸肉的夠爽，份量OK而且好味。飲品方面，凍檸茶走甜，用檸檬汁取代檸檬片都OK。員工服務方面就一般，雖然對顧客的要求係有回應，不過服務語氣欠缺。

服務態度差劣！ 正在用餐的時候，一位侍應走過一來，粒聲唔出喺度整理餐具，並將新餐具強行跨過你枱上的食物，直接放進你枱的餐具桶中， 之後粒聲唔出就走咗。佢好似完全唔覺得自己此等行為，好無禮貌。還有，餐廳晚上9：30pm才打烊， 侍應9 pm左右遞張單畀你，不斷提醒叫你快啲付款。之後9:20pm ，又有第二位侍應走過來提醒你, 話9：30pm就打烊，叫你快啲用餐完畢， 基本上，完全唔理會食客任何感受。在此呼籲荃灣居民及街坊， 唔好去呢間食肆，免得受氣， 貼錢買難受～