茶木‧台式休閒餐廳 (荃灣千色匯II)

營業中

休息中

今早有多少許時間，經過荃灣茶木，第一次試它們的早餐換來不舒快經驗。食了芋泥口袋吐司和米粉，差不多食完發現湯裏有飛蟲，告知女職員，她沒有經驗地問我想怎樣。我答只想話你知有飛蟲。喔，這樣我換過1碗給你。竟然換同一樣食物，我當然唔要，而且我已食飽。女職員話叫經理取消張單。我沒有作答，也不知她們後面怎樣溝通。其間有男同事來收了我的餐具，當然碟上的飛蟲都收了。也沒有講一句話。到付錢時，男職員照平常收錢，也沒有講甚麼。對這餐廳真失望。我不是一進去期望有事發生而有免費早餐的人。只是覺得他們一點歉意都沒有，可惜。因要上班，所以沒有糾結就離開。當然不會再光顧。現在只擔心之後肚子會怎樣！

今日去咗荃灣呢間嘢食dinner叫咗個手撕雞飯 同牛肉火鍋食食吓個男職員係度拖地 啲食客未走喺度隔離喺度拖地 仲要好大浸消毒藥水味 聞到之後即刻俾錢走人唔會再幫襯呢間茶木

由於電訊網絡供應商有積分快要到期，於是睇吓有咩換，見到有茶木一人套餐電子劵，積分夠我換兩張，亦只可以喺星期一至五2:30pm後用，咁一於同老公喺11-11-2024 (Mon)晚睇完戲一齊一人一份食啦，於是我就兌換，點知兌換咗，至喺電子劵上至寫一張單只可以用一張劵，即係我唔可以同老公一齊食。咁唯有喺老公要返團契嘅星期五晚食啦，好彩咁啱今晚（8-11-2024 Fri)因為想睇電視劇嘅大結局而冇約人食飯，咁我就自己一人嚟食啦。我嚟到時時間都好早，所以冇乜人，坐低後亦冇職員行嚟，要趁佢哋送餐至叫到，我就出示張劵話要呢個鹽酥雞排肉燥飯餐。7冇耐，凍黑糖珍珠奶茶到嚟，呢個味道唔太濃，黑糖珍珠口感正常煙韌。2.8分之後係迷你甜不辣，口感煙韌，調味都唔錯，但魚肉好似唔多。4分然後都幾耐下，鹽酥雞排肉燥飯到嚟，睇見飯嘅份量唔多，肉燥味道好濃，飯係珍珠米，口感啱啱好，鹽酥雞排外脆，都唔錯嘅。3.43分服務：帶位係一個女仔，佢指住兩張已有人客嘅四人枱，話可以坐其中張搭枱，我坐低後，食完嘢至發覺原來好多一個人嘅客人，係可以自己坐一張四人枱，而我入嚟嗰時，都仍有一張四人枱係吉嘅，之後入嚟嘅客，都同樣一個人可

茶木 台灣餐廳茶木的紅燒牛肉麵，湯底濃郁香醇，牛肉軟嫩入味，手工麵條口感彈牙，配上紫菜肉丸更添鮮味。份量亦都可算是大的！可以足夠一個男生的食量！呢兩款下午茶餐都值得點！珍珠奶茶，茶香濃郁，珍珠軟糯Q彈，甜度適中，是解渴又有台灣味道的選擇。薏米水清甜解膩，是餐後消暑的選擇。健康生活的人，可以選擇呢杯飲品！整體而言，荃灣 茶木的環境很不錯，人少少空間感夠大，平時食都覺得有點貴，下午茶就還好啦！ 食物質素都keep到！

今日同朋友約荃灣食野！食完正餐當然要食返個甜品啦！於是2個人就來左呢間茶木‧台式休閒餐廳 (荃灣千色匯II)位於荃灣荃灣街市街67-95號荃灣千色匯II 地下C34-C35號舖。環境裝修休閒，比較文青，服務都幾好！入去選好位，掃碼落單，2人叫左巧克力曲奇蜜糖磚塊，即叫即整，來到見到都O左嘴，都幾大份！擺盤都幾靚下！之後再叫多2杯只可以堂食但只需8蚊1杯噶黑糖小芋圓奶茶！都幾抵，芋圓做到好似珍珠甘，軟糯彈牙,茶就係平時飲噶奶茶！整體來講，今餐甜品都不過不失！

週日假期人不多，地方不顯眼， 需要找一找才看到 ，排隊 等候 ，冇人招呼 ，呢方面需要改善。 手機點餐 order 兩個下午茶餐，因為環保所以凍飲轉咗紙杯 ，本身想叫特飲， 因為根本 影唔到相 ，所以放棄咗 ，叫咗兩個餐，份量好似畀以前少， 但大致上都ok， 因為喜歡拌麵哪種麻辣感覺， 因為食過 同一款 有比較 ，就真係冇咩驚喜， 坐嘅地方比較迫， 枱與枱之間嘅距離都比較窄 ， 枱嘅數量都唔多 ，個人喜歡寬敞 ，但食物質素都係可以接受， 客戶服務 比較慢， 需要再改進一下

做嘢做到完全忘記食飯時間，過了食飯時間進入下午茶時段，最喜歡茶木的下午茶，好多選擇。朋友叫了雞肉刈包，配台式貢丸湯，仲有凍珍珠奶茶。$50左右。我就最鍾意食沙嗲牛肉乾拌麵，非港式茶餐廳味，沙爹味濃衝擊味蕾，配紫菜台式貢丸湯，凍珍珠奶茶，滿足。地方好坐舒服，做到累hea 一下，下午茶只限平日，另一次星期日去，就沒有下午茶，要散叫，無咁吸引。

手機落單，水都冇杯飲下，卻要收10％服務費，有服務過啲乜？難理解，茶餐廳嘅質素，茶餐廳服務，嘢食其實十分普通，仲要係好咸，價錢又唔係平，總體嚟講，唔係太理想，帮親一次就夠！

好耐冇食茶木，對上個次食好似差唔多10年前。係千色冇咩野岩食，就入去食下。整體都冇咩點變，食物環境個啲感覺同印象中一樣。都係坐得舒服，同埋啲野食嘅味道都ok 嘅。不過啲服務唔同左好多。侍應又唔會話唔理你嘅，但就個個都好cool 咁，面無表情，以前去食，會覺得啲員工好nice。不嬲食開佢嘅意粉類野食，今次叫左個帶子意粉，份量ok, 係正正常常好食嘅意粉。跟餐揀左佢地自己整嘅雪糕，幾好食，甜度岩岩好，同埋好驚喜佢地嘅質感都係我最鐘意嘅，硬得嚟，又可以用匙羹「but」到。

好耐冇食過茶木 對上一次食已經係佢地做梗優惠個陣食 佢地係荃灣千色匯開左新分店咁耐 都未試過 今日行開千色就順便試下佢 見佢餐牌多左好多選擇 我地叫左個香煎沙朗肉燥米粉 香煎沙朗係三塊薄薄地既牛肉 味道唔錯 肉燥既份量細細兜都幾好味 米粉就正正常常 另外跟餐加左兩隻黑麻油雞翅 同之前一樣咁好食 好香黑麻油味 另外仲叫左個古早牛頰肉麵 一上到枱個麵好香好濃牛肉味 個湯好濃郁 牛肉好淋好大舊 麵係比較粗身 整體味道唔錯 跟餐加左半份金黃鹽酥雞 細細粒炸到金黃色熱辣辣脆卜卜既鹽酥雞好好味 另外仲加左一條台式烤香腸 食落甜甜地好香好好味飲品叫左杯熱柚子蜜同埋凍脆脆黑糖奶茶 熱柚子蜜正正常常 凍脆脆黑糖奶茶岩晒打卡 好大杯 上面仲有一小串迷你三小粒芋圓 食落好煙韌 底部既黑糖珍珠份量都有好多 甜甜地好煙韌 但杯飲品成杯都好重奶味 冇乜茶味 甜品叫左個巧克力曲奇蜜糖磚塊吐司 賣相好靚 岩晒打卡 係一層層既吐司砌成 中間仲有啲細細粒既麵包粒 好香好脆好香甜蜜糖味 頂層仲有一球大既曲奇雪糕 仲有好多好香濃既朱古力醬 蜜糖吐司同埋曲奇雪糕加埋朱古力醬成個配搭好夾好好味整體黎講 餐廳好大 環境舒服 餐牌多

豬扒極之難食，肉質超級諧，個刈包有啲無厘頭九唔答八，唯一咖啡係飲得！我太太明明叫美6就嚟咖啡服務員就話係我點的！正想睇番下單記錄，這服務員折返取回上錯的咖啡！重點係上錯台提點服務員，服務員第一時間就係話我自己落錯，最后一句唔好意思都冇，如果係我自己落錯我一定會接受的！

第一次食香煎沙朗肉燥飯，上菜嗰下真係嚇親，得三片薄薄嘅牛肉，但油就超多，成個碟都係油，飯上面嘅肉燥又少，食兩啖就無晒，食埋啲配菜都唔夠送飯，咁樣嘅晚餐收八十幾蚊，好難說服自己再嚟幫襯，又或者我其實唔應揀呢個餐…之前喺另一間食過佢個窩夫，好好食，所以加錢叫埋，嚟到又係大失所望，之前明明係熱辣辣，外脆內軟，今次呢個只可以勉強話佢係暖，仲要唔脆，茶餐廳加熱咗嘅餐包都好食過佢。我都唔知係呢一間差啲定係之前食嗰間水準特別高…

番工經過入去食個午餐今次就近揀咗好耐無食嘅台灣嘢嗌咗豬軟骨配地瓜新竹米粉有兩小碟伴菜 今日係麻醬白菜同半隻蛋伴菜小碟就正常到不能再正常豬軟骨酸酸甜甜好開胃整得好淋一咬一夾都可以整斷有三大嚿 食完都飽咗一半地瓜新竹米粉就用咗牛肉湯今日略嫌唔係好夠味又可能被豬軟骨搶走咗個味😂 另外仲有一杯跟餐飲品黑糖冬瓜菜揀咗少甜都唔錯天氣再凍啲會飲到好開心

去開荃灣，突然好想食台灣野，見到茶木就入咗去食。今日叫咗個紅燒牛肉麵黎食，碗麵好足料，d 牛肉好大舊，亦都好淋，味道無錯。黎到茶木，點少得叫返個磚塊甜品黎食，朱古力味道嘅雪糕，配埋d 麵包磚塊黎食，好滿足！

返完工一個禮拜，終於可以放假啦，聽講茶木出咗新品種，我馬上去試，我叫咗個墨汁花枝麻醬手工拌麵仲有濃郁牛骨湯，非常惹味呀👍👍，我仲叫咗一份鹽酥雞，佢哋整得啱啱好😉，同水果茶真材實料，☺️