茶木‧台式休閒餐廳 (荃新天地)

營業中

休息中

**茶木-荃新天地店**同朋友行完街，見到呢間茶木環境勁好 於是就入左黎食，仲有window seat，地方好寬敞，唔覺得好逼。同朋友每人揀一樣share-烏賊汁奶油中卷手作麵賣相一般般啦，（照唔到相😂黑蚊蚊）不過都唔錯，手作麵質地幾好，有別於西式既闊條麵-古早紅燒牛肉拌麵有鴨血，素腐皮卷，紅燒牛肉 雖然好快凍左 但係都好食😋-脆脆黑糖瀑布珍珠奶茶芋圓質地太有咬口了，底下有好多黑糖，但飲飲下發覺無珍珠🤣同職員講 佢補返一大杯比我地不過同時又唔覺自己飲緊奶茶 似係鮮奶多d-青蘋果蜜糖磚塊好衝激眼球，開頭以為果兩瑰係青蘋果🍏但點解係牛油果黎既😅我同朋友都唔食牛油果 🥑所以整走左

近排都係荃灣區搵食，接近兩至三年無食茶木，經過門口見到最新嘅menu又幾吸引～ 除左招牌紅燒牛頰肉麵，微辣手工拌麵套餐都好吸引！脆脆黑糖瀑布珍珠奶茶 $44脆脆黑糖沾在杯做成瀑布甘，珍珠奶茶非常濃稠而且仲有一串口感QQ芋圓做裝飾~紅燒牛頰肉麵 $80 牛頰肉炆得軟稔入味，麵質粗身有厚度有嚼勁三小碟溏心蛋：有調過味，幾惹味！櫻花蝦麻醬秋葵：櫻花蝦炒過好香口，麻醬亦特濃郁！咕嚕鹽酥雞：鹽酥雞啖啖肉咕嚕汁好開胃！古早紅燒牛肉拌麵$74 同樣採用超軟稔嘅牛面頰肉！拌麵，味道微辣，手工麵質幼身彈牙！還有滷豆腐、鴨血、溏心蛋配料。青蘋果酪梨蜜糖磚塊 $88招牌之作，再次見到依然壯觀！牛油果變甜品都無違和感！甜甜脆脆多士磚沾雪糕真係無得輸！

餐廳不經不覺已經開業十週年了， 為了慶祝十週年， 最近 推出優惠及新款菜式 ， 來答謝顧客的支持。 餐廳佈置以淺木色作主調， 簡潔明亮， 加上環境舒適， 與朋友聚餐一個好地方。古早紅燒牛肉拌麵$74紅燒牛肉厚切大件， 啖啖肉 口感， 我最喜歡， 軟嫩入味，輕輕已經好容易咬開， 牛味香濃， 手工麵粗身，充滿彈性，煙煙韌韌， 掛汁力強， 每條麵掛上香濃帶麻辣的醬汁， 令人越吃越過癮， 跟配金黃的流心蛋 ， 賣相吸引， 素鴨外脆內軟 ，鴨血軟嫩滑溜， 咀嚼時慢慢滲出麻辣， 別有一番滋味， 將台式古早風味，重現在舌尖上。紅燒牛頰面$80煙煙韌韌的手工麵， 浸泡在深褐色的湯底， 香氣十足 ，原來湯底用長時間熬製而成， 味道鮮味濃郁，香而不膩，厚切大件的牛頰面， 是牛隻最嫩的部位 ， 超級軟嫩美味， 牛味突出， 跟配的闊條手工麵， 盡情吸塑了湯底精華， 滋味得令人停不下來。蜜糖磚塊青蘋果(週年紀念價)$88蜜糖磚塊， 放滿新鮮士多啤梨、香蕉、熟透的牛油果，還配上一球粉藍色的雪糕 ，及脆脆的焦糖爆谷伴碟，造型夢幻 吸引， 忍不住相機食先， 厚多士四邊烤得金黃香脆，內裏 切成一粒粒方塊，方便進食，體

今日同朋友喺荃新天地行完街，路過見到茶木唔使排隊，好難得喎，決定食先～食物款式好多～小食方面，我哋叫咗一份310 溏心蛋 $46朋友好鍾意食溏心蛋，一份四邊，全部都係流心的，正～古早紅燒牛肉拌麵 $74麵條係台灣最常見的拌麵，十分有嚼勁；伴碟有一塊鴨血同台式豆腐，好惹味！紅燒牛肉炆到好lum，配埋牛肉汁勁正～烏賊汁奶油中卷手作麵 $86好正！勁香濃嘅墨魚味，手作麵好彈牙又有嚼勁，勁有誠意～份量好足，連男士食都一定夠飽，抵脆脆黑糖瀑布珍珠奶茶 $44期間限定的特飲～奶茶面有一串芋圓，有咬口又唔甜；奶茶面係奶蓋，配珍珠奶茶，杯口仲有朱古力脆脆，好飲又有口感～蜜糖磚塊(青蘋果) $88茶木招牌甜品～每次嚟到都必食，真係勁大份！我好欣賞裡面已經切好哂一粒粒，貼上雪糕同埋忌廉就食得，必食！總括而言，每次都令人十分驚喜的台灣菜，正

太耐無去台灣 上星期忍唔住去食台灣菜止下口癮😋首先黎返杯黑糖瀑布珍珠奶茶 杯邊有榛子醬加朱古力脆脆 好好食🥲黑糖珍奶唔會太甜珍珠煙韌有口感的 面頭仲有芝士奶蓋芋圓串點少少奶蓋黎食 對我黎講係前菜🤭.呢度既紅燒牛肉拌麵超好食 牛肉煮到好軟腍拌麵食落爽口彈牙 仲有陣陣麻香味 又唔會太咸 成個麵已經撈到好入味配埋溏心蛋 麻辣鴨血同素鴨 古早味十足.烏賊汁奶油中卷手作麵既墨魚汁唔會太濃稠食多兩啖都唔怕膩 呢款手作麵有韌勁 仲好掛汁 加左菇類 🦑魷魚煮成 入口creamy 食過返唔到轉頭❤️.最後當然少不了甜品 青蘋果加牛油果🥑既蜜糖吐司真係第一次食!🍞每層吐司都外脆內軟 口感鬆軟 碟邊仲有大量焦糖爆谷 香蕉片 士多啤梨🍓 藍莓🫐等等淺藍色既忌廉唔會太甜 加落吐司一齊食很完美仲可以靚靚打卡🌟

這間位於荃灣的茶木，主打台灣菜，有我最鍾意的牛肉麵及珍珠奶茶等。古早紅燒牛肉拌麵拌麵用了自家手工製的幼麵，麵質爽彈，拌入了麻辣汁，帶輕微的麻辣香味，十分惹味，紅燒牛肉炆燉至肉質鬆化，加上蘿蔔清甜。紅燒牛頰肉麵牛頰肉肉質更嫩腍，帶點膠質，手工粗麵掛湯，爽口彈牙；紅燒牛肉湯底很濃郁，又有牛骨肉鮮甜。蜜糖磚塊配青蘋果超大份的甜品，足四人用，麵包磚焗至金黃鬆脆，帶淡淡蜜糖香甜，旁邊伴上爆谷、雪糕及cream，比較飽滯。脆脆黑糖瀑布珍珠奶茶珍珠煙韌，奶茶比較甜但奶味濃郁，碎冰較少，所以飲到最後都不會變淡。

冬至團圓，想你。見你最好的伴菜，就是有你們同枱。珍惜和家人分享美食的每一個時刻。脆脆黑糖瀑布珍珠奶茶黑糖的焦香配上濃郁鮮奶加上煙韌珍珠、杯邊脆脆，豐富口感，味道完美配搭，特色滋味會令你愛上古早紅燒牛肉麵麵質彈牙略帶點辣，惹味得令人回味。牛肉厚度十足，但不減肉質嫩滑，入味但不會過咸，滋味令人留戀。這道菜值得令人回頭！Tiffany Blue 的磚塊甜品很吸引吧？青蘋果酪梨蜜糖磚塊，青蘋果的清香配上酪梨幼滑，加上焦糖爆谷和蜜糖，令冬至晚飯更載甜蜜。今日雖冷，但人情未冷。

最近茶木做緊週年優惠，磚塊做特價，都成日去食知道佢最近出左新口味，梗係即刻狗衝古早紅燒牛肉伴麵紅燒牛肉煮到入晒味，而且口感軟熟個醬汁亦好有正宗台灣風味鴨血好香，而且唔會有騷味伴麵既醬汁惹味得黎有層次，又唔會太咸而且麵身爽口有彈性，但又唔會硬紅燒牛頰肉麵呢個牛頰肉味道雖然同紅燒肉差唔多但係佢比紅燒肉更加淋！淋到幾乎入口即溶麵係好台式粗粗地既麵配埋充滿台式風味既湯底，直頭去左台灣咁３１０糖心蛋糖心蛋口感creamy，蛋味更加係香濃青蘋果酪梨蜜糖磚塊終於輪到今日既主角青蘋果味既cream係夢幻般既青藍綠色，夠晒特別上面有滿滿既酪梨，即係牛油果配雪糕原來又幾夾仲有小朋友至愛既爆谷多士烘得金黃香脆再配埋酸酸甜甜既青蘋果cream 直頭完美脆脆黑糖瀑布珍珠奶茶珍珠奶茶飲得多但都未飲過呢個咁特別既杯邊有好多榛子醬同脆脆上面仲有d軟Q彈牙既芋圓奶茶茶味香濃有層次成個口感同味道都好滿足

🥚🥚🐷學生時代蜜糖磚塊✨性價比：7.5/10🍳食物：7.5/10🌏環境：7/10🕺🏻服務：7.5/10💰是次消費：人均 $ 185#蛋蛋豬 🏝地點分類: #蛋蛋豬在荃灣🍰食物分類: #蛋蛋豬吃台灣菜————————學生時期的餐廳，今日再次到訪，看看多年之間的改變。 古早紅燒牛肉拌麵 ($74)以一個碟頭雙餸飯形式送上，一邊是豬紅素鵝，另一邊有糖心蛋，加上一碗牛腩及一大碟拌麵。牛腩煮得夠淋，入口即化。椒麻拌麵煙韌，有微微麻辣味，惹味開胃。烏賊汁奶油中卷手作麵 ($86)烏賊汁令整個麵都烏黑黑的，但保留麵條原味，墨汁奶油Creamy，手作麵口感彈牙。烏賊汁外還有真墨魚圈圈，份量幾大，整體吃完都不會膩。青蘋果酪梨蜜糖磚塊 ($88)令人懷念的招牌蜜糖磚塊，今次用上少女心Tiffany blue，非常適合打卡。最頂是焦糖味雪糕，下面有牛油果及青蘋果味忌廉。份量大得誇張，幾塊多士疊起，店員細心地把中心的多士切好一個個方型，骰子方包塊方便一口食用，吃完十分飽肚。脆脆黑糖瀑布珍珠奶茶 ($44) – 推薦*以杯面的一串芋圓揭開序幕，再沾上火炙芝士奶蓋一口吃，邪惡又美味。美祿粒粒羣杯邊，連同表面的芝士

已經一段時間冇食茶木，發現menu改左好多，多左好多主食，睇圖都吸引！今次試左手工拌麵，我揀左台灣麻辣半筋半牛肉拌麵，仲冇牛筋同素鴨。首先個手工麵好彈牙，好好食，微辣麵好開胃，唔食得辣既人麵會接受到。牛筋佢寫熬煮左12小時，果然真係好淋，好好食！而牛肉就係肥牛野飲方面，叫左洛神芒果沙冰，好濃厚，好rich, 啲洛神花甜左少少，整體都係好飲嘅最後食埋招牌麵包磚！今次試左新出既青蘋果牛油果，味道一般，牛油果有啲苦，整體啲醬唔夠，所以食到後面有啲dry. 建議食返士多啤梨/朱古力味

其實都唔知有幾耐冇食過茶木，見好耐冇食過就去試下啦落完單之後估唔到上菜速度都幾快主食我地叫左古早紅燒牛肉拌麵，我幾鍾 意呢個拌麵，個醬汁少少麻麻地，微微辣係我鍾意既味道，而且牛肉大大舊，又炆得好腍另一個主食係紅燒牛頰肉麵，個湯底好濃郁，麵條煙韌，整體幾出色310 溏心蛋都幾正，少少流心既蛋黃，醃製過之後味道又香又濃除左鹹食正之外，甜品都好吸引青蘋果蜜糖磚塊真係除左 適合打卡之餘，味道都唔錯，一上枱嗰陣好震撼頂層係雪糕，跟住加上青蘋果味嘅忌廉，仲有鬆脆嘅蜜糖吐司，再加上水果同爆谷好睇又好食，最啱就係幾個朋友一齊happy share飲品我哋叫咗兩杯脆脆黑糖瀑布珍珠奶茶， 杯邊圍住咗阿華田翠翠，上面有芋圓， 奶香味濃黑糖珍珠夠煙韌，呢杯珍珠奶茶真心好正媽媽都表示好滿意， 叫我下次再帶佢嚟

好耐無食過茶木,呢期想食牛肉麵同多士磚,所以黎咗荃灣分店。門口有勁大架單車,原來呢期茶木做緊「想你‧見你」主題,靚唔靚就見人見智啦台式麻辣半筋半牛肉微辣手工拌麵:椒麻拌麵係好食的,少少辣,好有麻香,而且麵的口感好煙韌,好有咬口。牛肉方面都炆得好淋好入味,可惜份量偏少。配的鴨血同素鵝就正常水平,但份量都係偏少台式牛肉麵:牛肉麵的湯底依然好出色,好香濃的牛肉味,但湯頭飲起黎又好清淡的口味.麵的口感都唔錯的,做到彈牙,可惜又係份量太少,作為晚餐會唔夠飽青蘋果雪糕多士磚:隻色都幾出事,估唔到係青BB的顏色.味道方面正常的,多士磚炸得好香脆,但又唔油膩,配埋雪糕一齊食好正

今晚約咗朋友食飯喺荃灣搵食 諗起好耐冇食台灣嘢去咗荃新天地嘅茶木7:00去到 已經開始要排隊無論幾時都係咁受歡迎等咗一陣位 安排咗坐窗邊位落地大玻璃 可以睇晒成個荃新天地嘅花園感覺都幾chill幾浪漫餐牌選擇超級多厚厚嘅一本 足足睇咗我哋成10分鐘最後決定要咗古早紅燒牛肉拌麵$74一上枱發現份量都幾多牛肉軟嫩 好juicy 拌麵加咗花椒 食落好香有少少辣好開胃 配菜有鴨血同腐皮 同埋溏心蛋烏賊汁奶油中卷手作麵$86黑蚊蚊嘅墨魚汁 加上煙煙韌韌嘅麵條感覺好新鮮 第一次食咁樣嘅配搭中卷大大件 好爽彈加上多種菇類 好豐富好滿足青蘋果牛油果蜜糖磚塊$88嚟到茶木 點可以唔叫磚塊新推出呢款 顏色係好少見嘅淺藍色滿滿的青蘋果cream 加上焦糖雪糕吐司搽咗蜜糖烘過幾樣野夾埋一齊食好好食 食到停唔到口伴碟仲有香蕉同士多啤梨 加上大量焦糖爆谷份量超乎想像 兩個女仔食 最後食淨左少少🤣飲品一人叫咗一杯脆脆黑糖瀑布珍珠奶茶$44非常ig-able嘅飲品 打卡超靚上面有salted cream底層有黑糖杯嘅外面係阿華田脆脆 好有心思 整得好靚所有野攪拌一齊飲 有幸福嘅感覺🥰要咗少糖 甜度剛剛好 平時少飲甜嘢

茶木耐不耐就有新野推出，朋友話想試新個款蜜糖吐司，咁放左工就黎試下佢。荃灣店都食過幾次，最入呢個房仔好受歡迎，次次黎到都有人坐緊，呵呵，今晚終於霰到啦，啲位濶啲又靜啲，啱晒傾偈呀。朋友叫左古早紅燒牛肉拌麵，賣相又幾靚喎，記得之前食過唔係咁上㗎。麵條份量都幾多，用滷水汁伴過鹹鹹地幾好味喎，拌碟仲有溏心蛋，鴨血同豆腐。牛展好入味，個汁甜甜地嘅，下層的蘿蔔吸飽汁好正。自己點左阿嬤手作蔥油麵，賣相都唔錯。乾蔥混了菇菇絲，雙重口感爽爽的好得意，麵條好彈牙喎，掞了蔥油好香口，呢個要襯熱食，凍左啲油會鯨埋一齊。好鍾意食溏心蛋又加左一份，隻隻都流心㗎，正～朋友話要試埋個特飲脆脆黑糖瀑布珍珠奶茶，賣相超掂！奶泡又厚又滑，雖然話黑糖珍珠，但又唔過甜喎，好飲～個脆脆似係榛子醬同阿華田（?），好好味咬哂黎食，哈哈。最後就係今晚嘅主角青蘋果牛油果蜜糖吐司，嘩嘩～好靚呀～打卡打卡！襯個雪糕未瀜，快快影多幾張先。吐司香脆又甜美，個cream好厚實正呀，超滿足～三層多士勁飽，哈哈。唯獨覺得個兩片牛油果同甜品唔多襯，牛油果都係習慣鹹食。

《荃灣美食》今晚約埋閨蜜去荃新天地Teawood 食回鄉餐🍨🍞🧋位置在荃灣天地地下 地方夠大 坐得舒服食物種類款式多 餐牌設計夠細緻精美👍#古早紅燒牛肉麵整個香辣惹味 小食有索曬麻辣汁嘅 齋燒鵝 一塊鴨血😚牛肉肉味濃郁 炆得軟腍 入口即化🤤自家製手作拌麵 入口彈牙 有咬口~~正👍#烏賊汁奶油中卷手作麵醬汁香滑 🦑爽口彈牙 手作麵質感煙靭😚#310溏心蛋鵝黃色流心蛋黃 質感滑嫩蛋汁 好銷魂啊~~另外甜到入心既人氣打咭甜品/飲品#青蘋果酪梨蜜糖磚塊🍏🥑蜜糖磚吐司層層疊焦糖香蕉 士多啤梨 藍莓 鹹味爆谷伴碟有埋青蘋果cream 焦糖雪糕伴住食😈😈😈 #脆脆黑糖瀑布珍珠奶🧋杯邊朱古力脆脆 黑糖味珍珠奶滑香濃 再加上一串可愛嘅芋圓🍡邪惡得嚟好滿足🥰