茶木‧台式休閒餐廳 (屯門市廣場1期)

營業中

休息中

呢間茶木係屯門市中心位於戲院對面，剛剛睇完戲見到就入咗佢食嘢，係一間食台灣出名特色食物🤔店舖，店面環境係以木系裝置以柔和色調，地方都好寬鬆坐著感覺都幾好!.鹽酥雞排肉燥飯 $82呢一款喺台灣出名特色食物，一次過食到3種不同款色食物，有鹽酥雞排金黃脆口肉質腍嫰味道都幾好、肉燥好有特風味味道美味😋、鹵水流心蛋蛋黃色澤鮮亮蛋味濃香😙，同時肉燥撈飯米飯粒粒口感兩者相當之好食!.紅燒牛肉麵 $74呢一碗牛肉麵紅燒汁散發香味😚，牛肉色澤肉質腍嫰筋肉分隔明顯🤔，配埋佢嘅麵條又有口感軟硬適中，沾滿紅燒湯汁令到整條麵條都幾好食😋!.抹茶鮮果流心歐軟 $88呢一款甜品流心歐軟望見夠哂吸引🤤，份量十足配料都有好幾款🤔，有芒果、奇異果、士多啤梨、藍莓、抹茶雪糕、抹茶醬汁，整件流心歐軟一切開D醬汁一湧而出😲，外皮脆口內軟綿沾吓D醬汁夠哂正😋!.金鑽鳳梨水果茶$44呢一杯水果茶賣相都幾特別🤔，大大塊金鑽鳳梨夠哂吸引，飲到入口啖啖菠蘿香味😙，又帶點茶香茶底用咗高山金萱烏龍茶，味道都幾好甜度適中😋!.雲頂咖啡 +$17呢杯咖啡滿滿嘅奶蓋配埋咖啡，比起以往有D唔同🤔，咖啡味道都唔會濃味，配咗D奶蓋味道都幾特別😋!.茶藝

食盡屯門之台式 — 茶木‧台式休閒餐廳————————————————屯門市廣場睇電影個層，隔離有間茶木，有時睇完戲都會過去食，質素唔錯而且選擇都好多嫁👍🔸台式滷味拼盤 $86成個拼盤款款都岩食，有豬耳仔， 滷豆腐，牛展， 黑麻油雞翅， 個人特別鍾意食雞翅， 黑麻油好香， 忍唔住叫左晚市套餐再追加多兩隻😛🔸古早杏鮑三杯雞配白飯 $112白飯有得選擇要珍珠米，杏鮑菇幾入味，雞件份量都多，而且晚餐set包左野飲仲包左對菜同甜品，野飲加配亦有優惠，加$21可以要玫瑰紅棗桂圓茶（熱），幾好飲又養生😋，而且個水壺都好靚岩打卡🔸 紅蔥地瓜配無骨牛腩白飯 $112牛腩都幾淋，食落唔會好鞋，而且佢呢d set下面都有個蠟燭去保溫，所以一路食一路都keep住熱辣辣既溫度，就算食得慢都唔驚變凍🤭💭Overall comment:每次食茶木都會叫果茶黎飲，因為真係好足料，而今次就發現埋原來滷味拼盤都好值得一試！🍽食物: 7.5/10🌌環境: 7.5/10👔服務: 7.5/10🎖CP值: 7.5/10—————————————————店舖地址: 茶木‧台式休閒餐廳屯門屯隆街3號屯門市廣場一期3樓3205號舖

和朋友嚟到屯門市中心，佢介紹茶木台式餐廳！咁就一齊食個晚餐，入到去餐廳裝修得唔錯，長長嘅餐堂，卡位極致舒適闊落！坐落都係用素描二維碼點餐，十分方便！然而檯面仍然放有餐牌，可以互相比對！我哋今晚比較肚餓，所以決定叫兩個晚餐，再食一個極之吸睛嘅甜品，即抹茶鮮果流心歐軟和一個台式路邊小食！套餐就係台式三文魚茶漬飯和蜜汁燒豬小腿配鳳梨！再加兩杯特色飲品和跟餐甜品！茶漬飯就真係好特別，將茶倒在飯裏面，使到啲飯吸滿茶香，再加上燒三文魚嘅香味，和一些脆口嘅櫻花蝦仔和蒜蓉，真係食落極之好味；蜜汁燒豬小腿味道還算不錯，而配嘅燒鳳梨就極之甜美多汁！兩杯特飲各有特色金鑽鳳梨水果茶，有很多不同嘅水果，再加上紅茶混合得剛剛好，新津解渴！而金鑽鳳梨蝶豆花柑桔，雖然細細杯，但顏色極之吸引，來的時候是紫色，攪勻之後又變成紅色！實在係好味得嚟又有特色！而跟餐嘅甜品就不過不失啦！路邊小炒就相當之好味，尤其是炸雞！到最後出場嘅當然就係今日嘅主角：抹茶鮮果流心區軟甜品了！雖然我兩都食到比較飽，但係見到個甜品嘅時候都極之開心，將啲炸脆咗嘅包搽落去啲留心抹茶醬度，食落真係又脆又香！再加上鮮果同埋抹茶雪糕，真係食到唔停得口！最後食

今日約咗朋友，喺屯門市中心搵嘢食。見到茶木，有好多唔同嘅台式食品，見到個Menu好吸引就入咗去食啦入到去店員嘅態度都好好， QR code落單可以睇清楚食物嘅圖片慢慢揀，啱晒有選擇困難症嘅朋友，就好似我同朋友咁我哋點咗啲台式小食，兩個主食，甜品，台式飲品，真係飽到好滿足食物都好快上枱，而且熱辣辣，首先嚟咗一個櫻花蝦花枝餅，配上一個甜辣醬。呢個花枝餅真係有花枝肉喺入邊，而且外脆內軟，唔使點醬都好好食一個小食又點滿足得到我哋呀，因為我哋太多心，揀咗呢個有幾款小食嘅路邊攤小食，包括有炸雞扒，台式香腸，同埋呢個最驚喜嘅包心肉丸。呢個肉丸真係爆曬汁，好好食。嚟到主食，都好有驚喜呢個烏魚子元貝手作麵，估唔到咁好食，因為本身好鍾意食卡邦尼意粉，呢個手作麵真係好creamy 好香，兩粒元貝好大粒，好彈牙肉排骨肉燥飯，雖然肉燥唔算好多，但係油香十足，排骨亦都炸得好鬆脆飲品方面，我叫咗一杯咁酸萱先芒果奶蓋，茉莉花綠茶茶底，初頭怕茶味太濃會瞓唔着，嚟到又OK喎，滿滿嘅芒果汁同埋奶蓋，真係好啱我嘅口味呢杯係朋友嘅金萱檸檬愛玉最後，叫咗一個冰淇淋拼芒果吉士可頌窩夫，窩夫好鬆煙韌，雪糕仲可以揀士多啤梨味，抹茶味同

《茶木》我諗冇乜邊個未食過，每次經過都見人龍。昨晚時間嘗早，經過唔見有人龍就入去食。原來依家新裝修咗，坐位多咗好多同好寬敞，坐得好舒服㖭😌佢哋新推出咗”鳳梨般的夏天”系列，全部都係由台灣✈️直送金鑽鳳梨🍍一於要試試～❥ 金鑽鳳梨香煎沙朗配野菌藜麥飯個藜麥飯有驚喜，好香口，加咗奶油，飯食落creamy, 沙朗口感偏向紮實，牛肉風味佳～❥ 自家製台式烤香腸肉燥飯茶木的肉燥飯冇人會質疑，來到香噴噴，肥美的豬肉加上香濃的醬汁，令人停不了口。自家製台式烤腸，肉香濃郁，肉感十足風味醇正，皮脆汁嫩一口咬下，鮮香溢口～❥ 金鑽鳳梨愛玉冰原個鳳梨上，5層冰爽滋味，第一層是香滑奶油，第二層椰香鳳梨沙冰，第三至五層是鳳梨加愛玉，愛玉Q彈好味，是夏天必備甜品～❥ 冰淇淋鳳梨沙冰又綿又濃又軟沙冰，冰淇淋係cookie味，仲有一大片🍍，夏季最愛酸甜味，清爽酸甜好消暑 ～

今日去咗屯門茶木食飯，餐廳有好多卡位，坐得都幾舒服，我地叫左好多野食，想特別講下佢哋嘅牛肉麵同埋鹽酥雞，真係幾好食，想一叫再叫首先，佢哋嘅牛肉麵真係好正，牛肉好嫩好入味，麵條都唔算太軟太硬，啱啱好。湯汁都好香濃，真係令人食完之後口齒留香。其次，佢哋嘅鹽酥雞都好好食，皮香脆，鹽酥味道啱啱好，雞肉都好鮮嫩，真係一口接一口，停唔到口呀！環境方面，屯門茶木嘅裝潢好有特色，有啲懷舊嘅感覺，好適合大家嚟度慢慢食飯，悠閒嘅感覺真係好舒服呀！員工都好友善，服務好好，飯後仲送咗我哋啲甜品，真係好貼心呀！總括嚟講，屯門茶木真係一個好正嘅餐廳，食物好味道，環境舒適，服務好友善，真係一個好啱嚟慢慢享受美食嘅地方呀！

我同朋友都好鍾意🍍系列既產品，適逢茶木季節，限定喺金鑽鳳梨，而且佢裝修之後我都未去過，趁今日收早，就同朋友黎試下🔸台式麻辣半筋半肉手工拌麵同時食到2個口感，牛肉既絲絲質感加牛根既軟糯，手工拌麵彈牙有口感，配上麵上既蔥油香氣迫人🔸櫻花蝦魚湯浸娃娃菜跟地瓜米粉櫻花蝦份量唔少，米粉係新竹米粉，爽口，健康之選🔸路邊攤小食有鹽酥雞、台灣香腸同炸魚丸，台灣香腸肉味濃郁，鹽酥雞香脆可口，炸魚丸彈牙🔸黑麻油雞翅濃濃既麻油包裹住雞翼，而且雞翼嫩滑仍然保持肉汁🔸金鑽鳳梨水果茶配高山金萱烏龍茶底係平時既水果茶升級版，加左一大塊金鑽鳳梨片，而且茶底亦都有加上鳳梨汁🔸曲奇冷淇淋金鑽鳳梨沙冰將金鑽鳳梨打成沙冰，再配上雪糕球，集飲品與甜品於一身🔸原個金鑽鳳梨愛玉冰由5層不同內餡而組成，由上到下依次序放置加了果肉和果仁的忌廉、椰香鳳梨沙冰、2片鳳梨果肉夾住愛玉，仲有煉奶或酸梅粉比你點🤗

曾經有段時間，有份menu 嘅食物唔係咁啱口味，所以冇乜再去食 ☺️最近偶然見到……咁就試下啦 ✡️茶香三文魚湯漬飯🐟👉先食一啖三文魚，唔腥，但冇乜三文魚味🙃。但煎/焗🉐好靚，唔會油淋淋，外面係脆口，唔會油淋淋👍👉脆米、櫻花蝦、鏗魚片各有各惹味，就噉食，誒撈埋一齊食都好好味。👉最後按自己喜好將配料放入三文魚飯內，然後倒入茶湯，都幾滋味 😋朋友照舊食佢至愛嘅……✡️黑醋味醂豬軟骨🐽配白飯👉充滿骨膠原，豬軟骨軟腍，入味。不需轉肉燥飯，因為白飯撈豬軟骨，正👍已經好夠味😊✡️鹽酥雞 🐓👉鹽酥雞偏向細粒，有鹽酥味，不太鹹😊✡️櫻花蝦魚湯浸娃娃菜🍀👉娃娃菜鮮甜。✡️凍紅豆薏米水（走冰）👉唔太甜，薏米比較多，最後冇食曬。

台式滷味拼盤裡面有牛展、雞翼、牛肚、豬耳，山水豆腐。每一樣都滷得好入味，牛展唔會太韌，其中山水豆腐一咬爆哂汁，極之回味晚嚐二人餐都好吸引包咗自家製台式烤香腸，其口感紮實，嚼勁十足，煙韌多汁，外皮帶少少甜味黑麻油雞翅，非常入味，唔會太淋TeaWood®️ 紅燒牛肉麵🏆 牛肉麵不嬲茶木王牌～湯頭非常濃厚，但不會過咸，麵質煙韌彈牙，配埋紅白蘿蔔非常清甜，食完非常滿足另外一個主食叫咗麻辣鴨血旺配地瓜米粉，鴨血旺配料有牛肚、鴨血、豆腐卜，蒿荀。辣得黎又夠惹味，仲有陣陣椒麻香，愛辣絕對可以一試！甜品可以加$15，今次試咗芒果吉士可頌窩夫🧇口感很酥脆，吉士配上芒果帶來清新口感，整體甜而不膩。飲品叫咗黑糖冬瓜茶，木柵鐵觀音草莓青檸茶。草莓青檸茶味偏酸，莓香十足🍓

又去茶木食晚餐🫶🏻🫶🏻🫶🏻今晚想食中式嘢，又想食甜品喺呢度滿足晒兩個願望～～今晚比較想叫餸食飯所以就冇食牛肉麵或者意粉。黑醋味豬軟骨配白飯轉肉燥飯豬軟骨煮得好入味又夠淋 好好食！鳳梨鮮果甜酸肉配白飯甜酸肉即炸 再淋上煮好嘅醬汁新鮮冇油益味。試咗一款小食，紅油抄手。辣度適中，餃子好食。麥香小葉雜莓冰So fresh~~~非常清新解渴一流！！朋友叫咗杯奶茶，保持水準一直都唔錯。甜品係Teawood鳳梨酥So yum yum😋

今日約咗朋友去屯門行街，睇戲食嘢，睇完戲就喺附近搵嘢食，台式食品我很喜歡，這間餐廳地方寬敞，舒適。紅燒牛肉米粉，湯底清濃的牛肉汁，加上米粉一齊食，米粉吸收了湯底超好味，而且紅燒牛肉入口軟淋，有口感，冇得彈。黃金鹽酥雞麵，入口香脆有蛋黃味，酥脆的外層，中間嫩滑的雞肉，食到唔停得口。蒜香麻辣豬耳朵，入口軟軟的耳朵，中間豬耳骨卜卜脆，很有口感，加上麻辣的醬汁蒜香味夠，越食越惹味。龍蝦汁台南蝦蛋卷，包住炸蝦天婦羅，蔬菜。入口多重口感，煙韌的表皮，清甜的蔬菜，卜卜脆的天婦羅，加上龍蝦汁好好味。冰淇淋拼芒果吉士窩夫，窩夫剛剛做起入口香脆，加上吉士一齊食非常好味，而且忌廉曲奇雪糕是我最愛的雪糕之一，正！正！台灣高山巨峰烏龍茶，入口非常香濃的巨𡶶味，令人精神放鬆，這個味道我超級喜歡。

講到茶木都算係香港台灣餐廳既始祖之一🫶🏻仲讀緊書既時候已經幫襯過😂。隔左咁耐，依然屹立不倒，一定有啲實力👍🏻裝修風格仲要靚左好多，坐係度食野已經覺得自己係文青😌餐牌設計都好有心思😙食正餐之前梗係要叫啲小食過下口癮個人認為溏心蛋係必食🔥好香濃既醬油味，流心蛋黃無怪味，送飯送麵都一流😛小食拼盤岩哂三心兩意既我😆咩都可以試啲鹽酥雞、台灣腸、花枝丸都好好味🥹欣賞佢有埋蒜片比我拌香腸食💓唔係度度都咁貼心架～主食1 ～ 叫左紅燒牛肉拌麵😍個拌麵就咁食已經好好食，鐘意佢麵質有咬口👍🏻配埋牛肉同牛筋一齊食仲正🔥另外跟餐既鴨血都好好味OMG, 煮到入哂味好正宗🤪主食2～三杯雞配肉燥飯超好送飯既配搭🥹好開心可以熱住咁食👍🏻鐘意食菇類既朋友一定會鐘意依個！！三杯雞入面有好多雞脾菇😆舊舊都索哂汁，好惹味，食到好滿足可以食多幾碗飯😙如果可以轉用無骨既雞肉仲開心🥹另外跟餐叫左兩杯特飲如果想感受台灣傳統就一定要叫台式奶茶啦😌不過想清新下口腔水果茶都係一個不錯既選擇噢最後最後一定要叫個甜品先完滿🫶🏻一定一定要叫佢地既招牌～士多啤梨蜜糖磚塊每塊麵包都烘到岩岩好，好香蜜糖味！！仲要好貼心切開定一舊舊比你😛一啖雪糕一啖麵包

味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐食物推介：紅燒牛肉麵、草莓香草蜜糖磚塊等候時間：20分鐘香港人如果實想吃台灣料理，必定想起茶木，茶木環境舒適、價錢合理、食物質素高。每次我到茶木必定吃紅燒牛肉麵，牛肉香甜美味、麵質爽口彈牙，湯底香醇順口，感覺一流。另一極力推介的甜品是草莓香草蜜糖磚塊，價錢合理，二人分量，士多啤梨清香撲鼻，這甜品也是我每次也必定吃的。其他的還有黃金酥炸排骨、大大塊、香脆又可口。滷肉飯也是值得品嚐的，香港很少地方可以吃到像台灣式的滷肉飯，這裡的魯肉分量多，質量好。

今日屯門公路塞車，返到屯門已經8點，老公話唔好煮飯啦，所以兩個人就去左市中心搵野食。我地都一段時間無食過台灣野，所以就揀左座落屯門市廣場3樓的茶木。茶木的門口裝修好靚，8點幾都仲係坐滿人，可能大家屯門人都塞車唔想煮，哈哈。點知轉個灣仲要排隊，咁多人食質素應該唔錯。入面的座位好闊落，唔會因為多客而將d座位密度增加去做多d生意，👍座位d餐具同紙巾都擺放得好整齊，感覺好乾淨。而一杯杯的水就要食客就自己需要出去拎，夠晒環保我好似大鄉里咁返睇個menu，老公已經掃描左QR code點餐，哈哈，原來宜家都係自助的系統點餐，幾多錢，點左咩都一目了然，唔使好似以前咁記住要叫d咩。其實menu都幾精美，我都影左d相。老公就點左個招牌的台式牛肉麵。黎到放上檯已經留曬口水，d牛肉好大舊，而且份量唔惹少。d麵好彈牙，好有咬口。個湯都好有牛味，似係煲左好耐的牛肉湯，一啖湯頭一啖面，一啖牛肉，台式牛肉麵的最高境界。D牛腩仲要煲到好淋，一咬就碎，老人家無牙都食到，真系低讚！至於我就點左碗肉燥飯，加個雜果甜酸肉。呢個等的時間相對比較長，前後差不多20mins，原來個甜酸肉係收到order即刻做ga。首先不得不讚係個飯

今日早吃晚餐，六點未夠就係屯門市廣場搵食，行行吓諗起好耐冇食茶木，所以就碰下運氣睇吓有冇位，因為平時晏晝去食都要排好長龍，可能因為我哋早食，所以一入到去就有位。室內嘅環境都好乾淨，坐低冇耐就有侍應過嚟比餐牌我地，依度都係自助落餐。一睇個餐牌啲嘢食都好似好吸引。今次我哋嗌咗兩個麵食，一個台式既豬軟骨麵，一個西式奶油培根手作麵，同埋兩杯台式飲品自助落單唔夠5分鐘就上咗碗麵，真係好有效率。呢個豬軟骨麵，湯底係用咗類似紅燒牛肉嘅紅蔥醬燒湯底，個湯溫度適中，豬軟骨唔會煮得太林，所以都幾有口感，如果個面稍為硬身啲就會比較好。奶油培根手作麵，整體味道都唔錯，但係啲麵煮得太冧，同埋比較碎但味道真係唔錯。木柵鐵觀音奶茶加仙草凍，少甜味道啱啱好，茶味都算濃。另外嗰杯係紅豆鮮奶綠走甜，因為本身紅豆已經有甜味說走甜係好啱我口味。真係好耐冇食茶木，佢嘅食物質素都算幾好，價錢同一般西餐廳差唔多，食物嘅份量都比較多，選擇亦都多，希望下次可以去食到佢嘅午餐。