茶木‧台式休閒餐廳 (屯門市廣場1期)

營業中

休息中

星期日下午同老公去左屯門行商場，想去玩具反斗城睇下有咩禮物做小朋友生日禮物。行左個零鐘都無咩啱心水😵 於是決定食個下午茶先算😌，又去左茶木。 今日同上次一樣，門口有十多位客人等位，根據上次經驗等大約15分鐘就有位啦，今次都係，算快。阿嫲手作蔥油麵，比預期中好食，D蔥同蝦米炒得好香，我本身就比較喜歡食d 有煙煙un既麵條，好味呢個都好好味綠茶奶蓋，綠茶味夠，同最緊要吾算好甜呢個下午茶我同老公都食得好滿足

老公次次都唔肯去食茶木係因為唔想排隊，今日好好彩7:00去到未有人等位👍🏻，一家三口即刻沖入去食啦🤣佢第一次食牛肉麵，果然係上癮，連佢都話好味，牛肉入味又唔痴牙，湯底今日冇平時咁辣，紅蘿蔔又甜又淋😍阿女食黑油雞亦麵，雞亦用滷水煮過，所以好夠味寶島三小碟酒槽蛋，甜酸肉排，地瓜墨魚餅地瓜墨魚餅超彈牙😋鮮果冰紅茶，我通常會自己加水，因為我覺得甜咗少少，但入面有好多鮮水果，好正今次太飽食唔落雪糕吐司😭

食物方面食過一次 覺得還可以再試去到排隊等其實吾系咩問題我地兩位去 等左接近4個字但一有3位既入去就即刻有位！入左兩批 3位既客人入去我想問 系咪人少就要捱多陣肚餓？求您地公司既投訴電話！得到既回覆就系對吾住等多一陣 好快有如果系咁 我系咪每次去食都要帶定4.5個人去先有位？

本身想去飲好好味嘅奶蓋，結果話冇奶蓋系列，但冇解釋係咁岩冇定以後都冇，奶蓋真係好好飲，如果冇左真係好傷心（其實係我諗太多，點會以後都冇呢）叫左一個餐所以係一個比較優惠嘅價錢（冇keep單，不過arround $100有飯／麪、飲品、甜品）再另加多士同一杯飲品。

星期日hea去邊？既然主張台式休閒風，當然茶木啦。好耐無食過佢嘅鹽酥雞，一籃份量多，炸到酥香味道足。香煎沙朗肉燥飯，據知係牛肉，肉質好嫩，肉燥同漬菜味濃但不至鹹。櫻花蝦培根芥奶油手作麵，櫻花蝦提了鹹鮮味，幸好有芥末籽，如果自隊一碟會呆滯，開心分享就不覺得膩口。試新野「台式三色腸」，之前只食開甜甜嘅紅色腸，白色用腸衣包住糯米煎，味道淡淡，黑色口感亦有糯米而且夾雜少許肥膏有啲味道，配合大蔥絲、蒜片一拼食另有風味。炎夏最好吃湯飯，蚵嗲肉碎泡飯就最好不過，湯中有飯既飽肚又易入口，記得叫古月粉幫手僻蚵嗲少少嘅鯹味喲。地瓜燉嫩牛腩，牛腩真的嫩，燉到地瓜亦好嫩，嫌味濃左啲，配白飯就一絕。

食極都唔會厭既香辣牛肉麵真係好好味牛肉大大件又超淋，完全唔痴牙麵質夠煙靭湯低超濃，仲要越食越辣個種感覺真係超正茶木既雪糕吐司係佢既名菜，有三款口味1.朱古力2.士多啤梨3.芒果雪糕，水果，加埋一粒粒既吐司不得了本人較愛芒果，因為酸酸甜甜冇咁漏。不過今次朋友想試士多啤梨，士多啤梨都唔差架。但朱古力我就認為太甜啦。屯門分店係午餐同晚餐都要排隊等位架，晚餐就最好8:30後會比較少人。午餐時段有牛肉麵套餐架，抵食d !晚餐就要散叫啦

下午茶時段行過茶木，難得沒有人龍於是就入內食下午茶。一入到去，環境真的有一種很自然悠閒的感覺，裝修以木色及綠色為主，可能坐的近門口，活動空間比較大，所以真的感到很舒適，沒有一般餐廳那種侷促的感覺。為免吃得太飽，今次只是點了芝心雞翼拼鹽酥雞餐及三杯雞溫泉蛋吐司。原本以為鹽酥雞餐的份量會好少，但送來後其實一個女仔食是夠飽的。芝心雞翼已經去骨，啖啖肉，加上裡面半溶的芝士，好有罪過感，但好味 ; 鹽酥雞炸得乾身，不油膩，但比較碎。三杯雞溫泉蛋吐司的三杯雞比較咸，一定要配飯或者面包中和咸味，否則單食會瘋狂飲水 ; 溫泉蛋呈半流心狀態，配吐司旁的蔬菜吃一流。

星期六食 lunch 食乜好? 行過有乜咪食乜囉。黎到茶木排隊等位，好奇怪! 入面明明有枱但企左5分鐘都冇安排入坐，我扮傻問 waiter 係咪要排隊定攞飛，佢話排隊就得，佢地會安排入坐，我同佢講話覺得奇怪點解有幾張吉枱又唔安排入坐，佢話要夾枱安排緊……問完之後等多5分鐘就有位…… 入去坐落叫左杯黑糖紅豆珍珠奶茶少甜少冰，香煎沙朗肉燥飯，香菇水餃麵。杯茶好快上枱，飲左2啖先記得影相 ，紅豆同珍珠本身都甜，所以溝埋就啱啱好，不過紅豆太細粒，相對珍珠嘅大粒，會有錯覺杯嘢唔覺有乜紅豆食。跟住上碟飯，肉燥撈埋D飯、雪菜、青瓜、蛋一齊食係最好食嘅，因為青瓜可以減低肉燥嘅油膩感，但D沙朗肉就麻麻，因為有根，食到成口渣!食完碟飯碗麵都未到，聽到隔離枱追單，話有碟併盤落左單半個鐘都未有，又話落左個拿破崙餅好耐都未黎…… 跟住有個waiter 埋黎話收碟，我地話仲有嘢未黎佢先話幫我地跟跟……過冇耐碗麵終於都上枱喇。又係食食下先記得影相 個湯好濃味，睇落好油但食落又唔係喎，碗麵有2隻大冬菇、3隻餃子，食隻冬菇好似食扒咁，好厚好爽，隻餃幾滑，好似食豬肉餃咁，D麵都唔差，煙煙靭靭咁，但有幾條冇煮開痴埋一舊，有

抵茶木愈開愈多分店 真係keep到個水準👀黑松露野菌忌廉手工麵，黑松露忌廉汁好香，食落好濃郁，手工麵軟硬度適中，咬落去煙煙銀銀，對於香港人黎講都幾特別同岩口味，十分推介❤️炸雞扒肉操飯，配料都算多，有足料肉操，夠味既滷水蛋，同埋啲酸菜，整體黎講不過不失。炸雞扒略嫌有啲乾，食落有啲dry，如果加番個汁點下仲就好喇👅宇治抹茶紅豆特飲，抹茶同奶嘅比例啱啱好，仲啖啖紅豆～ 不過落得太多冰，飲落會有啲冰粒，變左係沙冰咁樣，大家下次叫可以叫「少冰」就perfect喇！店員服務質素好好，堅持汁好哂張枱先比客人入座，雖然等耐啲，但都值得架唷🤔態度亦都好友善，係值得我再去既餐廳～

今晚食完晚飯突然之間覺得好想食甜品就同老婆去咗茶木道食蜜糖方塊呢個差唔多係我哋去親茶木嘅必選item今日揀咗黑森林味個蜜糖方塊呢到真係好震撼三層嘅蜜糖多士上面再加一個雪糕球，同埋好多嘅cream絕對係邪惡之選之前去過台灣旅行，第一次去過一間cafe度 第一次食蜜糖方塊，已經令我一試難忘自從知道茶木黎左香港，有呢樣甜品食就經常心思思想上去食呢個甜品大大分，兩個人食剛剛好！甜味又唔會太重除咗可以影相呃like之外食完之後都會覺得好滿足好幸福！！！

呢間餐廳在屯門嚟講都算係一間不錯嘅休閒聚腳點😍😍Lunch時間同家人來午餐，食過幾次，他們的餐牌都會不時換新食品同飲品，都算不錯👍最鍾意飲佢哋嘅果茶，好飲又多生果😍😍而佢哋嘅台式食品都不錯，大大碟，份量足，味道亦都不錯😋😋而牛肉麵，手工麵條質感好好，湯底有濃濃的牛肉味😋😋卡邦尼手工麵亦都濃濃汁鋪滿麵條上，仲有不少雜菇👍👍牛油果沙律都好新鮮😋😋餐廳裝修都幾好，座位寬敞，平日時間去坐下飲下嘢，確係傾偈聚會嘅好地方😁😁

下午茶時段光顧茶木不像晚餐時段要等位就可以入座,  看了餐牌後但點了豬軟骨湯麵,，食物端上枱已很香, 豬軟骨也幾大舊很淋幾入味而湯底濃郁, 再點了杯凍香芦奶茶水準也比街外的好， 這間茶木環境潔淨而工作員工也有幾多後生仔女或成熟員工而佢地都好有禮貌及專注客人需要也會主動來加水，食物出品及服務整體都幾滿意。

已經第二次來吃了，週末通常都滿座，幸而今次下午去不用等位剛好有枱😀喜歡餐牌的設計，會讓你每一款食物都想吃😆之前吃過吐司也非常不錯，很大件，適合三五好友分享！今次不太肚餓，只是想吃點甜的、喝喝咖啡，所以並沒點吐司。上次吃過芒果拿破倫非常不錯，不會太膩但又非常鬆脆，今次想再點，但可惜已全部售罄😱最後點了玫瑰咖啡及另一款甜品（忘記名字了）。芋圓很Q很不錯，紅豆是甜甜的，伴著生果甜度就剛剛好👍🏻很好喝的玫瑰咖啡👏🏻樣子討好！原本以為會是很假的藥水味，但完全不是！！是很不錯，又很優雅的👍🏻👍🏻只是一杯小小的，如果可以大杯一點更好😀😋

每次食晚市套餐都必選辣子雞丁炒得好香辣度、味道又適中，送飯一流，玫瑰花紅茶沒有甜味只有香味辣辣過後消油膩都唔錯，等位遲左入座，蛋糕無哂，唯有試試佢嘅土鳳梨酥平時食土鳳梨酥只會去開台旅行至會買，香港的沒興趣，或者自家製黎食，茶木的都唔錯，甜中帶微酸，美中不足的只係有少少渣

中午經過，竟然無人排隊，又剛想吃甜食就進去了。侍應服務不錯，原先安排我坐沙發位，但個人想坐牆邊一角的枱（感覺可以隱密點、坐久一點），他們立刻收拾（那位置未開放），動作快👍🏻也想試那些waffle，但很大份，最好還是三五知己來才點😎