茶木‧台式休閒餐廳 (屯門市廣場1期)

營業中

休息中

茶木一向受歡迎，屯門店週末常常都見有排隊的人龍，無來一段時間，發現有食物飲品有新款式，又好食又適合打卡。烏賊汁奶油中卷手作麵$86手作麵口感很好，帶點煙韌，烏賊汁很豐富juicy，有它特別的香味，加點牛油香，烏賊用料也不少，它柔軟易咬不會韌。古早紅燒牛肉伴麵$74相比下這伴麵比較幼身，它帶少少麻香，紅燒牛肉燉煮到很鬆化，一點也不會乾柴，還有兩件大大的蘿蔔，餸料足夠伴麵吃。青蘋果酪梨蜜糖磚塊$88打卡的重點來了，三層的蜜糖磚塊實在很震撼，加上tiffany blue的cream、牛油果、還有花生醬雪糕，旁邊伴有藍莓、草莓、爆谷、香蕉片，cream上還有些彩色珍珠裝飾，十分精美，非常吸引的甜品，什麼年紀的朋友也都喜歡。脆脆的多士本身有蜜糖味，再加上cream和雪糕、生果等，感覺十分豐富。脆脆黑糖瀑布珍珠奶$44造型也是很適合打卡，本來平平無奇的珍珠奶茶，它加的面層像有奶蓋，加添層次感，杯邊有柯華田圍邊，再加上芋圓串，非常有新意。

#烏賊汁奶油中卷手作麵⭐️⭐️⭐️⭐️⭐️#古早紅燒牛肉拌麵⭐️⭐️⭐️⭐️⭐️#青蘋果蜜糖磚塊 ⭐️⭐️⭐️⭐️⭐️#檸檬愛玉 ⭐️⭐️⭐️⭐️⭐️#棉花糖美祿 ⭐️⭐️⭐️⭐️有時諗起台灣野都會諗起茶木，始終連鎖店又開咗咁長時間，都有一段時間冇去，今日心血來潮就去睇吓有冇咩新搞作先！⭕️ 烏賊汁好creamy配埋個手作面好有口感⭕️ 好鍾意佢拌麵個汁好惹味⭕️ 拌麵除咗有紅燒牛肉之外，仲有幾款配菜⭕️ 今次呢個青蘋果配埋牛油果既蜜糖磚塊個感覺好有新意又估唔到咁夾⭕️ 第一次試佢唔係奶茶嘅飲品，特別欣賞佢個檸檬愛玉⭕️ 棉花糖美祿非常適合愛甜人士

原來茶木喺香港已經十年嚕今次就膽粗粗試咗佢嘅新menu✨脆脆黑糖瀑布珍珠奶茶 $44成杯飲品好豐富 最上有串芋圓地瓜圓 然後係層奶蓋 跟住係奶茶 最底就有黑糖珍珠 而杯外仲有啲脆脆層奶蓋好好味 芋圓嘅口感好好兩樣加埋一齊非常好味而黑糖珍珠奶茶就正常水平唯獨是外層嘅脆脆就真係裝飾用 完全食唔到如果食到脆脆嘅話相信成個口感會更加好✨古早紅燒牛肉拌麵 $74一直都好鍾意茶木嘅拌麵而家出埋紅燒牛肉真係太好喇牛肉有兩大嚿 炆得又冧又入味拌麵質地好好 帶啲煙韌 少少嘅麻辣味再加埋啲配料 整體都好好食絕對係encore嘅item✨古早羊肉爐 $168無諗過茶木都會有暖笠笠嘅羊腩煲食好多料 羊肉之外仲有紅蘿蔔馬蹄冬菇同埋冰豆腐超入味 但其實個味就同紅燒牛肉差不多嘅✨青蘋果酪梨蜜糖磚塊 $88青蘋果食落幾清新 令成個甜品無咁漏個雪糕筆者唔係好食得出係咩味😛個感覺似係爆谷咁 甜甜地又有啲野咬下咁比起以往嘅蜜糖磚塊 呢款個味道上就比較豐富啲

話說有一段時間冇去茶木，今日難得同老公二人世界，所以去茶木Lunch門口有客人排隊，不過唔算等太耐，大約10分鐘就入到餐廳了🍴是日我們點了以下： ❤️紅燒牛頰肉麵～湯夠濃，牛肉軟腍又入味👍🏻🧡古早紅燒牛肉拌麵～ 拌麵微辣，我老公話呢個啱佢口味！💛青蘋果蜜糖磚塊～呢個甜品真心唔錯🙌🏻賣相精緻，配料多，超豐富。最上層係雪糕，旁邊有popcorn 、士多啤梨🍓藍莓點綴，而麵包不用再細切（因為打開麵包，入面分成細磚塊🧱方便食用，好細心），好睇又好食😋💚脆脆黑糖瀑布珍珠奶茶🧋～飲品一上枱，少女心即刻出晒嚟🥰 飲品入口好creamy，配上Q彈丸子，口感一絕😌

茶木‧台式休閒餐廳屯門屯隆街3號屯門市廣場一期3樓3205號舖Shop 3205, 3/F, Phase 1, Tuen Mun Town Plaza, 3 Tuen Lung Street, Tuen Mun好想食甜品呀, 甲為減肥忍口左2星期無食蛋糕同甜品啦, 中午行完山體力勞動完, 一於獎自己食大餐, 所謂”唔食飽D邊有力減肥”冬天是食羊暖身架季節, 古早羊肉爐是台灣風味一個湯會有陣陣藥材架味, 羊肉塊帶脂肪, 其實個湯是偏濃郁, 同羊肉幾夾因為可以去掉羊本身的羶味。 古早紅燒牛肉拌麵, 平時食湯都, 今次拌麵看看有什麼不同。牛肉一樣是煮得入味架, 拌麵比湯麵有口感, 都一樣好食架一直是人氣甜品,蜜糖磚塊青蘋果味, TOAST 烘得香脆帶微甜, 再疊上大量雪糕同脆脆綿花糖等等, 每次見到都好開心架,顏胱色繽紛賣相又靚。 試左脆脆黑糖瀑布珍珠奶黑糖漿流到一條條,在透明杯中明顯。黑糖有份獨有甘甜, 上面仲有脆脆片, 喝時攪均, 真係遲D先再減肥啦!運動是為了吃更多美味, 這金句果真沒錯，發人深省。

入冬涼浸浸，天氣報告12度，立即想到要吃羊Happy Friday 屯市揾食，竟然 茶木 有羊肉爐，一於排隊等位😬😬 20mins ok la古早味羊肉爐 $168有驚喜，羊肉帶骨，又入味，湯底好濃郁，羊肉剛好，不會太軟，帶骨位特別嫩滑,再加優惠價加白飯，飲品，仲可以加鴨血😍😍古早紅燒牛肉伴麵 ＄74算是這家店得必點項目，伴麵彈牙有韌性，加上湯汁非常惹味🤤🤤牛肉夠軟、濃郁，還有台灣直送鴨血👍👍青蘋果酪梨蜜糖磚塊 $88超大份，打卡必點，雪糕軟滑香甜，方包好細心，切粒加沙糖烘脆，必點😍😍脆脆黑糖瀑布珍珠奶茶 ＄44好得意，每口都吃到脆脆杯邊，加上Q彈珍珠，很不錯呢！驚喜！不論飲品、主食都甜品都出色👍

茶木呢個名字對香港人來說一D都唔會陌生，天氣凍凍地梗係食個羊腩煲，見到茶木搞搞新意思，推出古早羊肉爐好想試吓。古早味羊肉爐：熱辣辣香噴噴羊肉煲用一個小火爐保熱，有紅蘿蔔丶馬蹄丶冬菇羊肉分量豐盛，驚唔夠食仲可以用＄20追加每款（手工肉條丶冰豆腐丶鴨血丶娃娃菜）如果想食得豐富啲仲可以加$68點一份安格斯牛小排羊肉炆得好腍入口即溶，入曬味，羊皮加少少肥膏食出甘香味，刺激味蕾。古早紅燒牛肉伴麵：擺盆非常靚，吸引眼球已經感覺到好好味，三件燒牛肉紅蘿蔔，半隻溫泉蛋丶滷水豆腐丶鴨血各一件，大大碟拌麵，牛腩有少許肥膏，紅蘿蔔又淋又甜配拌麵一齊食一流。脆脆黑糖瀑布珍珠奶茶：呢杯飲品不得了，有有齊我最鍾意食嘅脆脆，主角係嗰三粒芋圓，Q軟彈牙，香滑奶茶又有珍珠咬下，十分吸引。青蘋果梨蜜糖磚塊：甜品時間最後出場，睇見個賣相已經足夠打卡，有齊晒我想要嘅嘢，雪糕丶生果丶忌廉丶蜜糖麵包。蜜糖方塊烘得香脆，睇見已經流晒口水，同朋友仔一齊share最開心又滿足。

🐐 古早味羊肉爐$168一邊煲 一邊食 食完成身都熱辣辣有成十幾舊羊腩 炆得好腍 一啲都唔羶有紅蘿蔔、洋蔥、豆卜做配料 加$68有安格斯小排 （不過我冇加到叫叫下原來真係勁多嘢食）🐮古早紅燒牛肉沾麵$74麵質彈牙 沾上牛肉濃湯 牛腩肉質鬆軟 仲有溏心蛋🥚🧋脆脆黑糖瀑布奶茶$44杯邊有朱古力脆脆 可以用匙羹刮 珍珠有黑糖味 唔係死甜飲落好似瀑布咁細滑👍🏻仲有三粒小丸子🍡🍏🥑青蘋果酪梨蜜糖磚塊 （10週年價$88）食一個會開心既甜品 見到都幸福 但會唔會太豐富？？？成座山咁高 有焦糖香蕉🍌 藍莓🫐 士多啤梨🍓爆谷伴碟好少甜品會用青蘋果 口味好fresh每一口都有蜜糖磚同青蘋果cream 邪惡之選

古早羊肉爐$168有紅蘿蔔、馬蹄、冬菇、豆卜等，配合埋各種蔥薑大料，簡單傳統嘅配方，稍微加熱香味撲鼻，湯汁濃郁但唔會太重口，味道適中，羊肉冇羶味，皮軟腍一啲都唔韌，肉質爽口又惹味。加$20可以升級套餐，有一碗白飯同茶飲一杯。又可以$20追加鴨血、冰豆腐、娃娃菜等烚下烚下。古早紅燒牛肉拌麵$74除咗麵同牛肉，仲有半隻溏心蛋，一塊鴨血同腐皮。麵質煙煙韌韌，小小麻辣好開胃，而且份量十足，牛肉勁軟腍，肥瘦均勻，爽口甘香又惹味。鴨血同溏心蛋入口都好滑，味道唔錯。青蘋果酪梨蜜糖磚塊$88賣相好靚好吸引，三塊厚多士，上面係濃厚嘅一層cream，最頂係雪糕球，有藍莓、士多啤梨、焦糖香蕉、牛油果同爆穀等點綴，成個造形加上顔色配搭，望落就好精緻，裡面細細粒嘅麵包粒好脆，蘸cream同雪糕一齊食，口感同味道都相當唔錯。脆脆黑糖瀑布珍珠奶茶$44都係賣相好精緻同特別，下層珍珠奶茶，上層芝士奶蓋，跟住放上一串芋圓，杯邊係一圈脆脆。味道偏甜，但撈埋芝士就啱啱好。

之前光顧過茶木，都覺得有質素保證，但今次不知道是否人太多，有失手了。紅燒牛頰肉麵$80（走芫茜和蔥）這是期間限定的套餐，身為牛魔王的我是專誠為這碗麵而來，但覺得有點失望。先說牛頰肉，脂肪較少，肉質軟韌，而且切得大塊，是好吃，但沒有驚喜感。而麵是有嚼口，但煮得不夠熟，我竟然吃到半生麵，當下有點生氣，但還是算了。不過整碗麵份量剛好，不多！洛神芒果沙冰$15這杯沙冰其實是抵飲，但在秋冬季節，其實我一點都不想飲凍飲，我認為這個時候推出沙冰特飲是否有點不合時宜呢？！如果想點其他特飲就要正價，或者選擇其他餐，即是迫你加15買沙冰，否則等飲水，需要這麼推賣嗎？！

今期限定紅燒牛頰肉麵，三杯飲品包括洛神芒果沙冰，輕薄荷酪梨沙冰同埋鳳梨藍蝶梳打。小編當然吾可以放過試新野，點了紅燒牛頰肉麵，松露塔塔醬雞絲麻拌麵，鹽酥雞，輕薄荷酪梨沙冰同埋鳳梨藍蝶梳打。牛頰肉麵不大驚喜，本身肉質不滑身，煮得夠淋容易咬開。拌麵如同上次一樣，有興趣可以參考上次評語。鹽酥雞很好吃，小小一口接一口，停不下來。沙冰很順口，梳打吾太喜歡，菠蘿偏酸但可以細細瓶梳打夠滿杯好幾次。芋圓仙草豆花如同上次一樣，有興趣可以參考上次評語。📌茶木‧台式休閒餐廳☎️2648 0288📍屯門屯隆街3號屯門市廣場一期3樓3205號舖Openrice: #VictoriaChan1008YouTube: #心心VictoriaVlog#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #youtuber #health #心心物語

偶爾見到茶木出了新甜品，心型的窩夫4塊配一大球雪糕，都只係$58！點可以唔試！先選了黑糖抹茶紅豆冰淇淋口味，賣相比海報還要漂亮❤️鬆餅很夠熱，口感鬆軟入面仲有少少麻薯的QQ感！（明明無加錢加麻薯）抹茶雪糕甘香，配綿綿的紅豆蓉仲有軟嫩蕨餅和滑滑忌廉簡直像是回到了日思夜想的日本一樣，去了趟味覺的日本之旅！然後加了肉鬆芝士青瓜蛋這個令人失望：份量偏少，一條切成2份，其實這個材料配搭係唔錯，但餡的份量也偏少，沙律菜也只有兩片，吃完不太有滿足感。$47而言，唔太抵。而且另收加一服務費。唔夠飽，多點了芒果香草蜜糖磚塊，下午茶$68 ，仲包飲品。超抵！芒果味清甜，唔酸，而且很開胃！配脆脆的蜜糖多士，口感一流！而且份量大，把我的甜品胃填得滿滿，大滿足！飲品也不錯，大大杯黑糖珍珠奶茶同紅豆薏仁水，味道不錯。

期間限定❤️手工拌麵🍽️每次去都有新菜式，令人充滿新鮮感，而且仲好好味。🤗今次出左兩款手工拌麵，分別係松露塔塔醬雞絲同埋麻辣半筋半牛肉。💞小編同屋企人點晒兩款，加紅豆薏米水同另一杯忘記了🤣兩款都好夠味，前菜有 麻辣鴨血拼素鴨。 中意台灣既小編好滿意依兩款前菜。😋紅豆薏米水偏淡，但岩晒水腫人士飲，薏米有消水腫功效。😍#food #foodie #手機食先 #相機食先 #美食 #好味 #吃貨 #cook #delicious #tasty #oichiii #health #心心物語

同家人去食晚餐，店內有五六張枱（2及4人枱都有）冇人坐，都唔放人入坐。而且大部份男店員的態度都幾差：落單時我講成個麵食全名，佢問返個麵咩號碼，我冇戴眼鏡，睇唔到咁細粒字，所以成本menu遞俾佢睇，結果俾佢睥⋯⋯

見到有新菜式，即刻走入去試，平日下午茶時間，一般都唔駛排隊，可以直接入去坐。好想試這個酸梅春雞。5十幾蚊，無諗果咁大隻，真係好抵食，味道同普同鹵水雞差唔多，不過賣相麻麻地，有d位置嘅雞皮唔見左，食吓先知點解，原來舊雞好林，感覺好似煲完湯攞出來咁，骨同骨之間仲會自己脫開，一夾就散晒，唔怪之得咁平。另外我叫左個麻辣拌麵，牛肉係分開上，用麻辣湯浸住，面的質地彈牙而且口感唔錯，有配菜：鴨血及腐皮卷，不過不失。食午餐重點係要加購小食，十幾蚊加一碟，又正又抵，必食係鹽酥雞粒、紅油抄手。鹽酥雞粒好脆，調味夠晒濃，好正。紅油抄手嘅餃子皮唔會太林，好滑但有口感，似係過過冰河咁，個汁小小辣好鬼正。跟餐有飲品，我叫左酸梅冰，唔會太甜，剛剛好，夠凍夠解喝，唔錯。最唔開心係我朋友先入坐，帶位果個伙計不在剛位，我自己掃左安心出行、度左體温就行入去搵我朋友，點知俾個伙計趕返我出來，佢話要親眼睇住我度體温喎，全部人望住我，我覺得佢都好玩嘢。其次，我食完晒，但杯飲品一直未到，見到有一杯 酸梅冰送錯去我隔離，我就問可能係我嘅，個伙計十問狗唔應，完全唔望你唔啋你，攞返杯嘢走左。最後我等到想走，再追，先攞到我杯酸梅冰，所以服