茶木‧台式休閒餐廳 (iSQUARE國際廣場)

營業中

休息中

🥢 茶木粉絲又出動啦，夜晚諗唔到食咩就會諗起茶木個蜜糖磚塊同埋水果茶，咁啱見到又唔使排隊就第一時間衝入去食👍🏻 磚塊原來而家仲做緊特價 $68，過咗咁耐仲係keep住呢個價錢我覺得真係抵食👎🏻 呢間分店衛生情況有待改善，個地下好多食物碎🥶🥶⏳上菜速度，主食就正常啦，但係個蜜糖磚塊等咗差唔多半個鐘，都要追一兩次.. .. ✨ 鹽酥炸雞扒麵主食推介，10次有六七次黎食都一定係嗌呢個面，一來係佢嘅鹽酥真係做得好好，唔會過鹹同埋雞肉唔會炸得太老，而且份量非常之合理，一盤大概有6-7塊大鹽酥雞塊，個湯麵湯底非常之濃郁嘅牛肉麵味加埋酸菜真係好好味✨ 熱帶水果茶都係我嘅推介，一盅水果茶大概可以fill到四杯餐廳提供嘅玻璃杯份量，最好就係你可以要求飲完之後叫餐廳幫你加熱水，水果茶嘅酸甜味道非常之清新，配合主食同甜品都非常之適合✨ 草莓香草蜜糖磚塊招牌甜品就唔使再多介紹啦，賣相依然係吸引，好大個草莓雪糕係磚塊面加埋棉花糖，一定令你食得開心睇得滿足！裏面嘅多士粒非常之脆而且有陣陣嘅蜜糖味、加埋雪糕食完全係天衣無縫？

叫左個下午茶 ，鹽酥雞包餐 包一碗麵線，個雞包無問題既，可惜個麵線（真心唔知咩黎，一舊舊咁，痴住d 蓉爛既大腸，又唔夠熱，已經無曬食慾 估唔到咁簡單麵線 可以煮到咁難食 長知識了。 另外再叫左柯仔煎，真係同屋企自己第一次煎果d差唔多，咬落毫無口感。環境：乾淨 企理 燈光幾好職員：服務一般般 落order要等 上餐要催食物：半好半壞 。。。。。。。。。。。。。。。。。。。。。。。。。。。。。。：

再次拜訪茶木 今次去食tea set 2個人嗌4個set都只係$288！首先 見佢$53有刈包再加魚蛋紫菜湯 決定試一試 結果有啲失望 刈包塊牛肉極細塊 不過呢個價錢包野飲 都可接受的之後嗌左2碗紅燒牛肉麵，每碗2大舊好淋既牛肉 其中1舊係牛展 好好食 麵好有咬口 仲有蘿蔔同紅蘿蔔 湯底濃度適中 一啖湯一啖麵👍🏻+$2叫左杯檸檬愛玉走甜 雖然都仲係幾甜 但酸酸甜甜幾好飲 佢係沙冰黎 但愛玉比較少最後要食甜品 士多啤梨麵包磚真係永遠世一$68一大份 2個人食完非常滿足 最後麵食唔曬haha 咁樣埋單先$288 香港好難再搵到咁抵食又有返咁上下質素既餐廳了

上次沙田分店，看到用月老票尾廣告，可用優惠價享用月老甜蜜組合優惠。剛巧戲票也有買一送一優惠，先看月老，6時多到茶木，也許是節後，也許是第五波疫情開始，客人很少，不用等位，侍應很快安排入座，卡位，寬敞舒適。向店員查詢可用票尾$98優惠後下單月老雙貝紅線麵有北寄貝，扇貝，麵線配上紅色汁，賣相跟菜式名稱相符合，兩款貝類也新鮮，麵線軟硬度適中，唯醬汁味道不突出，整體味道尚算合格。草莓香草蜜糖磚塊，這款甜品製作需時，要預時間早下單和耐心等待賣相跟幾天前在沙田分店吃的有輕微差別，Cream多了，草莓排列位置不同，不過同樣吸睛，打卡一流。自家製麵包，烘成多士，切成磚塊，鬆脆可口，層層疊放上草莓雪糕、忌廉，一冷一熱，口感相當豐富，視覺味覺大滿足。餐廳內播放著，月老電影主題曲，充滿浪漫氣氛。埋單連加一服務費，$108。

Remember the first time we came eating in teawood already many years ago, taiwanese dishes were still so new to hkese and they are famous in taiwanese dessert such as waffle and bread square, this time come to try their lunch and the taste is still good even take away haaOrdered Fried Ribs with plum powder which is actually fried pork cutlet, so yummy with that special plum powder, it’s a bit sour and sweet with nice texture of pork, such a good good one, not every taiwanese restaurants having g

下午茶時間 人流量很少等了半個鐘 叫了幾次服務員才上菜最後飲料都是遲遲不肯上服務員態度很一般 不知為什麼客人這麼少的情況下還要等候這麼長時間食過很多次茶木 第一次遇到這種情況

今日行街行到攰攰哋，媽咪話掛住《茶木》嘅”綜合鮮果茶”（佢之前喺唔同嘅《茶木》分店飲過，覺得好飲兼且水準穩定），啱啱3點幾，係下午茶時段，order 一份下午茶餐，只需加$4 ，杯飲品就可以升級做”綜合鮮果茶”（平時單叫飲品係$42㗎 😎 ）依家《茶木》轉左手機自助落單，order咗”福州魚丸紫菜湯新竹米粉”下午茶餐(仲有得揀多青同多炸蒜，方便之餘仲好貼心)，餐飲當然係”綜合鮮果茶”啦～先嚟飲品”綜合鮮果茶”媽咪好鍾意呢杯飲品，有茶香🍵又有果香味🍉🍊🍓🍏飲品裡面有多種水果：西瓜、火龍果、青檸、橙、石榴、士多啤梨、蘋果（有時仲有西柚添），有茶飲之餘又有水果食杯茶入面仲有粒話梅，加落去有果香味嘅茶度好夾，重點係，當飲品面嘅冰溶化成水令飲品味淡咗嘅時候，篤一篤粒話梅，飲品嘅味道又加強番😌“福州魚丸紫菜湯新竹米粉”🍜真係按照落單要求，做到多青多炸蒜，讚👍🏻新竹米粉麵條又幼又爽滑福州魚丸嘅包心豬肉餡一次過滿足又食魚丸又食肉丸嘅口味 ✌🏼食完下午茶，充一充電，又繼續行街喇~

和女朋友叫了士多啤梨蜜糖磚和巧克力曲奇蜜糖磚，等了45分鐘也未到，等候時間很長。終於來了的時候，只有來兩個士多啤梨蜜糖磚，我糾正是巧克力曲奇，要再等多二十分鐘，等候時間過長，催了一次，叫我再等，已經足足一小時。甚至見到其他枱已經有蜜糖磚，但就是我那枱還未來。更甚者，連餐具也沒有提供，要問才有，這間位於isquare的分店感覺惡劣，不能接受，而且服敄員多次沒有理會，令我感覺不能接受，時間長，服敄態度差。

之前食過其他分店嘅茶木，尖沙咀呢間第一次，亦都系服務最好嘅一間！一家四口入左，職員隨即擺好BB櫈，雖然2個小朋友（一個BB）衹點左一份兒童餐，但職員都送上2份兒童畫紙&筆👍🏻落單嘅時候，我哋打算落甜品，職員都溫馨提示我哋先食完再決定，免費浪費...最抵系兒童餐，個撈麵出奇好味😄😄期間有其他檯客人嘅小朋友嘔吐，檯&梳化都系嘔吐物，店鋪職員都無唔情願，安排客人坐另外一檯，再清潔，讓客人可以慢慢再享用未完的食物...呢間服務真系好值得讚👍🏻

今日同女朋友去咗尖沙咀見面同行街按摩，而且天氣好鬼咁熱，我哋按摩完行咗陣都係去啲商場hea下先啦，食完個博多丸拉麵之後就去咗隔離呢間茶木有冇乜人唔使點等位就入去食個甜品，正正常常普普通通嘅~

今日難得同朋友一齊放假，所以就諗住早啲起身去食個早餐先再行街，我哋都搵咗幾間餐廳，但經過茶木嘅時候，我同朋友都認為平時只係食過茶木嘅午餐同埋晚餐，都從來未試過佢嘅早餐，於是我哋就決定咗去茶木食早餐，佢比我想像中平，早餐嘅價錢大概係$30至$40幾，價錢唔貴呢！最重點嘅係嘢飲可以免費轉珍珠奶茶😍😍😍😍😍😍如果要飲凍飲嘅話都只不過係需要$3，真係好平，我哋平時杯珍珠奶茶都差唔多$30，依家一個早餐$30幾、$40幾，已經包左一杯珍珠奶茶，呢樣野真係好吸引！希望呢個優惠繼續都會有啦？咁我就可以趁暑假去再食多幾次啦

睇完電影又想找地方坐坐，見到餐廳有下午茶有甜品就進店休息下，店舖座位不算太擠但環境比較嘈吵，我們就隨便點了兩個甜食黑糖芋圓水果仙草，味道麻麻同張相比較有些少出入，另一個叫咗草莓香草蜜糖磚塊，呢個係9週年載譽歸來，味道及賣相都唔錯，另外仲有包飲品，我哋點咗台式酸梅冰、黑糖珍珠奶茶，呢杯係我飲過比較差嘅珍珠奶茶，真係麻麻地！餐廳店員真係人手不足，見到佢哋真係忙到飛起！

估唔到平日下午都有甘多人排排左20mins先有得食好多人阿 ~~~但isquare好似無乜其他野好食~-自己入去坐左4個位好似唔係好好意思好彩都無比人白眼~-去到吃左個炸雞排麵同埋熱冬瓜茶好似冬瓜茶淡左dd 好似飲水甘既感覺下次都係飲其他野 :’(-炸雞真係好熱辣辣同埋脆口入面d雞仲好juicy真係覺得佢甘多年都keep到quality算係好好佢上面如果多小小調味粉就好因為佢個雞入面唔算重味-麵就不嬲都好彈牙同埋好味湯底都係我中意既味道<3食茶木實無衰架啦

平時過iSquare食lunch，多數去名代宇奈食鰻魚飯，或者丸龜食烏冬，次次都見茶木有條排隊人龍，咁今次好奇心驅使下就入咗茶木試下。Order咗呢個台式拌麵套餐，加$9轉黑糖珍珠奶茶少冰。首先黎咗杯黑糖珍珠奶茶，咦？唔甜嘅，個甜度介乎走甜同微甜之間，茶味居然有少許伯爵茶味道，但又唔係完全伯爵茶，怪怪地，忍唔住同侍應講，佢攞咗入廚房加糖，出返黎見到明顯杯邊有少少黑糖掛咗杯，攪勻再飲，都只係甜咗少少，我諗係人哋出面嘅半糖都無🙄個拌麵好麻辣，啱味道，但好咸。鴨血話係麻辣，但唔係幾麻辣。半筋半牛肉，嗰啲牛肉係肥牛，勁肥同埋一撮撮咁，賣相有啲嘔心，初時以為係牛筋黐住嗰啲下欄肉，但夾夾下似曾相識，咦？原來係肥牛😅😨食完之後滿腔麻辣，然後飲返杯珍珠奶茶，本來呢個時間飲杯甜嘢好啱嘅，但係佢唔甜乜滯又有啲怪味，解唔到辣唔滿足，最後飲剩半杯😣下次都係食返鰻魚飯或烏冬或日本拉麵算了

嚟到呢度試一試士多啤梨磚塊多士,令我的嘴巴不能停下來,實在太美味了最低層是三塊已經切開粒粒,並且烘脆的麵包厚多士,上面加士多啤梨雪糕,配合軟綿綿的忌廉,以及細細粒的棉花糖,棉花糖很彈牙,雪糕不太甜,多士吃起來仍然保持脆卜卜,配合起來簡直是一種人間美食