茶木‧台式休閒餐廳 (大埔超級城C區)

營業中

休息中

2020年2月19號同同事無野做去做茶木high tea. 因為係出黎high tea，所以都冇乜點叫野食。只叫左兩杯野飲有個小食。雖然係閒日下午茶。但都幾多日食野。同事叫左熱珍珠奶茶。佢真係唔可以唔飲熱野。但我個人只喜歡飲凍野。所以我就叫左個水果茶。都係正常既味道。酸酸甜甜。冇話特別好飲。仲有個芝心雞翼，唔記得左影相。但我個人覺得。如果佢個芝心做得再好啲就好。佢而家個芝士我覺得食到廉價味。重點係佢$62蚊得三隻。唔推薦。

2020年3月13日同同事做野做晏左。就出去左茶木食下午茶。佢出左個新野！係一個柯仔米線加個刈包。佢有兩個選擇，一個係牛肉刈包，一個係炸雞刈包。最後決定同同事試曬兩個。因為係下午茶set，所以有跟嘢飲。我哋一個叫做杯熱嘅珍珠奶茶，一個叫咗杯凍嘅珍珠奶茶。珍珠奶茶冇乜特別。同事話熱嘅珍珠奶茶唔好飲。個柯仔米線啲蠔，腥到一個點。我食左一粒差啲嘔咁制。好地地做咩要加蠔。正正常常一個面線咪幾好。唔知係咪因為個面線太差。覺得個刈包勁好食！刈包可以一試！

我只可以講係依個疫情期間，難得有一晚出街食飯，但大埔超級城這間茶木將半間鋪關閉，將所有客人擠到一邊，話方便管理，在閣門市都要增加客人間之進食空間時，大埔茶木竟然倒行逆施，只為營運銷售，不理客人著想，一個字，差

前排見到出咗啲新嘢食就意住試下，點知...記得食過茶木啲手作麵唔錯，見作出咗呢個幾夏日口味嘅西式麵—香芒百香果大蝦起司手作麵，我本身又幾鍾意芒果、百香果、蝦、芝士，咦見佢咁啱四樣嘢擺埋晒一齊，就幾開心諗住食下啦！點知食咗第一啖，我同我朋友就用奇怪嘅眼神對望，確認過眼神，我們遇上詭異的菜式......因為呢四樣食物加埋（其實佢仲加咗士多啤梨，唔知做乜⋯⋯可能睇落靚啲啦）係完完全全一啲都唔夾！特別係個超司同百香果個味撞得太勁，又酸又creamy個味道同口感都好怪⋯⋯仲要個價錢都幾貴⋯⋯下次都係試返啲安全嘅嘢好了🤦🏻‍♀️🤦🏻‍♀️🤦🏻‍♀️

每逢平日下午茶時段，一定勁多人攞飛排隊，如果早少少及準時，都唔需要等咁耐。 食物質素高度推介牛肉麵， 個湯都比較香濃，肉質鬆嫩，每舊肉都略帶d牛筋部位，炆得幾淋。 佢哋嘅仙草奶茶都幾好飲，可以叫暖飲，唔一定要凍的。整體下午茶時段價錢絕對比中午及晚餐抵食。

我認為暫時最好味既台灣牛肉麵-茶木❤️最中意食佢既香辣牛肉麵牛肉鬆軟，似牛腩牛味濃且夠入味，麵似刀削麵👍🏻條麵煙銀彈牙，配埋蘿蔔好味❤️辣味十足又5會只係辣🤣湯底濃郁對得住佢個價錢😉茶木甜品🍮好出名下次再食時介紹比大家————————————————滿分5🔆🏝環境🔆🔆 🔆 🔆🛋服務🔆🔆🔆🔆💲價錢🔆🔆🔆 🔆😋食物質素🔆🔆🔆 🔆💥翻兜指數🔆 🔆 🔆 🔆————————————————📍餐廳名稱：茶木📍地址：大埔超級城#香港美食 #food #foodies #美食日記 #美食分享 #茶木

和住在同區的朋友晚飯隨意的決定去茶木吃晚餐～平日的8:30PM，等了5分鐘左右就有位了！我們選了希臘乳酪咖喱鹽酥雞燉藜麥飯還有海鱸魚奶油義式手作麵希臘乳酪咖喱鹽酥雞燉藜麥飯，飯的質感好creamy，藜麥飯味道幾香～咖喱香而不過濃，不會遮蓋藜麥香氣～希臘乳酪份量不多，稍稍的沾在鹽酥雞面層鹽酥雞酥脆肉嫩，加上微酸的乳酪，幾滋味！海鱸魚奶油義式手作麵，海鱸魚算大件魚的表皮煎得金黃香脆，魚肉依然嫩滑！！手作麵質感爽滑，又沾滿醬汁，好夠味～～！！總結而論，茶木的洋食再一次比台式麵食好吃！！牛肉麵那些的仍未令我覺得很好吃～～朋友也說喜歡那道藜麥飯啊！

one day one of my friend invite me to go and meet up for doing some gathering things and I feel happy and love to do it. go for sure. no worry. Great now we go to a restaurant called TEAWOOD.it is a Taiwan food restaurant  and having local style food. of course we all love this kind of taste. yeah. let's go.unfortunately my friend didn't realize to use app to get the ticket in advance and we had to wait a little while. oh dear you and me. it has been around  60mins. we therefore keep seeing peop

去過幾次都係食‘豬軟骨麵’，今次就試另一款：紅燒半筋半腩牛肚麵 。好鍾意佢嘅麵質，係粗麵而且好彈牙。第一次試佢嘅牛， 仲要一次試三款。味道唔錯，夠入味而且唔會韌。因為好鍾意食芫茜蔥，呢一碗啱哂。小食呢，今次又試其他，唔係次次都鹽酥雞。呢個’芝心雞翅‘一定要趁熱食，外面又脆又香口，一哎落去即刻食到濃濃嘅芝士，仲要冇骨.......一人兩隻真係唔夠喉呀！呢間餐廳有晚餐提供，但真係‘限量供應’，試過七點喺尖沙咀分店就話冇哂晚餐嘅甜品。而是晚喺呢間分店都一樣.....

心思思又掛住佢個自家制面條，晚飯時間都等左一小時。每次都食唔到佢嘅晚餐set，因為跟餐嘅蛋糕永遠好快就賣晒，估唔到8:30pm連沙律都賣光，改用兩件鳳梨蘇做甜品替代。阿嫲元貝絲金菇蔥油麵$77好鍾意佢既麵質，煙煙韌韌，賣相當然都好吸引，金黃既元貝絲金菇絲，再加上蔥油，蒜蓉，豉油，撈勻就食得，又香口又美味😋芝心雞翅$63一定要趁熱食哦，唔係啲芝士就會鯨咗㗎啦！雞中翼位置起咗骨，入面養咗芝士磨菇粒，雞肉嫩滑有肉汁，啖啖肉，好味👍佢會附上沙律醬，個人覺得不沾醬已經夠晒味，反而沾了沙律醬會蓋過入面嘅芝士味添

真係好嬲好嬲好嬲🤬🤬🤬從未如此嬲過而出post本應開開心心6人食餐晚飯7:27分拎飛，等到8:33先有得入坐🤬🤬🤬8:20見有4人入問點解有位唔入得，又點解唔拼枱俾多人入個藍衫叫Yee嘅俾張飛我話「小姐，頭先嗰4位等咗59分鐘，你等咗52分鐘，所以未入得。」真係🔥都嚟🤬🤬🤬嗰4人入去隔離重有張2人枱，咁點解唔拼枱？門口有2張2人枱又唔拼？叫極2人又無人入，想點先？係咪真係等唔夠一個鐘都無得入坐先？唔怪得咁多人響出面等位喇，唔係因為好食，係要你等夠鐘先可以入坐講真，邊有咁樣安排坐位？嗰位藍衫Yee重覺得咁樣無問題我哋之後重有3人，都等咗九個字，有位都係無得入P.S. 距離我上一張六人枱入坐係一個鐘頭前

同屋企人係超級城四圍逛，見攰攰地諗住搵間野坐低食下野、飲下野，本身經過泰贊-創意泰式餐廳，點知佢既下午茶淨係做到四點半所以唯有另覓他選，之後去左茶木。茶木既下午茶分左四部份有飯餐、麵餐、小食餐同甜品，每個餐都包一杯野飲，喱方面抵讚選擇多，切合不同人。我地揀左個雞扒肉躁飯，個飯有半隻卤水蛋同一啲配菜，小朋友都岩食乳酪豬扒藜麥飯，喱個本人甚歡喜佢好creamy、個濕濕地咁，好香牛油味，同埋豬排一啲都唔un梅粉炸蕃薯配黃金雞翼雞翼就麻麻地，無咩蛋黃味同埋都好油下，而個蕃薯條就甜甜地，幾開胃好味招牌黃金磚喱個又係岩食之選，蜜蜂磚配蛋糕同忌廉，岩晒大人小朋友

雖然茶木喺大埔超級城都開咗一段時間，但係每次經過都會見到餐廳門口有人排隊, 今次見好少人排隊，所以第一次試。食物：巧克力火山 - 唔會主動派飲管，如果要求飲管，佢哋係會派紙做嘅飲管，味道還可以。玫瑰綠茶奶蓋-第一口飲特別正，奶蓋鹹鹹地，清清的玫瑰味紅燒半根半腩牛肚麵-湯底雖然濃左少少，但係都好好味。Teawood香辣牛肉麵-超淋嘅牛肉，半肥瘦嘅牛肉，好正。義式辣茄醬牛柳絲燉飯鍋 - 越食越辣嘅飯，整體唔錯。寶島三小碟-魚豆腐，幾特別，好味。流心蛋配酸蘿蔔，酸蘿蔔好好味，我一個食晒😋。紅油青瓜配豬耳，如果切成條狀會容易啲夾。金黃鹽酥雞-呢個反而一般般服務💁🏻‍♀️：職員態度良好環境：裝修比較明亮，環境舒服泊車🅿️：可以泊多層停車場，最多消費$300可免三小時停車場。或者泊大埔超級城某些停車場可享1小時免費，不用消費。總結：整體食物質素唔錯，下次可以試其他款式。

2019年2月22日Lunch 同幾個同事食茶木。呢個係餐牌。茶木既午餐係貴啲。但普遍係比其他有水準～黑糖薑母茶。正常～好淡既紅豆薏米水。玫瑰紅茶。梅子紅燒肉排。好老。好似香口膠咁。三杯鴨。好重味。幾好食。但真係重味左啲。呢個係黑松露培根蛤蜊燉飯鍋，成餐好有特式同最驚喜既～佢又幾好味！我覺得燥肉飯，茶木真係好出色。相比出面既既台式餐廳。真係冇得比。出面個啲一係就好干身，一係就好油。茶木係做得最平均。雖然好多人話佢個牛肉麵好食。但我個人覺得人好普通。 但今日食佢，佢有三分一拎左黎放貨。所以等左好耐先入到。

#LuBie大埔#LuBie台式#LuBie甜品🍞流心起司竹炭吐司（$79）（🤤7/10）🔽吐司既外層係焗到脆脆地既 但脆得黎個吐司偏硬 就算用刀切都有啲難度，咬落就硬中帶脆。面頭有啲士多啤梨 藍莓 香蕉片同曲奇雪糕 擺設得靚靚地 再加上可可粉，變得幾美觀。黑色既 竹炭吐司幾新穎少見。切開個吐司會流出溶化左既芝士出黎 味道咸咸地，兩者既配合就唔算話好夾，但味道都ok既。📍茶木📍大埔安邦路9號大埔超級城c區2樓556-557號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#大埔美食#食好西#茶木#流心起司竹炭吐司