茶木‧台式休閒餐廳 (德福廣場1期)

好耐冇食過茶木，估唔到而家午餐都要一百蚊啦😆，德福廣場分店都幾大，位置相對都闊落啲🤪❣️手撕鹽水雞椒麻手工拌麵+熱茉香奶綠 $84+$5鹽水雞味道濃郁😋，而且份量幾多，朋友唔食得辣，所以揀走椒麻，味道都唔錯👍🏻，手工拌麵煙韌彈牙，流心蛋蛋味香濃，仲有鴨血同埋素鴨😗，茉香奶綠就正常味道❣️Teawood牛三寶湯手作麵+凍黑糖仙草奶茶 $92+$5呢個就有啲小失望🥲，以前食湯底係好濃郁，而家個湯底就偏淡，牛三寶包括牛肚、牛筋同牛頰肉，牛肚牛筋都算腍，牛頰肉就略嫌有啲鞋，手作面都失去水準，麵質偏腍😅，黑糖仙草奶茶比較淡，而且冇乜黑糖味仙草比較碎濕濕，唔建議叫🥸❣️加配小食 金黃鹽酥雞半份 $24鹽酥雞新鮮炸起，食落香脆可口😋，配埋九層塔食更惹味🤓🏦是次消費總額 $231（人均消費 $115.5） 🍴須加一服務費👅好味度：7.5（10分滿分）茶木呢間分店嘅質素比起以前食退步咗，連招牌嘅牛肉麵都做得麻麻，而且價錢貴咗好多，今時今日應該可以有更加好嘅選擇😜🍽️ 茶木‧台式休閒餐廳 九龍灣偉業街33號德福廣場1期1樓G53D號舖…查看更多

今日行到德福商場，撞啱下午茶時段，就入咗茶木試試佢哋嘅tea set。今次我揀咗福州魚丸紫菜湯拼台式肉鬆起司香蔥蛋餅，成個配搭感覺好有台式味。魚丸紫菜湯飲落去暖笠笠，魚丸爽口彈牙，配埋紫菜嘅清香，成碗湯唔會過鹹，飲完仲有少少回甘，好舒服。至於蛋餅就係成個下午茶嘅亮點——外皮煎到微微焦香，咬落去有淡淡嘅脆感，入面係拉絲嘅起司加上肉鬆同蔥花，鹹香味勁開胃。尤其係肉鬆同芝士一齊食，口感層次超豐富，每一啖都好邪惡但又停唔到口。成個set份量剛剛好，唔會太heavy，啱啱夠一個下午茶嘅飽度。加埋茶木嘅環境又幾舒服，坐得鬆動，慢慢hea住食完全冇壓力。如果想喺商場入面搵個位坐低，食返個有水準嘅台式下午茶，茶木真係一個幾唔錯嘅選擇。😋…查看更多

曾在茶木光顧過，食物不過不失，不過服務態度欠奉，點了两個晚餐，菜單上訂名，加一款小食24元，甜品 20元，可加两款30元，埋單時分開計數，即小食24元+甜品20元，即時理論，結果是小食還小食，甜品還甜品計，我們曾經在午市時點過，後來那收銀男店員才解釋晚市没有？真是老襯，叫两款24元的小食才30元，點了款20元甜品，竟然是44元，提提大家小心中伏，商人陷阱。…查看更多

紅燒牛肉麵最出名面底煙靭挺身，湯底濃郁，充滿牛肉味，最好食係舊牛肉，肉質鮮味充滿牛肉味仲有跟餐可以加$10-18有台式特飲朋友見到附近有打邊爐，夏天熱辣辣居然有打邊爐嘅突然慾望，於是就叫咗蕃茄豬肉鍋，有新鮮蕃茄，唔少豬肉，仲有蕃茄湯底，有粉絲，仲有幾粒肉丸，配襯滷肉飯， 10分滋味～…查看更多

想不到在香港﹑在茶木可以吃到好吃的台灣菜, 實在很難得。我點了紅燒牛肉麵, 因為這道菜很能體驗台灣美食和當地的風土人情。首先到店後很快便可以入座, 店家安排很好﹑很周到, 店員亦親切有禮。紅燒牛肉麵果然經典, 是我很喜歡的一道美食, 店家沒有令我失望, 賣相一流, 很精緻, 擺碟漂亮, 一絲不苟, 味道亦很專業, 吃起來牛肉軟嫩沒有渣，湯底香濃, 拌飯都應該會很好吃，搭配彈牙的麵條，十分美味, 果然是種絕妙滋味。材料很多, 製作成本相信很高, 但店家沒有因此將貨就價, 價錢算是親民, 學生們都可以負擔得起, 難怪這店如此廣受歡迎。…查看更多

嗌外賣返屋企食。已經畀足時間佢用啲餘熱迫熟，點知道都係唔熟，可見係幾大鑊，食咗幾件拆開，發現竟然入面係生嘅。個皮好多粉，十分厚，十分油，rare to medium rare。如果豪大大雞排嘅鹽酥雞係6分，咁佢係負六分。食咗幾舊先發現佢入面係生嘅，即是已經落肚幾塊生雞肉，好驚！！！希望唔好食物中毒。聽日仲要返工㗎大佬！！！牛肉麵係ok，雖然個湯很鹹，但塊牛起碼係十成熟的。感恩。燒賣都好食。鹽酥雞，垃圾。…查看更多

今日晚上7:30去食，已經好多甜品賣晒！最想食既蜜糖磚塊又賣晒！7:30已經賣晒！得番仙草，又唔一早通知一聲客人，最後叫左一個二人套餐，其中一款甜品又話冇晒，只係幫我取消咗佢，又冇退返錢，連唔好意思都冇句，最終得番黑糖珍珠雪糕，都可以整錯！比左曲奇味雪糕，真係要好好改善下囉！愈做愈差真係令到人十分之失望，永冇下次，蜜糖磚塊呢啲咁熱門嘅甜品有乜理由晚市開始冇耐就賣晒？咁樣做生意十分之趕客，真係唔怪得啲人北上消費…查看更多

其實以前呢你茶木呢都係想飲一杯嘢飲或者係食甜品，自從佢加咗火鍋之後我覺得一家大細多咗晚餐嘅選擇。尤其是有時候會推出啲新品唔同嘅打邊爐啦有蕃茄啦或者係沙嗲牛啦，特別嘅鮮甜湯底亦都會有啲養生嘅選擇。加上其實佢嘅食物質素都唔差嘅，咁就又唔想食放題嘅話又想飲嘢飲咪選擇茶囉，我覺得其實佢加咗火鍋呢真係會好多人食，起碼諗起茶木唔會淨係覺得得甜品，或者咩其他牛肉麵之類？與時俱進啦，連嘢飲呢都會有啲檸檬茶嘅feel ，做餐飲我覺得加薪真係唔錯。加上其實佢自己嘅座位呢又闊落，坐得舒服。同朋友聚餐情侶拍拖屋企食飯都可以選擇。…查看更多

今日MegaBox返工，到咗食lunch嘅時候真係頭都大埋，唔知食咩好。諗來諗去，都係去茶木穩陣啦，冇得輸。入到去，見到佢出咗個新嘅三文魚茶漬飯，睇落都幾吸引。我呢個人鍾意試新嘢，就膽粗粗叫咗嚟試吓。點知一食落去，真係一般般咋喎。比起平時嘅日本茶漬飯，個湯唔夠濃味，冇咗嗰種香濃嘅感覺。個三文魚都一般般，唔係話難食，但係都冇乜特別。反而朋友叫嗰個手工麵就正喎！佢俾我試咗啖，個麵夠彈牙，真係食到我有啲後悔。下次嚟一定跟佢叫手工麵，佢真係食麵正啲。總結吓呢餐嘅體驗，都唔算太差啦。雖然新嘢唔係咁hit，但都算試過。下次返嚟都係食返啲老字號嘅嘢。不過都要讚吓茶木夠膽出新嘢，希望佢繼續研發，等我哋有更多選擇啦！…查看更多

啱啱開始有啲秋意🥰就即刻想打返邊爐🙌🏻今晚同朋友一齊食茶木見到已經有三款邊爐可以揀啦😍😍最鍾意食嘅牛肉嘅我梗係揀返蕃茄鍋再拼肥牛啦!! 都幾有驚喜，因為佢個蕃茄湯底非常濃我再配埋滷肉飯食晒啲滷肉之後仲可以用返茄湯個湯底嚟撈飯食打邊爐個份量足夠我一個人食但如果大食啲嘅就可能就唔夠啦因為佢每樣嘅配料都唔算好多，肥牛都係得四片到!! 但整體真係唔錯，價錢亦都唔算好貴湯底裏面有米粉絲依個值得加分😍😍成個賣相都好靚!! 如果下次再嚟食晚餐我都會再叫呢個餐😀😀好味!! 套餐仲包埋嘢飲嘅加埋一total $110 🩷🩷…查看更多

星期六都有 tea set 又幾好喎梗係入去嘆個下午茶先點了兩份下午茶餐儍媽。珍珠奶茶冰淇淋可頌窩夫 + 凍黑糖冬瓜茶 HK$52唔知點解要整咁耐 …儍爸食哂我果份可頌窩夫至整好好彩都幾好食香脆可頌窩夫配奶茶雪糕、吉士醬、黑糖珍珠、新鮮雜莓味道好豐富儍爸。醬汁沙朗刈包 拼 福州魚丸紫菜湯 + 凍檸檬茶 HK$62** 以上分享是以我的口味、體質和情況作出分享及感受，一試 / 合用與否請自行決定…查看更多

今日同同事慶祝生日 去左德福既茶木食Birthday Lunch我最鐘意食佢既三文魚茶漬飯 呢個茶漬飯真係超好味 三文魚厚身 煎得甘香 有鰹魚片 炒米櫻花蝦乾 成個餐感覺無咁油膩 我好鐘意叫呢個餐另外叫左微辣豬軟骨手拌麵 呢隻麵質彈牙好食 味道適中 仲有半粒糖心蛋 唔錯之前佢地既午餐set有墨魚鮮蝦藜麥飯同手作麵係包野飲 見衣家set lunch無左 只有散叫 覺得性價比唔高 所以無叫 但其實呢2個都好好食最後 我地叫左個士多啤梨磚做生日甜品 但我覺得無之前咁好食 個飽唔太脆 反而之前食既可頌窩夫仲好食…查看更多

如題，哩位紅色頭髮 短頭髮 女店員，我想請問你咩事呢？？ 我同你素不相識，也不是係臨近收工時間入店左你收工，點左兩個鍋，上菜果時黑口黑面反白眼禁滯，將啲嘢推黎又推去，點火又凈系點一個，嗌你“唔該靚女另一個未點火呀”又扮聽唔到，食物質素正常，唔明點解卑錢仲卑埋服務費入黎受你氣。屋企有事心情不佳可以請假，唔好將脾氣發係食客度。見到你哋間鋪頭黎黎去去七八個職員，如果人手不足導致你好攰，唔該反映卑你哋啲高層，而唔系發洩係個食客度。…查看更多

應該都有2-3年冇再食茶木，以前想食都係因為有蚵嗲肉碎泡飯先去食，時隔多年，去左九龍灣德福廣場個間食，職員態度差就算了，入去個陣明明有好多空位，見每枱都係4人坐位枱坐左2個人，偏偏安排我地係原本有2個人坐緊既4人枱（仲要係拍埋個隻），甘都算啦，照食啦，後來發現仲要冇蚵嗲肉碎泡飯（灰爆）。之後就叫左單人餐；1.紅蔥地瓜燉牛頰肉 2.炸雞排肉燥飯，整體水準冇退步，另有個窩夫，都好好食。後來見入親既客都係安排4人枱2人坐，最尾我哋終於知道點解要甘對我哋（職員見我哋好恰？！），因為我哋隔離個2人食完係度講保險🙄🙄…查看更多

今日屋企人嚟咗搵我食晏，就去咗茶木度食。叫咗個小食拼盤，有鹽酥雞 花枝丸同台式香腸。呢個拼盤都幾抵食，因為三樣嘢都係我哋鍾意嘅。不過佢個台式香腸就同平時嗰啲好似有啲唔同，但係加埋蒜都好好食今次我就叫咗個紅燒半筋半肉麻辣拌麵個人嚟講幾鍾意食拌麵，佢今次個麻辣都真係有啲辣嘅佢唔係味道上嗰種辣，而係氣味上嗰種辣另外仲嗌咗一個餐，不過唔記得咗叫咩名佢啲嘢食其實都OK嘅，但係我覺得個用餐體驗就唔係太好因為有個經理(?)嘅人不斷好大聲同另一位員工講是非，而且係成餐飯由頭到尾一個鐘都keep住講。我覺得呢啲嘢，或者對於某啲員工不滿，可以私底下講，唔需要喺工作時間上不斷討論呢件事…查看更多