茶木‧台式休閒餐廳 (德福廣場1期)

好耐冇食過茶木，估唔到而家午餐都要一百蚊啦😆，德福廣場分店都幾大，位置相對都闊落啲🤪❣️手撕鹽水雞椒麻手工拌麵+熱茉香奶綠 $84+$5鹽水雞味道濃郁😋，而且份量幾多，朋友唔食得辣，所以揀走椒麻，味道都唔錯👍🏻，手工拌麵煙韌彈牙，流心蛋蛋味香濃，仲有鴨血同埋素鴨😗，茉香奶綠就正常味道❣️Teawood牛三寶湯手作麵+凍黑糖仙草奶茶 $92+$5呢個就有啲小失望🥲，以前食湯底係好濃郁，而家個湯底就偏淡，牛三寶包括牛肚、牛筋同牛頰肉，牛肚牛筋都算腍，牛頰肉就略嫌有啲鞋，手作面都失去水準，麵質偏腍😅，黑糖仙草奶茶比較淡，而且冇乜黑糖味仙草比較碎濕濕，唔建議叫🥸❣️加配小食 金黃鹽酥雞半份 $24鹽酥雞新鮮炸起，食落香脆可口😋，配埋九層塔食更惹味🤓🏦是次消費總額 $231（人均消費 $115.5） 🍴須加一服務費👅好味度：7.5（10分滿分）茶木呢間分店嘅質素比起以前食退步咗，連招牌嘅牛肉麵都做得麻麻，而且價錢貴咗好多，今時今日應該可以有更加好嘅選擇😜🍽️ 茶木‧台式休閒餐廳 九龍灣偉業街33號德福廣場1期1樓G53D號舖…查看更多

茶木我一向都係棒場，可能一個月都會去一次。今晚就叫咗個2人套餐，講真食物質素真係好好，一個2人套餐$238真係超值，份量也不小，一個湯，2個主食，2個甜品，跟飲品。坦白再貴一點也值得。在這𥚃食品真的沒問題。但服務態度真係要留意。我main course是叫了一個麵同一個飯的,當時枱上只有一個碟同筷子，當上菜時我已經要求給多一set餐具同碗，這名女待應已經黑面，可能太忙，忘記了，再叫另一個waitress最後只給我一個碗，只好再叫別的待應才集齊餐具才可以起動。到嚟湯的時候才知道是一個煲上，問題又來了，因之前只取了一個碗，我們又要麻煩待應再取多個碗，唉😮‍💨我哋都唔想。如果可以是否可以改善一下是如果一開始上菜時如果是2人餐就先比蛋碗筷咁客人咪唔使再麻煩待應因取餐具而行多轉。其間見到常常送錯食物去唔同嘅枱，而我的2人餐主菜才剛剛集齊餐具起動，飲品都未上，反而上了甜品，當我哋同佢講我哋冇叫喎，真係好混亂。當我哋食完晒主菜同湯，是一張小枱，剛好隔離枱執枱中。我便順道要求收一收枱面的空碟，以騰出空間食甜品，但這名待應佢好唔願意地收。坦白講我不需要好像皇帝般的服務，但可不可以唔好令客人感覺尷尬。最後到上甜品也不用說了，也是沒有餐具，又要好辛苦😓的麻煩waitress。同一時間隔離卡位的女仕也要求上甜品，說話也未說完待應就走，我們互相對望真的無語。…查看更多

今日行到德福商場，撞啱下午茶時段，就入咗茶木試試佢哋嘅tea set。今次我揀咗福州魚丸紫菜湯拼台式肉鬆起司香蔥蛋餅，成個配搭感覺好有台式味。魚丸紫菜湯飲落去暖笠笠，魚丸爽口彈牙，配埋紫菜嘅清香，成碗湯唔會過鹹，飲完仲有少少回甘，好舒服。至於蛋餅就係成個下午茶嘅亮點——外皮煎到微微焦香，咬落去有淡淡嘅脆感，入面係拉絲嘅起司加上肉鬆同蔥花，鹹香味勁開胃。尤其係肉鬆同芝士一齊食，口感層次超豐富，每一啖都好邪惡但又停唔到口。成個set份量剛剛好，唔會太heavy，啱啱夠一個下午茶嘅飽度。加埋茶木嘅環境又幾舒服，坐得鬆動，慢慢hea住食完全冇壓力。如果想喺商場入面搵個位坐低，食返個有水準嘅台式下午茶，茶木真係一個幾唔錯嘅選擇。😋…查看更多

曾在茶木光顧過，食物不過不失，不過服務態度欠奉，點了两個晚餐，菜單上訂名，加一款小食24元，甜品 20元，可加两款30元，埋單時分開計數，即小食24元+甜品20元，即時理論，結果是小食還小食，甜品還甜品計，我們曾經在午市時點過，後來那收銀男店員才解釋晚市没有？真是老襯，叫两款24元的小食才30元，點了款20元甜品，竟然是44元，提提大家小心中伏，商人陷阱。…查看更多

紅燒牛肉麵最出名面底煙靭挺身，湯底濃郁，充滿牛肉味，最好食係舊牛肉，肉質鮮味充滿牛肉味仲有跟餐可以加$10-18有台式特飲朋友見到附近有打邊爐，夏天熱辣辣居然有打邊爐嘅突然慾望，於是就叫咗蕃茄豬肉鍋，有新鮮蕃茄，唔少豬肉，仲有蕃茄湯底，有粉絲，仲有幾粒肉丸，配襯滷肉飯， 10分滋味～…查看更多