茶先生

營業中

休息中

繼尋找探魚的味道之後，又一巨獻！尋找喜茶的味道。我想大家對喜茶應該唔會陌生，香港亦都開左好多間類似喜茶嘅，例如東喜茶。係香港試左好多間，試到個人都重左幾磅。不過今日要介紹嘅，唔係東喜茶，係比東喜茶更加喜茶嘅 Mr. Tea 茶先生。Mr. Tea 一開始開鋪果陣，萬人空巷，加上佢地管理未熟手，飲一杯野，閒閒地等一個鐘以上。最近銅鑼灣可能多左好多競爭對手，佢地經營又熟手左，所以都係等15-20分鐘左右，最快一次10分鐘就有。今日就飲返最 classic 嘅芝莓莓（少甜）$42佢個芝士真係好好味，好 creamy，試咁多間，呢間個芝士最好味。食完個芝士再慢慢嘆埋飲莓莓。爽爽。不過黎緊喜茶都會係香港開。到時再比較一下先。

星期日晚突然想飲奶蓋茶行經地鐵站出口見到有人大排長龍就試下佢啦我地買左個芝左奶蓋烏龍茶王茶味都濃 不過唔算香 有啲甘味過濃芝士打得企身而且香濃 係唔錯不過店鋪出貨速度實在太慢 我地等左半個鐘先拎到野飲下次都係試下其他店

今天和朋友在銅鑼灣吃晚飯，吃完飯不算很飽，所以還有位置可以喝一杯手搖。銅鑼灣有點名氣的手搖都試得差不多了，就差這家Mr.Tea一直想試，但每次都忘了買了別家。今天下定決心，要試試和喜茶有什麼分別呢！爽皮菠蘿（$35）吃完飯就想喝點清爽的，我又不愛喝奶蓋，所以只好點水果茶咯。剛開始以為是白桃烏龍那樣，茶底有菠蘿的味道。可是出來卻是一杯菠蘿沙冰，完全沒有茶的成分。菠蘿味還算突出，喝起來不太甜，有粒粒菠蘿肉，不算很多，而且菠蘿味可以更濃郁。

1. Feeling a bit hungry before a group fitness class, and seeing a rather quiet moment at Mr. Tea, I decided to give it a try.2. One good thing about workout is that, it encourages you to have a healthier lifestyle and eating habit, as in you wouldn’t want to have a big meal or junk food before or after the workout to waste it. Therefore, I picked this Purple Sweet Potato with no added sugar which seems to be a healthier option compared to sugary bubble milk tea.3. This Purple Sweet Potato is a

銅鑼灣近期開左超級多台式飲品店，真係花多眼亂。呢間Mr Tea 開喺最當眼嘅位置，sogo 斜對面，長期都極具人氣，好幾次經過見到好多人所以放棄左。點知依家依然好多人，不禁一試~2人行叫左一杯芝。桃桃同一杯火山奶茶。見排隊落單比錢都幾快以為唔駛等太耐。點知比完錢，佢話45分鐘後番黎先知中伏了。唯有喺附近行一陣。。好啦拎到手，飲左杯芝桃桃，好難飲。。啲芝士溶晒變左水咁，完全冇香滑口感可言，好失望，等咁耐唔值得。。拎到成杯野味道都好怪。朋友嘅火山奶茶就幾得意，好似焦糖燉蛋咁上面有一層 用火槍燒過嘅焦糖，用 匙羹食咗上面果層先，然後再飲個飲，都唔錯。

《Mr.Tea💁🏻‍♂️茶先生》💰$35 滿杯柚惑前兩日去銅鑼灣，享超口渴既情況下遇上Mr.Tea😜叫左滿杯柚惑...都好大杯☺️大大片西柚享茶裏面，濃濃既茶味正正起左解渴既作用👍🏻最緊要係唔甜，又有好香既柚味❤️(如果太甜就完全解唔到渴)。 .#銅鑼灣#MrTea #茶先生 ...……………………👧🏻肥妹小編.........................👇🏻地址👇🏻茶先生 銅鑼灣記利佐治街2-10號銅鑼灣地帶A4號地舖 .……………………

之前已經試過茶先生一次，因為覺得佢嘅店舖門面好有氣質，所以吸引左過去，亦都試過佢嘅芝士茶類～覺得幾唔錯，所以今次又再幫襯！今次去多咗好多人排隊～ 係外面根本就係呢排遲一步會等好耐嘅感覺🤣🤣我今次諗左好耐，決定將我人生第一次嘅水果茶送俾茶先生🤣🤣 因為我本身唔係好鍾意飲水果茶，怕有啲似許留山咁，寧願飲鮮榨🤣🤣 所以叫咗芝士桃桃✌🏻 佢嘅顏色超級靚！淡粉紅色好吸睛😍 飲咗一啖，已經好驚喜！首先桃既味好重，唔似飲緊水，而佢有桃咬下，好有口感，用佢既杯咀連芝士一齊飲，好正，好特別既味道❤️ 一飲就飲左半杯，太好味啦，又好解渴，好啱咁熱既呢幾日👍🏻

👁‍🗨 白桃烏龍💲35呢間茶先生係正銅鑼灣地鐵站出面，位置非常便利，已經經過過好幾次，但係每次都見到長龍唔想等🤤呢次夜媽媽終於無咩人排隊，本身叫呢杯既時候，因為自己發緊夢無睇清楚，所以無諗到佢係有芝士奶蓋既😱呢個芝士奶蓋厚身，但係帶有少少杰，不過頗有芝士鹹香，係可以接受既🧀但個白桃烏龍底好似差咁啲，感覺桃味比較淡，烏龍味亦都唔算好甘香，純碎食完飯口乾用黎解渴💦🔛 整體評分（6.5/10）

之前去咗銅鑼灣嘅宜家傢俬買野，行過做咩落地鐵站之時，見到呢間茶先生✌🏻 覺得佢有啲與別不同！銅鑼灣太多珍珠奶茶嘅飲品店，切合左好多附近返工嘅人，各有各喜好啦！呢間Mr. Tea都幾大間，唔係一般得個門口仔~ 同埋佢嘅佈置都幾簡潔~ 我叫咗芝士桂花烏龍茶~ 都係一般市價三十幾！因為我淨係鍾意飲茶類，所以就對水果茶冇了解！佢整得好快！1分鐘左右就拎得👍🏻佢嘅芝士份量都好多，超級加分～味道方面！桂花烏龍都好清👍🏻 芝士鹹鹹地，鹹度同茶好夾～ 不過我嫌佢細杯左少少🤣🙈 但係整體來講幾好味👍🏻 值得一試！

點左芝。莓莓，索價$42 一啲都唔平，唔緊要，見咁多人等即管試下。茶類需要即製就預左要等，咁就行下隔離間舖睇下嘢先啦，行完番去繼續等，一等就再等多15分鐘，人都熱到溶左，終於等到。即刻飲啖涼一涼個人先，好意外，冇乜芝味，更加冇莓味，酸，完全唔值$42，連草莓糖漿都唔落多兩滴，仲要等咁耐，好失望。 或者下次可以試下其他飲品，但唔會再試水果系列啦，銅鑼灣大把選擇，唔一定要飲又貴又唔好飲嘅，我相信佢都未必捱到咁貴租。

第一次見面 Mr Tea食飽飽 想飲d 茶 解解酒氣落地鐵站之前 見到MR TEA呢間應該新開 而且唔太多人去等餐牌 主要茶為主 但都有特調飲品不過好多甜度 同 冰量都set好無得調整我自己就叫左白桃烏龍+芝士奶蓋等左10 mins左右 就可以拿到la工作人員話我果杯 無須飲管而另一杯就混和15-20下我果飲到奶蓋 忌廉芝士味有ge仲有d鹹味 飲得出個茶有桃味而且無咩甜味但唔知係咪奶蓋太高密度我之後只飲到茶 奶蓋就放極都入唔到口最後有一糰奶蓋 在杯入面 解決唔到

新開張時好多人…沒能有機會買…收工已11:30了…老闆好好人…還繼續做我生意…雖然沒人會不賺…但真心有人情味的店好人…雖我不是專家…但好喝的芝士茶不會多…茶味偏淡…勝在芝士不錯…服務一流…有次還特別怕我不喜歡…拿了一杯茶給我試…是否合適…真心不是賣广告…很窩心…雖然銅鑼灣區有名氣的茶店好多…但…那份窩心那份熱忱是无價…值得繼續支持…加油…

喺銅鑼灣搭車，經過見到別樹一格既茶先生 (Mr.Tea)，所以又忍唔住過去試下！見佢鋪頭好有氣質，好simple，有網紅佈景，幾靚，再睇真啲，就係飲芝士茶類果類既鋪頭！我叫左芝士四季春~ 見佢好多茶葉，應該茶類唔錯~ 價錢就同一般嘅芝士系列差不多，$3x等左大概10分鐘左右，就拎得啦！店員好細心，提醒我點樣飲👍🏻！不過我就嫌佢份量比較少，佢嘅杯明顯細過一般芝士茶類系列～ 只是份量帶佢去杯嘅三分之一～ 但係杯嘅設計就比較難飲到芝士加茶一齊，可能要到瀉少少🙈佢嘅包裝都算細心，連膠袋都有自己嘅logo味道方面，我覺得芝士都係算幾好味，唔會太鹹，茶味都好清，真係四季春嘅味道，好清甜，配合埋芝士，感覺好夾，好想追住飲👍🏻

飲過喜茶既人都應該覺得香港暫時無一間出色得過喜茶，今日路過銅鑼灣「Mr Tea-茶先生」，就買左杯芝士奶蓋四季春試，等左10分鐘左右，拎野飲飲時店員會提客人飲用方法好細心要用45度黎飲先可以又飲到上層奶蓋下層茶既味道，不得了，味道好出色，芝士既鹹香加上茶既清香，好好味，不過比起喜茶就細杯好多，飲完吾係好夠喉！真係值得一試

最近咁熱係街成日都會好口渴呢間茶飲係銅鑼灣地帶etude house 隔離好方便就腳 而且比較夜11點先關門 有時見到過左11仲營業緊🦉佢主打芝士茶 所以有人叫佢做翻版喜茶😂由於食完飯好飽 所以揀左【熱情百香果 $35】既水果茶味道幾清新 唔會太甜 唯獨係叫左少冰都仲有好多冰好凍❄️你知啦飲咁多凍嘢對身體唔好麻! 下次會想試下啲芝士茶同喜茶既比較下! 不過等候時間有少少長😕 或者可以去etude house 行下涼住冷氣等😂