茶九里

快啲嚟收藏好飲嘅茶飲店‼️店舖不在主街，但路過見到不少人排隊，食貨的直覺，必然高質，果真如此👍🏻👍🏻👍🏻✨腸粉三寶✨ 香港經典街頭小食：燒賣、魚蛋及腸粉，啱晒心多多嘅我😍每樣食啲，一次過食晒想食嘅野❤️腸粉口感滑嫩且皮薄，配合味道濃厚嘅混醬，十分滋味。魚蛋及燒賣都好彈牙，搭配他們家的辣汁，香辣惹味，很受歡迎。✨炸物拼盤✨ 呢個炸物拼盤真係必點！包含多款特色小食，如蛋餃、花枝丸、鹽酥雞、炸燒賣及台灣腸。炸物外皮香脆唔油膩，每一件都炸到香脆金黃，熱辣辣好好味，配埋冰凍的茶飲，好正🙌🏻✨黑糖珍珠奶茶✨ 茶味濃郁，珍珠彈牙得嚟又帶有黑糖香甜，奶香同黑糖甜味互相襯托，好飲到停唔到口！✨檸檬話梅冰✨ 檸檬話梅冰清新醒神，酸酸甜甜嘅口感剛剛好，非常解膩，飲落舒服透心涼，絕對係炎熱天氣必備。✨抹茶多多✨ 甜而不膩，抹茶味濃到可以感受到細膩茶香，伴隨多多嘅乳酸味，飲落非常平衡，不會太甜，幾好👍🏻。食物質素同飲品都非常有水準，好有驚喜！下一次嚟元朗，記住一定要嚟茶試吓🙌🏻🙌🏻想睇更多介紹，馬上Follow我啦😁。…查看更多

今日行經這間茶飲店～見到又有各式各樣的茶飲、特飲，仲有好多唔同款式既小食，相當吸引！由於食物同飲品款式太多，我都想了很久才下決定，店員非常有禮貌，有比一些推介我！夏天限定的飲品好岩炎炎夏日飲用，又解暑又滋潤！點了一杯黃皮檸檬烏龍茶及一杯檸檬話梅冰！兩杯都非常之醒胃，檸檬跟青檸都非常清新，酸酸的好開胃！配了黃皮及烏龍茶，又香濃又酸酸的！好醒胃！而另一杯配上話梅都是非常美味健康，鹹鹹香香，養聲！沒想到茶飲店都可以飲到黃皮和話梅製品！好創新！另外小食都相當足料，$22的腸粉三寶超美味！有又香又綿滑既腸粉，混醬後，勁惹味香濃！另外仲配有煙韌彈牙好味既燒賣！同埋細細粒又彈牙入味既魚蛋！勁飽肚！我仲點了一客$17炸台腸，有兩條！台腸外皮脆卜卜，中間肉質香香甜甜，熱辣辣，即點即製，超惹味！炸燒賣都非常推薦，$22有十粒！炸燒賣外皮金黃香脆，仲添上了惹味的紫菜粉！超煙韌同彈牙的燒賣！熱辣辣勁香口，必食！小店仲有一張小檯方便整理好買好的外賣，或可以立食都可！非常貼心！…查看更多

過完中秋，天氣依然炎熱，是日同朋友到左開心廣場附近買嘢，之後見有啲口渴又口痕，便去了一間茶飲店買嘢食，小店叫茶九里G9U，個名聽落幾潮咁喎😋飲品選擇幾多，小食就有台式炸物同港式腸粉魚蛋等。落完單等拎期間，都有四、五個人嚟買，仲有外賣員添，睇嚟小店都幾受歡迎，小食多人買自然新鮮好食啦。⭐黑糖珍珠鮮奶 & ⭐芝士奶蓋抹茶鮮奶點咗即沖嘅手搖茶，黑糖珍奶固定甜度，個黑糖味幾香，珍珠彈牙有咬口。另一杯芝士奶蓋抹茶鮮奶就可以揀少甜，抹茶味幾濃，芝士奶蓋後厚滑，幾好飲呀。⭐炸物拼盤炸物小食又好幾款一次過叫個拼盤就有齊哂，方便選擇困難症嘅客人。拼盤入面有海苔炸燒賣、蛋餃、台灣腸、花枝丸同鹽酥雞，即叫即炸熱辣辣香噴噴🤤個人至愛花枝丸，真係好彈牙好好食㗎。⭐腸粉三寶仲叫咗一份腸粉三寶，三寶就包括腸粉、咖哩魚蛋同燒賣。腸粉好新鮮，蒸得啱啱好唔過淋，甜醬、甜豉油同辣醬都落得多，上面仲灑左唔少芝麻更香口添，不過好似冇麻醬？蒸燒賣煙煙韌韌，同上面嘅炸燒賣食法唔一樣㗎😆咖哩魚蛋要咗辣味，不過其實都唔辣嘅，魚蛋有咬口都唔錯。⭐蒸粉果以前食街邊小食總會篤串魚蛋同叫隻蒸粉果多辣椒油，最近蒸粉果呢個小食已經漸漸消失😅見呢間有得食，叫返兩隻童年回憶先。粉果大大隻，皮雖然厚啲但入面都好足料，最正係加咗辣椒油同甜豉油，個味道出曬嚟。想買嘢飲同食下嘢又多個好選擇，下次口痕都可以嚟茶九里😋…查看更多

今次同🐨黎元朗周圍遊下 睇下有咩好野食行到咁上下 熱熱地想飲手搖🥺🐨話肚餓想篤幾串嘢食吓呢到有間茶飲店 仲有小食食添☺️有哂我地想食想飲嘅野🫶🏻 當然要幫襯下啦✨黑糖珍珠奶茶
黑糖香甜濃郁 珍珠Q彈有嚼勁奶茶順滑茶香突出 冰涼入口好解渴甜度適中唔膩 份量夠哂滿足🫶🏻熱天飲落仲幾清爽芝士奶蓋抹茶鮮奶
芝士奶蓋鹹香濃郁 抹茶微苦清香鮮奶順滑平衡 冰涼入口層次豐富甜度自然唔搶戲 份量剛好有啲日式嘅滿足感🥰.白土烏龍多多
烏龍茶清香順滑 益力多酸甜爽口兩者融合清新不膩 都幾match 冰涼入口好提神 甜度適中好平衡飲落開胃又清爽 熱天飲唔錯嫁🫶🏻腸粉三寶
腸粉滑嫩順口 魚蛋彈牙魚肉燒賣鮮甜多汁醬汁甜鹹適中 滲入腸粉好入味全部熱辣辣 份量剛好同🐨篤啲嚟食幾過癮😎炸物拼盤
腸仔香脆 花枝丸彈牙鮮甜蛋餃外脆內軟 鹽酥雞juicy椒鹽微辣提味 全部剛炸起好正份量好足 啖啖都咁正咁邪惡🤤…查看更多

行街見到間小店個名幾特別好奇心驅使下行去睇下 原來係茶飲小食店 買左幾款嘢食飲品試下❤️🔹腸粉三寶腸粉算係滑身 豉油，花生醬同甜醬落得幾足魚蛋同燒賣就係街邊小食正常水準 可以過下口癮🔹炸物拼盤拼盤有齊燒賣、台灣腸、蛋餃、花枝丸同鹽酥雞炸得唔會太油 最出色係鹽酥雞 幾香口花枝丸同蛋餃都唔錯 台灣腸就係平時食開嘅味道🔹彩虹草莓多多賣相幾靚 飲落草莓味幾清新 同益力多嘅味道都幾夾 酸酸甜甜咁加埋彩虹寒天好有咬口🔹檸檬話梅冰話梅味夠濃 帶出檸檬嘅酸味飲落幾開胃 甜度都適中🔹芋香奶茶加布丁奶茶嘅芋頭味算自然 淡淡既奶味加左布丁口感豐富左 如果芋頭味再濃d更加正呢度嘅小食同飲品都算穩陣 價錢合理路過可以一試👍🏻…查看更多