茶一

今晚29/08/2025食完晚飯，買個甜品食下，想試呢間好耐。滿心歡喜，點知一打開黎食，芋圓全部都未熟，中間係硬㗎，好失望。。。。未試過向出面食芋圓係唔熟，今次第一次，浪費左$38。。。得返芋泥同仙草可以食，唔知係咪太甜食完條脷唔舒服。店舖10pm收工，我地9:3x pm購買，仲有半個鐘先收工，已經無咩人幫襯，員工反應冷淡無咩禮貌，無熱誠。。。。唔願做咁。。。另外，店舖擺滿紙箱，一片凌亂。芋圓唔熟真係嬲到要即刻留comment, 之後唔會再幫襯。。。以免再中伏。…查看更多

🧋開心果奶蓋麻糬奶茶【$56】個名有啲長（有四重口感）開心果，奶蓋，麻糬，奶茶整體口味都非常夾大杯👍🧋烤芝士珍珠鮮奶奶茶【$30】有驚喜芝士奶蓋上面再加糖現場即刻燒🔥，焦糖香味十足😋再加芝士味🧀，呢個第一次飲有驚喜😋，下次再試吓其他📍Bestea茶一…查看更多

開心果而家真係超級大熱，去到邊都見到開心果製品嘅蹤影，我又唔執輸同朋友嚟試吓先 🤣🤣🥹 下次有機會一定會試埋佢其他開心果製品開心果奶蓋麻糬奶茶 $56開心果奶蓋味超濃郁 鹹香味道適中，個底仲有啲麻糬溝埋一齊 成件事好邪惡，茶味都好香濃桂花龍井手打檸檬茶 $30本身香水檸檬香味都好濃郁，又唔會有苦澀味！加上桂花烏龍嘅茶底再多一種芬芳嘅花香，檸檬香甜微酸配都幾濃郁嘅茶底！飲落香甜順口！另外依家都好少餐廳，有位可以坐 呢度買完飲品，又可以坐低慢慢飲…查看更多

因為有朋友住喺Novoland，所以就行吓附近有咩好吃，發現到呢間嘢飲，就買返兩杯上去同朋友一齊品嚐吓！呢間舖頭嘅飲品選擇好多，我鍾意嘅麻糬、奶蓋、仙草、Oreo 都有😍我哋叫咗一杯係芒果芝芝沙冰，同埋Oreo麻糬奶蓋奶茶🤤佢哋嘅奶蓋做得非常之好味！店員仲要一啲都唔吝嗇，¼杯都係奶蓋🤤而佢嘅麻糬都做得好出色，有煙靭既口感，同奶茶非常之夾😆而芒果吱吱沙冰都超級好飲，佢入邊除咗有果汁之外，仲有芒果粒，啲芒果粒就係好甜，加埋奶蓋超級好味😋見佢仲有開心果嘅飲品，下次都試吓先！…查看更多

屯門既茶飲店又多一間最近工作會到屯門牛地區經過商場見到有間難得可以坐既茶飲店坐位舒服闊落 環境寧靜同朋友一齊慢慢傾慢慢飲都冇問題鮮芋泥麻糬奶茶冬天最鍾意飲甜甜糯糯既芋泥呢間既芋泥綿軟甜甜既味道外加麻糬既煙韌好適合凍凍既季節最近鍾意飲甜嘢嘅我開心果奶蓋奶茶食住開心果既狂熱 出左一系列其中試左開心果奶蓋開心果細係杯內打了一圈 幾有特色堅果味濃郁 茶底清香 係令人心情和暖既味道如果行開嗰邊或者係街坊都係堂食或者外賣茶飲嘅好選擇…查看更多