茜廊餐廳 (樂富廣場A區)

營業中

休息中

早餐有好多選擇，之前見過隔離枱食醒晨牛扒早餐$62，牛排幾靚幾吸引！😍不過早餐黎講始終都有d貴，同埋怕食唔飽。所以今次食番最抵食夾大件既通粉類。整體而言，呢個組合我非常滿意，餐飲有橙汁飲，羅宋湯足料，唔太咸，唔太稀，好開胃！唔會賣晒就無！煙斗粉就比較得意啦～雞肉比較少，不過都明既，雞肉唔同雞扒嘛～ 至於餐包，可以加錢轉牛角包就試下先！雖然好大個，但平凡無奇，加完牛油都唔夠香脆，🤣都係龍城冰室牛角包無得輸！

夜晚六點半後朋友二人到樂富有不少食店選擇適逢茜廊2-7點有優惠見室內燈光柔和氣氛不錯便決定試試朋友選擇7點前下單的優惠餐，連紅湯和飲品也是五十餘元我選擇了正價晚市餐。白湯味道適中，美味，法包片香脆且熱！90分海蝦有7-8隻，肉結實，表面咸咸地，味道也不差。意粉味道稍淡有少量三色椒豆苗伴。75分涼粉紅豆冰攪拌後喝不太甜，感覺上也健康，紅豆有豆香味可惜量非常少。85分朱古力蛋糕裝飾好看也好食，唯蛋糕中層的雪紅梅子頗硬和味道一般。整體也好吃90分不同的各服務員均有禮，見盡量満足客人基本要求。臨離開前服務員也拉定大門送客，我微笑揮手拜拜👋🏻～

間野勁難食，勁冇禮貌！好老實講，價錢又唔算話好平，但個質素仲差過茶餐聽大家樂？甘差叫人邊會有有下次。難食都算，冇禮貌真係差到。。。我唔會再嚟，你地睇評論的人，自己考慮下真偽！失望

今日放假去睇醫生，經過見到這間餐廳好似都有好多分店，裡面唔太多人可能係平日見唔使等位入去食個晏先。裝修都幾精緻，格局簡約又有梳化位坐得幾舒服。望下餐牌有咩食先？午餐都幾抵有湯有包有主菜同餐飲！餐湯。。。羅宋湯，酸酸地微辣幾好飲。香煎鰽魚柳拼魷魚串 $96嘩。。。都幾大份，有兩串魷魚串、鰽魚一大塊，薯菜都好多有疏菜同薯仔。鰽魚煎得香脆，真的外脆內軟，魚皮鬆脆魚肉鮮嫩幼滑好好味。午餐多到變選擇困難症。下午茶都有好多款式揀，下次要來試下先。

放假去樂富行街食飯，因為附近有間百貨公司做優惠所以去濕平。大約一點半左右買咗少許戰利品開始肚打鼓，就去醫咗肚先。諗起之前去過這間食飯啲午餐唔貴又大碟，今日都一於幫襯下啦！午餐款式好多，有鐵板、有意粉又有飯揀。最後點了這個“火熱鐵板午餐”配餐湯/橙汁 + 麵包 + 咖啡/茶蒜蓉多士配餐湯，香脆多士上面有滿滿既蒜蓉食落鬆脆可口好味道。D. 特級西冷牛扒 $118最鍾意食鐵板因為落醬汁時聽到唦唦聲好自癒。。。哈哈牛扒超級大塊兩個人食都可以呀！肉質鬆軟好牛味煎得剛好，薯菜都有好多今餐真滿足。

今日同同事食lunch，每人叫咗一個set，包餐湯/橙汁、蒜茸包同一杯嘢飲，橙汁似喺果粒橙，唔似喺鮮榨，蒜茸包略乾，不過勝在夠脆，杯檸檬茶就正正常常我哋分別叫咗海蝦凱撒沙律、黑松露燴飯、南瓜海蝦意粉、牛扒拼吉列蝦薯菜同埋炸魚薯條，碟碟份量都好足，個個都食得好飽服務態度方面，侍應好有耐性、有求必應，例如要求另外比黑松露醬點薯條都無問題

在樂富地鐵站A出口一轉左手邊馬路，走兩步已到茜廊，平日午餐必然滿座，但是晚市就非常清靜，我們二人自然找卡位坐，非常舒服。晚餐的套餐有多款選擇，有扒餐、意粉、飯和pizza，最便宜由68元至百多元不等，我們揀了一款蜜桃鮮茄雞肉意粉、一個雜錦海鮮pizza。套餐有紅白湯選擇，麪包也焗得脆脆。雞肉意粉是一般貨色，但海鮮pizza令我眼前一亮，皮的厚度適中，焗得剛好，脆脆可口，比起其他連鎖店更出色，餐茶選了咖啡，水準也不錯，整頓晚餐邊吃邊談天，舒舒服服在寧靜的卡位用餐，埋單只是203元。都算抵食。

今天打算到樂富UNY 買東西，近十二時便先來到了茜廊餐廳吃午餐。第一次來到此餐廳，感覺良好。這店面積不小，座位頗多，裝修擺設令人感覺舒適。打開餐牌，選擇頗多 - 有飯、意粉、烏冬、薄餅等等。最後，我們二人點了兩個午餐。每個午餐均包括了餐湯或橙汁、麵包和飲品。這裹的羅宋湯煲得非常濃，微辣，湯內的蔬菜亦非常入味。將烘焙過的蒜蓉飽沾湯來吃會好些，這樣便不會太乾。意式肉丸雜菌意粉（$59）意粉不會太淋，意式肉丸味道適中，頗為軟滑。切了片的雜菌爽口且入味，和加了茄醬的意粉一起吃，配合得恰當。香煎雞扒餃子湯拉麵 ($58)小小的韮菜餃子味道尚可，雞扒煎得恰到好處。但在西餐廰吃的拉麵絕對不似日式的爽口。餐後的飲品- 熱咖啡和檸檬茶不過不失。總括而言，六十多元的一個午餐也算便宜了！

第一次夜晚時間幫襯茜廊，原因係俾門外嘅滿$238送兒童餐吸引左😂先生揀左食扒，我揀左香煎鰽魚，小朋友當然係豐富嘅兒童餐！有橙汁仲有兩杯迷你雪糕添！扒係OK嘅，都幾厚，同埋配紫薯蓉比一般配普通薯蓉較為特別，order 5成熟黎到其實差不多7成，不過都可接受嘅～最驚喜係香煎鰽魚，鱧魚一啲腥味都無，仲超級嫩滑！配埋鮮蜆肉同溫室菠菜～感覺新奇但味道出奇地夾！嗰個湯汁白色，但唔似白汁味道，唔識點形容，另外，可惜比較細碟同無飯/意粉跟，男仔應該唔夠食！女仔都係勉強ok。

有啲趕時間但又未食飯，見到價錢有OK就入嚟食個下午茶裝修都唔錯嘅幾有文青感覺。叫咗一個芝士焗肉醬意粉係有配餐湯蒜蓉包同埋嘢飲嘅個餐湯完全唔熱嘅凍冰冰唔好飲蒜蓉包不過不失啦但係有啲硬，食咗一口就冇再食過。輪到個主菜啦未試過咁難食嘅肉醬意粉，啲意粉硬到一嚿嚿嘅然後嗰醬太過酸可以叫做難以入口真係送俾我都唔會再食！睇嚟呢一間餐廳我唔會再光顧

趕時間來佐尼間餐廳，見到價錢又ok就入左來，發現左個環境個裝飾牆好有氣質、又係一個唔錯打卡位～叫左個黑松露雞肉雜菌燴飯，d黑松露好入味，飯都香軟，個碟好靚啊，同個飯好襯lunch送埋個蒜香包同埋羅宋湯 都算係OK香煎雞扒餃子湯拉麵🍜個味有d鹹，餃子一般般啦，面好淋，冇咩特別，係醫肚餓OK跟餐加左個吉列蝦沙律，🦐🥗都係幾好味

樂富商場攪咩呀？原本成4~5間運動用品店架，圍哂圍板嘅？原來想濕平嘅我，見到樂富攪成咁，無哂心機！要食翻餐好嘅補償翻！點咗個二人 set，黑菘露雜菌天使麵, 葡式烤BB豬, 紅白湯各一個客, 最后點咗兩杯特飲, 拖肥咖啡沙冰同意式特濃朱古力沙冰.優點 :1, 環境浪漫.2, 店內播放輕鬆歌曲.3, 西湯配蒜蓉包對我黎講係極欣賞嘅配搭, 純個人喜好.4, 天使麵身彈牙, 雜菌份量足夠.5, 拖肥咖啡沙冰味道濃郁, 推薦.有待改善 :1, 葡式烤BB豬最期待亦都最失望…. 其實質素唔係太差, 只係我用澳門法蘭度嘅葡式燒乳豬比較, 一比之下高下立見, 皮脆但肉質唔夠鬆軟, 比想像中硬.2, 葡式烤BB豬同西湯份量都少咗D.3, 紅湯比較淡.總括 : 會唔會再黎幫襯, 就要睇領展攪成點囉! 攪到樂富商場冷清清, 愈攪愈衰, 點黎幫襯啫?

對於樂富依一個食物沙漠嘅地方嚟講, 茜廊係一間比較好嘅西餐廳, 佢嘅食物質數亦其實唔差, 係嘅侍應真係要陪訓一吓。先講講佢哋嘅食物先, 歐陸早陸, 有雞扒, 牛奶炒蛋, 多士,  茄汁豆。雞扒 - 皮煎得幾脆口, 個燒汁都會唔太鹹, 有少少味身。牛奶炒蛋 - 炒蛋幾滑, 完全無加過味落個蛋到, 健康嘅。多士 - 幾硬身, 應該係大量烘底完, 之後放咗幾耐吓才上碟。茄汁豆 - 一般茄汁豆。佢哋嘅食物係正正常常嘅西餐廳嘅味道, 唔會太差。

這是一個遲吃的下午茶, 肚有點餓一於睇至尊下午茶餐, 果然係至尊睇價錢就知啦, 叫咗個鮮茄豬扒飯, 即叫即做所以稍須時間等候, 一送上嚟已經感覺熱氣騰騰, 鮮紅色茄醬下係一大片豬扒, 豬扒唔算厚切但都有返適當的厚度, 飯有炒底更加香口, 不過價錢連加一會過五十, 作為一個下午茶稍稍貴咗d, 不過這裡是正統餐廳格局, 而幾間茜廊餐廳之中又以呢間似乎做得較出色, 所以貴一點也是可以接受呢!

又到諗晚餐食咩🙊咁岩呢間唔洗等位，望落又乾淨企理一於入去試試！眼見裝潢有落過功夫，紅磚牆做佈景用了不少廚具同隨身物品油上白油漆，製作成掛牆擺設餐廳內設有電視機📺不過只會播放食物照，但影得幾靚。講返食物方面，份量好夠，有質素，蜜桃雞柳焗意粉好香，令人食指大動好開胃啊！而牛扒配紫薯泥冇咁肥膩個店員仲好細心問個燒汁要唔要幫您淋埋，可以令食客唔洗擔心會彈到成衫都係汁，呢方面要加分！工作人員既服務態度好友善整體都好滿意啊！