茜廊餐廳 (天盛商場)

營業中

休息中

每星期會叫2-3次茜廊外賣自取，今日第一次見餐湯得半碗😰變相兩個餐都係得一碗湯😰好失望！唔知淨係今日係咁定以後餐湯都得咁少.........外賣自取唔會喺餐廳續個蓋打開去check，返到屋企先見到，連同職員反映的機會都無，唯有留個食評希望餐廳見到啦！

入去食野，完全冇人理，唔夠人又唔請，叫人落單，冇人理，啲呀姐直行直過扮睇唔到，有個後生啲仔，叫等等，等10分鐘都冇人落單。嬲嬲地叫都冇叫就走。今時今日咁既服務態度，等接埋啦

茜廊餐廳是一家位於天盛商場的餐廳，提供了豐富多樣的菜單選擇，包括中式和西式料理。茜廊餐廳的菜單非常豐富，無論您是喜歡中式還是西式料理，都能夠找到合適的選擇。他們的中式菜色包括各式各樣的炒飯、炒麵、燒賣和湯品等等。我試了他們的招牌炒飯，米飯口感綿軟，配料豐富，味道鮮美。他們的西式菜色也非常出色，包括漢堡、牛排和意大利麵等等。我特別推薦他們的牛排，肉質鮮嫩多汁，配上特製的醬汁，非常美味。除了菜單選擇，茜廊餐廳的菜品質量也非常優秀。他們使用新鮮的食材，並注重每一道菜的烹飪技巧。無論是中式還是西式料理，每一道菜都有著獨特的風味和口感。他們的菜品不僅好吃，而且份量十足。無論您是一個大胃王還是喜歡與朋友分享，茜廊餐廳都能夠滿足您的需求。

星期日返完教會，同教友一齊聚餐，呢間餐廳食物水準不過不失，上菜速度極快，同事食完即收碟，有少少似趕客成份！希望店家可以改善一下，食完唔一定很快會走，傾吓計都可以吧！

適逢今日情人節同男朋友想鋸扒但附近無扒房男朋友提議食茜廊每次節日茜廊都只得特定套餐我地叫左個1+1情人節套餐環境好闊落而且晚飯時段人流都非常多不過上菜速度都好快前菜牛油果醬吞拿魚配玫瑰三文魚牛油果味清新煙三文魚唔會過咸餐湯同蒜蓉包蒜蓉包好脆口好好味.好似咬薯片咁餐湯我地叫左一紅一白紅湯好好飲酸酸地好開胃白湯係紅菜頭忌廉湯浸味有啲怪怪地.同埋有啲淡卡邦尼意大利粉好多汁.唔乾身蒜味比較大因為有炸蒜我個人鐘意食蒜.所以都覺得配搭得幾好紐西蘭西冷肉眼扒我地叫7成熟黎到真係7成熟好驚喜完全唔會話好韌好多筋相反非常淋啖啖肉汁甜品係士多啤梨芝士蛋糕黎到唔會好硬有啲似幕絲質地士多啤梨超級好味奶油又唔會好膩甜品超出色

九吋意大利原味Pizza正常發揮。pizza個邊好脆而個底唔會硬，蕃茄醬唔會太鹹，上面有原塊新鮮蕃茄同mozzarella 拉絲芝士。香煎鰽魚柳及鳳尾蝦配蒜蓉菠菜蘑菇汁鰽魚皮煎得好脆同唔乾，有魚油嘅香味唔無腥。蝦就係急凍嗰啲。忌廉汁好稀冇咩味 下面有幾條菠菜，冇蘑菇嘅香味。唔點汁齋食魚好味啲。香煎羊髀扒拼魚塊配蒜蓉汁及薯菜冇羊髀扒所以轉左T骨羊扒。羊扒厚1cm左右，個邊有少少筋。整體肉質都係好林嘅，有少少羊臊味。魚就識落似龍脷柳。扒同魚下面有白菜翠玉瓜鋪底一齊食冇齋肉咁飽。晚市套餐會送餐湯嘢飲蒜蓉包。餐湯有忌廉粟米湯同羅宋湯揀，羅宋湯入邊除咗蔬菜之外仲少有地有肉。蒜蓉包就烘得太硬。

📍茜廊餐廳（天水圍）-#5🫶🏻係最高 環境：🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-午餐套餐會配羅宋湯/ 忌廉湯 &餐包 仲有野飲！餐包係有烤過 所以好脆卜卜 而且仲搽咗蒜蓉牛油 所以好好食 唔係普通嘅嘉頓餐包特濃芝士卡邦尼蜆肉燴闊條麵 -$60好重芝士味 而且岩岩送上嚟仲會有芝士拉絲 份量唔少 所以食完都好飽 蜆肉份量都好足夠 但係闊條麵比較難夾起 好易就斷開 所以比較難好似意粉咁捲起佢西班牙紅酒汁牛柳粒燴闊條麵 -$69兩個嘅闊條麵都有呢個問題 但紅酒汁同牛柳粒都係好好食😋 唔會煮到牛柳粒好乾 咖喱牛魔王焗飯 -$72焗飯都有落芝士 所以有拉絲出現 份量都唔細 可能要兩個人share 佢嘅牛肉好好食 落咖喱汁一啲都唔孤寒 每粒飯都有咖喱汁喺上面 所以唔會焗到飯乾同硬 但係汁比較咸

今日介紹嘅西餐廳係比較大眾化，亦都好多分店，而我就鍾意食下午茶，因為比較抵食今日就叫咗個沙嗲牛肉公仔麵🍜同埋乾炒牛河肉河粉。呢個面嘅賣相好似好spicy其實少少辣，可以接受嘅，而D面比較硬身,冇咁淋，牛肉都好食，整體來講比想像中好食😋而個河粉賣相都炒得好靚，色水都好平均，睇落去令人好想食，但係食耐左會有少少鹹同有少少想飲水既感覺，牛肉都係好食嘅，整體來講都算係唔錯嘅。另外呢間西餐廳成日都會派coupon，所以下午茶會比較抵食，下次試埋其他美食介紹俾大家啦

抵食！下午茶  💕the food is yummy A lot of choices!!! 2:30pm到，要等5min.嘢食大大碟好抵食 就算好多人但係只需要等大概5分鐘就可以食到野不過服務員太熱心有啲驚haha 睇緊餐牌嘅時候不停喺側邊 推介食物The price is reasonable and the location is convenient too!

天盛商場一樓有間茜廊，見門口冇人排隊，又同同事一齊走去食先。基本上唔洗等位，行入去自己揀位。叫咗個鴛鴦焗飯，佢包蒜蓉包，同一碗白湯（忌廉湯）。忌廉湯好thick好肥，入面冇乜料，味道一般。蒜蓉包脆身，蒜蓉味唔算濃。鴛鴦焗飯一邊係龍脷柳芝士，一邊係鴨胸茄汁。鴨胸算多，番茄味道ok，唔會好鹹。芝士味濃，龍脷柳唔算大塊，不過煮得唔柴唔乾，個白汁好厚。成個鴛鴦焗飯都唔會好乾。檸檬茶，個茶底比較濃。總括嚟講，正正常常冇乜特別，但係都唔平，就唔係好抵了。

夜晚經開，諗住是但搵間野飽肚。點知難食到要比食評。杯檸水苦既！即係檸檬唔新鮮！其他唔洗講啦⋯⋯豬扒又無味，又乾，又鞋。我見間野都幾多分店，可能我要求高。挑戰劣食可以一戰！

黑松露奶油反，好難食，冇cream,啲雞一陣冰鮮味。焗雞超鞋口，淡某某，冇味。焗菜勁難食，一pat野，冇鹽冇味。仲有啲白湯，觀頭味仲好食過佢，紅湯好鬼辣。總結：垃圾！

放假同爸爸媽媽落樓下食下午茶，呢間餐廳開左好多年，我都食左好多年🙈平時都係食晚餐多，今日試下下午茶~超抵食，睇餐牌下午茶一般都係40$左右，唔預佢會好大份，而且應該都好輕食，下午茶跟埋餐飲。一出菜嚇親我，雞比薯條好大件，雞比炸得好透，好脆，本身有醃製過所以唔會無味，薯條亦都剛炸好，好脆好香，爸爸平時唔食快餐呢啲嘢，佢都忍唔住睇多次餐牌。爸爸食咗個雞肉飯，份量都比預期大，感覺似晚餐份量。雞肉有好多件，咖喱汁好食，唔會太辣，薯仔同蕃正常發揮，整體都唔錯。媽媽食咗個意大利飯，好好食所以我搶食左好多，香濃南瓜味，入面都有啲帶子(剪碎左)，好抵食。

雖然店名係Cafe，但似係一間茶餐廳feel 嘅西餐廳😅。位處屋邨商場，走大眾化路線，勝在街坊價，下午茶去到6:00，仲有幾十個餐任你揀。上星期嚟呢度食咗一次下午茶，送咗張小食券（只限星期一至五下午茶堂食使用），今次就乘機用咗佢。小食券送嘅係吉列炸蝦併西多士，原價$39免咗，但要收原價嘅加一服務費，即係$3.9。雖然係送嘅，但都唔hea喎，實物個賣相同coupon張相九成九相似，新鮮炸起，好脆，又唔會油淋淋咁，味道都好正常。唯一美中不足係西多士無餡（無花生醬夾心），所以略嫌乾。因為已經有送嘅小食，所以唔揀粉麵飯嗰d咁勁嘅下午茶餐，叫咗個相對「輕量」嘅焗墨西哥肉醬薯皮。焗薯皮有三件，醬料都豐富，整體份量同造型都ok。落order時我無為意墨西哥醬係辣嘅，我只係可以食到少少辣，呢個醬我尚可以接受，食得晒份薯皮，但一邊食一邊流鼻水囉😅餐飲即磨咖啡，就係一般平民西餐廳咖啡機沖嘅水準，正正常常。咁豐富嘅下午茶，連加一盛惠$40.2，味道同份量都唔差，呢個價錢，算係好抵。註：埋單時，又獲贈兩張優惠券，下次可以用😄

星期四1300去餐廳lunch, 不用排隊就直接入內因為餐廳的學生餐好抵食，包餐飲，又不用加一記得叫餐生餐時要出示學生證俾職員看學生餐-B餐-三色芝士白汁焗魚柳飯 $40味道方面：相當不錯上面有滿滿的芝士，魚柳都好足份量，有4條放滿整個碟面，不過因為有好多芝士好快就飽了我食淨4分1的飯不過我同事叫正價的餐就不抵食了，1個餐有$50-60幾都有，再加1就要$70左右先埋到單