影片
以上資料只供參考, 請與餐廳確認詳情
招牌菜
踏入牛池灣的英輝咖啡屋，彷彿穿越時光隧道，舊式地磚與牆身花磚拼貼出濃厚年代懷舊氛圍，半開放式吧檯與卡座設計更保留老冰室獨有的市井韻味，是本地街坊與老饕的隱藏據點。這裡的下午茶選擇平實卻充滿驚喜，推薦嘗試「迷你干炒黑椒雞絲意粉」，即點即炒的鑊氣十足，雞絲分量慷慨，黑椒香氣撲鼻，微辣惹味，雖略帶油光卻不掩其地道風味，搭配彈牙意粉，滿足感十足。 店家另一亮點在於親民價位與樸實服務，凍奶茶茶香濃郁，甜度適中，搭配西煎雙蛋或火腿通粉等經典港式輕食，人均消費約40至50港元，性價比極高。若行程安排至彩虹邨或牛池灣街市，不妨順道造訪這間低調卻充滿人情味的老字號，感受香港茶餐廳的在地魅力。
繼續閱讀
行過牛池灣，知道黎緊就黎拆，去搵間懷舊茶餐廳食個lunch，有室內室外可以坐，室內裝修好有80年袋感覺😅😅有左個雞髀飯，味道中規中矩啦，玻璃櫥窗入面既面包就幾好味，而黎呢度既咖啡同奶茶亦屬於中上👍🏽👍🏽👍🏽不過我今日就想飲檸檬茶😅😅
繼續閱讀
既然係咖啡屋，杯嘢飲理論上係主角少奶既熱鴦入口，茶味啡味平分秋色，奶味亦唔會太搶，再加埋微微既酸口味，絕對係舊式冰室既味道！沙牛麵無咩沙嗲味，更莫講花生味，剩低既係些少甜咸味。不過牛肉爽有勁，唔係普通鬆肉粉貨色，呢個要👍麵係頂好既好味麵，食起身有種類似伊麵既硬感環境唔係其他即食麵既感覺。二道菜腸蛋無特別正常發揮，略嫌條腸比較淋。整體評分：飲品 - 8/10主食（沙牛麵）- 6/10二道菜 - 5/10環境 - 6/10氣氛 - 9/10 （懷舊村檔）
繼續閱讀
假期訓到11-2點，起身就同女友去西貢行，咁喺彩虹轉小巴入，上小巴前，就喺牛池灣附近搵下野食先，諗住食完先入去。牛池灣入面街市（唔係市政大廈個街市呀）見到幾間比較舊式既茶記，見呢間唔算多人，就入去坐。因為係第一餐，所以唔想食飯，就叫啲麵餐黎食。呢度麵類既常餐快餐都係嗰幾款，配搭掉黎掉去姐。叫左個沙嗲牛肉米線，同炸菜肉絲加出前一丁，配個磨菇奄列同腸仔炒蛋（連牛油方包）。米線同一丁都係同其他茶記差唔多，唔講咁多，反而奄列同炒蛋真係要贊，唔係出面啲普通茶記或快餐店既炒蛋，喺熟哂既蛋上面加啲蛋槳就算，呢度啲蛋真係好滑，岩岩熟而不流，面頭仲彈彈下又有光澤，真係好食好多，剩係炒蛋已經可以儲到回頭客呢度裝修仲係8-90年代風，可惜疫情要間啲膠板，影相既話唔多靚。如想試下舊式茶記既feel，同埋鍾意食蛋既，可以黎呢度食下。
繼續閱讀
彩虹英輝咖啡屋喺牛池灣文娛中心同街市附近，有一條牛池灣村，呢度除咗有露天街市之外其實仲有好多嘢食，其實仲有一間舊式嘅茶餐廳隱身起一堆舖頭入邊，呢個位置其實一啲都唔顯眼。踏入舖頭已經感受到嗰種懷舊嘅感覺，無論係牆身或者地下階磚都係歷史嘅見證。西式下午茶餐- 炸雞肶凍檸茶$37係先滷後炸嘅造法，入味但都係唔夠生炸好食😂薯條方便淨係用咗扭紋波浪粗薯條。最鍾意就係粗薯條，脆得嚟又啖啖薯肉呢個價錢唔同地方其實質素都算唔錯，想感受下懷舊嘅氣氛值得一試。
繼續閱讀
您可能會有興趣的...