英記茶餐廳

尋日去開灣仔曾經聽人講灣仔駱克道熟食中心好有鑊氣，於是上左去英記叫左個肉絲炒麵， 首先賣相一流，隔離檯見到都跟我叫肉絲炒麵。 麵底炸得好脆、肉絲韮黃份量好足味道好好，落小小辣醬簡直係劃龍點精、最驚喜係價錢$37一碟！有例湯送！完全冇投訴！我見好多人叫乾炒牛河，下次要試下！…Read More

好耐都無黎灣仔熟食中心，自從搬左office後都好少再黎，今日咁岩再黎做野，心血來潮想食星洲米，今次幫襯好耐無食既英記，今日叫咗個星洲炒米，餐前有例湯，個碗崩晒😒本身黎得熟食中心，服務，環境，衛生不在評分當中。但求夠飽。例湯偏淡，飲左半碗算主角到場星洲米…個米濕既，唔乾身，夠熱，但整體無咩咖喱味，俾以前水準都退左唔少步。杯熱奶茶漏左單，追左一追，值得一讚係服務都唔錯，無咩態度，飲品上俾以前進步左，埋單$47，响灣一仔區，除左二餸飯外，呢個價錢唔要求咁多😄（雖然我十年前黎食時$29）整體黎講：食過一次就可以，下次如果再黎灣仔都應該未必再食了…Read More

街市熟食檔，向為小人追棒之列，剛巧家住此區，又那有不嚐之理。眼都未開的一個早晨，就被香噴噴的豬扒公仔麵喚醒起來！煎豬扒雖則浸在湯麵裡，卻沒有油淋淋的肥膩，反而仍有煎香的效果，豬肉還很鬆軟。公仔麵湯鹹度恰宜，喝完也不覺特別口渴。火腿奄列的蛋炒得夠嫩夠滑，混以火腿，鹹香夾雜，雖然明知多油，小人卻也忍不住火速橫掃！另一次到訪是午餐時份，點了咖哩汁牛肉飯。未食先看，咖哩汁多到完全掩蓋了飯，根本見不到飯的踪影！咖哩汁是港式咖哩，香香辣辣的，而牛肉以及配料青紅椒和洋蔥亦為數不少，牛肉腍身，配料帶甜，十分惹味。真真正正的茶記美食，就是無需花巧，樸實無華。…Read More

上星期同朋友去依間茶記，諗住佢即炒價錢又平試吓啦，嗌咗一碟XO醬炒海鮮同埋一碟肉粒炒飯，顏色好似冇乜問題，點知一入口就出事！兩碟都咸到苦嘅好彩佢有送嘅例湯，但係都鹹到唔夠飲，飲埋兩杯一啖就冇晒嘅咖啡，都係好大鑊，完全冇法子辟除啲鹹味唯有夾硬擺多兩啖入口，之後兩碟原封不動放喺枱面就去埋單，可一不可再。…Read More

又係經過灣仔搵早餐食嘅時候 今次是另一間都係灣仔駱克道街市嘅茶餐廳 雖然都係同一齊嘅熟食中心 但係呢一間感覺範圍比較大啲闊落啲 坐落去睇過餐牌 問過有冇得轉入面啲嘢佢話冇 因為想食雪菜肉絲米同埋多士 咁佢 啲餐係固定冇得轉我唯有分開嗌 雖然貴少少 總共食咗五十幾蚊 不過一個雪菜肉絲米有兩隻蛋 配凍奶茶 另加一份奶油多 價錢都ok 首先多士嚟到 用厚多士做嘅 麵包鬆軟 奶油足料 多士上手仲係熱嘅 好食 跟住杯凍奶茶 畀起好飲嘅茶餐廳係爭少少 但係整體係合格以上 應該係啲奶冇咁香嘅問題 但係絕對唔會扣分 跟住嚟到煮食雪菜肉絲米同兩隻熟蛋 份量十足 首先兩隻熟蛋 蛋新鮮又香 好食 跟住雪菜肉絲米 雪菜新鮮 肉絲有少少肉片嘅感覺 有咬口 都係好食 整體嚟講 雖然嗰啲餐冇得轉有啲唔夠靈活 但全部嘢都好食 係絕對需要再幫襯嘅餐廳 比起嗰啲連鎖大舖 完全係遠遠超越…Read More

其實真係無得輸。。。下午茶都咁多人，係滿哂既，我諗都唔洗多講。首先，下午茶$38有飯食，仲要大兜喎，凍飲加兩蚊，都係$40。🏅叫左印尼炒飯，好食，飯粒粒分明係基本啦。有咖喱粉香味，少少辣，好開胃。🙌🏻味道岩岩好！有蝦、蛋、叉燒、青椒同紅椒！💜仲送例湯飲完唔口渴喎。錯重點，港式就係用呢啲彩色膠餐具，呢隻綠加呢隻粉紅色好靚😂呢啲應該係港式浪漫🌹環境係有冷氣既熟食街市，又大又舒服！一定會再食啦！…Read More

灣仔區熟食中心好旺，特別係返工時間星期1-5而2/F有好幾間餐廳做堂食印象同大埔熟食街市比灣仔係少d餐廳同地方細d今次同男朋友去左2/F試英記因為之前同事介紹過ok其實佢地牆上菜單係超級多選擇本來想試炒烏冬但阿姐話個廚今日冇返淨係可以揀抬上張餐單🥢🥢男朋友叫左干炒牛河牛肉都幾多同大塊，冇"葉"到佢過冧或者冇晒味男朋友話點解好似有少少燶味？🤔我又試下，應該唔係燶味係真係有鍋氣味🤣🤣🤣🤣 冇事😂😂🥢🥢而我揀左豉椒排骨飯排骨好多件，都大舊肉但排骨我試過冇任何肉味，似係雪藏的同牛肉比，咁牛肉好味好多灣仔熟食比較多中年男士去食飯今日見唔到遊客呢到地方比較細，嘈少少如果未試過，可以嚟試一次但要留意，星期六大部分鋪都唔開…Read More

今日湊完小朋友返學， 特登去灣仔市政大廈英記食早餐， 呢度嘅早餐好抵食， 40蚊左右已經搞掂曬， 唔算太多人， 可以清清靜靜咁食😊叫咗最鍾意食嘅豬扒出前一丁， 出前一丁軟硬度剛剛好， 豬扒正常發揮🤭另外跟餐食蘑菇炒蛋， 因為唔想食太多加工食物， 感覺蘑菇健康， 整出嚟感覺幾好味😋😋另外將普通多士轉咗做奶醬多， 醬料幾多幾好味， 多士都幾脆口， 只係加兩蚊轉好抵😊😊最後熱鴛鴦少奶完成， 覺得呢個早餐都幾抵， 下次都會去再食， 多謝收看…Read More

幾日前去呢度食左午餐叫咗滑蛋牛肉飯，味道唔錯，分量都幾多，仲有一碗例湯送，碟飯加例湯加凍飲都係42文，可惜白飯唔知係唔係因為午市比較忙所以一早裝定係碟度都幾凍下，跟住過幾日再去試下午茶，叫咗菜遠牛河加凍檸茶，牛河到咗賣相都幾好，咁嘅價錢分量都算多，食落味道唔錯河粉都好新鮮，可惜牛肉好難食，有部分好似硬膠噉樣，根本咬都咬唔到，上次食個滑蛋牛肉飯都覺得啲牛肉比較一般，但係都冇今次咁離譜，最後其它都食曬牛肉就剩返四片冇食…Read More

椒鹽豬扒飯 - 平凡下午茶選擇椒鹽豬扒飯凍檸茶，$42加$2，味道就話普通啦，冇乜特別。係啦，有時候下午茶就揀啲簡單嘅嘢食，都係舒服啲。椒鹽豬扒飯嘅味道，我覺得係真係平凡普通，冇咩出奇之處。不過，如果要講一樣讚嘅嘢，我最鍾意佢哋嘅豉油汁！有時候一個醬汁就可以令一個菜式加分唔少。總括黎講，椒鹽豬扒飯作為下午茶嘅選擇算係OK啦，雖然味道普通，但豉油汁真係幾出色。下次如果想輕鬆食個飯，都可以考慮返去試下啦！希望下次食飯會有一個更滿意嘅體驗啦！…Read More

在繁忙的灣仔區,有一家不起眼但一到午市爆哂，簡直係窮人恩物飯菜份量足夠,米飯鬆軟,《滑蛋肉片飯》蛋香，嫩滑鮮美,醬汁恰到好處,非常開胃。第二道是《排骨菜遠炒河》，炒河粉Q彈，配料包括排骨夠淋滑，菜心，煮得恰到好處,既有肉香又帶有菜香有口感。這道菜雖然簡單,但料理得當,確實能滿足食客的味蕾。最後一道是「芙蓉蛋飯」。蛋餅鬆軟可口,內餡的芙蓉蛋香氣四溢,融合了蛋香和米飯的清甜,淋上適量的醬汁後,口感更加絕佳。這道看似簡單的家常菜,在師傅的手藝下變得格外美味。總的來說,這家茶餐廳提供的一些家常小菜,雖然不華麗,但卻是簡單美味,能夠滿足日常飲食所需。無論是匆忙的上班族還是慢悠悠的老饕,這裡都是不錯的選擇。我相信只要持續保持現有的品質,一定能繼續吸引更多食客的青睞。…Read More

中午食個快飯，諗唔到去邊食，之後就揀咗駱克道街市英記茶餐廳，雖然衛生環境一般，不過勝在性價比一流，新鮮夠鑊氣，又快又大碟，要依個價錢喺灣仔區食個午餐，我都咁肯定唔容易搵到不過如果對環境有要求嘅，就未必啱所以見到成個餐廳都係男仕…Read More

行過無數次駱克道街市，今次我專程去咗英記茶餐廳，試下佢哋嘅標誌美食。首先，我點咗碗熱辣辣嘅香滑蛋治，🍳 雞蛋炒得啱啱好，非常滑口，夾住新鮮多汁嘅蕃茄，真係叫人食落甘心！當然唔少得嚟碗豬紅湯丸，湯頭舊豐富，丸子彈牙咬落QM嘅，配埋d臘肉同蘿蔔，係咁滋味。🥣 個鐵板牛柳止唔住人一試再試，外焦內嫩，搭埋特製醬汁，簡直係在味蕾上嘅煙花。食完兩個菜，我發現密斯仔戴住個大大圍裙忙來忙去，份量非常慷慨，吸引咗唔少街坊客仔。🍽️ 成個飯局都充滿暖笠笠嘅親切感，再點杯絲襪奶茶，醇厚香滑得嚟唔會太甜，真系冇得彈！總結，駱克道街市英記雖然叫唔到上咁豪華，但食物真材實料，加上師傅用心嘅態度，令人吃完喺度都算滿足咗。下次想親自體驗下嘅街坊，記得一早去搵檔頭啦！…Read More

只是飽肚合格12點幾系灣仔準備午餐，剛剛想起好多茶餐廳關注組話灣仔街市英記同興利幾正，今次先試英記。去到熟食市場，始終系老街市，環境比較差，但檯面都算乾淨，但有部分杯就麻麻。優點- 夠大碟- 送例湯改善點- 兩碟其中一碟漏單，追三次至有。- 味道吾掂。蝦醬海鮮炒飯（$45）1分- 上檯第一口已經覺得吾夠熱，系街市或者大排檔哩個系比較差。- 話海鮮，得蝦仁同條裝蟹柳，份量比$45其他飯麵的肉料少得可憐，兩樣都無味- 可以話一D蝦醬味都無。- 炒飯系濕立立，離譜。菜遠牛肉炒河（$39）3分-牛肉同河粉份量十足-可惜牛肉無肉味- 汁比較甜。- 同樣系吾夠熱奶茶（ +$6）2分- 見到好多食評話奶茶好，眯叫一杯，- 聞到有茶味，但飲落吾香，比較稀同吾夠滑，- 同樣系吾夠熱- 之後覺得舌”鞋”…Read More

今日又去左灣仔駱克道市政大廈街市熟食中心嘅平民飯堂食Lunch~~~~ 英記茶餐廳 今日同朋友一齊Order 左手2個炒河餐🧑‍🍳🧑‍🍳🧑‍🍳1）沙嗲牛肉濕炒河🐮份量足夠，幾大碟🤤🤤咖喱、香料和牛肉加上寬河粉炒煮。咖喱味道和香料的香氣濃郁加少少辛辣味，牛肉口感嫩滑，非常開胃。2）乾炒牛肉意粉🐄味道濃郁、口感豐富。牛肉鮮嫩與麵條有咬勁，有彈性，香料和調味料濃郁。如果你喜歡意大利面配牛肉，讓你垂涎欲滴！…Read More