芽莊越式料理

營業中

休息中

由於限時90分鐘，我地都唔敢點太多嘢食，點左串燒，沙律同咖哩牛腩。話明限時，上菜時間都唔使等好耐就出晒，又幾好嘅，可以一次過影晒啲食物，整體來說，三個人的份量啱啱好，味道都唔會點失水準。香茅串燒牛 (3 PCS) $90 香茅串燒雞 (3 PCS) $80*整體個醬係好味過啲肉，肉唔夠入味。.越南蜜柚燒蝦沙律🥗 $108燒雞撈檬 $78*要加好多醬先好味。.西貢咖喱牛腩 $128*味道口感還可以，咖哩味唔算好特別，微甜。.青檸梳打 + 薄荷葉$46 2 杯凍青檸茶 $38 .p.s環境係幾舒適，久唔久食一次係接受到🤑

香茅豬扖撈檬，撈檬一直也是眾多越南菜式中我的至愛，因為夏日熱熱的時候，配合醬汁拌著吃，簡直人生一大樂事也~這家餐廳的撈檬也不錯，檬粉乾爽彈牙，配合一些蔬菜吃，美味到不行，豬扖也相當入味，不錯不錯!

間間都要排隊，唯獨e一間就少d人排，就試下，叫左豬排蒙，芽莊炒飯(定芽菜炒飯)，三色扎肉，炸雞翼，春卷，仲有一個扎肉蒸粉卷(唔記得叫咩名，大家睇圖片😂)豬排蒙基本間間都差不多，無咩好介紹不過不失全店唯一一個飯😂無咩特別，d肉係幾好食，炒飯一個，完雞翼唔錯，香口好味，本人好喜歡食炸雞翼，e間唔錯可以試下。春卷都係無咩特別，一般越南食品，無咩好介紹。扎肉蒸粉卷好特別，大家要試下，三色扎肉除左長條形個個另外兩個幾好食

越南粉係我越南菜最鐘意常食， 去開葵芳行街, 就俾佢開放式餐廳吸引 ， 見餐牌相片吸引，決定試下😋兩個人唔食到太多,由簡單菜必試先， 今次order左爽腩+生牛越南粉湯底味道濃到適中, 清香，配料新鮮, 牛肉鮮嫩愈食愈想食牛油雞翼擺盤講究, 外表吸引食慾, 雞翼表面炸粉薄又香脆配上新青檸汁 清香不油蝦米芥蘭表面有脆脆蝦米花生碎配灼芥蘭加特製醬汁，但醬汁帶甜不是每人都喜歡由於兩個人試不到太多菜式，今次經驗每款都與餐牌圖相符合，期待下次試其他菜😋😋

突然想食越南粉，所以入左嚟呢間一向都有幫襯這間連鎖餐廳，但呢間分店就未食過～雖然是星期日lunch time，但人唔算多，有吉位我點了河內蕃茄蟹肉湯粉 $86蕃茄湯淡淡地，無想像中咁濃，但都幾開胃，不過蟹就麻麻地，有DD梅，但呢個價錢係咁上下，預左～不過驚喜的是這碟伴菜，幾大碟，浸入番茄湯或加上越式酸甜汁當沙律都非常適合友人點了燒雞撈檬 $78雞肉幾嫩，炸得香噴噴，加上越式甜酸醬汁，非常清新開胃～埋單$180 ，有加一服務費

Happy Friday 收工選擇咗去葵芳新都會食嘢間間餐廳都要等位，見呢間芽莊稍為少啲人等，一於就入去食啦！雖然呢間其實已經食過好多次，但次次嚟都係想食返佢個🐂生牛肉湯河🐂因為佢個牛真係好出色啊！肉質超級嫩💕個湯亦都好香，清清地又帶點甘甜👍🏻仲要每次食完都忍唔住想飲多幾啖湯😎另外今次仲叫咗個燒牛柳沙律🥗呢款沙律係我第一次食，但其實都覺得唔係好沙律😂因為都無乜菜嘅🤷🏻‍♀️反而啲牛柳又幾多吓喎！夾埋啲青瓜同埋配菜一齊食，啱啱好可以中和返牛肉嘅肥膩感👍🏻

裝修左後嘅葵芳好耐冇去過，商場嘅都多咗好多新嘅餐廳🤤，今次試咗呢間《芽莊》越南菜-🔹《芥蘭苗🥬》份量都好大碟，面頭鋪滿櫻花蝦同花生碎，聞落好香食落醬汁係偏甜，如果係鹹味會夾啲😂！/🔹《燒豬扒撈檬🐖》，豬扒好好食好重香茅味道醃得好夠味👍🏻，檬粉食落夠爽口同夠凍，魚露水可以再酸啲就更加好😙！/🔹反而《越南碎米飯🍚》就覺得麻麻地，碎米真係d飯粒好碎😂，同伴菜配料有d燶燶地嘅味道😰，但豬扒一樣好食👐🏻/🔹《濱海伴燒牛柳🐮》，牛柳好軟熟同冇根冇肥肉，濱海係米粉餅放上蒜片同花生碎沾上魚露水食好鬼開胃😛！/🔹《越南炸春卷🌯》，炸得夠香脆熱辣辣，餡料夠飽滿，最鍾意係俾咗好多香菜配料同生菜🥬所以食落唔會有油膩感😻！/🔹《清浣蒸粉卷🥟》感覺都唔錯，唔會一夾就散開，整體餐廳嘅食物質素都唔錯，如果想食越南菜嘅話都係一個好嘅選擇😎，最鍾意喺呢度多特色嘅越南小食🤣

手切上等牛柳河粉湯底鮮甜有肉香，牛柳切得是一口size，鮮嫩剛好熟。加入芽菜和洋蔥等，越味很濃，尚算正宗。最欣賞的是河粉很滑身，不會過稔，還是有點彈性。炸春卷又香又脆 ，沒有一點的油膩感，炸得十分通透，沾上店舖的酸辣醬，簡直是絕配！見到隔離枱點的會安軟殻蟹卷十分大份，軟殻蟹大大舊又有蟹膏，忍唔住叫埋一份。味道和炸春卷截然不同，軟殼蟹炸得酥脆配埋醬汁和新鮮的生菜和蘿蔔絲，味道很清新，很平衡，口感豐富！

跟好友去葵芳睇舞台劇，之前去食晚餐，無訂位在新都會揀了呢間餐廳，即入座坐中央二人枱，喜歡裝潢色彩加圖形裝修，食物是東南亞菜式！落好單食物好快到！鹹梅梳打（走甜）清爽微微梅味，好適合夏天飲，不會越飲越渴（值得讚是紙飲管）牛油果卷：好清爽的小食，米紙皮彈牙，蔬菜及牛油果都新鮮爽口，沾一點檬粉醋汁就好開胃的秋葵蝦沙律：似中式小菜，灼蝦肉開邊，蝦味濃微微彈牙，秋葵灼熟了，好喜歡食秋葵，不怕黏液，更因喜歡中央的粒粒！淡醬油吊味剛好河內蕃茄蟹肉湯檬：好好好濃的蕃茄湯，濃到似蕃茄羹，蟹肉的鮮味又滲透晒在湯中，檬湯彈牙有咬口，配料就正常！唔會搶走主角的味道食物好味，店員是姨姨級，回應快勤快，有微微笑容！朋友比錢所以無單據好味的東南亞菜

香港夏天濕濕熱熱 令人又無咩胃口 清清地食吓越南菜 芽莊整體都唔錯 都係晚餐之選前菜叫咗個潘切生醃蝦卷 蝦有蝦未 菜都爽脆 仲有少少米粉 點返個魚露提鮮 清清地少少魚露酸甜味都幾開胃蕃茄蚧肉湯檬 蚧係蟹既一種 細細地唔多肉 但係 碗湯檬就有半隻係度 食落似煲湯既蟹禁 但係 一啲都唔晦 好淋身 湯飲落係蕃茄甜味同蟹肉味 無腥味 而且仲有肉丸同埋扎肉 濱海伴燒牛柳 濱海即係米粉餅 米味都幾出 上埋再放咗炸蒜片同花生碎 燒牛柳望落都乾身 咬落唔鞋口都軟身 而且 加埋香料一齊燒 食落好有驚喜 因為 唔知點食 自己就DIY禁 生菜放底濱海上面加埋九層塔同燒牛柳 除咗牛柳所有野食都好清 所以都要加少少魚露 包埋一齊就好好食芥蘭苗係每枱客都有叫既野 因為芥蘭一啲苦味都無 個汁係甜豉油再加埋炸蝦米同花生碎 真係好夾好好食

河內蕃茄蚧肉湯檬✨、串燒拼盤（豬、牛、雞）、越式炸春卷、會安軟殼蚧卷、越南熱情果沙冰🍹河內蕃茄蚧肉湯檬✨• 蕃茄湯底非常鮮味清新😋，跟蟹肉十分匹配，蟹肉滲透蕃茄香、而蕃茄湯內又帶有幾分蟹肉鮮甜。串燒拼盤• 燒得十分香口、香料滲透入肉質內，配合醬汁更加惹味可口！越式炸春卷• 外層春卷皮單薄香脆、內𥚃餡料飽滿，令口感更為豐富；會安軟殼蚧卷• 一層薄薄煙韌的米紙包裹著蔬菜及軟殼蟹，是一道外軟內脆的小吃，值得一試！越南熱情果沙冰🍹• 真材實料的用熱情果打成的沙冰，酸酸的非常開胃消暑！唯一的缺點是沙冰的冰粒不太均勻、粗幼不一。

🥢葵芳唔抵食的越南河下午茶🥢去葵芳行街食嘢，通常一諗就係掃街，想搵一間坐得舒服的餐廳比較少，行到新都會廣場睇睇有無舒服餐廳，見到有間無咩人的越南餐好似唔錯，下午茶心諗貴得去邊？就入左去坐，全場加我得三檯客，無咩人坐得幾舒服嘅🥢下午茶 B河內手打牛丸粉+C青檸梳打 $75 (需加一）🥢牛丸粉會跟一碟香葉辣椒青檸俾你隨喜好加入粉中增加香氣，粉是幼河粉，口感尚算滑溜，但份量偏少，湯底有牛味有越南粉感覺，牛丸一共有六邊，其實只係三粒切開半邊，是普通黑椒手打牛丸味道🥢青檸梳打 (跟餐）冰比例多，一啖飲就無了半杯，而且梳打不是很夠氣🥢以下午茶來講我理解份量是偏少是正常的，但以這碗要$83 ($75+10%=$83),食一碗下午茶份量又少的粉真心唔抵，唔怪得無咩人食，但無人都有個好處就係坐得舒服芽莊越式料理地址: 葵芳興芳路223號新都會廣場1樓133號舖

今日同男朋友去咗葵芳行街，行到累就順便在新都會廣場食晚飯。可能因為星期六晚的關係，好多間餐廳都好多人等位，最後我地就決定食芽莊，因為芽莊相對地較少人等位，但最後2人檯都要等10張。由於太肚餓關係，我同男朋友決定一人叫一碗粉再加2個小菜。男友叫咗手切上等牛柳河粉，原來個牛柳河粉係每日限量供應，好好彩我地叫嘅時候仲未賣哂。個牛柳好淋同好香牛肉味，但個湯就略嫌油咗少少。我就叫咗脆皮蝦卷撈檬，個蝦卷好crispy，而且仲要有好多舊蝦卷之後仲叫咗牛油雞翼同蒜子炒通菜。牛油雞翼係我最愛，每次食越南野我都一定會叫，真係好好食手切上等牛柳河粉脆皮蝦卷撈檬牛油雞翼蒜子炒通菜

今日（18-8-2019 Sun）晏晝，老公陪我去新都會notebook，嚟到時我開始肚餓，咁就搵嘢食，老公唔想食西餐，我又唔想食拉麵，邊行邊睇，見到食泰國菜嘅呢間，於是試吓。坐低後睇menu，有法包嘅?睇真啲，原來呢間係越南嘢，老公揀咗$78.00嘅濱海伴燒雞同$76.00嘅牛油果米紙卷。原本我想要魚餅撈檬，但睇相，唔係我想要白雪雪嗰隻，唯有放棄，要$78.00嘅濱海伴豬扒。7分鐘後，兩個濱海都到嚟，睇見有好多菜，而濱海伴豬扒碟上嘅菜，更加係掂到張枱，變咗抹枱。豬扒已幫客人切件，我哋開動喇，豬扒厚度適中，食到香茅味，味道啱啱好，又唔係好乾身，亦啱啱好，好味。味道:5分濱海正常冇問題。味道:3分燒雞份量唔多，都香口，但味道就好平淡。味道:4分牛油果米紙卷，一客4件，食落，口感軟腍腍，但內裡有一片鹹鹹地嘅炸物，唔係脆而係硬，咩嚟㗎?寫呢篇食評時再睇menu，原來係炸蝦，完全估唔到。味道:3分環境:原本覺得唔錯，但喺冇乜食熱嘢下，都覺得冷氣唔夠。其他:星期日下午入座，食用時間限75分鐘。抵食係2.5分

呢間餐廳係新都會都開左好耐，之前成日都排晒長龍，見好耐冇食而且有bb凳，就去食啦不過呢款bb凳設計有啲危險，安全帶位置有啲鬆，唔太適合太細個bb用講返嘢食先呢個係芽莊炒飯，太油，搞到啲飯好濕咁生牛肉粉，呢個唔錯，湯底唔會太咸，配料好足，可以自由選擇加定唔加再加多個小食，蒸粉卷，原先個賣相唔錯，不過我唔記得影，相講既係個粉卷蒸到過左火，一夾起就爛，基本上係皮同饀分開黎食，仲要個皮好濕，散晒佢個味其實唔錯架好足料，有花生，肉等等總結：希望可以保持返剛開業時水準，依家比之前差左