芽籠

營業中

休息中

而家天氣咁鬼熱 🥵🔥☀️冇晒胃口 🫥經過 <芽籠>醒起好耐都冇食星加坡菜 🇸🇬口淡淡好想食喇沙 🍜即刻試試佢先..待應有禮貌服務態度好讚～ 👍🏻 ..海南雞飯拼喇沙($80) : 一次過滿足晒兩個願望，唔需要同人share都可以食到兩款。海南雞幾滑，亦有雞味 ; 喇沙椰汁味重，辣度亦都好足夠手工奶茶 ($18) : 冷熱同價，好抵飲喎！茶味都幾濃，唔淡，下次要叫少甜先..冇加一服務費幾經濟抵食會再 encore..

都好小約朋友食海南鷄飯，心血來潮去試吓新店，午餐時間坐咗8成人，地方細坐得一般舒服，叫咗海南雞飯，海南燒鷄飯，海鮮喇沙飯，葱餅咖喱汁，海南鷄飯跟嘅鷄油飯好乾同硬，大打折扣，鷄肉不過不失，海鮮喇沙飯D喇沙湯，一味感覺好重花奶味無椰香味，唔食都無咩損失，最欣賞鷄肉串燒，鷄肉厚得嚟有肉汁，亦燒得啱啱熟，唔使点沙爹酱都好味食咁多都埋單都係375抵食嘅

話說芽籠前身係一間食日本鯛魚湯烏冬嘅餐廳，最近裝修成為依家嘅星加坡餐廳。今日第一次嚟食芽籠，發現其實室內嘅枱櫈設計都冇變過，甚至員工都好似係以前日本餐廳嘅時候已經喺度做嘅，牆上裝飾🖼、背景音樂🎶、甚至餐廳內的冷氣溫度🥶，一樣冇變，同以前一樣。至於我點嘅海南雞飯配肉骨茶套餐，俾我哋預期中好食😊👍🏽 一碗細細的肉骨茶，好有誠意咁放咗一粒完整嘅蒜頭、¼粒大嘅乾冬菇、腐皮和一支排骨👍🏽而且碗湯好夠胡椒！只係油飯略嫌太硬🍚，師傅可能未掌握到佢用緊嘅米、水和電飯煲嘅配合吧~ 始終一碗熱辣辣嘅油飯，都佔「海南雞飯」一半好重要嘅位置。希望下次再嚟嘅時候，呢一方面可以更進一步🙂

今日行過灣仔，見到有間新開嘅新加坡餐廳。就入去試吓佢哋嘅馬來西亞嘢食啦。 地方都屬於容易走，同埋好好乾淨。空間寬闊，唔算細。店員服務周到。蔥餅配咖喱汁 $38店內最好食就係咖喱跟薄餅，好香咖喱粉味，唔會太辣。蔥油餅超香嘅蔥花味，煎到金黃通透，口感超好味。 有啲似台灣嘅手抓餅脆而鬆嘅口感。咖也多士配溫泉蛋 $28第二個好食就係咖也多士。跟足新加坡🇸🇬食法，除了咖也多士，再配兩隻溫泉蛋。 溫泉蛋點甜鼓油來吃，好好味。 喺香港好少見新加坡餐廳會這樣做。 如喜歡鷄旦香嘅朋友可叫來試吓。 芽穩喇沙參參 $68喇沙比一般出面街食到嘅喇沙麵好味，同埋好濃味。濃味得來又唔會太鹹，十分之好食。白胡椒肉骨茶 配白飯 $72該店嘅肉骨茶，不是採用馬來西亞版嘅肉骨茶，甘濃藥材味同呈深黑啡色。該店肉骨茶係新加坡版，有微當歸味同埋胡椒味，湯底清甜，有肉的鮮味。湯比較溫暖，如果客人想個湯再熱啲，可以叫職員幫手加熱。還仲送油條送湯。店主話湯係主打清甜有肉味，如果湯加熱可能湯會無咁清。下次經過灣仔會再過嚟幫襯，一間好正宗嘅新加坡餐廳。

我本身都幾鍾意食新加坡野，未疫情發生之前都周不時會係 weekend/ 長假期整個新加坡短 trip，有晚女朋友話灣仔開左間新既新加坡菜餐廳，所以即刻去試下。我地叫左喇沙: 喇沙湯底好濃好足味而且帶好香既椰香味，海鮮質素算 okay。海南雞飯配白胡椒肉骨茶: 油飯乾身好夠味，海南雞如果肥多少少會好 d ，但係 overall 以味道同份量黎講都幾好。白胡椒肉骨茶幾好飲，而且都足料，美中不足係如果熱 d 會好飲 d。咸蛋黃單骨雞翼: 邪惡到爆但真係幾好食！單骨雞翼先炸之後再同咸蛋黃醬一齊炒，惹味得黎又香口。飲品叫左凍南洋白咖啡同凍手拉奶茶，正常味道，不過都好飲既。

海南雞配油飯&紫菜湯$68，雞嘅份量好多，無雪味又嫩滑有雞味，點海南雞個三隻醬再撈油飯食好滿足。紫菜湯解渴，唔會太咸。蟹喇沙摻摻$78好大碗又多配料，摻摻就係油麵加米粉，好正宗東南亞食法。湯底惹味，少少偏辣，啱晒鐘意食辣嘅我。咖吔多士配溫泉蛋$28依個抵食！未去過新加坡旅行嘅我第一次試多士同溫泉蛋一齊食，之前睇utube見依個食法係當地好出名嘅早餐食法。兩隻溫泉蛋仲配有甜鼓油同胡椒粉。就咁食啖多士脆卜卜，又有邪惡嘅厚切牛油同甜甜哋嘅咖吔醬。將多士點蛋汁食都幾得意，或者就咁加調味料落雞蛋到食都好嫩滑。椰青$28都好抵飲，唔洗自己開咁麻煩，又大個又清甜。

係灣仔番工晏就食lunch唔知食咩好 咁岩經過呢間新加坡餐廳 見係新新地就同同事入左去食啦～海南雞飯拼肉骨茶海南雞份量比想像中多 兩個人share黎食岩岩好 雞肉肉質十分滑嫩 而且相當入味 餸油飯食一流🤭 另外肉骨茶胡椒味較重 同平時成日食開既較重藥材味既肉骨茶好唔同🤣芽籠蝦麵蝦麵配料豐富 湯味濃郁 而且蝦麵十分掛汁 食落非常惹味 蟹粉蟹肉酥盒酥盒面層加上一點蟹黃作為點綴 造型十分精緻 另外酥皮非常香脆 超級美味 唔單止食得又睇得😊

灣仔道最近開左間新餐廳，食地道新加波菜！咁吸引梗係lunch time 去試下！Menu主打🍜喇沙摻摻、海南雞飯，仲有招牌螄蚶、生魚皮、沙白等特色小食，飲品同甜品🍮！餐廳裝潢簡潔，飯麵都係$78至$86左右，價錢親民！🦀螄蚶蟹粉蟹件摻摻🍜 $78呢碗摻摻最吸引我就係螄蚶！對上一次食螄蚶已係喺星加坡大排檔，估唔倒香港都食倒！太驚喜了！螄蚶鮮甜爽口，摻摻湯頭超濃郁，味道香氣撲鼻，椰香同辣度都好均勻，蟹肉鮮味，蟹膏香甜！一半油麵一半米粉都好掛湯仲份量好足，辣辣地好開胃！🍗海南雞拼海南燒雞飯配魚丸湯 $78海南雞拼海南燒雞兩種雞件份量都唔少，海南雞雞肉軟嫩，燒雞帶點焦香！雞肉肥瘦均勻，厚薄適中，連雞胸都煮得好㵉身好好味！油飯飯粒夠乾身，粒粒分明唔油膩，配有魚蛋嘅魚丸湯，整體都好味道！🧋凍美綠哥斯拉 $22 唔會太甜嘅凍美綠，解解辣簡直係絕配

呢排落雨都冇咩mood煮飯放工見到灣仔道新開左間叫芽籠既新加坡菜有齊我最愛既喇沙同海南雞飯今晚一於入去試下先餐牌上有多款食物種類: 喇沙摻摻、蝦麵、海南雞飯、肉骨茶仲有多款特色飲品價錢非常親民今晚我就揀左海南雞飯拼喇沙同美祿哥斯拉一次過試哂海南雞同喇沙兩款地道新加坡菜海南雞飯拼喇沙 ($80)雞肉肉質嫩滑，啖啖肉好好食雞皮好似啫喱咁滑嘟嘟❤️加埋呢碗迷你喇沙湯底好重椰香，少少辣上面隻蛋仲要係溏心蛋💯好似當年去新加坡旅行食到既喇沙咁美祿哥斯拉 ($22)一見到呢杯咁震撼既美祿恐龍當然要叫返杯啦冰凍香濃既美祿加上面頭既脆脆可可球食完個迷你喇沙飲佢就最perfect😍