芽籠

營業中

休息中

今日喺銅鑼灣放工見到有間食越南菜嘅餐廳叫芽龍仲有我最愛嘅生牛肉湯河而且仲繼續有下午茶供應就入去食啦✨綜合越式牛肉湯粉🍜🐮有生牛肉，牛肉丸同埋牛展上菜時見到仲係紅色嘅生牛肉🥩生牛肉有三大塊🥩塊塊都有成隻手掌咁大食落係牛板腱肉牛丸係有好重牛味嘅牛筋丸🥩牛展都有三大塊🤟🏻每塊都有手掌心咁大而且炆到好淋咬落有滿滿牛油香湯粉面頭有好多䓤🧅🥬仲有一大棵香草喺湯面靚到好似藝術品咁好睇之餘又好有滿滿青草味啱哂我呢啲愛食葱之人䓤下有舊白蘿蔔墊底🥕白蘿蔔索哂湯嘅鮮味，又掛湯河粉煮得剛剛好🍜湯底鮮甜，食完碗麵都唔會口渴😋✨越式酸辣鳳爪🦴🐔🌶️鳳爪有六隻🤟🏻有沙律菜伴碟，酸酸辣辣咁好開胃紅蘿蔔絲，紅洋蔥絲同埋芹菜絲🥕🧅🌶️食落好好掛汁💦鳳爪食落爽脆唔霉✨南洋白咖啡☕️🧊要凍的同埋走甜凍飲大杯，咖啡味香濃飲完都一肚水餐廳內部唔算大但都坐得舒服枱枱櫈櫈亦好乾淨侍應態度真係幾好，誠懇有禮👍🏻👍🏻呢餐飯性價比甚高🤟🏻會繼續幫襯

今晚行經灣仔想食喇沙 ，結果揀了呢間芽籠， 試了佢哋嘅A+B+C套餐 果然冇揀錯 ，A.香葉烤雞喇沙摻摻,烤雞香脆喇沙湯底好味足料，B.越南春卷都好正宗,大大片生菜上還放有一片九層塔 絕對係有心機嘅配搭 ，C.南洋白咖啡冷熱同價 ，埋單 $86 不用加一，加上坐得舒服， 特別要讚賞店長服務貼心，因為本來想加多個油飯係他提醒我嘅套餐應該夠食建議如果食到唔夠可以隨時 再加，到我用餐時他特意來問我需要油飯嗎？呢種咁上心嘅服務真心值得表揚， 一定會再去食佢嘅海南雞配油飯。

今晚去咗灣仔「芽蘢」食東南亞菜，食材新鮮 調味正宗，份量多！今次試咗咖喱豬頸肉同喇沙，絕對值得encore ！🍛馬來咖喱烤豬頸肉配飯 $86勁正🤤🤤🤤豬頸肉厚切夠份量，面頭烤到微焦香口，咬落軟腍又多汁！咖喱汁椰香味濃，香料層次分明又唔會太辣，撈飯食勁好味！🍜香葉烤雞扒喇沙摻摻 $86湯底濃郁帶啖啖鮮甜，雞扒用香葉醃過再烤，皮脆肉嫩；摻摻吸湯力一流，仲有豆卜等配料，口感豐富，好味道😋🐔酸辣無骨鳳爪 跟餐鳳爪醃得夠入味，酸辣汁好開胃，咬落爽脆彈牙🥬蝦頭膏生菜 跟餐生菜青脆新鮮，蝦頭膏醬鹹鮮惹味🥪斑蘭咖椰多士 $28必食甜品！多士烘到金黃脆身，斑蘭咖椰醬清香唔假甜，夾住冰凍牛油片，冷熱交融嘅口感好過癮😍😍🥤薄荷青檸梳打 跟餐薄荷葉同青檸清新感十足，甜度調得剛好，解膩效果滿分😆☕熱桂圓紅棗茶 跟餐桂圓紅棗落足料，天然甜味暖入心，飲完好舒服～

午餐去食巴東牛肉飯，之前食過，味道很好，就是為了巴東牛肉飯，所以再去幫襯，可以算是回頭客，但可能已經換了廚師，跟大半年前嘅巴東牛肉已經今非昔比，牛腩非常韌，完全咬唔落，味道就根本不是巴東醬的味道，比馬六餐廳的一樣差，餐廳環境和員工服務態度比較起本地茶餐廳就很不錯，但也應該不會再去幫襯。$68在香港食個碟頭飯午餐，雖然也是正正常常嘅價錢，但這個巴東牛肉飯就真的不是正正常常的巴東牛肉飯，是十分之失望。香港地，人工租金食品來貨價相對內地不便宜，但正常嘅午餐價錢食不到正常的牛肉就十分之失望，去買一個兩餸飯，肉質跟味道，應該也比在這裏好，最低限度你選擇的食品和味道也會正正常常，不會是完全兩回事。

今日收左工悶悶地就約左閨蜜行街睇戲食飯，行到累累地就搵左間餐廳食野休息下。首先叫左個小食斑斕咖央多士，每次食東南亞美食都係必點，厚厚一層牛油配咖央醬，外脆內軟。好好味。我地再叫左兩個套餐，非常抵食。套餐跟兩款小食，第一款小食係酸辣無骨鳳爪，閨蜜十分喜愛，而且無骨啖啖肉，食得好自在。第二款小食係街頭雞肉串燒，呢個配咪沙嗲醬，非常野味，好值得一試，而家串燒好金香，好好味。主食方面有香茅雞扒配檬粉，食檬粉嘅靈魂係嗰樽酸辣醬汁，酸酸辣辣，非常好味，我個人十分喜愛，世界級享受。另一款主食係香葉烤雞扒喇沙慘慘，呢個有成兩大塊雞扒，非常有誠意，十分滿足，而家湯底好香濃。閨蜜十分喜愛，真係好好味。隨餐重有餐飲跟咪，一杯係薄荷青檸梳打，非常冰鎮心涼，岩曬咁火辣辣既夏天。另一杯係凍鹹桔水，呢個對喉嚨十分好，非常止咳潤喉，不錯既選擇。

今日收左工悶悶地就約左閨蜜行街睇戲食飯，行到累累地就搵左間餐廳食野休息下。首先叫左個小食斑斕咖央多士，每次食東南亞美食都係必點，厚厚一層牛油配咖央醬，外脆內軟。好好味。我地再叫左兩個套餐，非常抵食。套餐跟兩款小食，第一款小食係酸辣無骨鳳爪，閨蜜十分喜愛，而且無骨啖啖肉，食得好自在。第二款小食係街頭雞肉串燒，呢個配咪沙嗲醬，非常野味，好值得一試，而家串燒好金香，好好味。主食方面有香茅雞扒配檬粉，食檬粉嘅靈魂係嗰樽酸辣醬汁，酸酸辣辣，非常好味，我個人十分喜愛，世界級享受。另一款主食係香葉烤雞扒喇沙慘慘，呢個有成兩大塊雞扒，非常有誠意，十分滿足，而家湯底好香濃。閨蜜十分喜愛，真係好好味。隨餐重有餐飲跟咪，一杯係薄荷青檸梳打，非常冰鎮心涼，岩曬咁火辣辣既夏天。另一杯係凍鹹桔水，呢個對喉嚨十分好，非常止咳潤喉，不錯既選擇。

餐廳：芽籠地點：灣仔道菜式：新加坡菜餐牌：下午茶餐有好多款選擇，有越式湯粉，娘惹風味，米飯撈檬，馬來咖哩，包飲品七選一，無加一，仲可以追加地道小食。越式烤豬頸肉配撈檬 $58越式烤豬頸肉配撈檬一客九片豬頸肉，烤得又香又脆，加上好多花生碎更添口感。檬粉撈有好多生菜絲，紅白蘿蔔絲，青瓜絲，薄荷葉同蔥花等，好清新。一大支魚露另上，味道酸酸鹹鹹，夠嗮味。呢款仲可以配飯。海南雞喇沙摻摻 $53海南雞一客六件，好有雞味，又嫩滑。個喇沙湯又香又滑，梛汁又夠，辣度剛好，好惹味。麵底係黃色粗麵加幼身米粉，前者有咬口後者幼滑吸汁，加埋係好正嘅口感。豆卜4件好吸汁。糖心蛋半隻。仲有爽口芽菜，青豆角同脆脆加添口感。無骨海南雞配油香飯 $62海南雞雞件有十幾件，有脾有胸有單骨雞翼，質素唔錯，皮滑肉嫰，頗有雞味。配有三色醬，分別有甜豉油，薑蓉同酸辣醬，自己調味。伴有青瓜四件可解膩。雞油香飯熱辣辣大大碗。蟲草花雞湯入面有蟲草花同蔥花。個湯雞味香濃。酸辣無骨鳳爪 加$22酸辣無骨鳳爪一客六件，爽脆酸辣好醒胃。墊有酸紅蘿蔔絲，洋蔥絲同蔥段解膩。餐飲包括檸茶檸水，鹹桔水，馬來手工拉茶，南洋白咖啡，桂圓紅棗茶同黑糖薑棗茶。

呢排好忙都係放工食埋先番屋企～呢間睇落幾企理！又有set幾抵食！我食海南雞配laksa，份量好大😂海南雞嫩滑，幾好食🤤仲有油飯！而laksa細細碗但料都幾多！唔馬虎～唔辣，好食男朋友食a+b+c set,娘惹茶燻鴨配油香飯，好香！鴨好入味，唔點醬都得🫶🏻而且都幾多肉！小食揀春卷，夠脆，不錯我飲鹹桔水，幾夠味，唔太甜👍🏼佢果杯芒果沙冰唔係假甜，幾高質👍🏼額外一提，當日staff 服務態度好好！令人覺得唔係食緊快餐😍

見門口有60-70蚊左右嘅套餐，於是睇咗兩眼就入門去幫襯，點知入到去menu無，於是問店員，店員只係是旦指兩指menu單叫嘅價錢，上openrice見到套餐做到6點。於是單叫+叫其他套餐，埋單人均80左右，但行出門口先見到原來夜晚都有套餐。其實灣仔嚟講唔算貴，但唔太老實令人唔會有下次

今日嚟到灣仔「芽籠」發現新大陸✨ 原來越南菜除咗Pho仲有超驚喜選擇！特別推薦佢哋嘅喇沙摻摻——用越南傳統香葉烤雞扒配新加坡風味喇沙湯底，椰香濃郁中帶淡淡香茅氣息，濃而不膩。今次揀咗自由選套餐 (A+B+C) 🍜香葉烤雞扒喇沙摻摻絕對係隱藏王牌，最正係摻摻(油麵+米粉)嘅雙重口感，吸滿湯汁又保持彈性，比普通河粉更有層次感！雞扒烤到焦香帶脆邊，一啖湯一啖麵超級滿足！ 🌯 越南炸春卷 外皮酥脆到會”咔嚓”響💥，餡料芋頭香混合黑木耳絲，點埋汁清新開胃～ ☕ 凍南洋白咖啡 咖啡甜香平衡苦澀❄️，冰涼順喉完美收尾！ 🌟 總結 $100唔使就食到越南x星洲fusion風味套餐，湯底用心、份量十足，灣仔打工仔必mark！(˶˚ ᗨ ˚˶)

老友好耐無見，特意約我去位於灣仔灣仔道221A號天樂大廈地舖的《芽籠》食星加坡菜下午茶餐，環境舒適，坐得舒服。我地點左：📍娘惹茶燻鴨配油香飯 $62份量不少，燻鴨嫩滑好味，配油香飯好食，套餐伴有蟲草花雞湯，湯底濃郁好飲。📍無骨海南雞配油香飯 $62海南雞的雞肉嫩滑好食，係我的至愛。油香飯和蟲草花雞湯無得輸。📍峴港炸蝦餅 $28蝦餅好味。📍越式烤豬頸肉 $28豬頸肉外脆內嫩。📍鮮椰青 $22今日個椰青鮮甜好飲，椰肉薄底嫩滑。📍熱黑糖薑棗茶（跟餐）清潤好飲。

🇸🇬🇲🇾🍜平民好食星馬菜✨免加一，下午茶餐包熱飲✅順化香茅雞翼湯（河粉） -$52香茅雞翼一份有三隻，會另上，炸得香脆但有d油。越南湯嘅味道做得幾好，唔會過濃或過淡，除咗河粉，仲可以選檬粉✅海南雞喇沙摻摻 -$53雖然係下午茶，但係估唔到份量都係咁多。喇沙個湯底椰香味好夠，微辣惹味，而且唔會好稀，所以摻摻，即米粉同埋油麵，都能夠做到掛湯效果，啖啖都有濃香嘅喇沙湯味。至於海南雞嘅份量都好多，有成5-6件，都冇骨而且好滑。除咗海南雞雞，仲有半隻烚蛋、豆卜、豆角、芽菜、炸蒜，都好足料，一啲都唔單調。✅飲品下午茶餐每包一杯熱飲，凍飲加$3 ，我哋分別試咗鹹桔水同埋馬來手工拉茶，兩杯嘅味道都吾錯。

以下午茶的套餐價錢來說. 都叫抵食. 食左魚丸魚條喇沙摻摻 +  手工拉茶  只需$53蚊份量都多，新加坡菜摻摻最有特色是 米粉和油麵各半，各有好食 魚丸魚條都沒有腥味，是正宗新加坡魚丸魚條的味道好飲手工拉茶 都有茶香... 建議飲熱飲. 因為加了冰可以會溝稀了. 茶味就無咁香了... 下午茶時間都多人食性價比: ☀️☀️☀️☀️☀️環境: ☀️☀️☀️☀️服務: ☀️☀️☀️總結而言，如果路過灣仔又係下午茶時間. 可以一試~~ 

今晚約咗朋友食「芽籠」，入到去感覺好舒適，裝修好靚，好適合嚟約會～套餐價錢非常吸引，選擇豐富✨ 巴生肉骨茶配米粉 藥材湯底飲落甘甜無苦澀味，配有油條，最驚喜係配幼身米粉！索湯能力比油條更強，掛滿湯汁 入口爽滑，排骨揀咗半肥瘦腩位，建議蘸特製黑醬油吊出肉香😋🐖 馬來咖喱烤豬頸肉 咖喱好惹味🤤🤤 醬汁唔會好辣，豬頸肉用慢煮再炭燒，外層微脆內裡柔軟爽口，好高質！配埋白飯好飽肚🦐 蝦頭膏生菜 蝦膏醬炒得夠鑊氣，生菜新鮮脆口，好滋味！🍗 順化香茅雞翼 香茅味濃郁，咬落啖啖肉汁，好肥美😍☕ 桂圓紅棗茶 🍹薄荷青檸梳打

Lunchtime 想食星馬野，同同事兩個人系灣仔試左間星馬小店雖然lunchtime 人流不絕，但店員服務態度依然好好，系旺區實屬難得👍👍海南雞配油香飯$72海南雞肉質鮮嫩，份量十足食唔停油香飯飯粒偏乾身，粒粒分明有嚼勁馬來燒雞配油香飯$58燒雞層皮好脆唔肥膩，雞肉有汁唔會乾柴烤豬頸肉$28小食大概加$20左加就食到豬頸肉幾爽口，少少油脂更香口雞肉串燒$22雞肉串燒好香香茅味，一人一串岩岩好白咖啡 & 薄荷青檸梳打$12馬拉咖啡有舊街場的風味，好飲梳打唔會太甜，用黎解膩一流