花漾

營業中

休息中

位於時代廣場六樓的「花漾」主打新加坡料理，特別的是餐廳有雙拼的菜單，可以同時嚐到兩款菜式🍚海南雞飯拼白胡椒肉骨茶油亮亮的海南雞，搭配的是雞油香飯。即使雞胸的部位也相當軟嫩，入口很滑順，與飯香結合的很完美。一旁肉骨茶是帶點嗆辣的白胡椒風味，份量十足口味道地。🍚新加坡炒粿條細麵粗麵條混雜，加上花生粒、辣椒、青檸、芽菜，鮮蝦、臘腸，口感上豐富有咬勁，味道香鹹濃郁，讓人一口接著一口🍚凍香茅鮮橙茶點了杯飲品消消暑，微酸微甜的口感，搭配香茅的清香，每口沁涼又解膩。總體來說，餐廳環境乾淨，服務態度良好，口味在水準之上，是在時代廣場簡單醫肚的好選擇！

放工行銅鑼灣 一直覺得時代廣場裏面啲嘢食好貴 但係耐咗冇呢 開咗好多人氣餐廳 呢間叫花樣 嘅餐廳 主打海南雞飯 喇沙 呢度裝修真係好靚呀 非常之乾淨光猛 仲好有藝術氣息 少女心出曬嚟 仲有好多卡位 感覺好舒服 餐牌上面嘢食選擇都好多 好多新派菜色又有傳統嘅海南雞飯 喇沙等等今日就清清哋食湯粉街頭雞鴨絲湯米粉湯底好清 分量都幾多 仲有大量鴨絲雞絲 都好多肉 幾好味小食點咗個好少見嘅 螄蚶 我本身都好鍾意食 除咗新加坡之外真係好少食到 所以見到都會點 而且醃螄蚶配上蒜頭 辣醬咁真係好開胃 我一個人可以食一碟 呢度嘢食水準好高 服務都好 店舖位置好多近地鐵站 我對呢餐好滿意

參峇蟹肉 炸饅頭蟹肉加上參峇醬，好特別！味道鮮美，同炸饅頭好夾，沾上醬汁，外酥內軟，有鹹香。海南雞飯拼喇沙米線兩者都係新加坡經典菜品，黃澄澄嘅雞肉都幾嫩滑，無雪味。有三款醬汁，甜豉油、辣醬、薑蓉都有。喇沙湯由椰漿、香料和辣椒製成，湯汁超濃郁，配上粗條米線，好惹味！呢份餐份量豐富，都夠兩個人食。參峇醬燒豬頸肉燒過嘅豬頸肉反而減少咗油膩，沾上辣辣地嘅參峇醬，入口爽滑，唔錯！另外，我哋order咗甜品恐龍蛋兩球波波係奶茶雪糕和椰子雪糕，個人覺得椰子雪糕更加香濃，奶茶雪糕則偏甜奶味不多。

路過時代廣場來一客Tea set ～海南雞飯拼胡椒肉骨茶海南雞件份量都算多，尚算滑溜。胡椒肉骨茶色澤深棕色，湯汁濃郁濃厚，胡椒味好突出，都幾辣😆好適合本身鍾意胡椒味嘅人士，飲一啖即刻成身暖晒。斑蘭咖央多士外層酥脆金黃，斑蘭和牛油味濃郁，我哋兩人，order咗兩份添😄炒通菜(馬拉盞）使用幼身嘅通菜，炒得剛好入味，色澤翠綠，口感清脆，馬拉盞辣辣地帶有甜味，好惹味！咸蛋黃單骨雞翼單骨雞翼食起嚟好方便，色澤金黃，外層酥脆，特製咸蛋黃醬汁，味道香醇有鹹香👍🏻

今日想食海南雞飯 於是就嚟咗呢間係時代廣場6樓嘅新加坡餐廳餐廳用湖水綠做主色 環境光猛 感覺都好舒服餐廳好闊落 我地被安排坐梳化卡位 坐得幾舒適 我哋可以好舒服咁一路傾偈一路食首先嚟嘅係班蘭咖央多士多士好脆 中間夾住牛油同埋咖央醬 非常邪惡 不過斑斕味比較淡 唔係好食到斑蘭味之後嚟嘅就係星洲香辣炒飯 因為我哋唔食得辣所以嗌咗小辣 啲飯炒得粒粒分明 一啲都唔油膩 好香口 少少辣夠晒惹味 鹹蛋黃單骨雞翼 雞翼炸得好脆 隻隻都沾滿住好濃郁嘅蛋黃醬 鹹鹹地咁又係好惹味馬拉盞炒通菜夠晒大碟 好味 嚟到今日嘅主菜海南雞平白胡椒肉骨茶 肉骨茶嘅白胡椒味好重好突出 我好鍾意白胡椒味 所以覺得好好飲飲完湯就食油飯配海南雞 啲雞全部去咗骨 份量都唔少 夠我哋食 最後餐飲我哋叫咗南洋拉茶同埋南洋咖啡 味道好好

中午同朋友去咗銅鑼灣勿地臣街1號時代廣場6樓625至626號舖的花漾食新加坡菜。餐廳以湖水綠色為主，格調清新，令人感到非常舒適。海南雞飯拼喇沙米線$128套餐除了海南雞，油飯，仲有喇沙米線，非常豐富。海南雞皮薄爽滑，肉質幼嫩，配有三種不同的醬汁， (蒜蓉，辣醬，黑醬油）， 各有特色，令嫩雞的味道更添層次，再配合埋香噴噴的雞油香飯，更滋味。一碗微辣及充滿椰香味的喇沙米線，內有大蝦，豆腐卜 ， 流心蛋 ，芽菜等，這個套餐令人大滿足。新加坡炒粿條$128炒粿條夠火候，味道又香濃，加埋鮮甜爽彈的大蝦，真不錯。新加坡鹹蛋黃魚皮$72熱辣辣鹹蛋黃味濃又香脆的魚皮，好味到食完一件又一件，是必食之選。熱馬來拉茶有濃郁的奶香味之餘，又順滑。熱香茅鮮橙茶淡淡的香茅味，再加埋鮮橙的香味，口感清新特別。這間在時代廣場的餐廳，價錢不算貴，而且食物又好食，值得再去食。

銅鑼灣時代廣場好多美食選擇今日想食海南雞飯，揀左呢間新加坡菜餐廳座位寬躺，坐得好舒服Lunch set 多選擇 有飯有面、包餐飲仲有唔同小食選擇我選擇左海南雞飯和新加坡大蝦喇沙摻摻海南雞飯$98，雞去骨，雞肉好嫰滑，另外有三色醬，有黑醬油、薑蓉及辣椒醬。我比較鐘意辣椒醬，甜甜辣辣好開胃油飯香氣十足，且不油膩，恰到好處新加坡大蝦喇沙摻摻 $98摻摻是有米粉和油面，湯底充滿蝦既鮮味，配料有蝦，蛋，豆卜，魚蛋等，另外有參巴辣椒醬及青檸，我食用方式會蘸少少辣椒醬去面度，再入口，味道更香濃好味😋小食叫左芝士蟹粉蟹肉焗酥盒和雞肉串燒芝士蟹粉蟹肉焗酥盒$82外觀非常精緻😍酥盒外層焗至金黃色，內裏有滿滿的蟹肉，面再加左一層蟹粉，口感酥脆可口，味道有海鮮咸香味，非常推薦雞肉串燒$78雞肉燒到剛剛好，外皮有微微焦脆香味餐飲選擇左凍桔仔話梅水和香茅青檸荔枝梳打兩杯飲品甜度剛好，解膩又可口

今日去時代廣場購物，之後去廣場6樓花漾吃我喜歡的星加坡菜。花漾的環境有東南亞情調，座位寬敞，食物有質素，服務有效率，地點方便，是個歇腳充電的好地方。天氣悶熱，今日主力揀些小食輕食和飲品。新加坡大蝦喇沙米線開胃惹味，個湯頭微辣充滿椰香好味道，不咸，米線滑，大蝦鮮甜，豆卜和配菜吸滿湯汁好正。牛油果五色米纸卷是個健康清爽又可口的素菜小食，賣相靚，用料新鮮，入口有層次口感，芒果醬清新。我至愛的街頭雞肉串燒也有水準，雞肉調味佳肉質好燒得恰到好處，沾滿香甜有花生椰香的沙爹醬更好味，忍不住吃完一串又一串。海鹽雪糕椰汁珍多冰大大杯消暑佳品，椰奶香，冰涼透心，飲落似沙冰。凍香茅鮮橙茶也不錯，茶微甜有橙香。今餐吃得很滿意，加完油再行下街，開心。

今日係銅鑼灣行時代見到呢間星馬菜好多人咁，排左一陣就入黎食。我地叫左幾款野食都幾唔錯。。🥢街頭雞肉串燒（4隻）$78雞肉串燒又滑又好味，燒得好有火侯，個醬好有精粹！好惹味。。🥢參峇醬燒魔鬼魚 $163香港少有燒得咁好食既魔鬼魚，嫩滑香濃。。🥢新加坡大蝦蝲沙摻摻 $98喇沙摻摻椰味超重，好濃味得黎唔會太over，大蝦好爽口彈牙！。🥢斑蘭咖也多士 $36多士超脆👍🏼烘到少少濃濃地咁，咖也味好清甜。。原來時代都有咁平價既餐廳👍🏼有時唔想食咁貴都可以考慮。

喇沙癮起 係銅鑼灣覓食 試咗呢間森系餐廳 週末都有套餐供應 左思右想 心大心細 樣樣都想食🤣最後點咗2個重量套餐 · ┈┈┈┈┈┈ · ꕥ · ┈┈┈┈┈┈ · ✿ 花漾海南雞飯 𝐇𝐚𝐢𝐧𝐚𝐧𝐞𝐬𝐞 𝐂𝐡𝐢𝐜𝐤𝐞𝐧 𝐰/ 𝐑𝐢𝐜𝐞 $𝟏𝟎𝟖：雞肉同飯都很足料喔 雞油飯香 不過有幾啖飯煲得好爛 口感爭啲 雞肉肉質嫩滑 點醬送飯一流 ✿ 新加坡大蝦喇沙/米線 𝐒𝐢𝐧𝐠𝐚𝐩𝐨𝐫𝐞 𝐋𝐚𝐤𝐬𝐚 $𝟏𝟏𝟖：可選摻摻(黃麵) /米線 蝦係一開二 如果原隻更正 有魚蛋 魚片 豆卜 豆芽 雞蛋 材料豐富 米線掛滿椰香 好大撮 sʜᴀʀᴇ食我都ᴋᴏ唔到😂3個人食就岩了 ✿ 炒通菜 (參峇醬) 𝐒𝐭𝐢𝐫 𝐅𝐫𝐢𝐞𝐝 𝐖𝐚𝐭𝐞𝐫 𝐒𝐩𝐢𝐧𝐚𝐜𝐡 (𝐒𝐚𝐦𝐛𝐚𝐥) $𝟕𝟖：問咗個醬係咩味 出面比較少見 於是ᴛʀʏ ᴛʀʏ 都係惹味 食到尾有點甜 ✿ 香茅青檸荔技梳打 𝐋𝐞𝐦𝐨𝐧𝐠𝐫𝐚𝐬𝐬 & 𝐋𝐲𝐜𝐡𝐞𝐞 𝐒𝐨𝐝𝐚 𝐰/ 𝐋𝐢𝐦𝐞：男友話荔枝味好少 不過唔甜 ✿ 桔仔話梅水 𝐏𝐚𝐧𝐚𝐦𝐚 𝐎𝐫𝐚𝐧𝐠𝐞 & 𝐒𝐰𝐞𝐞𝐭 𝐏𝐥𝐮𝐦𝐬 𝐃𝐫𝐢𝐧𝐤：我呢杯相反就偏甜 · ┈┈┈┈┈┈ · ꕥ · ┈┈┈┈┈┈ ·

行街攰攰哋經過呢間星馬菜就入去試吓！黑面男帶入座，叫佢落單又唔理你，好彩仲有其他人幫你落單。未到八點食不過有啲菜式都無得試了，所以都隨便試咗幾樣食物首先上嘅係叻沙摻摻，湯底唔夠濃郁，配菜唔多入味，如果星馬餐廳做成咁就真係嘛嘛飲品就都可以同夠味道嘅，賣相都幾好跟住嚟個街頭串燒拼盤，佢真係夠街頭，燒到比較乾身同埋口感味道都唔太好再嚟呢個斑蘭薄餅，個薄餅係有蔥嘅，都幾香口，不過煎得咁燶你見唔到蔥啫怡寶芽菜，呢個炒得幾入味同爽口，值得一試新加坡古法炒蘿蔔糕，個汁同蘿蔔糕都好入味，蘿蔔糕都唔會好散，口感咬落都唔錯個人覺得最好味係呢個參峇醬燒魔鬼魚，魚肉新鮮軟滑，個醬汁辣辣哋，非常惹味，都係值得推介如果喺時代廣場呢個價位都算抵食，不過唔好比某啲員工阻礙咗貴公司發展，客人雖然未必需要好殷切嘅服務，但唔係嚟睇你面色食嘢吧！

🛍️shopping🛍️經過✨花漾✨ 門口環境吸引，湖水綠為主，綠葉壁牆十分雅緻，讓人感到舒服🤩🥑牛油果五色米子卷手工頭盤健康菜，沾上芒果汁味道清新又爽脆，都幾開胃🇸🇬海南雞飯-色香味齊全，雞肉多件口感滑嫩，飯質軟熟粒粒鹹香食得又睇得配埋香茅青檸荔枝梳打，淡然清新混合起嚟好夾🇸🇬新加坡大蝦喇沙摻摻$78（米粉·油麵）個湯底濃郁椰香好正，微微🌶️配料旦、魚蛋、魚片、芽菜、通菜…超足料又平均🇸🇬檳城蝦麵$78（米粉·油麵）蝦湯味重湯底好好飲，面頭啲虾大隻又爽口配腩肉片、芽菜、通菜…+$22跟餐升級椰青，多水又清甜，相當豐富

餐廳：花漾地點：銅鑼灣時代廣場菜式：新加坡菜餐牌：茶餐11選一，有多款飯粉麵，配冷熱飲品9選一，另外仲有小食同甜品。另收加一。新加坡大蝦喇沙摻摻 $78 另加一茶餐新加坡大蝦喇沙摻摻原來同主餐牌一樣大大碗，非常抵食！喇沙可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。配料有去殼凍蝦兩隻開邊，炸魚蛋三粒，炸魚蛋幾條，豆卜4件，半隻糖心蛋。其他配料仲有爽口芽菜可以加添口感，同埋少少豆角，面頭灑上脆脆，更加香口。另上參峇醬同一隻青檸，不過我覺得都夠味。巴東牛肉配班蘭椰漿飯 $72 另加一巴東牛肉有七舊左右，質感都幾好，牛味唔錯。個汁味道濃厚，好惹味。班蘭椰漿飯真係綠色，未食先吸引眼球。聞落椰香十足，又帶微微班蘭味。食落粒粒分明，煙煙韌韌，撈埋個汁好惹味。配有花生米，脆魚乾，脆脆碎，又香口又有多重口感。伴有青瓜，車厘茄同紫洋蔥可減膩。芝士蟹粉蟹肉焗酥盒 $75 另加一芝士蟹粉蟹肉焗酥盒一客四件，賣相唔錯。微脆酥盒面頭有金黃色蟹膏，伴有少少芝士，下面有蟹肉，豬肉粒同菇菌，食落芝士味唔會太濃，唔怕太膩

花漾 (銅鑼灣)古法炒蘿蔔糕🥘🥘新加坡傳統的炒蘿蔔糕加入一些美味的調味料，讓蘿蔔糕更加美味❤️❤️炒出來的蘿蔔糕口感韌性十足，好香口👍👍街頭雞鴨絲米粉由米粉、雞肉、鴨肉、黃豆芽、青菜等多種食材組合而成😁😁口感清爽、鮮美，營養十足🥰🥰桔仔話梅水好耐冇飲❤️❤️桔仔、話梅、蜜糖等食材調製而成，口感甜酸適中😋😋非常適合解渴，並能夠幫助消化🤩🤩巴東牛肉🥩🥩是由牛肉、辣椒和蒜頭等食材製成，口感辣味十足💕💕牛肉口感鮮嫩多汁，好惹味🤩🤩班蘭咖央多士口感香甜可口，多士好香脆😊😊入面仲有滿滿咖央醬同牛油，好正😆😆地址：銅鑼灣勿地臣街1號時代廣場6樓625-626號舖整體評分：4/5味道：4/5抵食：4/5環境：5/5

今日黎銅鑼灣時代廣場行行下估唔到見到呢間新加坡菜餐廳餐修有格調，就吸引左我入去餐牌有好多選擇，全部都係地道菜海南雞飯拼喇沙米線海南雞皮香肉滑，食落好嫩滑有好重既肉味證明係新鮮雞油飯好香另外叻沙好濃郁，帶有椰奶香配料有豆卜，魚片，芽菜等，係正宗既味道推薦大家要試參峇醬燒豬頸肉豬頸肉經過慢煮後，肉質變得鮮嫩多汁而參峇醬則為這道菜增色不少醬料濃郁、微辣，與豬肉完美結合，讓人一嚐難忘班蘭咖吔多士多士有班蘭咖吔醬加牛油口感豐富，好邪惡