花園餐廳 (銀行中心)

營業中

休息中

花園餐廳好多地方都有，但係就唔係間間都有跟餐包，好似係旺角豉油街果間地舖就係要加錢先有。雖然，呢到可能已經將個餐包同埋湯既成本已經加左入去，但係因為入黎已經預左呢個價，所以點都覺得抵D。醒胃酸酸地既羅宋湯，仲要有好多料係到，勁多蔬菜。同埋個湯有少少辣味，將個蕃茄既酸味更加帶到出黎。叫左2個鐵板肉眼牛扒配薯菜。相對於夜晚，晏就黎食扒餐真係抵好多，差多平左 $3X。花園餐廳既牛扒其實都算係咁，以呢個價錢黎講，有湯有包，仲有一塊鐵板咁大既牛扒。不過牛扒好唔好食，真係睇彩數，我試過食到一塊勁"鞋"既扒。不過今日呢塊好好味，"林林"地，好易咬得開，同埋好有肉汁。配菜仲會有1棵菜，可以幫你健康下。但係略厭個薯條少左D，得幾條，同埋因為佢次次都係舖係塊扒既底，俾D汁沈住左，所以好爛，同埋得10條左右。

同朋友午聚，佢哋選擇幾多，價錢都合理！餐廳內座很舒服！很光猛！仲有些裝修！唯一就係無乜服務！我哋叫咗一個 T骨扒！賣相吸引！嘩！塊扒好腍，不是太熟！剛剛好！仲很大塊呀！加上黑椒汁！更加帶出味道！超抵食另外，個焗肉醬意粉，芝士份量多，又多汁，又夠味！意粉又不彈性！撈埋一齊食就靚呀！

午餐食乜嘢好？行下行下去到旺角中心，見樓上有間花園餐廳。好耐食啦！同朋友坐低後就發現好多餐牌，唔知叫乜好！終於發現有幾個餐好低食，好快就叫兩個餐～紐西蘭肉眼牛扒，肉質軟腍，多汁，味道濃沃，大細適中，午餐啱啱好。另一個餐，就係～芝士焗菠菜石斑，水準非常 好，好多汁，味味啱啱好，芝士味同菠菜非常夾，石斑煎後再加上美味汁！實在係 good good good ！唯一，比較差，就係 d waiter麻麻！尤其是個 waiter阿頭，更差！有人想叫野餐飲姐，個waiter 阿頭就好似黑社會咁，大聲粗聲粗氣地問人飲乜嘢呀？？？？

是日家姐出旺角陪我食LUNCH, 見佢之後又有其他野做, 要搭地鐵, 於是揀一間近地鐵站, 又坐得舒服。平日LUNCH, 一定係吸引附近上班族, 由於旺角出龍蛇混雜, 餐牌都要分兩種啦, 一係平民餐, 二係富貴餐(鐵板餐)。12:40到, 仲有位(13:00後開始full, 要等位), 坐住等家姐, 見到好多人都會揀鐵板, 周圍都係'渣渣'聲落緊汁, 我冇咩要求, 齊人後就叫左兩個平民餐呢個豬手配薯菜, 豬手比較的骰, 不過午餐的分量好足夠我就食牛扒配薯菜, 呢個真係分量特多, 有一大一小共兩塊, 肉味雖然不豐富, 但肉汁仍有。未知是鬆肉粉比較多, 或特意打薄一些令牛扒在視覺上更大塊, 牛肉好鬆軟, 又無筋。汁醬比較鹹, 食到一半都要叫餐茶解解鹹。我最滿意反而是伴碟的菜及粟米, 本人對雜豆非常抗拒, 但就特別喜歡食粟米, 多謝這間餐廳選用淨粟米, 等我唔會做一個浪費鬼。小唐菜又有整整一棵, 令我食牛扒時減少罪惡感, 哈哈一間傳統的鋸扒餐廳, 午餐都會跟足配套, 有齊餐湯, 餐包及熱飲(凍飲加2蚊), 仲要冇加一, 埋單只計我的牛扒餐連凍飲都只需52蚊, 鋸扒餐, 仲要o係旺角區, 去邊

今日旺角8點半收工, 去食個扒,個朋友點了一個西冷一個肉眼扒, 都係5成熟,不過出到黎我果個就真係5成, 佢果個就8成,幸好味道還算不錯, 肉質唔差又唔會韌,一人百二蚊埋單, 有湯有野飲都算係咁..

讀書時食午餐必去太子花園餐廳，相隔十幾廿年，真係好耐無食過~難得同事話想食，今次雖然叫咗豬扒拼蝦，好食，有兩塊豬扒，食得滿足又好飽，想叫甜品時個肚好飽，始終不及當年嘅舊味道，不過不失都係好食嘅

是咁的，今日三個朋友去左呢到嗌左三個西冷牛扒，點知黎到，餓死都未切得入，個侍應走埋黎，問我咩事，點睇我地都係切唔入啦，點知問完頭也不回就走左，其實佢係咪黎恥笑我地，好努力切左幾分鐘，終於切左第一舊黎食，但我想講，塊厚到成本牛津未典咁既西冷牛根已經凍左，算啦，我都係返屋企煮麵食啦。

好耐冇食牛扒lu~ 行到旺角, 周圍都係花園餐廳嘅分店, 就決定試下尼間老字號 入到餐廳之後就揀咗梳花位, 位置闊落, 但燈光比較暗, 都幾有情調入嚟就當然食牛扒, 今次就叫咗鐵板西冷配薯菜雖然睇落份量唔大, 但絕對食得飽!! 西冷扒好淋, 肉質爽滑, 好重牛味 係平民餐廳嚟講絕對係上乘之選, 但薯條應該炸完之後擺得太耐, 軟哂一d都唔脆, 可以改進下

情人節日套餐處處上千，連放題都加價頗多。此處1xx一個餐，連餐湯飲品！抵味道ok。牛肉配黑椒汁好食d，雞，豬一般。蝦大隻但無乜鮮味。唔洗等位。坐得舒服。食扒既選擇之一。

唔知食咩好~朋友就帶我黎左呢間食~我就叫左個Lunch set~雞扒司華力腸跟飯同黑椒汁~個忌廉湯麻麻~如果味道再濃d就好好多~個餐包味道唔錯 雞扒司華力腸跟飯同味道就同普通茶餐廳差唔多~而且司華力腸都唔係成條(只係得一塊)~而且d黑椒汁少之有少~塊雞扒冇乜味剩係得黑椒汁味~成餐飯個餐包係最好味~唔好聽講句普通茶餐廳o既味道同佢差唔多~而且再平d添~希望呢間d野食會有待改善

我食豬手帶子薯菜（亂改的名），雖然豬手皮唔係脆，但都好好食，d肥汁好食lol 應該落左沙律醬個帶子隔離有薯蓉我自己將帶子上的cheese搬去d薯條度整芝士薯條，哈哈又ok wor如果d芝士再溶d就好個羅宋湯叫足料，起碼我食到牛肉餐包熱辣辣上好軟熟加$10叫左個cheese cake，普通啦，幾特別ge佢係好似益力多咁ge乳酸味黎ge個侍應態度好好，問我地d tissue夠唔夠，添d比我地overall $100唔洗叫好好架喇，佢d扒都係$100多d咁

花園餐廳有不少分店，食物質素和環境次不齊。這間位於銀行中心的花園餐廳，１個月都會去２、３次午餐，因為在公司附近，而且人流不多。這裏地方大，唔使等位。裝修從欠奉，午餐都唔介意。午餐選擇都係扒類或焗飯類為主，價錢五、六十蚊。有餐湯，餐包及飲品。午市免加一。餐湯　只有忌廉及羅宋２款忌廉飲過，但好似開粉，所以一次就夠。而家每次都係飲羅宋湯。這裹的羅宋湯味道不錯，酸辣度適中，有不少蔬菜湯料餐包都不錯，好軟綿綿，而且暖暖的。沾上牛油不錯。香煎蒜蓉牛仔柳　配意粉，飯或薯菜　＄５０這裹的牛扒牛柳水準唔平均，有時好食好淋，有時切都切唔開。真係每次都要博一博。幸好今日牛柳〇K，容易切開，都幾淋。這裹意粉好多，一定飽！加上這裹的汁都〇K，伴麵食都不錯。伴菜都多，午餐而言，都可以吉列石斑拼鮮茄豬扒　配意粉，飯或薯菜　＄４９吉列石斑好大塊，咬開熱辣辣，沒有雪味，都幾好。比大家樂大快活好好多。豬扒容易切開，都幾淋。伴菜都多，午餐而言，都可以餐茶平時加＄２飲凍朱古力，味道幾濃味，不錯但今日突然心血來潮轉飲熱奶茶～　好難飲。唔識形容，好怪，飲唔落。總結：不要太高要求。簡單快食午餐都可以。 

第一次黎試花園餐廳! 因為同行朋友既極力推介~~去既時侯只係晚上6:30 所以餐廳內得好少客人因為我地都想据大大塊扒所以無叫set dinner << 無牛扒揀,只有魚柳,牛舌,豬手等等..而叫其他扒餐, 一樣有湯同包, 只係價錢比set dinner貴少少忌廉湯~ 飲之前無諗過會有咁多料.. 幾乎每啖都要用口咀嚼 除左蘿蔔, 菜之外仲有魚同蜆 我成餐最鐘意既其實係呢個餐包, 好香牛油味, 少少脆 ~上左鐵板後侍應會淋汁, 有黑椒汁同蒜蓉汁揀~ 我同朋友都揀左蒜蓉汁淋個一下d油會周圍彈, 己經唔係坐係隔離拎張紙巾擋住可以避到既程度我同朋友行開到好遠, 相中見到張紙巾已被油彈到變左半透明 @0@美式什扒餐 $91完全滿足到大食肉既要求, 有雞牛豬扒各一 + 雞全翼 + 煙肉 + 扎肉各一肉類之下係薯條, 唔好錯過 .. 薯條吸收晒調味汁, 又係鐵板上煎得香脆 好好味朋友叫既蝴蝶肉眼牛扒餐 $94據說好好味~~ 埋單計返都係每人$100, 滿足到食扒既願望 抵食..而且香港愈黎愈多新式連鎖快餐店, 少左呢類舊式扒房.應該要支持下 (:

新裝修是很不錯的, 簡單而舒服. 服務都可以. 但食物就真的一般般了.餐湯羅宋湯偏淡, 忌廉雞湯偏淡, 蒜蓉飽偏淡, 檯面的醬料調味料很齊全.什扒份量不少, 有齊牛雞豬煙腸, 味道一般偏淡. 西冷扒質素稍好, 但太軟.芝士焗魚柳, 魚柳很一般芝士也不香. 配菜的薯條蘿蔔西蘭花少而難食.海鮮鐵板, 裡面有魚柳魷魚蝦帶子等. 蝦沒有味道, 魚柳很一般, 帶子不甜, 一般.

這間餐廳裝潢比其他分店來得較新派朋友點了忌廉湯 我則要了羅宋湯忌廉湯稀得過份 而且沒有任何餡料 正常忌廉湯也是有粟米磨菇之類的羅宋湯則不錯 主菜方面朋友點了豬手芝士元貝豬手無乜味....我點了海鮮鐵板 裏面有魷魚 蝦 魚柳 帶子薯條 但所有海鮮除了蝦以外都被塗上炸粉再煎過似的 不知所謂 而且除了黑淑汁外 都嘗不到海鮮味另外還點了芝士田螺味道一般 裏面有幾粒還有沙總括來說 not recommended!