花園餐廳 (銀行中心)

營業中

休息中

今日嚟到旺角食下午茶，咁啱嚟到花園餐廳到食，咁就要咗個下午茶嘅黑椒牛扒意粉，其實碟嘢都好快送到嚟，咁我食過去啲意粉其實ok，個黑椒汁都ok ，點知食塊牛扒嗰時，就出事…塊牛扒已經畀嘢乸甜到冇肉味!係完全冇牛肉味，簡直係難以入口，食咗我都驚出事，所以我最後都係食完個意粉，塊牛扒食咗幾啖，最後都係冇食， 係完全放棄 !佢應該塊牛扒擺咗幾耐下所以我都唔係太recommand呢一間。 我寧願走去食碗雲吞麵，又或者食下麥記都好過嚟呢一間。

午餐，都可以啦花園餐廳通常晚飯食鐵板餐食得多午餐又真系未試過今日同同事黎食飯，叫左個午餐（都多選擇，有焗野，鐵板等等）分量，配料，價錢都合理豬扒/珍寶腸/煙肉羅宋湯配（自塗）牛油餐包

呢間服務都唔錯，所以如果想食嘢，而甘啱又係呢個位置，都會係呢到食嘢，因為呢到都算坐得舒服😊坐位亦算舒適。😊不過呢到既食物就永遠都係呢個級數，永遠不會有突破好，只有突破差😭有時有D分店仲食物差到可以話難食，呢間都可以入口，但就唔係好食，不過好勉強都可以接受嘅😫德國🇩🇪咸豬手，點解放枝英國🇬🇧旗甘搞嘢🙄🙄🙄🙄🙄🙄仲係用滾水淥熟就甘淋D汁上去.........😫煎一煎個皮都好呀，點解間間花園餐廳既廚師都係甘差............😰無口感➕淋pat pat🙄忌廉湯，一pat粉😑呢餐我覺得係個包最好食........😥唯一係杯檸檬茶🍋☕️最正常..........真係無嘢好講..........😐😐😐😐

一晨早就出去看早午場，看前要醫下肚啦梗係，但又突然想吃扒。咁就黎花園食啦。很久沒食了，第一次咁早食鐵板，好邪惡嘅午餐來喇我要西冷例牌菜，要咗五成熟，有鐵板一到食一度熟唔怕生，味道還可以啦另外點了豬肉眼扒，厚切點會更好

平日中午黎，唔駛等位So far我覺得銀行中心既花園環境係最好，比較新！環境評分： 6/10平日少人d，服務員態度都合理丫。始終黎平價鋸扒，對服務&環境就唔會抱太大期望。服務評分： 6/101. 鐵板肉眼牛扒 七成熟 ($75)其實食落係十成熟，但就唔會好硬，呢個價錢有兩塊扒，質素唔差，幾合理丫！不過d薯條就淋左少少。食物評分：7/102. 芝士魚柳焗飯 ($65)芝士好漏呀🙈🙈食左一半就食唔落。魚柳係鯰魚，合理既，不過都係比d芝士搞到好漏🙈🙈 食物評分： 4/10 3. 羅宋湯 暖粒粒，酸酸甜甜，好開胃午市黎食唔駛加一，$140兩個套餐，有餐包，湯，主食，餐飲！好抵呀！

如果想到剧扒的話，花園餐廳是我的不二之選。原本想去位於太子的花園餐廳，但幾乎每次去到都要等位，而且座位又不算太舒適，所以最後決定到環境比較舒適的旺角店。旺角店空間似乎比較大，而且座位亦多，所以食得好舒適，又唔怕被人趕住走。一如既往一定要叫鐵板餐的了，另外點了一個晚餐：豬扒拼虎蝦，好耐無食過田螺，所以亦叫了一份田螺。牛扒份量充足，亦好好食晚餐只係$98，但份量亦一d都唔馬虎，有成兩塊豬扒咁多。田螺反而讓我有多少失望，無以前咁好食，亦over cook左少少，燶左dd，但都可以接受。花園餐廳繼續keep到水平，果然無令我失望呢~~

今日ᒪᑌᑎᑕᕼ係旺角同朋友諗下食咩，諗起好耐無去過附近既花園餐廳，就諗住去据下扒啦！同朋友1點去到不用等位，睇下餐牌，十五十六叫鐵板還是午餐好🤔最後決定食平價$59午餐吧我地選了一紅一白湯，侍應都好快送上餐包，餐包暖暖地，都幾鬆軟，加埋牛油好味至於羅宋湯及忌廉湯都唔太夠熱，而且有少少淡我同朋友都係選T骨牛扒，牛扒煎得太乾過火了，而某d部分又太肥總括而言，沒有驚喜，但如果以$59午餐價來說要求就不要太高吧！

花園餐廳，為老牌的港式扒房，有甚多分店，今天到訪的分店位於旺角銀行中心，鄰近地鐵站，非常方便。今晚點了羅宋湯，味道有點奇怪，可能到訪時間比較晚，不知是否如坊間所說，有加水的情況發生。因為味道未如預期，故我們倆只喝了幾口，便沒有喝下去。串燒豬扒，賣相很好，豬扒肉嫩，味道很好。A級肉眼牛扒（紐西蘭），物質鮮嫩，不愧為肉眼扒，口感很好。皮脆肉香，很美味。因為不喜歡鐵扒，味道太重，衣服有一股味道，所以選擇碟上。另外，不想太肥，也不要汁醬，但同樣美味。

今天下午將會回母校拔萃聽音樂會，表演完結後約一班志同道合的同學一起共晉晚餐。一聽到名字令人想起綠色大花園的小餐廳，充滿環保元素。是次光顧的這一間卻置身繁囂大都市，四圍沒有一個大花園。雖然店內擺設並不多，用餐的空間非常寬敞，最充滿特色的是旁邊一道「凹凸」圖案的鏡子迷宮牆。恍如在裡面一邊用餐一邊玩捉迷藏，找尋當中的綠色小植物為目標。店內服務生的招待周到，加上是次參加的人數眾多。還特意挑選了一個「豪華」沙發位給我們在忙碌一整天練習歌唱過後，一坐下頓然放下心頭大石，把壓力及緊張全部消除，開懷盡興輕鬆用餐。我們一班人的點餐全是「豪華」食材，須較長製作時間製作務求令食物質素完美，全都十多分鐘內已到手。最有特色的一道菜是「海陸空三軍」，主要新鮮材料包括大蝦、BB乳鴿、厚切牛扒，全是即日送到，把三層食物疊起，賣相特別講究。一看到可說垂涎三尺，各種材料肉嫩多汁，油而不膩，反而咬口嚼勁，品嚐到當中細滑的肉質。吃過之後化身為一個勇猛的軍人，儲存足夠能量並肩作戰，值得各位一試。

又黎到一直聞名已久既花園餐廳喇！雖然花園餐廳有好多間分店，遍佈港九，但係旺角銀行中心呢間分店既級數就真係數一數二喇👍🏻！坐低一陣諗唔到食咩，於是就聽部長支笛，叫左是日推介「T骨牛扒薯菜」🐮！上菜速度都算快，飲完個餐湯就有得食，所以就算係你得一個鐘Lunch time，都可以食得鬆容不逼🥳T骨牛扒煎得好好食，唔太乾唔太韌，仲要無乜筋位，值得一讚👏🏻👏🏻不過可恨之處就係薯條炸得比較乾身，食完搞到我生左兩粒痱芝😷

好耐無食啦，之前印象都ok!但今次去食，覺得差左好多。牛唔似牛，5成變8成熟。我叫左肉眼扒，理應軟熟有嚼口，點知一切開d肉係好似肉絲咁散開。好失望，究竟係咪合成肉？

係旺角行街行到攰就諗住搵間餐廳食但下午茶坐下休息下，經過銀行中心見上面有幾間餐廳就上左去睇睇！經過花園餐廳啲朋友話入就入左去，入去睇睇但餐牌見到啲選擇都幾多，輕食嘅可以食三文治，熱狗，豬扒包嗰啲，呢幾樣都有配薯條同沙律🥗，但我就有啲肚餓叫左但蒜香雞扒意粉（$47），諗住下午茶唔會好大份點知一黎塊雞扒就好大塊，同煎得幾香，啲皮仲係趣！啲意粉唔係就咁烚完就算，幾乾身同有啲啲咸味！環境方便坐得幾舒服，啲位幾闊落不過有啲暗有啲想瞓覺😂

食過咁多間花園餐廳，呢間真差到要打差評比佢。侍衛叫左我地入最角落既位，但門面又少人，侍應成日見唔到我地叫人。落左order好快就上左包同湯，牛油係溶到搽唔到，又無牛油刀，要用切扒既刀黎搽牛油。個紅湯仲好笑😂肉係多過湯既，仲要唔好飲。食完個包，飲左兩啖湯就上扒，鐵板唔夠熱，好快就咋完。塊牛柳叫左五成熟但出到黎三成都無，生到咬唔到。我男朋友果塊美國西冷仲要有五份一係筋，都係五成變三成。最搞笑係個啊姐幫隔離枱對父子淋完黑椒汁就叫人落餐飲，洗唔洗咁快啊😑😑轉個頭第二個侍應又走埋黎問飲咩🤦🏻‍♀️埋單個啊姐仲同我地講你地走就自己出去埋🤦🏻‍♀️未試過食完花園餐廳係仲肚餓既😂😂😂千奇唔好黎呢間啊！！

今日同屋企人黎食据扒慶祝生日。一去到問員工有無卡位坐，坐得舒服d，點知個員工話: 「你地五個人，點比你地坐呀。」點知最後都係有個梳花卡位。。另外員工不停比漏野，比漏餐包，凍檸7無檸檬杯。最嬲既係上菜員工，態度好差，好似命令我地拎起紙巾電話既態度🙄(無記錯上次黎，d員工態度都唔係咁好)至於食物方面，叫左個蝴蝶型牛扒，正呀，好多塊，有得揀黑椒汁/洋葱汁，而塊牛扒叫左五成熟，但食落都係有7,8成，熟哂咁😂😂不過塊牛扒就煎得勁林，1d都唔韌，幾好味

花園餐廳真係經典中既經典食店，兩個男子漢唔想食麥記就揀尼間抵食夾大件既食下啦！講真以前食過，個質素係唔錯，又平又好味!但好可惜，尼間既質素係勁差!首先佢包餐湯我選了紅湯-淡如水然後餐包 - 又硬又難食 因為係用微波爐叮熱，個包都唔知擺左幾耐。。。點解我會知係用叮叮? 因為佢擺左個微波爐係某餐枱既角落，可以睇住個侍應叮包包!!我地叫左兩個雜扒餐，$88 食個雜扒都預左唔係咩好好既肉，但這次的扒是用差來形容。。。肉好老，又硬，味道一般。。我建議大家唔好去食啦。。。上次食叫左個安格斯黑毛牛扒餐。。。塊牛扒同豬扒一樣味道同豬扒一樣。。問經理佢話尼隻牛扒係咁。。咁就無左2百蚊。。So sad