花園餐廳 (已結業)

很久没有到花園餐廳用餐了，想食優質港式西餐就真係於佢莫屬！點了兩個晚餐，先上餐飽和湯，餐飽熱哄哄的，超級soft，好好食。羅宋湯是經典combo，味覺濃郁，帶有蔬菜和牛肉碎，nice one。主菜上枱就嚇到我了，是碟上的！雖然係乾淨D，但係畢竟都係黎食個風味，就有D失望。BTW，卻没有影響食物的質素。黑椒雞扒拼大蝦薯菜，雞扒肉好嫩，大蝦都好新鮮。豬扒拼意大利腸，有兩大塊厚切豬扒，肉質札實，好有質感。反而腸有D失色，可以再煎下。P.S. 服務有質素！

2016年12月3日 (星期六) 6:15pm 餐廳面積比較細，但餐桌數目卻相反地多，變相導致空間擠迫，欠缺私隱度。同時，由於人數多，冷氣空調開得太高，令室溫提升，當一步入餐廳時，便感覺悶熱侷促。 燈光昏黃，地方算整潔，餐具算乾淨。 侍應生的服務態度差，全部沒有笑容；當中一位年輕女侍應態度算比較好，有點笑容，肯幫我的朋友更換另一把鋒利的餐刀。以旅遊區來說，待客的服務態度真的差勁，欠專業水準，絕對要認真去改善！！ 香蒜雞扒伴煙鴨胸意粉 - 雞扒大大件，肉質軟腍；鴨胸呈條狀，味道比雞肉好，鮮嫩軟滑。意粉則乾身少硬，廚師太快撈上碟，烹煮時間不足夠。以粟米粒、車厘茄和白菜仔伴碟，新鮮爽口。以女生來說，整體份量大，而蒜蓉汁味道淡，再濃烈一些會更好。 巨型T骨牛扒 - 我的朋友要求生熟度為60%，但肉質十分靱，而且非常多肋，加上侍應生提供了一把很鈍的餐刀，鋸斷艱難，費力無比。最後，朋友叫了一位年輕女侍應生，幫忙更換刀子，才得以切到牛扒吃。整體味道不佳，讓人失望！！ 餐包 - 不是溫熱的，但口感尚算軟綿。 忌廉湯 - 完全不熱，連暖的感覺也絲毫沒有，味道偏淡，碗內有幾粒細蜆肉，有點咬口。在冬季的日

中學時代，附近有一間花園餐廳。大家同學的零用錢不多，在花園餐廳吃個午飯是一件很奢侈的事，通常只有喜慶日子才會來的。今日行經亞士厘道，想找一個地方吃午飯，剛巧見到花園餐廳，便決定重溫舊夢，找回二十年前的快樂時光經典的羅宋湯和餐包。味道跟以前差不多，只是餐包好像硬了一點點。滿載回憶的牛形鐵板我們點了兩個牛扒午餐，一個是肉眼一個是西冷。牛扒當然是鐵板上，侍應姐姐放下牛扒後，就提了兩個大壺過來，問你要燒汁還是黑椒汁。選好之後，剛來得及舉高餐紙，阿姐便立即將大量汁倒到鐵板上，發出＂咋＂的一聲，真叫人興奮牛扒以這個價錢來說算很不錯了。分量很大，而肉質也算嫰滑，牛扒的底下墊了厚厚的一層薯條（波浪形那種)，薯條吸收了所有醬汁，勁好味回憶總是美好的，二十年後舊地重遊感覺很特別，可幸餐廳的質素風味不減當年，飽了口腹之慾外，心𥚃面也感到很滿足呢！

中學時代，久不久便會與同學在「花園餐廳」吃個廉價午餐。自從離開中學之後，晃眼多年，「花園餐廳」已經很久不曾光顧，最近的某一天，才在這間「花園餐廳」吃了一個下午茶（$41）。餐包夠熱，「羅宋湯」水準也不錯，材料足，湯味也夠，就是欠了點辣度，只得酸味，要是能把辣度加重些，讓味道刺激些，就真的很好了。 不過最好的還是「紅酒焗牛脷飯」，除了紅酒味不夠重之外，其他方面都挺不錯，三件牛脷都十分軟腍，加上蕃茄，蘿蔔、洋蔥等配料，蠻開胃。 其實以港式西餐廳來說，這頓下午茶的食物水準都算及格有餘了。難怪這天雖是平日的下午，餐廳也人頭湧湧，有八成滿座呢！

又黎到花園餐廳開餐，雖然佢既服務有一億個唔掂，無計啦！間間lunch都要等，淨係花園可以直入，你知點解啦！今次黎試下佢既鐵板餐，平日食lunch set都要五十幾蚊，宜家食塊鐵板都係六十幾，OK喎！叫左西冷牛扒三成熟，唔好以為三成黎到好生，OK架，上鐵板三成，黎到岩岩五成，咁上下食時已經七，八成架啦！西冷扒好薄好易熟，肉質幾嫩，咬落去有鬆化既感覺，牛味都有，切開無血水，可以放心食~牛扒底部配有薯菜，但菜得一條咁大把，硬到呢...薯條份量唔多，因為鐵板上，黎到已經林晒，但加上蒜蓉味，好味！連埋凍飲加一多謝75蚊，咁"好"既服務態度，唔收加一我條氣會順啲。

難食是日下大雨, 朋友想來這裡吃飯坐坐. 這裡的確是較少"催埋單"的情況. 進來一試. 午市的套餐價格大約在$56-66之間. 西式扒類飯類為主. 一坐下來, 侍應即奉上餐包及詢問要紅/白湯, 湯跟包沒什麼特別, 不作多談. 我點的焗豬扒飯, 蕃茄醬汁及飯是沒問題的. 豬扒有兩大塊份量不錯, 但豬扒非常地韌, 用餐刀切也是費盡九牛二虎之力. 肉韌而不入味. 埋單尚要加一服務費. 但味道連某大型連鎖店的也不如, 不化算. 

又係尖沙咀，都係正正中午，行到呢條街好多地方都要等，得45分鐘食飯，就去咗一間唔使排隊嘅地方。可能呢度地方比較大，都唔需要等位而且只係坐滿6成左右。餐湯係紅湯湯都可以，飲落係有蔬菜嘅甜味，茄膏唔算太多，所以唔會太漿口，配料都多嘅，飲晒成碗都飽咗3成。午餐點咗個石斑塊配豬排磨菇汁意粉上枱個樣都還可以，石斑塊炸得ok香口，肉質實淨唔滑，雪味重，而塊豬排好靭,哨到牙骹都軟埋，白汁無味，連咸味都無，我另外再要落美極先叫有返啲味唯一可讚就係份量都真係夠大嘅！如果知道係咁嘅味道，我食大x活算啦

我到底食緊咩？叫左牛排，一肉眼，一西冷紅湯，熱，但好喊，而且仲好油餐包熱熱的我要肉眼黑椒汁，男子友食西冷我想要生d，落單都講左，但黎到，熟到呢，濃邊牛肉冇味，又un，勁鞋，只好食汁咁食，黑椒汁好出色，微辣而且好香好嘢味，薯條淋曬就梗架啦，菜就太生好硬

心血來潮想吃牛扒，其實不一定要光顧高級扒房。像這間港式老字號扒房，開業超過五十年，分店眾多，還記得小時候已跟爸媽一起去過。牛扒質素價廉物美，以鐵板呈上也是其特色之一。跟餐有麵包及羅宋湯 <純種黑毛安格斯西冷牛扒>選用美國優質榖飼牛，可配洋蔥或黑椒汁。當醬汁倒在熱騰騰的鐵板上，隨即發出滋滋聲翻滾起泡，香氣四溢。火喉控制得宜，西冷肉質粉嫩，惟欠缺牛味。由於鐵板一直在發熱，漸漸令牛扒的肉質變韌，建議盡快食用。 <薯蓉焗法國田螺>醃得香口的田螺與軟綿的薯蓉混著吃，十分惹味。

好耐無黎了。。。人大左。要求高。要食好嘢。。。所以再食扒都去d貴價扒店最近朋友講起話。。食返d舊店。。。又激起我黎返中學成日食的扒店。。。60元。。抵食又好味有湯，有包，有嘢飲。。。正黎到見到扒餐。。。但發現有我好中意的焗豬扒飯，仲有得轉意粉。。豬扒有2塊。。已經食過好多地方的焗豬扒。但好多時都覺得個蕃茄味太淡。一係唔夠喊。。呢個。。。一入口。。。豬扒夠冧。。。個蕃茄汁好arm我口味。。夠味。。。正。。。已經飽了。但都食哂。。。男朋友叫的西冷。。一上碟。。只望樣都已經吸引。。。男友切了2小塊我試。。黑椒味好。。。夠冧。。。65元。。。好值。。。。。

下晝放飯時間，想搵個地方飽肚又經濟又可以傾到計！就去左花園餐廳！ 先黎餐包配牛油，應該係烘過，表面脆脆！ 湯就有忌廉/羅宋湯選擇！得偏好喜歡飲有餸既湯，有菜、有紅蘿蔔！又唔會太酸太油！ 午餐有多款選擇，可選薯菜/飯/意粉，我選了黑椒雞扒薯菜唔會太飽，而我朋友就選擇了飯，比較食量大！ 雞扒唔會太肥膩、肉質唔太硬，汁唔會太辣！ 薯菜可叫服務員比茄汁！ 最後來杯熱菜蜜，潤潤喉！不太甜！埋單50幾60

同SIS好耐冇見佢地打算鋸排咁不如去花園餐廳啦肉眼排七成熟，朋友話好味，肉夠淋，幾好食！薯條夠脆正！～性價比夠高～另一個朋友食羊排，冇羊"蘇"味，肉入面帶汁，味道唔錯好味～因為我仲未病好，所以我食左少少，冇揀食鐵板餐，揀左普通既石斑同豬排石斑肉好厚，味道普通，豬排都係味道普通，同出面茶餐廳差不多。意粉份量好多，但有少少硬唔夠淋，但依個價晚市算不錯，我覺得都幾抵！環境就地板比較DIRTY，環境一般，座位都少少逼但侍應動作好快，REFILL水都好快，同埋唔會吹你走，可以坐耐多少少都OK總結，如果想係尖沙咀鋸排又想平少少，可以考慮依間

熱騰騰淋汁落去時會'喳喳'聲嘅鐵板餐係不少人喜歡嘅港式美食，今日專誠去花園餐廳滿足一下突如其來嘅欲望！Lunch time 去到都幾多人, 位與位之間都幾迫。仲未安頓好，侍應已經問 紅湯定白湯，飲咩餐茶？ 由於我朋友係外國人，就在我翻譯期間，個侍應俾左個好唔耐煩嘅樣我！1分鐘內，湯已到，立即要我落order我地點左2個lunch set羅宋湯味道不俗，傳統港式西餐羅宋湯，不像西餐那樣杰身，是稀稀的，有好多椰菜那種。 隨湯上的軟餐包暖暖的，伴着湯吃份外美味！鐵板石斑鐵板西冷鐵板肉一來到都沒有汁的，一放低先會問要洋蔥定黑椒，然後一整pot拎過嚟淋上。雖然黑椒有點過辣，但較為惹味！石斑一食落好明顯係好一般果隻雪藏魚柳，好在個洋蔥汁夠濃味才不致於太難食。西冷好大塊，都幾厚！ 我叫7成熟，切開左真係7成剛剛好。 當然咁嘅價錢會期望舊肉會有幾好，但係食落都唔差喎，雖然牛味欠奉，但唔會太林又唔會太韌，加上辣辣黑椒汁另有一番滋味。後話如果要跟飯or 意粉，落單嘅時候記得講，因為佢地唔會問就default係薯條（縱使menu寫住係配飯or 意粉)，到再問佢地要飯嘅時候就要加10蚊

是日迎來同期入職的同事的最後工作天，我們四個女生一起到了亞士厘道的食街吃送別午餐！ 原本掙扎於韓國菜與西餐之間，其中一位同事說很想吃扒，最後選了花園餐廳。 我們各點了一個午市套餐。選擇不多，以扒、意粉及焗飯為主。先送來餐包及忌廉湯，餐包仍帶微暖，非常鬆軟，意外地不錯。  忌廉湯則依然是港式味道。未吃完前菜，我的正餐：鮮雜菌豬柳配薯菜（＄５２）便來到了！ 效率超高，相信是因午市時間，廚師們都習慣了以極快速度弄好食物，讓趕時間的上班一族不用久等。 圓大的餐碟上有兩件厚豬柳，上面加有雜菌汁，旁邊有薯菜及粟米粒。餐飲則選了熱檸水。厚豬柳份量對女生來說偏多，肉質咬感尚算軟腍，雜菌汁質地稠密，但味道不突出，跟豬柳完全未能相得益彰，普通港式扒房水準，整體是夠飽之選。不知不覺已入職半年，看著同伴們的離去，回想這半年的點點滴滴，不禁心頭一酸，大家也要向不同道路加油呢！

今晚去咗花園餐廳買外賣，叫咗三份牛排餐，一份什排餐，兩份龍蝦餐，同埋想要一份窩蛋免治牛肉飯，但係餐牌無哩樣嘢，所以問經理有無，經理話應該有，跟住幫我落晒order，之後話要入廚房確認吓有無，經理比我嘅答案竟然係師父話無哩樣嘢，估唔倒一間西餐廳連一個咁普通嘅飯都唔做，一怒之下我就同經理講全部都唔要。以後都唔會再幫襯佢。