芒B甜品

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣ 榴槤小丸子撈($47)一上枱就聞到好濃烈嘅榴槤香味🤣榴槤肉綿密得嚟又creamy，配搭椰汁更加突顯榴槤天然嘅甜味，證明真材實料，而唔係有人工添加嘅死甜味！小丸子Q彈有咬口，份量都幾足夠，食到最尾依然仲有好多粒小丸子。2️⃣芒果蛋白椰皇凍($68)用原個椰皇盛載，表面鋪滿鮮甜多汁嘅芒果，賣相精緻。下層的蛋白椰皇凍相當有驚喜，口感好嫩滑，一入口就有清甜嘅椰香味，甜度恰到好處，食完成個都唔會感覺有負擔。食到差唔多仲可以刮啲椰皇肉出嚟食，又有唔一樣嘅口感🤣3️⃣炸開心果雪糕飛碟($55)有三款口味，包括芒果、榴槤同開心果，我哋揀咗而家最hit嘅開心果🤣🤣飛碟即叫即整，外層嘅餅皮炸得金黃酥脆，包住一大球開心果雪糕，冷熱交融下更加顯得外脆內軟，相當過癮。雪糕嘅開心果味幾濃，再灑上粒粒果仁碎同幼滑嘅開心果醬，為整體嘅口感增添層次。4️⃣雪糕香芒紫糯米飯($44)海鹽雪糕(+$5)我哋揀咗海鹽味雪糕，相對比較少見，估唔到海鹽味幾出幾清新。不過記得要快啲食，如果掛住影相會融得好快🥹平時多數食芒果糯米飯，今次轉咗紫糯米更加健康，口感軟糯得嚟有咬口，帶有淡淡的香氣，配合芒果嘅果香同椰奶嘅濃香，入口依然感覺清爽。5️⃣霸王甘露($57) 超級足料!!!!一眼已經望到超級大杯，原來配料幾乎佔咗大半杯🤣🤣🤣有芒果、西柚、西米、芋圓、小丸子、涼粉、珍珠，口感非常豐富，完全係煙韌控嘅福音🤤⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸📍 長沙灣青山道195號恆輝樓地舖🚇 港鐵長沙灣站A2站出口，步行約4分鐘🕒 Mon-Sun:15:00-01:00…查看更多

最近出街食飯,都會湧現食飯後甜品既想法。今次係長沙灣食完飯,見時間尚早,就同細佬邊散步邊搵甜品食。行左接近20分鐘,終於到目的地,主要就係想試下佢既炸雪糕飛碟!大概等十分鐘就有得食。炸麵包夾住芒果同雪糕,外面層麵包仲係熱,而裡面既雪糕就凍冰冰,少少熔,表面仲淋左焦糖漿,賣相已經相當吸引!!由於驚d雪糕熔,相機都食得快過人,之後就進入試食環節。一口咬落去,先係焦糖糖漿既焦香同甜味,再到香脆溫熱既麵包,之後係酸甜既芒果,最後到冰涼既雪糕!一口就有齊冷熱酸甜既感覺!絕對比想像中好食好多!同細佬一人半份,三扒兩撥就食完!好味!!絕對係值得一試既甜品!而且仲要襯熱(凍)食!除左芒果,另外仲有榴槤味,有機會可以試下!炸芒果雪糕飛碟 $41…查看更多

平時最鍾意就係嚟呢度食雪糕西米冰，外賣又叫過，堂食又試過。夠奶味好好食，但今次間鋪唔知做咩，無通知就加咗啲百香果汁落去，仲要死口唔認落錯咗，話係平時都有（明明平時完全無，我食咗成半年都無乜嘢百香果汁（仲要尋日先嚟過，食咗幾十次都無試過有）。百香果味嘅雪糕西米冰好難食，建議大家唔好試。仲有，落單嘅時候要問清楚佢哋究竟想加啲咩汁落去（炸燒賣係OK好食的）錯咗咪話錯咗～亂咁講一通仲衰～咁下次你求其落啲汁然後又話呢個係一般做法喇喎？身為之前嘅忠實粉絲好失望…查看更多

高質嘅甜品店😆鍾意食芒果嘅必來 叫咗一個香芒忌廉小丸子呢撈小丸子相當煙靭 再加上面頭嘅忌廉 其實有啲似雲呢拿味道 亦都好香仲有一個芒果蛋白椰皇凍 椰子味好香 夾埋啲好甜嘅芒果 簡直係完美😍😍😍…查看更多

中午想食碗湯水由深水埗行到長沙灣先搵到一間開門鋪仔細細都放咗好多張枱 當時無咩人包咗全場榴槤香芒西米露榴槤蓉好香芒果好熟唔會蓋過芒果味夾芒果食好似燥上加燥雜果涼粉正常水準生果好甜鋪頭隻招財貓好得意…查看更多