芋見好圓

營業中

休息中

芋見好圓有好多唔同嘅台式食品，e.g. 台式鐵鍋蛋餅🥞龍捲餅🌮、巨無霸芋圓🍬、招牌手工芋圓2號(桂花茉利綠茶)🍡、仙草2號(黑糖鮮奶底)🍧等等，包你好食到停唔到口☺️今次我就試咗仙草2號（黑糖鮮奶底）& 肉鬆蛋餅🥞仙草2號入邊有好多配料，有紅豆🫘、珍珠、仙草、芋圓，芋圓好煙韌，配埋黑糖鮮奶底真係好好食☺️ 肉鬆蛋餅煎得好香脆，肉鬆配蛋餅其實都好夾😌總括而言 (5個🧡係最高)好味指數 : 🧡🧡🧡🧡🤍服務態度 : 🧡🧡🧡🧡🤍環境打卡 : 🧡🧡🧡🧡🤍回頭指數 : 🧡🧡🧡🧡🤍📍芋見好圓屯門店🏢奧海城2期地下53號鋪🕗營業時間：11月5日及6日 中午12:00 #芋見好圓 #moonlike #台灣直送 #台式甜品 #奧海城美食 #3倍大芋圓 #鐵鍋蛋餅 #古早味 #甜品 #甜湯 #綠豆湯 #紅豆湯 #薏仁湯 #芋頭 #芋圓 #地瓜圓 #仙草 #芒果 #豆花 #台灣美食 #奧海城必食 #食好西 #美食

行街經過見到有間新開嘅甜品望落去好似幾正咁,我係勁鍾意食甜品所以就拉埋我啲friend一齊試下,我嗌咗個刨冰價錢又唔係好貴,我哋係食完飯之後去食嘅嗰陣時都比較多人,但係等咗唔係好耐就有喇,啲員工做嘢都幾快手👍🏻碗甜品到咗我同啲friend 都o咗啲料好足,完全可以食到好滿足咁走☺️啲芋圓又好食好煙韌同埋嗰冰食落去都好味唔會太甜,仲有佢哋員工嘅態度都好好😆下次一定會再去幫襯,試埋啲蛋餅好似幾吸引可以當下午茶🤤

💥屯門新開芋圓店📍老虎堂黑糖專賣前芋見好圓｜屯門📍人均消費 $ 4 X#CL屯門 #CL四圍食 #CL甜品 ⚪️⚪️⚪️⚪️⚪️⚪️⚪️⚪️⚪️⚪️屯門市中心新開嘅一間芋圓專賣點，係老虎堂開嘅所以喺正隔離🧏🏻‍♀️💟黑糖自選四種刨冰 $ 4 5揀咗芋圓地瓜圓愛玉同埋仙草凍，配料份量都幾多，除咗黑糖之外仲有少少奶移至整體來講唔會過甜，芋圓地瓜圓仙草都正常發揮比較特別嘅係愛肉有檸檬味💗🤟🏻不負責任點評好味道🌕🌕🌕🌕🌕🌕🌕🌕🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

同朋友食完飯行過，見到新開緊係要入去試下啦，我地兩個女仔叫咗個綜合刨冰加左芋圓、同埋一杯茉莉綠茶碗刨冰勁足料，超多芋圓好大粒同埋都有芋香，唔會淡茂茂，黑糖加埋啲紅綠豆甜度剛好，兩個女仔差啲食唔晒，超級飽茉莉綠茶解甜解油膩very nice !整體來講 十分滿意，會再幫襯的，又係屋企附近。今次食完飯去冇留肚 得番個甜品胃，下次下午茶去試下啲小食同埋其他甜品，好似好吸引 肉鬆紫菜蛋餅 我見隔籬枱食 好多紫菜過兩日再過來試！

最近天氣咁鬼熱，行行下街頂唔緊，諗住是但坐低食下甜品消暑，入到黎點左個仙草黑糖刨冰（好似呢個名），d冰係勁細，唔會食到口好痺痛，入口溶得好快🤤🤤🤤🤤然後再點多左個3號仙草，奶茶做湯底，唔會太甜，亦都十分推薦，個到除咗甜品，仲有啲小食，睇到隔籬枱有點，好似都幾香，下次會再叫多幾個朋友黎試下💗希望能夠繼續保持到水準，下次仲想試埋其他刨冰🤭同埋唔限時，個日同朋友坐左成兩個鐘先走，店員完全冇黑面，亦都冇係咁執野好似趕客咁，幾耐冇試過呢種服務💗

同frd行街路過見到有台式甜品，都一定會入去試下，今次就試下呢間～香港夏天真係太熱，所以直接同frd叫左個仙草愛玉黑糖刨冰解暑味道唔錯，清涼解暑，份量都好夠我地2個人食下次如果黎開屯門會再幫襯！

今日見到剛剛開張啲《芋見好圓》，行入去試吓新嘢，我點咗豆腐花2 號，錫蘭奶湯底，芋圓同地瓜圓覺得很Q彈..豆腐花很滑..好好味！😋😋😋仲有點咗醬爆吞拿魚雙式蛋蔥蛋餅外脆內Juicy..仲好多料，tuna 魚爆曬😃😃😃很久沒有吃過，這麼有風味的台灣食品，又靚樣又真係好味，所以今天是很滿足的一天🤓🤓

🟠🟣巨無霸芋圓2號(熱紅豆湯+芋頭+波霸) *3倍大芋圓($48/碗)芋圓軟糯，🟠有蕃薯味，🟣 芋味較淡，大小比一般芋圓大3倍，更大粒更有口感🤩，可惜只有兩粒，性價比低，芋頭，波霸和紅豆湯中規中矩，沒有太大驚喜。🟡布丁西米露杯杯($38/杯)杯杯粉量不少，面層有芒果和牛奶味奶凍（質地介乎cream和奶凍之間），🥛牛奶味重，中層有西米露，底層有布丁，可能沒有加其他奶/汁，口感比較單一，三層拼在一起的味道不是太夾，整體一般。

琴日去屯門，經過見到呢間台灣甜品店，又有蛋餅，下午茶時候有啲肚餓就入去。🤤🤤🤤叫左一個蛋餅一個仙草，唔知係咪有兩三年冇去台灣嘅關係，好有旅行時候食的當地味道。仙草亦都係用台灣仙草，而唔似香港有啲店用涼粉。🤤🤤🤤蛋餅是qq派，而非酥酥派（台灣的蛋餅分兩大派別，我本人是比較喜歡吃qq的），是早餐店美而美的味道。🤤🤤🤤雖然貴少少，但都值得，飛唔到台灣都吃道台灣味。🤤🤤🤤👍🏼👍🏼

上兩個月見佢圍晒板話開「芋見好圓」，芋圓控的我真係滿心期待，咁啱今日路經此店立即買碗來試下。「芋見好圓」隔離店係老虎堂，見佢D員工兩邊舖走，咁即係姊妹店啦!我買咗個外賣仙草3號（芋圓芋頭紅豆）黑糖刨冰底來試試。我見果個著住老虎堂Tee 的員工係度整個刨冰，佢冇戴手套， 隻手掂晒D 刨冰佢寫到明係黑糖刨冰底，但我見佢只係用d 普通冰黎刨， 唔見有黑糖我返屋企要15 分鐘路程， 返到屋企打開個蓋， 發覺唔太似我叫的仙草3號， 完全搵唔到芋頭的踪影， 亦唔覺呢個刨冰有黑糖成份。刨冰上面d 料我覺得味道ok, 但果舊刨冰硬到成舊石頭咁，我食完晒其他配料，舊刨冰都未溶化。 今日酷熱天氣警告生效， 我係條街行咗咁耐先返到屋企，佢都可以唔溶，真係犀利。$45真心覺得唔值，我唔會返兜，我都係去鮮x仙排隊好過。

早幾日係屯門做完野，緊係去商場行下啦 ，再留係户外我一定會熔🫠行行下見到個新開既台式甜品店，咪望下個Menu囉，點知竟然有我想搵好耐既刨冰🍧諗到冇諗即刻入去試下🤭揀左個黑糖自選四種料刨冰，裡面有仙草、芋頭、紅豆、重有勁Q彈既芋圓，特別要提個黑糖唔會太甜 啱啱好👍🏼店員又有推介''牛油果雙重芝士菇菇拉絲蔥蛋餅'' 又未食野咪試埋囉點知 有驚喜🤩 隻芝士唔會太膩 但都好重芝士味 重要有得拉絲 加上個蛋餅都好有蛋味😋果然冇介紹錯呀👍🏼依排都係屯門做野 Lunch都有口福啦🙆🏻‍♂️

地瓜芋圓+仙草+粉條芋圓Q彈、口味地道！真的值得一再品嚐的好味道！！炎炎夏季、真想大啖芋圓甜品，解暑一下。在朋友推薦下，開始與「芋見好圓」展開美食嚐鮮之旅。果然，食品品項猶如其名，真的「遇」見了好吃的芋「圓」。😋😋芋圓口感Q彈、有嚼勁，搭配珍珠粉圓、粉條的食材，口感絕配完美呈現來自家鄉台灣的芋圓風味！吃在嘴裡、甜在心裡一解鄉愁的好味道大家一起來品嚐和我一樣，喜歡手工芋圓口感的朋友們，一定不能錯過「芋見好圓」保證你和我一樣！吃了還想再吃

咁岩行過見到一間新開小食店，見裝修好靚同乾淨就入去坐低試下啦，果然一試難忘Order左一個刨冰同蛋餅芋圓，地瓜圓，芋頭，紅豆，波霸黑糖刨冰🍧爆漿鮪魚雙式蛋蔥蛋餅🌮店員服務態度好好同有禮貌食物都係非常足料和新鮮刨冰的配料都煙韌彈牙好好食蛋餅一咬落去非常juicy和惹味值得一提全部食物都有獨立木盤裝住好適合我地呢d需要儀式感既客人😂個人認為無論食完飯去食飯後甜品或者未食飯去食正餐都可以期待下次試埋個炒公仔麵

今日同同事經過新開張的甜品店，試吓呢間屯門嘅台灣芋圓同地瓜圓，朋友點咗芋圓4 號，有仙草+ 珍珠+粉粿）配了一個黑糖仙奶的湯底，我自己嘅就不記得點咗邊款，不過記得配咗錫蘭奶茶的湯底，好多好實在啲料，其實我覺得真係可以兩個人一齊分享一碗，好抵食

同朋友晚飯完好似未夠喉☺️經過見到新開甜品店，主打台式甜品～鍾意芋圓地瓜圓既朋友話不如試吓😂我點咗個古早綜合刨冰。朋友點咗巨無霸芋圓4號加一份芋圓同地瓜圓～睇過食評其他人話份量少，但在我個人黎講份量好足🤔唔知道原本就係咁定係佢地改善咗～刨冰唔會過甜～黑糖波霸好入味，咬落裡面都好香黑糖味。朋友點既巨無霸芋圓真係第一次見咁大粒😮～見到咁大粒心急試吓，掛住食～朋友碗巨無霸忘記影相添😜另外加既芋圓睇到有芋頭肉既，拎咗兩粒食～地瓜圓都好重地瓜味真材實料～煙煙韌韌好好食😋完全唔似某啲店既用粉加色素搓出黎好假～整體黎講～係好食既～整體黎講～係好食既～