行過尖沙咀堪富利士道想買蛋撻,經過見到對面竟然有賣地瓜球。新開店?之前完全唔覺!細舖爆香,有QQ地瓜球、大甲芋頭球、蛋黃肉鬆芋頭球。Search下發現原來旺角、大角咀、屯門、上水都有分店。見住店員好用力壓個炸鍋一個個地瓜球炸到漲卜卜過程超治癒,真係令人有少少掛住台灣。QQ地瓜球 $28/6粒QQ地瓜球係signature,炸到脹卜卜,外皮金黃酥脆,唔油膩帶自然甜味。除左原味,可以配唔同粉: 梅子、朱古力、海苔、糖粉,台灣feel爆燈!鈎起台灣癮,食完覺得好滿足快樂🥰大甲芋頭球 $28/3粒大甲芋頭球用台灣大甲芋頭,炸得外脆內軟,內餡滿滿芋泥,甜度適中唔會太膩。呢款會比地瓜球飽肚。仲有蛋黃肉鬆版,即係蛋黃肉鬆芋頭球$28/1粒,除咗芋泥之外,入面仲有滿滿嘅肉鬆同蛋黃,表面仲唧滿特調嘅美乃滋同灑上海苔粉,層次更豐富!推介佢仲有個叫“可芋不可球” ,有齊地瓜球同芋頭球!如果喺尖沙咀想食台灣炸物,呢度絕對首選! …查看更多



















































