芋圓圓

營業中

休息中

對上一次黎芋圓圓已經係舊年5月，當時覺得質素都可以，但堂食用外賣碗令回訪有啲卻步。幾個月前佢地搬左去對面大鋪，地方闊落左好多，又唔洗再用外賣碗，賣相好啲，一於再訪支持主打手工三色芋圓，配約十款糖水底，包括黑糖桂圓、桂花、雪梨、西米露、紫米露、喳咋、海底椰、桃膠、仙草等。另有千層蛋糕同兩款飲料；外帶生芋圓定價$58/300g。仙草芋圓 $32鮮奶椰汁桃膠 $32每款糖水都有芋圓、地瓜圓、紫薯圓，仙草嗰碗每款5粒，每款味道明顯，尤其甜啲嘅地瓜圓紫薯圓愈噍愈出味，芋圓都有天然芋香。口感都係我鐘意嘅類型，煙韌、唔死實實，更推薦熱食呢。仙草都幾香 質地似果凍，不過佢成舊野咁，較難切開，裡頭仲有薏米同紅豆添。椰汁桃膠養生(?) 加左桂圓肉及紅棗，凍糖水都唔會好冰，食完好舒服食完我都買左300g生芋圓番屋企自己煮黎食啊！

出得嚟太子食完飯，當然要去食個甜品先夠啦！ 聽講芋圓圓由細舖搬咗大舖，容易搵位堂食好多，今日就去試下！入到去，紫色主題嘅裝修好吸引，而且環境舒適，適合同朋友一邊食甜品一邊傾下偈。另外芋圓糖水嘅價錢合理，真係好吸引！！ 不過要留意一下由於堂食座位有限 ，小店要求每位顧客都要惠顧至少一款食物。每種糖水入面都會包括咗芋圓。芋圓粒粒都好彈牙， 有三種口味，分別係芋頭、紫薯、黃薯。桂花蘋果雪梨用料足， 糖水甜味中帶出陣陣蘋果雪梨嘅味道，仲有桂花嘅香味，好滋潤！紫米露鮮奶椰汁桃膠椰汁味香濃，配上桃膠同鮮奶，食完好令人滿足～～星期五晚同朋友咁樣聚下舊，又食下甜品，真係人生一大享受！

呢間芋圓圓主打自家製手工芋圓配中式糖水✨由IG網店做到細舖再到依家搬埋大舖💗新舖以紫白色為主調 望落好整潔舒適💜 而且空間闊落左坐得更加舒服😝店內主打既手工芋圓呈正方形，偏硬身，煙煙韌韌有咬口😋因為剩係落左木薯粉，冇落到糯米粉，所以食落比一般芋圓更有咬口😋需要少少牙力嚼🤣糖水有11款選擇(黑糖桂圓、桂花蘋果雪梨、喳咋、紫米露等⋯✨）每款均配有芋圓、蕃薯圓、紫薯圓各4粒😍對於芋圓控黎講，呢個份量食得超級滿足！三款都食到原材料既味道，越嚼味道越香濃突出😚唔會似坊間芋圓偏粉感/冇味！🥛鮮奶椰汁桃膠芋圓 $32 (8/10)以帶椰汁香既鮮奶為基底，配上12粒煙煙韌韌既三色芋圓💖再加入蓮子、紅棗、桃膠、桂圓等養身配料😍💕落足料！食落好滿足😚桃膠滑溜有咬口，紅棗同龍眼肉都好清甜😋加埋甜度啱啱好！唔會太甜，正❣️🖤仙草芋圓 $32 （7.5/10）有黑糖紅豆、薏米、三色芋圓、再配上滑溜帶甘甜既仙草💕 滑溜溜既仙草配上煙韌彈牙既芋圓😍口感味道層次都十分豐富😆‼️整體甜度會比上個款甜啲但都絕對可以接受😝芋圓控一定要黎試😆‼️食得出係真材實料 用心製作芋圓糖水既小店✨最啱係太子食完餃子再過黎食返完芋圓糖水🤪🥟呢

🔹紫米露芋圓 $28本身落街諗住去ssp食另一間好出名嘅芋圓，點之轉角就見到呢間新開嘅芋圓圓，個腦已經叮一聲有印象係黃店list入面，於是我地就唔行咁遠幫襯呢間～每款糖水都會有招牌三色手工芋圓係入面，揀咗一陣結果兩個人都係食紫米😂一上枱已經聞到勁香芋頭味，三色芋圓有芋頭、紫薯、番薯三隻味，一碗大約十粒咁上下，每款都好重味，而且口感都好正，煙韌得黎係軟腍嘅～紫米露好滑，水同米嘅比例都啱啱好，食完唔會勁飽。小店入面人手唔多，要自己行出去落單，晚市後黎食已經好多人，不過都冇話食得好趕急，會有下次～/芋圓圓太子柏樹街1號地舖

超級無敵大好食！食完美味餃子店，行去對面對面就可以食芋圓圓啦！寶仔叫咗個鮮奶燉桃膠，超級滋潤，啲芋圓非常之Q彈，好多料！依家咁嘅天氣食暖粒粒，好好味！張生叫咗個黑糖桂圓，比較之下真係比較普通，因為鮮奶燉桃膠真係好味太多了，下個禮拜想即刻再去食啊！

很久未會芋圓圓，原來已經轉了一間大店！比以前闊落多了☺️☺️餐牌簡潔，芋圓配不同的糖水😋，大部分都只要廿八大元！非常實惠💯！桂花蘋果雪梨🍐🍎（$28）不會過甜，帶陣陣🌸香，除了雪梨、還有海底椰，秋風起潤喉正好👍🏻三色芋圓有十多粒，十分足料😱😱它帶很「紮實」的口感，比坊間的略為沒有那麼彈牙，但就像吃真實的芋頭紫薯🍠帶點粉糯，味道較濃厚！吃了大半已經超飽🤰🏻！十分抵食，難怪人山人海👫👭👬

《芋圓圓》之前係細鋪賣外賣都已經想試，依家開埋鋪可以坐低慢慢食👍🏻，叫左碗《仙草芋圓》，有齊三款芋圓，芋頭、蕃薯、紫薯！-芋圓夠軟熟，唔會煮得死實實好硬，煙韌程度啱啱好，薯味好出眾配埋糖水口感好好，仙草正正常常唔會太甜，質素唔錯，絕對可以回頭😋，鐘意食芋圓都會喜歡👍🏻

今晚喺太子食完飯好飽好飽，都一定要去買一直都好想試嘅💜芋圓圓💜！一入到去就見到老闆娘，咁一定要合照啦！我同佢好有緣分！原諒我咁遲先幫襯🙇🏻‍♀️🙇🏻‍♀️夜晚天氣轉涼，所以我點咗《芋圓糖不甩》同熱嘅《鮮奶椰汁桃膠》！成個鐘後先返到屋企，啲芋圓居然仲係鬆軟彈牙，個鮮奶椰汁居然仲暖！！太好食！每粒芋圓嘅味道都好突出，尤其是芝麻！一家四口、愛不釋口！😂😂我諗住買盒急凍嗰啲返屋企得閒整吓。但係算吧啦，我邊會得閒！所以放棄咗！🤣🤣

深水埗有一間食芋圓好出名嘅，呢間太子區都係好受歡迎嘅。曾經外賣過，第一次堂食，因之前舊舖真係好細，得6，7個位到。呢間新鋪差應該大3，4倍。佢menu就係咁多，好似後尾發現仲有2款新嘢，但忘了影低。不過呢幾款都夠吸引了。每一款都必有3色芋圓:紫薯芋圓，蕃薯芋圓同原味丸子。2人，叫了一個桂花芋圓，一個椰汁白合雪耳海底椰。佢嘅糖水首先唔太甜，啱啱好，三色芋圓係我最鍾意嘅個種煙韌程度，比深水埗個間，呢間韌好多，個間太“林”了。個人比較喜歡有趙頭嘅感覺。海底椰同雪梨，好正常而好味嘅糖水，加左芋圓再添口感，總之就係食糖水應該就會唸起佢了。加上份量污算少，而家有部份糖水店少少縮皮，呢到完全足料足量，有質素，強烈推介。

太子芋圓糖水(*‘ v`*)!!!!! 原來佢地已經換左新鋪，之前舊鋪時成日都大排長龍，而家應該唔使等太耐(^u^)佢地主打中式糖水，大概有10款左右揀，都係$28，性價比好高!!!!每一碗既糖水都有齊三色芋圓，即係蕃薯圓、芋圓同紫薯圓芋圓口感煙靭，好有咬口(ﾉ>ω<)ﾉ佢哋嘅紫米露同西米露我都好鍾意，好足料！！！想養生啲就可以試吓黑糖桂圓~~~~~~下次我又試下其他味先~~~~~~~~~芋圓圓 地址：太子柏樹街1號地舖.~~~~~

之前經過開舊舖次次都太多人冇食,,估唔到今次再去搬左新舖 即刻入去試試！新舖大間好多,,大概坐到20人,,而且闊落好多,,坐都坐得舒服好多~~-依度既芋圓標榜不含糯米粉,,但依然煙韌十足~~糖水大概有十二粒芋圓 ,,每粒都大大粒好足料!!!-同女朋友各叫左一碗糖水-桂花蘋果雪梨($28)有少少失望冇我期望既桂花味....個人認為仲甜左少少tim,,不過係接受範圍內。但佢d料真係好多..成碗都係-紫米露($28)糖水味道係我預期之內~~紫米軟糯適中,,加埋椰奶,,果然紫米露係穩陣d!!-講番芋圓先...始終芋圓先係主角依度既芋圓標榜不含糯米粉,,但依然煙韌十足!!有3款口味,,,蕃薯、芋頭、紫薯,,粒粒都食到佢原材料既味道。每碗糖水都有大概12粒芋圓,,粒粒都好大粒添,,性價比真係好高。-必定會再encore

同男朋友食完晚飯，周街逛，行行下，見到一間以芋圓做主打的糖水舖，男朋友話佢想食糖水，所以就入左呢間芋圓圓到食了，啱啱入去時，人客不是特別多，但坐坐下就越來越多人，好快坐滿舖，仲有啲人等位，真誇張。店內的糖水種類不算太多，主要都係中式糖水配上台式芋圓，店內所有糖水都有自家製的三色芋圓，我今次叫的係凍桂圓黑糖糖水。先介紹返個糖水先，材料有龍眼肉、紅棗、雪耳，可能佢都煲得夠耐，所以雪耳和龍眼都勁入味，好夠黑米味，至於芋圓方面都夠煙靭，咬口不錯，但未至少好好食，可能我好鍾意食芋圓，所以要求有啲高，三色嚟講，我比較鍾意食紫薯芋圓。不過整體來說都不錯糖水都真係幾好飲，芋圓口感都好正，視乎你鍾意食咩味。

一早已聽聞「芋圓圓」的名字今日特意由旺角步行過去地點尚算方便一打開門 舖面簡約、整潔店員禮貌地問堂食定外賣天氣太熱 當然堂食慢慢享受點了紫米露配三色芋圓($28)初嚐小店芋圓 輕輕攪拌已經見到有好多粒芋圓紫米露味道正常 芋圓口感很好相信定必下了不少功夫！最驚喜既係 呢個價錢可以品嚐到咁多粒手工芋圓實在令芋圓控好滿足🥰唯一需改善既係糖水溫度可以再凍一點香港良心小店經營不易一定會再光顧 多謝款待 繼續努力💪🏼

今晚同朋友剛係太子食完晚飯，本諗住搭車過深水埗 深深甜品食埋個芋圓甜品先返屋企，行行下朋友係openrice 搜尋倒柏樹街呢間好似主打食芋圓，所以諗住近近地試下無防，條街都略偏靜，人流唔多，相信必定要有水準同口碑先可以吸引附近街坊同熟客。呢度點嘅糖水，每碗都會加三種芋圓（紫薯、芋頭、蕃薯🍠）朋友叫左仙草，我就叫左喳咋。先講仙草芋圓，材料除左三款芋圓、仲有仙草、紅豆、紅腰豆、薏米，加埋花奶就更加香滑，呢度嘅芋圓都好出色，煙煙靭靱，蕃薯味最出。喳咋比起仙草略為瞬色，豆唔算多（由於要影相關係，我要先用匙將d豆豆筆上黎先見倒🤣）味道還可以，唔算太甜。果然冇估錯，堂食期間不時見倒好多街坊落黎買外賣🤣呢度仲有可以直接買未煮熟嘅芋圓。

今日喺太子食完晚餐，仲未係好飽，又心思思想食啲甜嘢，於是搵到呢間好似新開嘅糖水舖。呢間糖水舖嘅裝修主要係以紫色為主，可能係同呢度主要食芋圓有關。無論揀邊款糖水都好，都會配有三色芋圓，但我今日揀咗個比較大路啲嘅配搭。🥢仙草芋圓呢度嘅仙草芋圓同平時食開嗰啲有少少分別，呢度會多咗有薏米同埋腰豆。加左呢兩樣野口感上嘅層次多咗，所以我個人黎講都幾鍾意👍🏻三色芋圓分別係芋圓、紫薯圓、地瓜圓。三色芋圓口感煙韌，但又唔會覺得係好難咬好難消化嗰種。而味道方面，紫薯同地瓜圓嘅味較為突出😁而仙草亦都好滑，加咗花奶亦都香好多👍🏻🥢喳咋芋圓呢個係朋友嗌嘅，佢話味道都唔錯，係略嫌稀左啲總括來講，價錢同味道來講都10分唔錯，呢度有得買生嘅芋圓返去，下次可以試吓😌