芋圓圓

營業中

休息中

朋友介紹說很好吃，8點到要開始排隊，但對住個小巷排好臭😭😭😭 排左半小時到就入去坐了～甜品鋪來講都講幾闊洛坐得，當日唔知係咪太多人，所以得凍無熱的，但凍上到來又唔係好凍😹個人鐘意一係凍或者熱，微涼覺得唔太好～ 叫左4碗糖水，碗碗都好好食，佢無用糯米粉整，所有芋圓都係手工製作，好彈牙好香，係合埋眼食都會食得出紫薯，蕃薯同芋頭味，好值得一試！我的仙草底都十分唔錯，薏米彈牙，紅豆甜糯，仙草又滑又多！幾鐘意❤️味道來講算係食過的前十芋圓！但服務態度真係好差，我地出面排左半個鐘都無問題，坐得十分鐘就開始比人趕，成半碗糖水係台面，都走過來問食完收得未... 再隔多5分鐘有其中一個朋友食完，又即刻過來收，再問其他碗收得未...仲有幾舊芋圓半兜野未食啊😹😹😹 想知你急住想翻台入客，但咁樣真係好唔舒服，好似我地阻住你咁，食多5分鐘食完之後，就衝過來抹台收野講多謝曬byebye...... 總共坐左20分鐘到，食糖水除左食之外都係想同朋友傾2句，比你趕左3次咩心情都無，低消一人一碗糖水，我地都有消費，明白你心急，但咁樣服務態度真係唔好，下次都唔會同朋友來食，最多外賣😹😹😹

今日 24/12/2019, 專登黎試下，Facebook 推介自家製嘅芋買圓甜品店，我好鍾意食芋圓架。呢間小店都有成十張枱，地方不大，正方型粉色牆身店舖，尚算企理乾淨。** 仙草 （薏米，紅豆沙，三色芋圓）仙草有煙韌有口感，唔會形固得軟稀質感，亦唔太甜，溝埋紅豆沙好好味; 三色芋圓仲正食到晒蕃薯，紫薯，芋頭嘅味道，不愧是自家製嘅出品，煙韌又好味暫時係我揾到，最好食嘅芋圓。** 紫米露呢個紫米露一樣唔差，好美味略為甜左d ，但喜歡吃紫米的你都要試下，好味。*這店强調自家三免芋圓無用糯米粉制作。*所有甜品都有三色芋圓的，所以唔食芋圓嘅你，就要請早揚聲，落單講明。*入去自行去收銀付款落單。

係附近打完邊爐🍲朋友話要食糖水，醒起呢間由IG Shop 做到入地鋪既糖水店。第一次黎光顧，好期待。😍門口好紫💜，大大隻寫左芋圓圓，「紫色控」一定好鐘意，當時八點左右竟然無人龍🧍‍♀️🧍🏽🧍🏼‍♂️好幸運👍🏽。我地係門口等左陣都無人安排入座，可能客人多到無人招呼🤨我地入去先意識到，先有店員主動安排入座。重點係我哋第一☝️次黎，發現原來要自己去左收銀處下單比曬錢💰先等人拎黎。係靠觀察人先知，難怪無人招呼。仙草芋圓（HKD 32):可以簡落吾落花奶，薏米同紅豆份量多。紅豆吾太甜，不錯。重點芋圓真心好煙韌，齊曬三色蕃薯🍠、香芋同紫薯，係真材實料既，但香芋味吾突出，加埋凍既仙草，有點半凍半熱，好怪，仙草普通涼粉咁，整體加埋一般。椰汁🥥西米露（HKD 28): 星星造型碗幾靚，但份量少，咁既價錢可以再大碗D。椰汁味濃，奶味濃，不過都係普通質素。總結：芋圓煙韌 但味道吾算出用料普通 服務態度一般

食咗芋圓圓已經三年多，我絕對係芋圓圓既鐵粉😂屋企總有一盒芋圓係雪櫃食過咁多間芋圓，喺香港來講暫時芋圓圓係我食過最好食既一間，而且睇住佢哋兩個人由細鋪密密做到而家搬咗大舖，已經請咗好多人幫手，絕對係一間值得支持嘅良心小店。今日同狗狗散步經過好想買外賣返屋企，但因為一個人帶着狗狗都唔好意思入去老闆娘好好比我抱住狗狗入去叫外賣價錢合理最鍾意就係佢嘅紫米露唔會太甜味道剛剛好平時都好鍾意買芋圓放係屋企同放係公司自己煮一樣好簡單好好食

煙煙un un 既芋圓真係好好食，但係只煙un 而冇左紫薯、芋頭同蕃薯味就絕對唔可以。我係呢間鋪由舊店食到新鋪，環境改變，食品質素不變，今時今日再係泥個價錢既糖水，絕對良心!糖水不但唔係死甜，仲要係有家的味道，真材實料，我點左個鮮奶椰汁桃膠，桃膠不比芋圓小，主角芋圓同係台灣食係一樣咁好味，紫色有紫薯味，橙色有淡淡蕃薯味。如果有埋芋頭就好啦~

香港呢幾年突然掀起芋圓潮，熱潮興起之前其實我真係食盡香港每一間有賣芋圓嘅甜品鋪。香港食一碗，大約係20至到$60不等平均都要$40一碗。今日介紹嘅呢一間芋圓圓係由對面街搬過嚟嘅，由於係旺店嘅關係，聽講每晚都要排隊先入到場。因為鋪面實在唔係太大，同普通糖水舖差唔多都係容納到20人左右。呢度嘅芋圓$28-32，亦都可以加配料。另外佢哋都有賣千層蛋糕同埋特色嘢飲，都有雪起咗嘅芋圓比我哋買返屋企煮。而我今日就試咗最平嘅芋圓糖不甩$28同埋最貴嘅鮮奶椰汁桃膠芋圓$32，份量都唔算細！芋圓最着緊嘅當然係佢嘅味道同埋黏韌度，前者難道唔高，呢到亦都獲得相當高嘅分數。而呢間鋪頭之所以獲得咁高分係因為後者佢都做得好好。好多糖水舖會做煮到芋圓中間比較硬，或者成夠林patpat。甚至可能中間啱啱好，但周邊已經煮到溶溶爛爛，呢度嘅芋圓相當好口感，有芋頭同地瓜味，價錢雖然冇深水埗某老店咁平，但係呢佢絕對係最平嗰幾間，所以性價比相當之高值得推介！

尼間小店由細鋪食到變大鋪。其實都有成大半年冇黎，因為天氣凍想同老婆買D芋圓返屋企自己煮。黎到見到有紫米露⋯⋯忍唔住坐低食埋先走。尼到紫米露幾香、唔太甜！紫米有咬口、配有西米同埋芋頭！好香，好食。當然仲有主角芋圓！ 仍然好食！ 好「QQ」！ 同埋有本身紫薯、芋頭 同蕃薯味！唔似出面得d 得 冇味又唔好咬！老婆食鮮奶桃膠，味道唔太甜岩岩好！ 有鮮奶香，但係桃膠煮得較爛，同埋少。 如果食芋圓！ 真心係尼一間最正！臨走買多盒3色大盒芋圓、返屋企煮😂。用維他奶/麥精 煲都好好食！推介小店！

返工諸多不順，於是放工後想食下甜品慰藉自己，就揀左bookmark已久既芋圓圓了。其實呢間舖由IG舖做到搞地舖，都幾有名氣，店外不時排住長長既人龍。幸運地，有朋友仔代排隊（據說排左15分鐘），而遲到王如我一黎到就有得入座。一場黎到當然係必食佢個仙草芋圓，朋友仔就叫左紫米露。D甜品價錢算親民，不過好奇怪咁賣埋千層蛋糕可能因為多人排，出甜品出得好快，一落完單，唔洗等太耐就有得食。星星造型既碗好特別，不過整體份量偏少，我情願俾貴少少但大碗d，好彩d芋圓算多，同埋都算煙韌，不過紫薯、地瓜、芋圓既味道唔太出，而花奶冇乜奶香其他野都係普通水準。總評：因為係黃色小店就加分，但未至於要特登去試呢

芋圓圓 #太子 #黃店呢間甜品鋪嘅重點在於一粒粒人手製作嘅芋圓，每一款甜品都含有芋圓，分別在於唔同嘅糖水，視乎你個人喜好。係仲未有藍黃店之分，係佢仲係細舖嘅時候，已經食過一次。嗰陣已經大排長龍，依家作為黃店之後就更加長人龍，如果真係想坐定定食嘅話可能就要早啲嚟。又或者考慮外賣咁就快好多啦！不過外賣就要預咗佢只係得凍，如果要熱嘅就要等20至30分鐘。桂花蘋果雪梨芋圓 $28每一碗大約有10粒芋圓左右，當中仲包括番薯圓、紫薯圓，而且標榜冇加糯米粉，所以每一粒都的確非常煙韌。不過略嫌佢芋圓本身嘅味道未夠出，如果將芋頭同番薯粉嘅比例提高可能會更好。至於糖水方面就普普通通，有淡淡的桂花香，但係略嫌蘋果雪梨冇咩味，只係比普通糖嘅味都覆蓋晒。可能始終糖水都唔係佢哋嘅重點。無可否認，芋圓嘅煙韌口感的確好好，不過味道方面就可以再提升。如果鍾意食芋頭、芋圓，我最推介都仲係大甲芋圓，佢嘅芋頭泥同芋頭雪糕真係世界級好食，而且仲係包心芋圓，口感味道一流。味道: 3.6/5性價比: 3.5/5

門口個牌 紫色！牆紙 紫色！枱凳 紫色！餐具 紫色！好啱紫色控💜八半食要排隊 而且有啲口味 例如紫米露😢 冇曬 所以要食就要趁早囉店舖有啲細 而且座位有少少迫 不過基本上所有糖水舖的設計都係甘樣 不過芋圓圓有啲特別 係自己先去收銀處落order俾錢 再有職員送餐俾你仙草芋圓 可以揀落/唔落花奶我叫凍 不過唔知點解半凍半熱 怪怪地芋圓好煙韌 好多粒 二十粒都有 不過芋頭蕃薯紫薯味唔係話好有味 仙草凍一大舊 好滑 不過0仙草味 失望 薏米紅豆正常發揮 整體唔係好甜 啱我口味

由ig店「karma dumpling」，至實體店「緣圓」，再轉手至「芋圓圓」店主所賣的芋圓一直以來都大受歡迎以方型芋圓打響名堂終於要有機會來朝聖食物味道超班但實在太多人幫襯，而且店內座位有限，他們家先買票再安排座位的制度，令不少已購票的客人冇位坐，此為其中一個不足第二，店員態度不太友善，發達唔休做咁款餐牌，每天都會更換甜品款式，所有甜品價位$30左右蛋花馬蹄露 $28由於來到時接近打烊時間，大部分甜品已沽清，只剩下蛋花馬蹄露，並非心水之選，但好彩糖水味道很好，會咬到馬蹄粒芋圓味道亦好突出！私心偏愛黃色芋圓，而且芋圓份量亦不少。糖水清甜，馬蹄粒爽口，芋圓煙un軟糯，陣陣蛋香加起來物超所值！由於我與同行飯腳都覺得一試難忘分別買了一盒大盒裝的生芋圓 $90店家十分細心，係店內貼有煮芋圓方法確保顧客食到最滋味的芋圓

喺附近食完野 多數都會來這裡食甜品 而我只會嗌仙草芋圓多奶 因為佢嘅仙草同外面唔同 好有口感 但因為太有口感 第一次食嘅時候 佢地又落勁少奶 攪到碗野好杰乾爭爭 所以之後食都會嗌多奶芋圓都好食今晚由於佢地早收 無得堂食 只有外賣 當晚好多人等外賣 等左超過20分鐘其實外賣已經好唔環保 如果生意好何不為環保出一分力 建議考慮不主動提供即棄餐具做起仲有我朋友嗌桂花雪梨 但返到屋企發現裡面係無桂花嘅 就算近都廢事出返去 何況唔係近 外賣自取嘅壞處係硬食無得賠

這店老早想試了。自己很喜歡吃芋圓，可是每次經過也大排長龍，所以也打消了念頭。今天吃完越南野，看見對面在芋圓圓門前等候入座的人沒有以往的誇張，就去看看了。因為不想等位，所以叫外賣回家吃。點餐時老闆娘以光速的說話跟你下單，我想大概是太忙吧。下單後等了大概十分鐘就可拿走了。今次點了椰汁桃膠鮮奶和海底椰。不知為什麼兩碗的份量也很少，海底椰那碗幾乎只得二分一碗多一點點啊。。我也特地看一看是否拿回家時瀉了些出來，可是又沒有芋圓味道不錯，而且軟硬適中。兩碗也是椰汁底，不過不失啦。不過東西的份量太少，水又少，吃完一點也不滿足，未試過堂食，不知是否我外賣不夠運啊。。

Always room for dessert, and taro desserts are one of my ultimate favourites 🍡! So the entire menu is in Chinese but there are pictures around the shop if you need inspiration of what to get. We have a classic taro purple rice dessert, taro balls with sugar, an assorted taro dessert (which includes red bean, barley, grass jelly). You do have the option of adding condensed milk too but you’re not able to add the quantity yourself, so I opted out of that option. I’ve probably tried roughly 3 taro

每次食完飯經過都會買來食，大部份都係外賣拎返屋企去。所以每次都冇影相。但係佢嘅仙草芋圓係好特別嘅，特別嘅係仙草凍，食落去同出邊嘅唔同，有種煙煙銀銀既感覺，芋圓有三隻色，紫薯味，番薯味，芋頭味，食落去都係煙銀嘅口感，絕對唔會覺得粉！我仲特別鍾意帶黑糖桂圓芋圓，黑糖唔會太甜，清甜嘅感覺最啱晒女仔食，又滋補又養生。但係鋪頭入邊嘅座位就唔太好坐，感覺唔大間。之前仲見有小妹妹幫手執枱，幫手出嘢食。感覺係一家人自己嘅鋪頭。好窩心！支持支持！