芋圓一

營業中

休息中

🍽 黑糖薑汁湯丸芋圓+ 桂圓紅棗清心丸芋圓+ 冰糖雪燕燉桃膠（樽裝）😋 舖頭有樓上樓下，可以揀坐室外位置吹下水～🥄 黑糖薑汁湯丸芋圓 $42熱辣辣嘅黑糖薑汁湯冬季飲啱曬🤍薑味濃郁但又唔會嗆口~芋圓軟糯，湯圓係黑芝麻餡，好好味！🥄 桂圓紅棗清心丸芋圓 $42甜度適中，配料好多～清心丸口感彈牙，好好味！🫙 冰糖雪燕燉桃膠x2 $32/1覺得係必試之選🫶🏻好好味，好滋潤，甜度啱啱好，仲有勁爆多料！！！桃膠好大舊，雪燕好滑🥺真係會試多幾次～💰$148

喺openrice order takeaway，嗌左2樣嘢：桂花同埋椰汁。🌻個桂花ok 架，清清地又唔太甜，清心丸好味。🥥個椰汁一打開，一遍白濛濛，攪兩攪，以為淨係面果層有椰奶，下底係糖水，但係點知原來成碗都係椰漿，唔係椰奶，唔係椰汁，係杰撻撻嘅椰漿！食咗半碗，真係攪唔掂，之後果日痾左一日，可能因為太肥啩 🥲🥭Btw 之前食過芒果味，係最好食嘅，當然係最貴。其實總括來說係ok ，特別覺得佢個碗不錯。

這家小店位於西營盤民居內，主打台式芋圓，芋圓口感十分煙韌Q彈，提供數款芋圓口味供選擇，除了傳統仙草口味外，也加入了養生的桃膠燕窩等配料，實際份量與圖片一樣十級足料👍芋香仙草芋圓｜$40｜7.5/10上枱時哇了出來，芋圓及其他配料都非常足料😍幾乎滿瀉，但變相糖水水份不多，以材料為主，竽香濃郁🤤相當飽肚桃膠雪燕窩清心丸芋圓｜$47｜8/10同樣地配料非常大方，桃膠煲得軟身晶凝通透😋糖水甜度剛好，整個非常有口感多芒小丸子｜$45｜8/10外賣份量較堂食少，但味道依舊滋味💯芒果味濃，小丸子彈牙

係附近餐廳食完飯行過見到呢間糖水鋪有我最愛嘅芋圓🥰🥰大大碗嘅糖水都係 $40起仲要好足料☺️☺️👍🏻小店門面睇落似清新小cafe平時嘅糖水舖通常都要坐到勁逼好少見咁乾淨企理 座位舒適嘅糖水舖呢到反而好闊落🌟愛文芒甘露芋圓 $50用台灣愛文芒，芒果味好香濃，又香甜，加上Q彈芋圓，小丸子、西柚等等，材料好豐富😍🌟傳統仙草芋圓 $40擺盤用心，有仙草、芋圓、珍珠、薏米、紅豆、小丸子，食落超正，芋圓有地瓜味同香芋味，Q彈得黎煙煙韌韌，必叫！🌟桃膠雪燕窩清心丸芋圓 $47係熱食嘅糖水，有女士養顏必食嘅雪燕同桃膠，加埋清心丸同芋圓，味道唔會太甜😚

友人帶我周圍去食好西，今日去水街個間有特色嘅甜品店花多眼亂，每款都想食，睇完餐牌叫咗碗 [ 桂花仙草芋圓 $40 ] 材料豐富，有煙韌芋圓、份量多嘅薏米、爽滑仙草、煙韌丸子及黑珍珠...大碗又足料，味道又唔會甜，仲好抵食另外友人叫咗碗 [ 椰汁海燕窩芋圓 $42 ] 濃郁自家製嘅椰汁，加入燕窩，再配搭爽脆雪耳，三色口感煙韌嘅粒粒芋圓，彈牙有咬口最後就叫咗必食 超香 周六日限定嘅 [ 手工貓山皇糯米糍 $56/2個 ] 有我隻手掌心咁大個，最重要皮薄餡靚，濃濃郁郁嘅榴槤味，每一口都啖啖榴槤果肉，口感超香滑芋圓一 (西環)西環西營盤水街27號地舖

冬天來臨特別想食糖水，眾多甜品中我地暖鐘意食芋圓，煙煙靭靭～位於港島的芋圓一，一睇就知招牌菜，當然要試下。鋪頭有戶外座位及樓上雅座，也可外賣，除左芋圓仲有芒果系列，冷泡茶等，假日會提供三款口味糯米糍（榴連，大芒果，細芒果）。多芒小丸子粒粒芒果肉好滋味，小丸子彈牙冰糖雪燕燉桃膠滋潤滋補，甜度適中，個人幾鐘意傳純仙草芋圓仙草Q滑有彈性，芋圓都唔錯，整體非常足料大碗，配料豐富有三色芋圓，紅豆，薏米，丸子等

就传统糖水来说，九龙一直是我心目中的高地，但新式甜品店今年在港岛忽然开了不少，在需要摄入甜蜜的时候给了我不少好去处。·芋圆一是老店新开，之前在大角咀就去吃过一次，【传统仙草芋圆】好吃但不惊艳，但这次的【芋香仙草芋圆】有点让人叫绝。·一碗集齐芋圆、仙草、黑糖珍珠、薏仁、粉粿、白玉，堪称豪华大放送，造型也很诱人。口感都是优等生，最特别的是芋香汁底，质地不及芋泥浓稠，但要比椰奶厚润一些，每一口都被丝滑的芋香360度立体环绕！·主打的就是芋圆，种类不算特别多，但看起来每种都有点想吃啊，还有手工糯米糍和几款饮品。墙绘蛮好玩的，店员态度非常好，芋圆控可以冲。

愛文芒甘露芋圓🥭主打自家製手作芋圓！每日人手新鮮搓製，粒粒食落Q彈有咬口，口感紥實超滿足~🍊香甜楊枝甘露，更可以食到濃郁芒果香，加上酸甜柚子肉，🥰口感清新。椰汁愛燕窩芋圓🥥濃郁椰汁必定係我最愛，配上燕窩芋圓，彈牙有口感，❤更可以趁住秋冬滋補養顏。桂花烏龍冷泡茶🍵自家製，更養生，清香桂花搭配濃郁烏龍茶，自然好fresh。冰糖銀耳燉桃膠🧊養生銀耳桃膠，滋補滿足，口感充滿骨膠原。👍#香港大學

🌟餐廳：芋圓一📍地址：西環西營盤水街27號地舖💰價位：～$50⏰營業時間：星期一至日 15:00 - 023:00📱電話：5744 1744西營盤一向都係特色兼文青小店集中地，今個weekend就約埋best friend一齊去行吓，做返日文青😆😆食飽飽四周行，經過水街就比呢間具台式簡約風裝修既甜品店吸引住，一於試吓先😍甜品店一共兩層，室外提供少量半露天座位，下層為甜品制作地方，治樓梯上，估唔到別有洞天💁🏻‍♀️牆身以白色為主調，畫上各種手繪圖案，影相打卡一流✌🏻卡位梳化夠舒適，岩哂同朋友黎呢度一路傾計，一路chill 住歎返個台式手作甜品，為文青日劃上完美句號😎🤣———————————————————🔹桃膠雪燕窩清心丸芋圓用料豐富，大大碗勁足料！有我最愛既清心丸，晶凝通透，煙煙韌韌，口感好Q彈；加入桃膠、雪燕同芋圓，入口清甜滋潤，岩哂而家清涼又乾燥既天氣，歎返碗暖笠笠既糖水，好滋潤 ~———————————————————🔹愛文芒甘露芋圓入口啖啖愛文芒果獨有既清新同香甜，配埋芋圓、珍珠同小丸子，勁有咬口好煙韌。特別一提，店主仲加入台式粉粿，四四方方，口感清爽好Q軟。——————————

今日去西營盤探朋友，回程時路經水街，見到有間自家製手作芋圓店，有人話想試，反正我也有點肚餓，就一於入去食個甜品當下午茶。餐牌很簡單，主打芋圓甜品，共有 8 款可供選擇，另外玻璃櫃入面亦放滿了糯米糍同冷泡茶等，可作堂食或外賣之用。我哋揀咗幾款糖水同糯米糍，餐廳設有樓上雅座，食點完食物後就可以上樓上坐低，店員會隨後把食物送上。先嚟碗傳統仙草芋圓 ($40)，睇下用料幾豐富，除咗芋圓、番薯圓、紫薯圓外，仲有仙草、紅豆、薏米、白玉、黑糖珍珠同大大粒嘅丸子，陣容非常鼎盛。芋圓煙韌有咬口；仙草濃郁絲滑、入口即化。紅豆煮至軟身，帶自然香甜；薏米軟腍不爛；而黑糖珍珠亦Q彈有口感，配上甜而不膩嘅黑糖汁，美味！另外呢碗愛文芒甘露芋圓 ($50)  用料亦唔手軟，以楊枝甘露做底，再配上芋圓同台灣直送嘅愛文芒。芒果肉味道十分香甜，金沙柚肉微酸清新，加埋用芒果肉攪碎而成嘅芒果汁，啖啖滋味。至於呢碗黑糖薑汁湯圓芋圓 ($42)  味道亦唔錯，湯圓選用了黑芝麻做餡，外皮厚薄適中，夠滑身又煙韌，咬開仲有澎湃流心，正。薑汁辣度適中，入口不嗆，加上煙韌嘅芋圓，口感層次豐富。糯米糍有好多款唔同口味，今次就揀咗芒果、紫薯同朱

芋圓一 西環西營盤水街27號地舖0+3 可以飛出香港去旅行同玩了, 因為未有得放假同機票仲是很貴的關係, 要年尾XMAS 或新年才計劃成事。我最掛住就是台灣的夜市美食。芋圓一以前是大角嘴架芋圓店, 我以前係旺角食完飯, 都會專登同朋友去食架, 而家開係港島區好方便我。用上白色主調Café風格$40就有一大碗手工芋圓啦, 仲有好多味兼唔同架糖水底,如MANGO, 芋泥,椰奶等。 要了個傳統芋圓。芋圓粒粒QQ新鮮煙韌,唔同顏色的芋圓組合, 是用了地瓜,芋頭加入糯米粉搓成一粒粒。入面仲有仙草, 意仁,紅豆, 丸子, 黑糖珍珠, 除了芋圓, 仲有糯米滋, 岩曬喜歡食軟軟QQ口感架人。選擇多當一班人來到每人點唔同款SHARE食好開心。食完一碗都好飽啦, 甜入心架台灣糖水

西營盤水街出名多嘢食，最近仲開咗一間芋圓糖水店添。小店名叫「芋圓一」，舖面裝修幾别緻，燈光明亮兼簡潔，同上一手飯店完全唔同🙈。顧名思義，呢度專賣芋圓，基本上每一碗糖水都配有芋圓🍠。佢定價OK，平均四十蚊一碗，加上附近冇乜同類型糖水食，所以佢都旺場。桃膠雪燕窩清心丸芋圓($47)，佢係三款熱糖水之一🔥，飲落清潤唔太甜。糖水附有大量配料，包括桃膠、雪燕窩、清心丸同芋圓，出手一啲都唔孤寒。桃膠煲至晶凝通透，而成碗最特別嘅非清心丸莫屬。❤️清心丸係潮州特產，喺市面上比較罕見，不過呢度竟然有得食！清心丸四四方方，形狀似椰果，口感帶微微爽彈。椰汁雪燕窩芋圓($42)，呢碗係凍食，糖水呈奶白色，未放入口經已聞到極濃椰香🥥，口感亦算順滑。糖水同樣附有好多配料，雪燕窩一疏疏，每啖都食得到，另外仲有明珠。主角三色芋圓無令人失望🍡，質感軟糯，富嚼勁，加上大小適中，食吓食吓，不知不覺間就全部食晒。手打芒果糯米糍($20/粒)，🥭芒果糯米糍大大粒，有小朋友拳頭咁大。糯米糍外層薄薄的，口感煙韌，啱啱好包裹到入面嘅芒果肉。芒果肉多到瀉晒出嚟，亦難得一啲都唔酸，大大啖食，滿足。菊花普洱茶($18)，無糖普洱茶底偏深色🍵

今日放假去左西環行山，行完山行經呢間專買芋圓既小店好chill咁😍入黎叫左2碗芋圓食，原來樓上仲有個閣樓仔，好自成一角feel 💪🏻。🥢傳統仙草芋圓 $40傳統既好抵食，有仙草、珍珠、芋圓、紅豆、薏米、大丸子… 芋圓口感好好食，夠煙韌得黎唔會好痴牙，好香芋頭同地瓜香味👍🏼👍🏼配料又多又大碗。。🥢愛文芒甘露芋圓 $50鍾意食芒果🥭既好推介！愛文芒甜得黎又好清爽，配埋彈牙QQ既芋圓。。除此之外，佢仲有冷泡茶賣，「菊花普洱茶 $18」同「桂花烏龍茶 $18」，清香解渴👍🏼

愛文芒甘露芋圓 $50招牌手工芋圓係每日新鮮製作 味道比出面食到嘅更真 更有咬口 芒果汁用真正果肉做 質地勁稠身 帶濃郁芒果甜香😋 芒果控必試✌🏻椰汁愛燕窩芋圓 $42私心推🤤 真雪燕配上雪耳 口感冰涼又有咬口 聽聞椰汁都係自家製 誠意十足🤩 椰汁唔會太甜膩 夏日炎炎食佢岩晒 仲有護膚作用😆😆桂圓紅棗清心丸芋圓 $42台式authentic甜品😙 料冇上兩款咁多 但勝在甜湯有巨量紅棗 仲有淡淡蜜香🍯清心細細粒 食落彈牙 口感更豐富🥢手工糯米糍（朱古力、芒果、貓山王）又有驚喜😛 本來嚟呢度食芋圓甜品 冇諗過竟然會有咁多款糯米糍 忍唔住嗌咗三款朱古力味似麥提沙糯米糍 一咬爆汁 有強烈朱古力奶香🍫 芒果味係用原粒果肉整成 最出色係貓山皇味 好似將成舊榴槤果肉pak入自己個口 享受味蕾嘅高潮🥵 必試

西營盤溫馨糖水小店西營盤呢間好溫馨嘅糖水舖，好台灣風味，有好多地道既仙草芋圓甜品。同朋友叫左一個芋香仙草芋圓，芋草好食，芋圓好彈牙，配合埋芋汁，好似係台灣夜市食緊宵夜呢！另外仲叫左個椰汁燕窩芋圓，燕窩真材實料，好多椰汁，幾特別。仲有叫咗我至愛的芒果糯米糍，大大塊芒果肉，好甜呢，可惜榴連糯米糍一早賣晒左，下次再試啦唯有。最後同朋友一人一樽茶，我揀左白桃，我fd 就菊花！呢個價錢好抵又幾好食，附近嘅街坊有口福了😊