色彩泰國菜

營業中

休息中

去探屋企人無意地選了在新田一間好值得推介的泰國餐廳，在網上見有預約訂房或枱，預約今晚去了，有特色篤篤車卡廂，一卡可以坐10人，好似包房一様👍🏻享受一頓獨立、靈靜而有歡樂的晚餐🫶🏻餐廳內亦環境闊寬整潔👍🏻要特別一讚其中一別年輕工作人員，服務態度有著酒店式談吐介紹菜色和友善，在市面餐廳真的難得一見👍🏻👍🏻👍🏻食物質素：⭐️⭐️⭐️⭐️味道：⭐️⭐️⭐️⭐️環境：⭐️⭐️⭐️⭐️衞生：⭐️⭐️⭐️⭐️服務：⭐️⭐️⭐️⭐️*滿分：⭐️⭐️⭐️⭐️⭐️店外有自設免費泊車空地

感恩可以訂到小車卡☺️空調冷氣充足餸菜好豐盛☺️埋單時，我們發現忘記叫小蛋糕上菜但也很想試試泰式奶茶芝士蛋糕🍰外賣芝士蛋糕回家🧀店員也能夠為我們打包得很美麗☂️謝謝店員的幫助，孩子見到也很驚喜🤩🤩🤩並嗅到是奶茶芝士蛋糕☺️顧員有禮又細心☺️洗手間出奇的好衛生😃帶毛孩的好地方🦜🦮🐩🐈

星期一的中午 離開了寫字樓外出工作，其中一個住新界的同事介紹新田呢間開業大約半年的泰國菜館 跟佢車去試一試位置唔算大路，如果我自己去 應該會撘的士或者要跟地圖行入去，當我以為自己尋找隱世小店時，到埗才發現原來店面咁大 同埋Lunch hour坐滿晒人(相是飯後拍的)除左兩個大廳，仲有2間VIP房 各自可容納16人左右，另有8個tuktuk造型的小包廂 每一個包廂都有獨立冷氣，可能因為中午原故 是日無乜客人揀tuktuk位🇹🇭海南雞冬蔭公湯粉 $56雞是無骨的 皮肉都非常嫩滑 雞味是偏清爽款式，入口涼涼的溫度 配熱粉所以感覺還好，冬蔭公湯底酸酸辣辣，鮮味一般 椰香同香料味均唔強🇹🇭無骨海南雞飯 $65有白飯同油飯可選擇，揀左油飯，色澤是淡淡的黃色 飯質唔會太油膩，香味是輕輕滲出的那種🇹🇭豬頸肉蝦頭油炒飯 $56每一口都是金不換的味道，豬頸肉切成細細粒咁炒，飯炒得有油香 乾身又夠鑊氣🇹🇭春卷 (2件) 跟餐+$20上枱時仍是暖暖脆脆的🇹🇭串燒 (雞) 跟餐+$20擺碟幾好 望落已經好吸引，沙嗲醬唔錯 唯串燒唔太覺有燒烤味🇹🇭泰式沙律 跟餐+$20青木瓜同甘荀比例約1:1，用料新鮮爽脆 調味

放假新田一日遊🇹🇭彩色車箱泰國菜😍 要提前book枱先可以坐到車箱😩 午餐$60左右仲包飲品，仲有好多小食可以加配，性價比超高啊😍 仲要免費泊車👍🏻上菜速度超快👏🏻 食親泰菜首選都係香葉肉碎飯☺️ 呢道既質素都好夠鑊氣😆辣度低🌶️ 肉碎份量夠哂送飯一流啊❤️煎蛋一督就穿有流心效果🤪 海南雞都好滑～油香十足🤤 扣分位係凍檸茶嘅檸檬好薄，督左好耐都無檸檬味🍋😂 室外位係pet-friendly而且有冷氣🐶 好適合放假嚟chill下🥰無骨海南雞飯 $65 連餐飲泰式香葉肉碎飯 $56 連餐飲

#mochicouple元朗搵食團#mochicouple元朗自駕遊各款泰式小食、燒烤串燒、冷盤、泰式湯品、小菜、咖哩、炒粉麵飯、泰式甜品飲品都有幾適合一家大細👨‍👩‍👧‍👦、朋友聚會👩🏼‍🤝‍👩🏻***如果想坐篤篤車箱建議提早訂位☎️23823283 或 WhatsApp 629330621️⃣秘製惹味串燒(牛肉/雞肉) ($10/串)*每款兩串起呢款秘製串燒雖然價錢親民，但味道卻不容小覷。每串都經過醃製，肉質鮮嫩，沾上特製醬汁後，風味更上一層樓。好味指數：🍡🍡🍡2️⃣泰式牛舌串👅 ($18/串)*兩串起呢款泰式牛舌串絕對值得一試！每串都係厚切的牛舌，烤到啱啱好，外焦內嫩，搭配泰式醬汁，口感豐富而且特別美味好味指數：🍡🍡🍡🍡🍡3️⃣菠蘿海鮮炒飯🍍 ($128)菠蘿海鮮炒飯的份量相當足夠，搭配新鮮的海鮮和菠蘿，帶嚟清新既果香。米飯炒得粒粒分明，海鮮既鮮味同菠蘿既酸甜完美結合！好味指數：🍡🍡🍡🍡4️⃣凍泰式奶茶 ($38)凍泰式奶茶既味道相當香濃，奶香同茶香完美融合，超清爽！好味指數：🍡🍡🍡5️⃣龍眼冰 ($38)呢款龍眼冰清涼可口，甜度適中。龍眼既自然甜味搭配冰涼既口感，非常解暑。**好味指數：🍡🍡🍡**好

我最欣賞佢嘅串燒，每個串燒都好好味，而且係冇特別嘅烹調嘅食到原汁原味。厚切牛舌裏面嘅心係比較圓，我最欣賞就係串燒菠蘿同串燒牛肉，串燒菠蘿，裏便好多汁，而且好新鮮嘅菠蘿好香嘅菠蘿味，仲有個串燒鱔，厚切鱔片，又唔會腥，而且好多肉我好欣賞，其他菜式都好好食仲有個燒雞，同埋泰國羅非魚。交通就需要揸車，或者搭的士同小巴啦，價錢方便，性價比高，非常實惠，呢度個環境，同裝修都好靚，而且都好乾淨衛生，亦都可以打卡影相。服務非常之好又有禮貌仲好體貼添，

交通就需要搭車或者揸車會比較方便，環境非常之優美，而且好有特色，仲好有泰國風味，餐廳裏面非常之寬敞，非常之整潔衛生，服務非常之有禮貌，仲好體貼有心，廚師好有誠意煮嘢食。泰國餐廳嚟講，我特別欣賞呢間餐廳整嘅串燒，佢所有嘅串燒我都覺得好有風味，而且好好味，特別係我最鍾意食嘅串燒牛肉同串燒菠蘿，而個魚餅呢就有一啲辣辣地同埋一啲香草嘅味道，都好有特色，再加杯龍眼冰或者係椰青，特別巨泰國風味。遠離城市，嚟呢一間餐廳食嘢都唔錯我推薦呢間餐廳俾大家，而且價錢實惠，性價比高，食物有水準。

今日揸車經過新田，同朋友再食一次性價比高既色彩餐廳，又有免費泊車。今次叫左超正既式紅咖哩牛，色香味俱全，而且牛腩既量都多，侍應妹妹服務態度又好真係物有所值。朋友叫左個青咖哩，佢話味道岩岩好，絕無炸型。👍🏻👍🏻

#christine開飯日記 今次比我搵到一間pet friendly 又可以打卡嘅餐廳😍仲有包廂位可以book 都幾舒服架😍佢仲有自家嘅停車場，揸車去就最方便啦🤭佢嘅lunch set $5-60蚊就有交易，價錢都幾親民架👍🌟海南雞飯 （$65）雞肉好嫩滑，而且份量都幾多架。佢個油飯呢都好香。😍🌟泰式香葉肉碎煎蛋飯（$58）辣辣地嘅肉碎特別開胃😍加埋上面隻太陽蛋一齊食都真係幾正😍🌟菠蘿雞粒炒飯（$56）我覺得佢嘅炒野都幾有鑊氣🤭食落都幾香口👍不得不太強個包廂呢都幾闊落好坐嘅，如果想坐包廂嘅話就記得要提早book定啦🍴色彩泰國菜 (元朗)📍元朗新田永平村102號地舖

比我想像中乾淨 好食去到係坐車仔 車仔入面有privacy 又得意冷氣又夠 去到見到隔離車卡有寵物先知係 pet friendly 我哋5個人食 叫到成枱都係野食最後係食唔晒 要打包返去比工人姐姐食埋單都係千令蚊唔可以話好平 但幾抵食

身為pawrent嘅小編成日都會揾D特別嘅pet friendly餐廳🐶，今次千里迢迢嚟到新田呢間泰國菜🇹🇭，就係為左佢地架篤篤車，閂埋門就係有冷氣嘅獨立私人空間，揸車朋友可以泊門口夠晒方便🚗，最欣賞係每round都會吸塵消毒，人狗都坐得舒服👍🏻。Weekend都有lunch set好抵食，小編一行4人叫到dinner份量咁款🤣~ 金邊粉調味方面稍為遜色，原條烏頭肉質好滑大推🐟，冬陰功有4隻蝦好足料🦐，so far食物水準唔錯！🔸泰式青木瓜沙律 $88🔸大蝦冬陰功湯 $118🔸金不煥炒金邊粉(牛) set lunch $58🔸香檸明爐魚 $198🔸椰香青咖哩(雞) $128記得想坐篤篤車嘅話要提前打嚟book位呀📲！

兩個人嗌咗三樣嘢食 🫣金邊粉炒得唔夠乾身唔夠香 🤤好彩小食拼盤乜都係炸，都好難唔好食嘅🙂‍↕️烏頭魚方面，不過不失啦🙂‍↕️青咖喱雞 唔係咁新鮮 🥹串燒OK嘅 由於午餐食，價錢唔貴，坐得又幾舒服，招呼得唔錯，上餐都幾快 整體來說，要求食物的話就掹車邊 如果講環境，舒適度都高分嘅，我見仲可以帶寵物入嚟 🐶🐩🐕🦮🐕‍🦺

2024年6月14號父親節前預早book定貴店既車卡食晚飯7點開始計用餐時間90分鐘我地一早知道但係又到步坐係枱開始有冷氣等如冇冷氣，只有谷氣，成身濕晒大人都成身濕晒，2個bb完全成個水人咁服態度一流到真係吹佢唔賬一早巳經嗌跟進，跟到埋單幾個類似店長或老闆既物體走埋黎揸住個冷氣搖控，都係講可能冷氣壞左我都覺得唔出奇，但都要安撫下客人架，完全冇，話知你咁，呢間野真不知所謂ps:係得一個落單既姐姐最正常第一次去覺得間野都可以諗住去第二次啦點知🫠一定唔會再有第四次

服務一般坐低15分鐘連水小食也沒有給我們，但隔籬枱一坐低所有人爭相服務他們，不知道為什麼服務這樣參差！食物質素非常一般，尤其是炸蝦餅！請廚師檢討一下自己的出品性價比極低的餐廳！

上網見到佢有包廂幾特別，就帶埋朋友隻狗狗嚟食晏。本身book咗早啲，但係有啲事趕唔切嚟，打電話去改時間，個職員都好有耐性再安排晏少少俾我哋。同埋以為佢下午茶時段剩係得粉麵，點知原來都可以照叫午餐同埋餐牌上面所有嘢，咁就安心可以改晏少少。早咗半個鐘頭到，佢就叫我哋喺私家車裏便等住先收拾好枱之後嘅話就call我哋入去，呢度唔使客人喺室外等，又要再讚一讚個職員。另外侍應服務好，同埋對啲寵物都友善。另外食嘢方面，大部份都幾出色，個蝦油炒飯幾香都炒得好乾身。個肉碎銀針粉，肉碎幾夠火候，但係就肉碎偏少。泰式生蝦新鮮爽口，個汁加埋個片辣椒超搶喉，食得辣嘅朋友值得推薦。龍眼冰都好好飲唔會太甜又多龍眼肉，簡直係解辣首選。不過午餐加配嘅小食兩隻雞翼就略嫌韓血酸少少，佢係整單支雞翼為兩隻，蝦餅就係得一件。反而另外叫嘅沙嗲串燒同埋個牛脷，有炭燒風味。牛脷亦都好淋滑，性價比反而高好多。整體嚟講用餐時間90分鐘係足夠嘅，包廂大，又有冷氣坐六七個人都冇問題。整體食物味道都水準，短期內再食嘅機會都幾大。