良い日涮涮鍋

好耐冇打邊爐，揾到呢間係坑口東港城分店嘅日式火鍋店，dinner 時間去都幾多人，見到個環境都幾企理😊呢間火鍋店主打一人一鍋，90分鐘放題任食，有幾個價錢嘅放題套餐，最貴嘅係霜降黑毛和牛（$398成人/$288小童）🤩唔同級別嘅牛會有唔同嘅價錢，我地就揀左$268嘅嚴選牛 Premium Shabu Shabu Course （$268成人/$218小童）😙🔻湯底方面有好多款，例如係四川麻辣、生姜雞、蕃茄、昆布，仲有新出嘅豆乳白雞湯同海老豚骨湯等，好多都好吸引，我同朋友都揀左壽喜燒湯底，佢會提供一隻生雞蛋🥚，湯底味道濃郁，店員定時會加湯😸🫶🏼🔻呢個course 有🥩嚴選牛肉、🍗雞脾肉同埋豬，一開始會每份肉各上一份，之後就可以手機落單。出面自助嘅食物都有好多款，例如各類嘅🥬蔬菜、丸、麵都有幾種，例如烏冬/拉麵/粉絲等，出面啲食物定時有人fill up, 睇落都好乾淨。🔻個人覺得牛舌同豬幾好食，一盤份量都幾多，而且用電話點嘅食物都黎得齊。☕️飲品有道地烏龍茶同綠茶可以任斟，仲有咖啡機同雪糕機，真係食到好飽🤪呢間火鍋食物同環境都幾好，性價比好高😋…查看更多

🍲今日去左有多間分店良い日涮涮鍋主打一人一鍋日式火鍋放題可以按照個人喜好選擇所喜歡的湯底我地簡左豚骨黑蒜湯同壽喜燒湯底！兩款好好味今次叫左特上牛舌放題💞批盤精美！特上牛舌夠入口爽口彈牙牛味出～放題食到飽輕鬆回本‼️食足90分鐘除左牛舌仲有穀飼牛、豬肩肉 、雞腿肉加埋多款特式丸類配菜、飲品同雪糕！而且環境舒服😌乾淨～價錢實在！想食日式火鍋放題推介大家來良い日涮涮鍋將軍澳坑口重華路8號東港城1樓197A號舖 …查看更多

一入去良い日涮涮鍋覺得好舒服環境乾淨又闊落啱晒一大班friend去打邊爐慢慢傾今次專登試佢哋嘅「特上牛舌放題」好有驚喜！未入座先揀定湯底一人一鍋乾淨又安心坐好就送上牛舌架牛舌厚薄啱啱好落鍋一涮就食得口感爽脆又帶少少油香完全冇羶味咬落仲有層次感好juicy！瘋狂encore～唔單止得牛舌仲有可以用QR code揀牛肉、豬肉、雞肉自助bar就可以拎到丸類、菜類、菇菌類樣樣齊全都好新鮮放題仲包埋甜品同自助飲品個富士蘋果雪糕真心正！perfect～良い日涮涮鍋真係食得開心價錢又抵牛舌肉質靚到唔駛點調味已經好好食加上選擇多CP值好高下次一定會再嚟！…查看更多

我見到全部好評一個差評都冇甘諗住一定唔會中伏啦，甘我就訂位食啦。 一共兩個人，我地都係食嚴選$268套餐。 一入座，我已經見到我張凳好多油，心裏面都已經感到有啲唔好嘅預感。 甘我地分別揀左蕃茄湯底同薑味雞湯底，個湯底顏色就靚嘅，但食落去就冇味嘅。蕃茄湯底係要出去自助bar到拎d蕃茄返黎補返d味。D肉就冇問題嘅，係ok嘅。食到甘上下要加湯，掃完QR code等到就快乾水先有人加，我理解餐廳人手真係好唔夠，但有乜理由加落去嘅湯同個煲本身嘅湯係唔同？ 都算數啦，繼續食，食到咁上下又要加湯，今次直頭係冇人理你，係要你自己行出去加湯，就算服務員見到你埋去拎個壺埋去自己張枱度加湯都當睇你唔到😂見到隔離枱埋單，我見到佢哋執枱都執得好求其，上一手食完啲食物殘渣跌晒落張凳度，都當睇唔到😨😨😨真係冇下次，食完返屋企勁口渴，我都唔知飲咗幾多杯水😅😅😅…查看更多

將軍澳良日涮涮鍋環境感覺乾淨整潔，座位舒適，燈光明亮，氣氛輕鬆。餐廳佈局寬敞，適合朋友小聚或家庭聚餐。呢餐火鍋湯底揀咗壽喜燒，出面有好多蔬菜肉丸可以拎、大根、魚蛋、腸仔等配料，感覺清爽又有料，好健康！肉類方面揀咗雞肉,份量都俾得幾多72蚊再加一嘅價錢嚟計真係物超所值…查看更多

性價比之選，晚市$198任食穀飼牛|豬肩肉|雞腿肉|特選牛舌湯底一人一鍋+ 自助拎火鍋配料，佢嘅湯底種類都幾多，有麻辣，黑蒜油，蕃茄，壽喜燒，生薑雞，昆布湯，仲有最新仲推出咗冬陰功湯底同蕃茄壽喜燒湯底。牛舌上枱勁有氣勢，放係一個大木架上面！牛舌切得夠薄，夠爽口彈牙，多少啲都唔會好漏～其餘肉類味道正常，晚市$198 可以任食牛豬雞肉加牛舌可以話係性價比好高。自助區就有腸仔，各類丸，菜，烏冬，豆腐，冷熱飲品，雪糕呢啲，另外上菜速度都幾快。…查看更多

🥘一人一鍋形式，湯底選擇多，主打特上牛舌放題，同時提供多款肉類、配料、飲品及甜品🤩🍯 叫左兩個唔同既湯底，昆布湯底：清淡鮮甜，能突出牛舌既原味🥘🥘另一個豬骨湯底濃郁醇厚，涮肉類更入味🥘🥘🐮特上牛舌排得好靚，好彈牙；🐮穀飼牛油花均勻，肉質嫩滑，豬骨湯底絕配；🐷豬肩肉口感軟嫩，不柴不膩；🐣雞腿肉醃製入味出面仲有好多🍜 配料及飲品，拉麵、烏冬、公仔麵均可任選，仲有丸類、蔬菜款式多，推薦爆漿芝士丸和魚豆腐🧡飲品機有汽水、果汁無限暢飲，吃完肉解膩岩岩好🍷🍧甜品埋軟雪糕，牛奶味濃郁香滑，藍莓味酸甜清爽，飯後必試！…查看更多

我真係一年四季都咁鐘意打邊爐🍲😂呢晚同朋友喺東港城行街，行完就去咗良い日涮涮鍋開餐🍲我地揀咗特選牛舌套餐，晚市$198/位，可以任食穀飼牛|豬肩肉|雞腿肉|特選牛舌，另外出面有自助區，呢度係一人一鍋形式，有7款湯底選擇，我揀咗胡椒和牛湯底，朋友就揀咗蕃茄湯底🍲胡椒和牛湯底幾重胡椒味，蕃茄湯底蕃茄味濃郁👍🏻穀飼牛肉質結實，豬肩肉肉質鮮嫩，雞腿肉肉質嫩滑，特選牛舌幾肥美，夠薄切，食落爽口唔韌😋叫咗幾round肉質都keep到同第一round一樣👍🏻而自助區就有菜類,丸類,粉麵等嘅火鍋配料，仲有醬料區|汽水機|雪糕機|甜品櫃等，都幾多選擇👍🏻…查看更多

最近到訪新蒲崗MIKKI商場分店的【良い日涮涮鍋】，選擇了90分鐘「嚴選牛肉放題」套餐（$268／位）。店舖主打「一人一鍋」，讓客人各自選擇喜好的湯底，不但避免交叉使用，更加衛生，也能照顧個人口味，特別適合朋友聚會，邊吃邊聊天。選了「豆乳雞白湯」及「蕃茄湯」。豆乳湯底奶香濃郁、口感順滑，雞味亦相當突出；蕃茄湯則酸甜適中，味道清新，用來涮蔬菜或肉類都非常合適。套餐所提供的肉類選擇非常豐富，包括"嚴選牛肉"、"特選穀飼"、"穀飼牛"、"豬肩肉"、"雞腿肉"及"牛舌"。其中牛舌最為出色，切片薄身，入口彈牙有嚼勁，不會過韌，亦保留牛肉香氣，是必試之選。自助區有各式新鮮蔬菜如"唐生菜"、"油麥菜"、"皇帝菜"，以及多款菇類、瓜類等；丸類選擇亦不少，例如"鮮炸魚蛋"、"牛丸"、"芝士腸"、"午餐肉"，另有"烏冬"、"素麵"和"紫薯年糕"等碳水化合物，讓人吃得更飽足。醬料方面亦相當齊備，提供"麻醬"、"蒜蓉"、"辛味蘿蔔茸"、"蔥花等"，可自由搭配。飲品區設有汽水機、咖啡機及多款冷熱茶飲。甜品方面則有牛乳及藍莓味軟雪糕、小蛋糕和其他配料，為整餐劃上完美句號。值得一讚的是店員服務非常周到，不但主動查問客人是否需要加湯，亦會留意火力是否合適，適時協助調整，讓用餐過程更舒適順暢。…查看更多

除咗約咗人出城, 基本上都係响東港城食飯~ 多年日牛會員 食咗無數咁多次, 原址依家叫良日 , 心郁郁想試好陣子了, 終於的起心干入黎食, 開心喎 肉嘅質量比以前更好更穩定! 我地欣賞!我地食嘅係 “嚴選牛肉放題 90分鐘” $268/位我嘅係期間限定 - 濃厚豆乳鍋佢嘅係 - 四川風麻辣鍋第一轉 肉肉嚴選牛肉豬肩肉第二轉 肉肉第三轉 肉肉食得開心啊, 我地叫咗三轉肉肉, 水準穩定, 都係咁靚, 要讚!自助配料區 全晚保持住企企理理~有解茶任飲, 咁開心嘅!?好夾打邊邊啊~自助牛奶雪糕, 我 encore 咗幾次~…查看更多

良い日涮涮鍋之前都食過好幾次，佢呢度有幾個放題，豐儉由人，月頭就食好啲，月尾可以平平哋食都開心🤣🤣今次揀咗：嚴選牛肉放題，可以食足90分鐘，其實好足夠㗎啦！之前試過過佢哋嘅蕃茄湯，幾唔錯～今次就試佢哋新出嘅湯底：豆乳雞白湯！❣️湯底唔錯，幾好飲，嚴選牛肉放題嘅牛肉質素好高，肉味幾濃，而且夠瘦！食多幾碟都唔會覺得滯🤣❣️放題區出面嘅配料選擇都有好多，丸子、蔬菜、粟米、南瓜、烏冬、蟹柳，全部都好啱食！❣️唔單止牛肉出色，其實牛舌、雞肉同埋豬肉都好好味😍😍每次嚟食都食到勁飽！仲有埋甜品，呢個價錢真係性價比好高👍🏻…查看更多

今時今日打邊爐$128 食90分鐘，仲要幾好食，都算係咁～中午嚟食，叫最平果個set $128，湯底叫左豆乳雞白湯，湯底幾好味，最欣賞佢加湯嘅時候係加返湯底嗰隻湯，唔係加雞湯亦都唔係加水。牛肉幾欣賞佢叫最平嗰個餐都唔會超多肥膏，當然唔會係好靚嘅牛肉，但係呢個價錢我絕對收貨，其他配料選擇唔多，味道正正常常咁野飲選擇都唔多，但好在我唔飲凍飲，我飲茶就夠。唯一唔好就係覺得環境有少少污糟，自助吧出邊有污漬，嘢飲機附近有水漬。…查看更多

第一次光顧，由打電話詢問開始，職員已經非常耐心解答，又細心講解每個套餐分別，最後我哋揀咗嚴選牛肉套餐，試咗新出嘅蝦豬骨湯，食物質素符合預期，OpenRice訂枱有早鳥八折優惠，性價比高。特別要讚同事”泓”，服務細心周到，記性好，攞枱時記得我哋係打過電話嚟。中途想攞檸檬茶但準備中，我哋就繼續用餐，用餐途中職員竟然為我哋送上兩杯檸檬茶，真係少有會令顧客感受到有用心服務嘅員工👍🏻…查看更多

做緊星期一至五lunch 90分鐘任食 $100（另加一）好抵食湯底有好幾款，肉都不錯出面好多野食拎不過啲豉油就咁成兜放喺出面衛生情況有啲考慮食食下見到曱甴喺地下爬即刻埋單走人同店員反映都無理到我～～…查看更多

日牛涮涮鍋結業後原址開返間都係一人打邊爐嘅餐廳🍲叫良日涮涮鍋套餐款式價錢跟上一手幾乎一樣🧐今次就入去試下睇下係咪換湯唔換藥✨嚴選牛肉 （$198）🐮要壽喜燒湯底🥚🍢一開始先上一份豬肉，雞肉🍗🍖加埋兩份牛肉🥩🥩雞肉係雪凍咗嘅骰仔咁要啲時間先煮得熟豬肉正常發揮，冇咩特別牛肉就幾靚仔😎冇咩肥膏，食落牛味都重之後再落單後到來嘅牛肉質素同開頭嘅牛肉都係差不多🤟🏻係臨尾每兩碟就多少少肥膏但整體而言每碟都保持到個質素出面個自助吧枱跟上一手嘅一樣款式擺位都冇變過仲多咗少少蔬菜同埋丸類嘅款式🥬🥦🥒餐廳易手後，個裝修就冇咩點變通風都仲係咁焗🔥唯獨係個梳化坐墊轉咗藍色襯返餐廳主題顏色但有個值得加分嘅地方係可以自己掃QR code 落單📲加肉加湯都可以掃QR code 就可以免除好似上一手要搵侍應落單嘅煩惱而且今次嘅侍應態度都唔錯👍🏻加單後都好快上肉🤟🏻呢個價錢打個邊爐性價比高會繼續幫襯🥳…查看更多