船記

營業中

休息中

🐑順德銅盤三黃雞，將沙薑切幼粒，加上洋蔥、香芹、薑片，將雞件用銅盤裝起，包上錫紙焗。雞肉都焗得幾嫩滑，但以順德銅盤焗雞嚟講，其實唔應該有咁多汁水，呢個似蒸雞，多過似焗雞，但味道係調教得幾好嘅🐑避風塘百花釀茄子，蝦膠大大嚿，避風塘蒜蓉椒鹽夠惹味，重點係，有成6嚿釀茄子，都只係賣$68，唔會有投訴🐑鮮馬友蒸肉餅，原條新蒸馬友，目測可能都有14両重，舖喺肉餅面清蒸，馬友肉質細嫩肥美豐膄，嗜魚人士皆不能抗拒也；肉餅薄薄一層，盡吸魚油精華，搭配得宜。🐑貴妃炒飯，蛋香、蔥香、飯香基本香味足，可惜飯炒得未夠爽身，大可以喺鑊焫多一分鐘，焫走埋剩餘喺飯嘅水氣，咁就為之Very Good喇

今日公司部門活動，之後book左呢間食晏，包左幾圍枱，所以無食佢啲點心。但體驗好差！ 食物亦令人失望！啲職員服務態度好有問題1️⃣冇比利是佢嘅枱，佢哋就唔分餸2️⃣行路*上菜不停撞到我地背脊 及 我地張凳完全唔會講唔好意思3️⃣收碟+收碗隻時手撞開你，同埋好粗魯地推開你枱上嘅碗碟，令我地以為自己去咗咩咩大酒樓4️⃣我哋問佢有冇袋幫我哋笠住啲褸，如果冇其實可以禮貌地回答，但啲職員係好粗魯地答「我哋冇呢啲嘢㗎‼️‼️」 5️⃣唔問我哋仲食唔食，就收走餸菜，換上新的。 唔明何來米芝蓮推介？！ 一開始嘅乳豬還好雞油花雕蒸中蝦配稻庭烏冬 - 勁怪！蒸魚 - 肉係鞋嘅之後嘅已經唔好食到唔想再影

天氣凍凍地，嚟到船記梗係要叫燉湯滋補一下。呢款淮山杞子三寶燉螺頭湯，材料唔嘢少，除咗螺頭之外，仲有雞肉鴨肉豬肉一齊燉，啖湯想唔鮮甜都好難。船記叉燒皇賣相吸引，咬落滿口油香，軟硬適中，可惜只得六件，如果再多兩三件就好喇。雞油花雕蒸中蝦，配上一份烏冬，擺埋一齊好有睇頭。 蝦肉沾雞油汁入口好香酒味，烏冬Q得嚟好滑。上湯蒜子浸豆苗翠綠鮮嫩。蛋白杏仁茶，好香杏仁味，夠熱夠滑又唔太甜，好好味！服務好，上菜快，環境潔靜光猛。

菜單上有好多吸引嘅選擇。首先試咗淮山杞子三寶燉螺頭湯，碗湯分咗四碗，湯料成座山咁多，裡面有淮山、枸杞、螺頭同各種肉類。接住係招牌嘅叉燒，脂肪同瘦肉嘅比例剛剛好，入口即化。雞油花雕蒸中蝦配稻庭烏冬，蝦算大隻、Juicy，切開咗好易食，蝦肉吸收咗美味嘅雞油醬同花雕，味道非常令人難忘。最後係上湯蒜子浸豆苗胚，雖然簡單，但味道新鮮。做甜品時，杏仁茶加蛋白真係一個好愉快嘅結尾。整體嚟講，材料新鮮，雖然有啲菜式價錢偏高，但考慮到技藝，絕對值得。服務效率高，但喺高峰時段，空間感覺有啲擠迫。

知道船記搬到更大的地方和見到幾份報紙正評，即管再去試吓。今天是去食午飯，之前見到食評說花膠白肺湯和义燒是必食。义燒肉質好焾但味道只是一般，白肺湯就非常好，貴一點都值得試吓。蝦多士太乾，春風得意腸簡直完全唔掂，點都無想過會咁差，但是忘記拍照留下讓大家自行判斷，千祈不要點這個點心。最後點了一個兩面黃都算尚可。基本上這處應該不是食點心的地方。上一次去舊舖是食晚飯，覺得名過其實，今次也是差不多的感受。唯一不同另外見到的評語是今天人手非常充足和非常有禮貌，因為每人都想拿利是。

20幾人嘅團年飯聚，考慮咗幾間餐廳，最後揀去船記，主要係鐘意佢嘅食物質素高。我哋訂咗兩圍，可以安排到一間房俾我哋，真係非常之好，方便大家傾計。食物如預期般高質素，特別係叉燒，鮑魚白玉腐皮卷都有驚喜。服務亦非常周到，上菜時間合適，我哋人齊好快就上菜，大家都好滿意。我哋嘅菜單有:和哥叉燒堂剪乳豬全體花膠爵士湯鮑魚白玉腐皮卷雞油花雕蒸中蝦配烏冬底馬友煎肉餅百葉豆腐炆虎杉啫蝦醬唐生菜龍井茶熏雞籠仔三鮮蒸飯糕點糖水

光顧的當晚，餐廳幾乎座無虛席，四周不乏外國遊客的身影，顯然是因船記的米芝蓮必比登推介，慕名前來品嚐。細聽他們在席間熱烈討論，言語間盡是對菜色的讚賞，一間本地餐廳竟然成為國際遊客來港的「必食熱點」，也算是說好香港故事了吧，哈哈！ 「船記叉燒皇」焦香的蜜汁味道與入口即化的質感完美融合，每一口都叫人回味無窮。注意到隔壁一桌的外國客人，也不忘對這道菜拍照，足見其魅力。「順德家鄉碌鵝」中的鵝肉的鮮嫩多汁與那一絲迷人的香氣，亦充分展現了傳統手藝的精髓。「鮮磨杏汁花膠燉白肺湯」絕對是另一道誠意之作。湯底濃郁得來不過於厚重，杏仁的香氣與花膠的嫩滑交織，喝一口就讓人感覺到滋養與滿足。對於愛啫啫煲的愛好者來說，「大澳蝦膏啫生菜膽煲」絕對會是一道一食難忘的菜式。剛端上桌，濃郁的蝦膏香氣便撲鼻而來，讓人食慾大開。脆口的生菜膽吸滿了醬汁的精華，既鮮甜又不失層次感，簡單卻細膩至極。「黃鱔臘腸煲仔飯」更是當晚的亮點之一，黃鱔的鮮味與臘腸的鹹香交織，再搭配煲底那層金黃酥脆的飯焦，整道菜的層次感十足。這一鍋飯不僅讓全桌人頻頻添碗，還引來鄰桌的外國遊客好奇詢問，是否可以推薦這道菜，足見其魅力。甜品方面的表現同樣亮眼。「鮮

早前已有所聞船記搬遷到合和中心的新址，心裡一直很好奇味道是否依然如昔。看到樓下不少評論提到服務問題，甚至有些負評，但親身探訪後，發現儘管當晚餐廳在幾乎全場爆滿下，服務員忙到腳不停蹄，態度卻依然親切，落力上菜；菜式不僅保持了船記一貫的水準，甚至更上一層樓，幾道招牌菜的味道更讓人回味無窮。每次到訪必點的「船記叉燒皇」，可說是船記的靈魂之作，入口即化的口感和焦香的蜜汁味道，值得稱為全場必點。其次是「順德家鄉碌鵝」，鵝肉鮮嫩多汁，帶著一股迷人的香氣，咬下去那一刻讓人感受到傳統手藝的魅力。另一道讓在席各人眼前一亮的「大澳蝦膏啫生菜膽煲」，一端上桌就聞到濃郁的蝦膏香氣，搭配啫啫煲特有的醬香味，生菜膽吸足了湯汁，鮮甜又帶點脆口，感覺簡單但非常細膩。 另一道家常小菜「船記XO醬小炒皇」的XO醬之鹹香與微辣完美平衡，配料給得相當大方，炒得很有鑊氣，每一口都讓人停不下來。  至於「黃鱔臘腸煲仔飯」，亦是全晚的亮點之一。這不是普通的煲仔飯，而是一道讓全桌人都忍不住添飯的驚艷菜式。黃鱔的鮮味與臘腸的鹹香在米飯中完美融合，煲底那層金黃酥脆的飯焦更是整道菜的靈魂，每一口都充滿香氣，令人忍不住不斷添飯。湯品方面，「

Dinner with the gals. They liked the dim sum when restaurant was still on Ship St. I’ve never been. Bustling- not bad for a weeekday. Here’s what we had. 乳豬半隻- advance order required. Crackling skin revealing tender, flavorful meat underneath; luxuriously rich but not greasy.船記叉燒皇- thick, caramelized slices of pork with a perfect balance of sweetness and savory umami. Meat was tender and juicy, with a slightly smoky undertone that suggested careful roasting.脆炸妙齡乳鴿- expertly fried with skin so cr

第一次光顧米芝蓮食肆，順理成章首次寫食評就獻畀船記。一行三人慕名而至，入到內已見座無虛席，好彩之前有訂位。       打開餐牌，好多款都想食，對於有選擇困難症嘅我哋，只好勞煩店長推介。第一道 ：淮山杞子三寶燉螺頭湯 4-6位用 ($588），已預先為我哋盛起四碗湯，跟住再𢳂起湯渣送上。先呷一口湯，好鮮甜；用筷子翻看湯渣有啲乜料，除咗淮山杞子螺肉，仲有雞腿雞腳鴨腳瘦肉豬腳等等，咁多材料，難怪啖湯清甜回甘。第二道 ：船記叉燒皇六件 ($98），肥瘦適中賣相吸引，雖然只得六件，但因為厚切，所以仍算有睇頭。 連平時只肯食全瘦叉燒嘅我，都忍唔住挾一塊，肉質軟腍入口即融，不愧米芝蓮級數。第三道 ：雞油花雕蒸中蝦配稻庭烏冬($688），隻碟好大，啲汁好多，又有烏冬，好驚食唔晒。由於蝦已被剖開對半，所以唔駛落手剝，只需用筷子輔助就去殼。 蝦肉醮上黃澄澄雞油汁放入口有一股酒香味，烏冬口感Q彈，配埋汁一齊食，好味！啲蝦切對半後，又要將之排列整齊，應該要花唔少時間，所以餐牌寫明要一日前預訂，不過我哋冇預訂都有得食，可能係店長視乎當時情況而定。最後係上湯蒜子浸豆苗胚 ($168），呢款較為普通，而且有少貴，

食物一般，環境等於一般屋邨酒樓，啲枱同未搬之前一樣好逼，大廳非常之嘈，我哋幾個朋友想傾計，連聽隔離位講嘢都有困難。最精彩係佢的服務態度， 一坐低就好似想你即刻走 ，服務態度非常差 ，晚飯大約八點，叫三個餸，兩個都冇，燒鵝冇，魚都冇，問佢仲有乜嘢可以叫，佢勞勞嘈嘈，話可以點鮑參翅肚，我哋話冇諗住食呢啲嘢，佢話就嚟收爐，嗰陣時係八點零鐘，好似怪我哋咁晏仲嗌嘢咁樣。酒店嘅價錢，澳牛嘅服務態度，被迫同長輩飲茶冇得揀，以後晚飯唔使預我。

星期日，我同我先生早上11點鐘，啱啱餐館一開門，就到來準備飲茶。當時餐館好靜，得幾枱有人坐。令人意想不到嘅係，我哋被安排坐喺旁邊有個用嚟放廚餘嘅大垃圾桶旁邊。喺咁嘅環境食嘢，真係好唔舒服又唔衛生。當我同侍應講可唔可以換枱時，佢話所有枱都已經訂晒，仲話茶都開咗，問我點解唔鍾意呢張枱。我覺得好無奈，就反問佢點解唔乾脆安排我哋喺廚房入面坐算啦。我提到我寧願去國穗軒（7樓），嗰度點心同服務都唔錯，雖然要等大約三十分鐘。最後，侍應幫我哋換咗去窗邊一張細枱，但嗰陣我已經一肚氣。可能因為咁，食物都冇咗預期中咁好食。叉燒只係一般，咬落去偏韌，冇咗今年年頭餐館未搬之前，嗰種入口溶化滋味。我懷疑嗰啲叉燒會唔會係太早來而比我哋前一晚整嘅？又，我哋食飽準備走嘅時，啲枱都未滿晒。Obviously, 嗰張廚餘枱是不需要比我哋。作為一個香港土生土長嘅美國華人，專登嚟香港重溫童年快樂回憶，順便享受正宗嘅中菜，呢次嘅用餐體驗真係令我非失望。我希望餐廳嘅老闆可以投資培訓員工，改善服務態度，對顧客多啲尊重。一啲禮貌同細心可以幫助營造更難忘嘅用餐體驗。

星期日，樓上嗰間冇枱，唔想等，去咗船記。食物質素真心覺得唔差，但服務質素真的要改善，否則真係趕客走！首先個場有好多空枱，但佢都要啲客個半鐘食完埋單走人！此外我已經盡量貼住張枱坐，但係我張凳都比佢啲侍應撞過無數次！我心諗，點解而家真係深圳啲服務態度好過香港？以前係係囯內跟香港學習！而家似乎真係要調返轉！

好少寫食評，今次唔寫過唔到自己個關。同朋友食飯食到一肚氣都係第一。一坐低餐牌都未睇茶都未斟就問你叫咩食。又話乜嘢乜嘢好新鮮要唔要留定如果唔係就冇得食。然後嗌咗幾個前菜全部都唔使煮，唔知點解要等20分鐘先至嚟到。其中一味‘子薑皮蛋’變咗老姜皮蛋，係老到一眼就睇到唔係子薑。跟住就同我哋講豬腳仔已經賣晒。睇晒成間餐廳當時只係得兩三台人客，點可能賣晒都唔知仲俾我哋落單。ok冇問題，跟住點咗幾味小菜同半隻豉油雞。仲問我哋要新鮮雞定雪雞，我哋點咗新鮮雞。啲小菜食到七七八八，然之後先至行出嚟同我哋講話豉油雞賣晒。然後問我哋想唔想叫其他嘢，我哋就叫咗個豉油王炒麵。十幾二十分鐘之後又話我哋聽豉油王炒麵做唔切，請問豉油王炒麵究竟要用幾多時間？嗰陣時九點鐘都未夠。最後叫咗甜品，其中一個係脆麻花。又係等咗十幾二十分鐘然後問佢脆麻花做好未？個答案竟然係好唔耐煩咁話‘都話咗俾你聽冇啦’，仲要係夾雜着一個非常之不滿嘅眼神咁望住我哋。佢究竟幾時話過俾我哋聽呢？唔通我飲大咗收唔到？最後埋單嘅時候竟然可以將話賣晒嘅小菜計埋落張單度。成晚咁多嘢都話冇，我哋已經好客氣好禮貌，唔該前唔該後，竟然一句道歉都冇講。已經係經理級人員

今早總是下着毛毛雨，令人不想外出午飯，故我們揀了附近的食肆（合和中心內），不用打傘，本打算去國穗軒，但𨋢到6F ，即管看看船記有冇位，之前去過幾次冇訂枱到冇位，它從船街搬到這裡我都未試過，今天竟然有2人枱！入到去見到啲枱擺得好密，幾乎全爆滿，前後椅背都是踫著，別人行過都撞到枱上東西；食物種類和價錢則同以前幾乎完全一樣，我哋點了牛肉腸、帶子餃和魚湯魚滑銀針粉，之前在舊舖吃過頗好味，但今躺比前差，帶子餃皮好厚和韌、魚湯銀針粉冇魚湯、好乾，牛肉腸還可以，但個伙記送來時啲豉油倒到枱上，他也就放下、完全沒事一樣，最後我們問有冇甜品，個女經理只用對講機叫人給我們兩碗紅豆沙，並沒有正面回覆我們就離開，服務態度真的有待改善😢