興記雲吞麵

營業中

休息中

我初幾次寫食評...寫返一D我時時食的店舖啦我平時早上多數去這間食的...因為我想減肥..這裡又有菜..食面又冇咁肥,所以選這間我多數食雲吞面,加腐乳通菜雲吞米:雲吞用鮮蝦包的...很新鮮彈牙..腐乳通菜:腐乳醬,用很香的腐乳味,菜不會太諗食完都係21完...這些舊店愈來愈少了,大家支持下啦

放左工未夠鐘同老公食飯，去食個tea先，突然好想食付乳生菜就諗起興記!可能今日係星期六，所以店內都有頗多人，但尚且有位，坐底左就即刻叫左個付乳生菜同雲吞鯪魚球米粉!雲吞鯪魚球好大粒，雲吞入面有差唔多有成隻大蝦，好彈牙!而鯪魚球並唔係出面嘅貨式，唔多粉而且好有鮮味!一碗雙拼各有3粒同一大碗粉都只係19元!係鰂魚涌應該冇幾多間有此質素而且只係呢個價錢!唯一美中不足係油菜只有生菜同通菜2款選擇，如果有埋菜芯同芥蘭就prefect!

要短時間內醫肚，選了這間開在大街上的店。點了雲吞面。雲吞正常大，餡也足，豬肉感覺上不是非常新鮮，但是ok的。面……如果想知道何謂“簡“水面，這裡有一個完美示範。面煮得不夠，非常硬。湯很重味精，我食面一定要伴湯吃，但今次例外。加加埋埋只喝了一羹湯，但條脷已有點“秘“。$14一碗雲吞面，四粒雲吞，在市區應該叫非常抵。我只能說一分錢一分貨。

這天一大早便在西灣河工作，直至十二時終於走得人還未見很餓，便打算從西灣河走路到鰂魚涌吃三文治+果汁怎料來到時突然醒過來星期日是不開門的本想走回金峰吃碗粥，但經過這裡時看到便宜的興記反正肚子已經餓著了，便走進去一試環境是典型的街坊店 桌子和椅子也不多，地方當然是「迫迫地」沒關係反正來填肚就是 要了牛肚牛筋米[$18]加油菜[$6]只需三兩分鐘，油菜(通菜)已出現在我面前一大填的 要了腩汁 菜是青綠的 還好接著就是牛肚牛筋米呀姐一拿過來時真的嚇了一嚇 份量大得有點驚人牛肚牛筋兩者也多得很! 把整整一大碗舖得滿滿的!兩者也很入味 牛肚爽口 牛筋也滿有彈性 很不錯!米粉也有不少 把整碗吃畢是十分的飽!今時今日 十八元的雙拼 六元的油菜 還可以在那裡尋呢?

因為趕時間，所以與朋友來此快速地吃一頓平價晚飯。鯪魚球紫菜麵($17)：鯪魚球四粒，體積巨大，但十分鹹，而且肉質太焾。紫菜OK。幼麵彈牙，質感OK。湯底雖是味精湯，但不算太鹹。牛腩/根麵($12)：〔沒試〕牛根/腩份量頗多，但似乎略肥。朋友說牛腩/筋很焾。豆漿($5) x2：膠樽裝。有豆味，雖然不算濃，但也不會像溝水般淡，而且可以中和太鹹的麵餸，所以感覺不錯。食物味道一般，勝在抵食夾大件。

師傅喺呢個環頭, 每日放飯閒閒地都要消費三十至四十蚊, 一d都唔算平, 有時想對自己好少少, 就五十至六十蚊都好理所當然, 有時甚至過百亦是如此, 但咁樣絕對唔係上算;師傅唯有繼續四出搜尋平靚正嘅野食, 最近比師傅發現呢間食店, 似乎值得一試!去到食店前, 望入去唔算太光猛, 師傅亦猶豫左一陣, 正當十五十六之際, (冇錯係十五十六唔係十五二十呀), 突然間比師傅瞄到個價錢, 原來呢間食店打正旗號賣十一蚊碗, 咁嘅情況下師傅幾帶就幾帶, 燒賣就燒賣, 即刻入去搵番個位坐先!入到去都幾爆下, 不過一支公就點塞都會塞到個位嘅, 坐底就即刻叫左碗雲吞米加色, 一碟油菜; 落完單再攞埋對筷子, 雲吞米加色即刻放左喺師傅面前, 正諗緊飲啖湯先定試下粒雲吞啦, 碟油菜亦同時登場, 速度之快就如同奧運100米短跑金牌得主 “保特”嘅世界紀錄一樣, 九秒八六呀!用九秒八六嘅時間放低碗雲吞米同油菜後, 師傅估計大約需用十分鐘時間就可完成賽事; 師傅即刻試下湯底, 湯底入口頗淡, 雖然已經加左腩汁, 但食然食唔到腩汁嘅香和味, 如果冇加腩汁一定仲淡口, 湯底整體係普通, 絕對帶唔起食慾; 而雲吞一碗有四粒

其實每朝返工經過呢間鋪果陣, 都聞到好香. 心成日想入去試下, 終於一次Lunch time試過, 有點點兒失望, 因麵“林”左D, 但材料很足, 絕對不會因只賣十元而欺場. 現在，我很多時早餐去這兒醫肚，因為早上有個大嬸，佢碌麵好得，唔太林，亦唔太硬. 呢間鋪所賣既牛腩唔肥同好林, 比出面好多鋪做得重要好.

order 了鮮牛米 + 油菜牛肉很滑 沒有根埋單只係 $15店員服務態度很好由 2006 年 食到今年價錢沒變水準仍能保持值得推介

咁幾通漲, 佢地仍保持食物水準, 而且價錢只係10元, 真係好好. 牛腩麵/粉 分量足, 牛腩夠味亦夠火喉.而且要讚他們的服務態度很好.

要讚$10 價錢, 但食物品質是很好, 湯沒有味精, 家中長者吃出可能有羅漢果. 我吃過雲吞,牛腩,魚蛋/片真的好吃, 而且份量足夠。服務的態度非常和善。環境雖然地方小, 但清潔乾淨, 沒有濕up. 是一間應該支持的麵店.(註: 我岩岩在另一個網站留了同一評語,因為真是我想講的)

本來以為$10一碗~又係麻麻地果D~不過又餓又熱~諗住頂住先la~點知d牛肉好滑好夠味~鯪魚球都好食~雙併$15勁抵食又好味~

近日多左吃麵餐原因好簡單因為食一餐可以快到十幾分鐘食完興記的經營模式與一般的10蚊麵檔別不大一間舖三個人搞掂哂一個負責煮麵一個樓面一個洗碗樓面一個人真的好似唔太夠我叫左個雲吞米等左一陣發覺有人遲來先上岸樓面好醒目係我未出聲己經話俾我知就到我就懷疑佢漏左單因為之後幾個order佢都唔記得碗雲吞米都有四大粒雲吞10蚊算係咁了唔可以苛求了