興記咖啡室

營業中

休息中

今日好想食西多士, 突然好掛住興記咖啡室, 但新年流流唔知有冇開, 即刻打個電話去confirm<西多士>雖然係平日晏晝, 依然有超多人同大食妹一樣黎呢間老牌冰室食西多士興記咖啡室嘅西多士係即叫即整嘅, 外面沾上蛋汁, 煎得香脆窿邊上面加咗好多嘅煉奶同牛油同其他冰室唔同, 興記嘅西多士比較樸實無華裏面雖然冇任何餡料, 但食到鬆軟嘅麵包同啖啖蛋香<鹹牛蛋治>大食妹去嗰日非常可惜, 豬扒已經賣晒, 肚餓嘅朋友就嗌咗份鹹牛蛋治滑蛋配鹹牛肉, 加上窿窿嘅多士, 簡單而好食<凍咖啡>最後飲埋杯凍咖啡少甜少冰, 就超圓滿啦

大熱天時，喺條街行到身水身汗，想話搵杯嘢飲，就見到呢一間比較有歲月痕跡嘅冰室。叫咗杯凍檸檬茶，之後見到每一枱都會叫一份西多士，一場嚟到，見到個個都食就梗係試吓啦。呢種懷舊嘅冰室通常都係冇套餐嘅，西多士同凍檸檬茶都係散叫，價錢我就唔記得，淨係影咗粉面嗰個餐牌。檸檬茶到咗再等咗一陣就有西多士食。佢係配煉奶唔係配糖膠…..um……我唔係幾鍾意食煉奶。西多士係比較軟身嗰種，唔係個面炸到好脆有一絲絲燶咗嘅雞蛋絲果隻。應該嗰件白麵包係蛋嗰度會浸得比較耐啲？吸收左比較多嘅雞蛋液，我諗係咁樣。呢一種西多士係好食過硬身嗰種，我自己覺得。但係佢又唔算話係好厚. 其實就普普通通，因為而家坊間嘅茶餐廳太多新奇有趣嘅西多士，而且好多都整得賣相又靚，味道又唔錯，可以打下卡。而呢一間係傳統嘅街坊冰室，應該都係以做熟客為主，食物中上水平，價錢就唔算平，店員親切，坐嘅環境就麻麻地。總結：路過可以試吓。～報告完畢～

踏入呢間茶餐廳就好似時光倒流。老舊，褪色，慵懶嘅感覺，仍然係啲阿伯同老細吹水，多咗嘅係慕名而來嘅小情侶，同餐牌上嘅英文。西多士加凍鴛鴦要43蚊，喺大家樂廿幾蚊就得，抵唔抵就見仁見智。喺呢度食嘅唔單止係味道，仲有 legacy 同回憶。上世紀喺呢頭住咗近十年其實都冇幫襯過興記，因為當時更好嘅選擇實在太多，不過今天大部份都已經消失，我都係喺 Openrice 見到先去幫襯。呢啲老舖我會盡量去試吓，因為唔知佢，或者我，幾時會消失。

事關維記個朵已經臭左好多年，唔係維多利亞呀！係維記咖啡粉麵，又多泡唔好食又要排隊，以前就會去漢發不過都係💙💙💙所以898。介紹番上環既興記咖啡室，試過真係番唔到轉頭，推介以下三款食物，一餐3Q不是夢呀真係！▫️豬潤麵 （$3x）湯底冇味精有住家風味，仲有薑絲驅風簡直perfect mat柱豬潤厚薄適中，煮得岩岩好，落完單兩分鐘就有得食份量夠▫️西多士食煉奶（$25）價錢ok，岩我呢啲唔中意有花生醬夾既人，多奶多油！！▫️鮮油多（$14）呢個價錢真係幾抵下，亦都係最驚喜！冇估到佢啲多士都做得咁出色，拎上手熱辣辣脆身，但輕輕一揸feel到天然波咁柔軟好有彈性，牛油亦俾得豪爽同夠凍！入口完全係冰火❄️🔥感覺...要忍住含係口慢慢品嗜。—————————————————興記咖啡室 (上環)上環蘇豪荷李活道182號地下—————————————————

呢間係上環唔起眼嘅懷舊小店，望落真係平平無奇但行近啲就見到一篇篇寫住神級西多士嘅報道對西多士鍾愛既我就決定入去試下西多士 一上枱就聞到濃濃既蛋香，平時係西多士係好難會有咁香既味道我諗因為店家係用煎既方法，令到蛋味可以揮發出黎再見到一大塊牛油同煉奶，我就忍唔住一啖接住一啖咁食太夾啦!!好好食，果然係店舖招牌豬潤麵鮮豬潤份量超多，岩岩好熟，呢到嘅豬潤偏向爽口薄身，但一樣夠潤！湯底陣陣薑味，同豬潤真係絕配！另外再點左杯阿華田恐龍好濃郁好足料!

食豬扒麵。無特別轉出前一丁。沒有任何套餐，因此，飲料都要另外叫。我就覺得單點有點不划算，沒點飲料。麵的軟硬剛剛好！一上來還帶一點硬硬的感覺特別喜歡。之後吃就完全剛剛好。這麵推薦配辣食一定要加😂這樣子味道就好很多。

在上環有一條很有名的古董街，今天是我第一次踏足這條街，途中見到人流不多，店舖亦不多開門，雖然不知道在疫情之前，這裡有多繁華，但現在是遊客消失了，古董街也消失了嗎？這實在令我覺得匪夷所思。坦白說，街道雖未破損，但也殘舊，我覺得這條街道的特色已經慢慢地消失了。今日是專誠到懷舊咖啡室品嚐神級西多士，可是自己誤會了多士與西多士的分別，結果與神級西多士緣慳一面。但這店令我明白為什麼有些舊店難以經營，其中不思進取，態度散漫絕對是重要因素。首先是裝潢，是否不裝修就是代表保留懷舊的風味？坦白說，此店毫無心思設計，裝潢簡陋，是比更老牌的餐廳更簡陋，而且在疫情期間，亦不作出任何的防疫隔版，依然保留與陌生人一起「搭桌」吃飯的傳統，好像沒有任何病毒可以打破此傳統，我不知道是懶或是節省資源的緣故而缺乏衛生措施。服務態度一般，埋怨客人沒有說清楚下單的食物，一點向客人推介西多士的意思都沒有，反而是收拾碗碟的態度積極，難以理解。豬扒米粉$30唯一值得稱讚是食物保持水準，招牌煎豬扒的確是出色，因為肉質很鬆軟，一點也不乾身，只可惜呈上時是浸湯，而不是分開另上，否則應該可嚐到鬆脆的表皮，而不是軟軟的炸皮。但味道一點也沒有變

Great place to grab a bite, family run joint who is very friendly and helpful. Always great to go there. I've had a number of food items and always ordered the milk tea to go with it. Prices are great value and atmosphere is very relaxed.

經過行去西環興記所以就入嚟試吓，糖食只有散嗌冇套餐，不過價錢都好實惠。知名西多新鮮炸起非常好食，煉奶同牛油好足，但食落一啲都唔漏。如果行開呢一頭，都好值得試吓。個奶茶都非常好飲。同埋其實都有好多其他嘢食可以揀，下次會好想試吓蛋牛治，因為見隔離食好似都好正，非常香噴噴，同埋啲通粉好似望落都好靚。小店值得支持，特別係呢一啲老店，係呢啲老店食野零舍有特色，唔係一般鋪頭可以取代。值得來試下，非常誠意推介。

大食妹同朋友仔去興記食lunch之前係openrice見到佢嘅西多士好吸引, 就暗暗地mark左係to eat list<西多士>興記嘅西多士有好重嘅蛋香味炸得外脆內軟, 上面仲有好多牛油同煉奶而且仲係即叫即整<煎豬扒>煎豬扒應該係有加薑蓉調味, 食落咸咸地, 肉質彈牙, 好好食<餐蛋麵>餐蛋麪就比較standard, 但荷包蛋係流心嫁而且餐肉都係厚切嫁雖然興記位置唔係好放便, 但依然好多人食可能係因為又抵又好食呢會encore

感覺上興記咖啡是來自於上世紀六、七十年代。那時候的平民食店，選擇不多，卻用心做好每一碟食物。我和朋友偶然來到上環，想在云云西式咖啡店中尋找一些飽肚一點、卻又未到正餐份量的食物，於是看上了興記。興記好像沒有米飯供應（有錯請指正，我在餐牌和牆上的牌也未能找到），我和朋友分別點了西多士和豬排蛋麵。食物奉上來，熱騰騰的，西多士非常香，牛油和練奶份量也絕不吝嗇！我最欣賞的是那外脆內軟，仍是雪白方包模樣的內層。大口吃下，濃厚的醬料能把一切混和；或把它一份份切開，讓內層也沾滿醬汁，兩種食法也同樣能令人滿足。至於我朋友點的豬扒麵，我嚐了一口，吃得出茶餐廳為豬扒特調的味道，感覺這間茶餐廳願意用心製作食物。而再看那半熟的蛋黃，心感這才是每一份蛋麵應該有的規格啊！（當然現實是很多茶餐廳的蛋麵也只是求其一隻蛋......）

就在古董街，以后多了个吃早餐的选择了～都是街坊，点了个神奇西多士和冻奶茶～的确像传说中的不腻，因为外面裹的鸡蛋煎，蛋味很浓，还有足量的炼乳，炼乳稀的，又不会太厚重，吃完一个也还好奶茶甜了点，茶味的甘有点淡

一間裝修簡簡單單噶冰室，但系裏面滴野食就一d都吾簡單喔！豬扒番茄通粉系我噶摯愛，豬扒煎得好香口，搞到我流曬口水，外層煎得夠曬火候，但系又吾隆，好正，個湯系番茄湯來噶，番茄湯底好香濃，番茄味好足，酸酸地，夠曬醒胃，通粉煮的剛剛好，吾會太淋，有口感！

家樓下的多年茶餐廳（以前是叫冰室、咖啡室）雖然價錢跟小時候不同，但還是跟現時茶餐廳便宜很多，20幾元可以食到一個麵，還要是很高質素的，只是看餸料就知道，是平時街外的3-4倍；我還叫了咸牛肉蛋治$18、豬扒蛋治$26，我敢說是我廿多年吃過最好吃的，麵包烘得脆脆的，裡面餡料是爆發出來的，真的每天都要吃一份。公司米粉$36 有雪菜、炸菜、牛肉、冬菇、菜心，還有大大碗米粉；餸菜滿滿真係非常抵食，依個已經係豪華餐，全店最貴的

懷舊傳統老店，黎嘅人好多都係熟客，個個都好似識得啲店員咁，好有人情味西多士 📍 $22 馳名西多士原來係浸滿蛋漿之後再攞去煎，唔怪得之咁香啦 😋 加埋 煉奶同牛油，好邪惡。😈 不過真係好好食凍奶茶 📍 $15奶茶又香又滑，色水都好靚。大熱天時飲返杯有質數嘅港式奶茶，好滿足 😁