興旺廚房

營業中

休息中

今天去完教堂諗住去買個3餸飯叫咗木耳蒸雞,薯仔雞和青掓豬肚比錢時阿姐話3個餸都係肉加$5咁好啦我俾啦點知返到屋企打開盒飯木耳蒸雞俾哂雞翼尖我青椒豬肚得一舊豬肚成個餐收我$51但係取巧比埋d餸頭餸尾你食呃錢到極

最近我去咗一間新開嘅小菜館—興旺廚房，聽聞係由一位酒樓大廚開設，心裡無比期待。佢哋主打三餸飯，當然我哋唔可以錯過！今次我哋點咗蝦、滑蛋同肉餅。蝦：蝦嘅新鮮程度真係令人驚喜，每一隻蝦都肉質鮮嫩，外皮煮得剛剛好，唔會過火，保留咗蝦嘅原汁原味。配上佢自家製的醬油，味道更加凸顯，真係一口咬落去，鮮味四溢。滑蛋:滑蛋就係另一個亮點！蛋液打得好幼滑，煮到恰到好處，口感柔軟，入口即化。佢哋用咗少少嘅蝦仁同蔥花，增添咗香氣，配上白飯，更加好味。肉餅：肉餅亦都唔容小覷，肉質鬆軟，味道濃郁。佢哋用咗細膩嘅調味，令肉餅唔會太膩，反而有種回味無窮嘅感覺。搭配上一啲自家製嘅甜醬，簡直係絕配。總體來講，興旺廚房嘅每一道菜都體現咗大廚對食材嘅用心同執著。環境舒適，服務亦都友善，無論係家庭聚餐或者朋友小聚，都非常適合。下次我一定仲會再嚟試下其他菜式！

西營盤真係一個好地方 鍾意呢啲舊區有貼地嘅食店今次仲比我發掘到一間勁好味嘅兩餸飯不過星期五 一於奢侈啲 叫多幾款餸老闆娘推介一字骨、雞鎚、大蝦、鮑魚平時好怕啲肉醃到冇晒口感呢度又冇喎 仲要過到嘴刁嘅屋企人嗰關一字骨甜甜地 唔會話骨多過肉 咬落去係正常肉嘅口感就係咁已經夠開心 唔會太腍唔會好嚡薯仔拼黑椒雞鎚又好惹味 仲要剛剛出爐陳皮蒸鮑魚 鮑魚鮮味彈牙已經去咗啲內臟位 帶有淡淡嘅陳皮香氣 煎大蝦隻隻都超巨型 食落爽口彈牙好新鮮另外重點咗蒜蓉炒萵筍 仲有啲靚靚嘅魷魚圈㗎原來呢度係酒樓大廚開嘅 果然有質素嘅保證

興旺廚房 地址: 西環西營盤皇后大道西302號地舖電話: =====================兩餸飯大行其道，開到總有一間係附近，其實好多香港人工佢作忙放工累，都是出街解決晚餐兩個人食，買兩個飯，share 餸食份量岩岩好 $36 兩餸 $45 3餸，價錢包drink / soup 叫了兩盒3餸飯，有炒四季豆，咕嚕肉，雞追薯仔，涼瓜炒蛋，肉餅同西蘭花，都是2肉一菜好平均咕嚕肉酸甜開胃，肉餅肥瘦比例好，混合在加鹹蛋，雞追連個薯仔都好入味，下飯一流。#好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

做嘢經過西環， 幾多人推薦嘅雙餸飯。兩餸一飯$36 ，喺港島區唔算貴。而且有肉類、海鮮、蔬菜，款式幾多。呢日我買飯嘅時候都覺得唔少食客都係附近嘅街坊。我叫咗三餸飯，分別係一份咕嚕肉，一份炸雞，一份宮保雞丁。雖然三款係肉類，但係味道好唔同，唔知其他餐廳成日都係同一個味道。咕嚕肉酸酸甜甜，好適合配白飯食。炸雞係店員推介嘅，我哋即刻食覺得真係好好味，因為係新鮮炸起。宮保雞丁少少辣幾好味。整體來講性價比幾高，下次經過會試吓其他餸菜。

早幾日做完嘢喺西環買嘢返屋企食，佢哋除咗有雙餸飯，亦有小炒粉麵食，性價比超級高😍😍😍！高質兩餸飯$36，三餸飯$45，送例湯或熱飲。鑊氣小菜$48，大熱天時買外賣好過自己身水身汗落手煮。😆餸菜嘅款式好多，接近20款，多到好難揀，估唔到佢哋仲有開邊龍蝦🦞，真係好誇張。仲間唔中會有新煮好嘅菜式上架，熱辣辣好吸引😋。🥢魚香茄子🍆好香魚露同鹹魚味道，豬肉碎嘅份量都唔少，呢款好啱撈飯。🥢西蘭花炒雜菌清新又健康，亦唔會太油膩。🥢咕嚕肉酸甜惹味，多肉少骨。🥢西檸雞啱啱炸起勁香脆，甜甜地好啱小朋友食。🥢宮保雞丁炒得好香，雞肉又唔會嚡，🌶辣辣地幾好味。📍興旺廚房 (西環)西環皇后大道西302號地舖

屋企攝咗張「興旺廚房 」嘅傳單，兩餸飯店終於開到嚟西營盤。星期日出完街好攰，加上天氣好熱🥵，所以就決定去買外賣試吓。店舖攤晒啲餸出嚟，選擇都幾多，賣相算吸引，當中有唔少海鮮🦐，不過好似價錢就另計。但我哋想簡單食個快飯，所以嗌普通餸就好了。我哋買咗一盒兩餸飯($36)同一盒淨餸($48)，包飲品或例湯，價錢大眾化🏡。豉椒炒蜆，🐚蜆都有十幾隻，雖然唔大隻，但都算肥美。豉椒味道OK，唔會太鹹。椒鹽豬扒，🐷豬扒連骨，炒得幾入味，椒鹽香口，而豬扒肉質亦都唔嚡。烤雞鎚，🍗雞鎚有四隻，外層加咗少少蜜糖拎去烤，所以食落甜甜哋。粟米班腩，🐟班腩大大件，炸皮偏厚身，粟米汁適合撈飯，鍾意嘅可以試吓叫多汁。總括嚟講，如果有時候唔想煮飯，兩餸飯店幫到你，價錢經濟實惠，自己買餸都差唔多錢啦🏡，而且款式多，總有一款啱食。

興旺廚房係酒樓廚師開設小菜外賣店，喺西環皇后大道西！ 除咗有兩餸同三餸飯外， 都有其他即叫即煮嘅小菜同粉麵飯，亦可以各種海鮮來料加工收費便宜！ 見到好多人排兩餸同三餸飯，所以都試下！ 款式好多， 菜魚肉都有， 仲有龍蝦食添！ 兩餸飯四季豆四季豆炒得好有鑊氣， 而且夠淋！ 酸甜魚有少少辣， 甜甜哋唔錯， 魚嘅份量適中， 一人食嘅兩餸飯都夠飽！ 唔想食飯好以要淨餸黑醋骨肉質幾淋,，唔會淨係得骨都有啖啖肉，唔會好鞋好實! 👍🏻椒鹽豬扒豬扒好入味， 件數幾多下， 厚身 可算湯或飲品節瓜湯清甜！

打風日，都係喺屋企樓下買外賣返屋企食~依家三餸飯新開張咗一陣，都未試過 今日見佢都有開門，一於就試吓啦！呢度兩餸飯$36,三餸飯$45，已經包括例湯或者熱飲 如果要半邊龍蝦就$55見到啲餸菜都幾靚，叫咗個三餸飯加半邊龍蝦🦞要咗一碗例湯同熱奶茶🥤三餸飯分別係雲耳蒸雞、三色水蛋同埋雜菌豆腐賣相都幾靚，最欣賞係個三色水蛋，蛋味濃郁，非常香滑、底部仲有鹹蛋同皮蛋！有心思嘅菜式～至於半邊龍蝦 都幾新鮮，蝦肉非常彈牙爽口，啖啖肉 份量都唔細～例湯清甜，應該冇乜點樣落味精，收貨～至於熱奶茶就非常濃郁，鍾意飲絲襪奶茶嘅唔好錯過！

興旺廚房 (西環)西環皇后大道西302號地舖教你如何用$150變出3人份量架午餐, 中式小菜外賣店就可以完成到！呢個看似不可能架任務啦, 仲要買到成5個菜, 真係自己去街市買材料都唔止啦!重投每日準時起身返OFFICE生活, 再沒有靈活WORK FROM HOME 日子, 買飯返公司食唔洗迫餐死又平D。除了有淨餸,其實店兼賣飯盒, 一盒兩餸飯36元包熱飲品或湯， 淨餸48元 。透明玻璃窗見到中午都有成15款左右架餸可以揀。點左菠蘿生炒骨, 鹹蛋肉餅, 西蘭花炒蝦, 蒸水蛋, 仲有海鮮好似蝦同蜆,下次叫。西蘭花爽口脆綠,蝦仁都幾大隻。鹹蛋肉餅勁多肉汁, 肥肉比例各佔一半入口好滑, 中間架鹹蛋黃亦是美味之源。菠蘿生炒骨個汁無沉到排骨肉淋曬, 個汁甜甜酸酸好開胃。蒸水蛋,我自己鍾意食, 都幾滑滑表面無毛孔。中午多人買去得快KEEP 住有辣餸REFILL, 同呢間都幾大方, 每盒拎上手都重手的。

而家兩餸飯開到成行成市周圍都見到，呢間新開嘅興旺廚房，有勁多選擇。見到呢間有埋鑊氣小炒。一於試吓買返屋企加餸😝$36兩餸飯/$48 三餸飯。仲送埋例湯同埋熱飲（凍飲加$3）我同老公因為想試多幾味，所以嗌咗少飯，加個小炒🤪兩餸飯叫左煎肉餅同埋生炒骨，好有鑊氣，非常美味。小炒叫左蒜蓉大蝦炒西蘭花，同埋薑蔥炒蟹，非常新鮮，真係媲美酒樓出品。👍最緊要係米飯班主都讚好食😂，下次一定會再試多幾樣唔同嘅款式。以後唔使喺屋企煮飯啦😝👍

兩餸飯越來越當旺，絕對是窮人恩物！屋企嗰區都開咗張送飯舖頭，煮一餐飯又要切又要洗，兩餸飯絕對是我們打工仔下班後最佳晚餐！這家兩餸飯舖頭有十幾二十款餸，蒸炒煮炸，海鮮，肉類，蔬菜樣樣都齊！真係眼花撩亂！今次我揀咗咕嚕肉、炸斑腩、椒鹽蝦、牛仔骨！兩餸飯$36，三餸飯$45，送例湯或者飲品！今日湯有木瓜湯，好甜！餸嘅質素好好，蝦好大隻，椒鹽惹味，蝦彈牙！斑腩脆口，同酒樓食到嘅一樣！牛仔骨好腍，夠鑊氣！人氣嘅咕嚕肉一樣咁出色！兩餸飯除咗價錢平係一個重要嘅考慮，食物嘅質素都非常之重要，每日工作咁辛苦，都想食返一餐好嘅！呢間兩餸飯嘅質素絕對可以！

近排又唔敢堂食，見到公司附近新開2餸飯，平平地去試下😂2 餸唔貴$36有老火湯送甜酸排骨個人喜歡佢係用三色椒，加埋甜酸汁炒起好鮮甜！排骨不太肥，肉骨比例岩岩好，唔會太多骨/油位！魚香茄子有住家味道，唔辣有魚香，最岩撈下飯本想只叫2餸飯，但見到椒鹽蝦岩岩出爐，咁就忍唔到叫多個小炒雙拼 椒鹽蝦因為熱辣辣炒起，好香脆，辣辣地好惹味，蝦肉好新鮮！極好食西蘭花蝦仁雖然都係蝦，但重點其實係西蘭花！夠爽又好食，最快食晒既竟然係西蘭花😂！食多些菜健康D肉骨湯例湯夠熱，兩大舊肉骨，雖然我唔習慣食湯榨，但湯水不太咸，感覺冇味精，唔油！好好飲既老火湯發現竟然有龍蝦🦞$55 下次有機會可以試下！！

番工咁攰，買幾個餸番屋企就唔使煮。 呢度都有好多款餸揀，出街食野最煩係冇咩菜食，呢度海鮮、肉類、蔬菜都齊晒。 叫咗5款，豉椒炒肥蜆、黑椒牛仔骨、冰梅醬豬扒、口水雞、 魚香茄子，每一份份量都唔少👍🏻豉椒炒肥蜆非常惹味，隻隻蜆都又大隻又新鮮。黑椒牛仔骨幾重黑椒味，又有啲青紅椒做伴菜，牛仔骨都有幾多肉，而且食落好嫩唔會柴。冰梅醬豬扒豬扒厚身又夠淋，冰梅醬食落酸酸甜甜，又有啲梅子味，幾特別。口水雞雞件好嫩滑，辣度啱啱好。魚香茄子茄子唔會煮到軟爛晒，食落又唔算油膩，撈飯一流！

近期常常都聽到人地說會吃兩餸飯，今天終於膽粗粗買了幾盒小菜回家加餸，但原來，質素又幾好啊，款式也多，味道也不錯，價錢也ok～豉汁蒸倉魚～真的是原條啊，倉魚多肉，肥美的，蒸得剛剛好～菠蘿生炒骨～一盒有很多啊，排骨肉也多，酸甜味道剛剛好～椒鹽蝦～這個蝦很新鮮，肉質彈實，微微的辣，很惹味～西蘭花炒蝦～炒的蝦並不是細細的蝦仁，而是大蝦啊，這個很驚喜啊，蝦很新鮮又彈牙，不錯～蒜蓉扇貝蒸粉絲～這個一盒有4隻，蒜蓉跟扇貝及粉絲真的最佳配搭，蒜蓉惹味，加上扇貝的鮮味，粉絲吸盡精華超正～