影片
港鐵元朗站 F 出口, 步行約9分鐘; F出口穿過YOHO Mall II，沿天橋步行至鳳琴街
繼續閱讀
營業時間
*最後落單時間: 21:30
星期一至日
12:00 - 22:00
以上資料只供參考, 請與餐廳確認詳情
元朗西鐵站附近性價比極高的放題餐廳 - 臻臻日韓放題本身唸住同朋友係大型商場食生日飯既, 唸住落樓下就係西鐵站方便大家食完番屋企, 壽星公就想食D平時無咁常食到既野同埋搵個靜D既地方大家傾下計, 於是大家就行遠少少去到鳳琴街唸住睇下有咩食啦~轉角就見到幾隻貓貓係櫥窗前, 吸引左 大家既眼球!行近D睇原來係一間放題餐廳, 見做緊85折, 就行入去試下啦~餐廳大約有20-30個座位, 不過餐廳都係岩岩開業, 知名度唔算高, 所以晚市都未坐滿人。餐廳裝潢簡單舒服既感覺, 明亮光猛。甜品區,飲品區, 熟食區擺設清晰。餐廳採用二維碼點餐, 大約有近80款食物飲品可以點, 比起其他連鎖集團放題餐廳仲要多好多倍! 食物都係一D大路野,基本上你唸到既野都有得食, 例如韓國炸雞, 鰻魚壽司, 虎蝦。特別少少既應該係石頭鍋飯。飲品20款放哂係兩個大雪櫃, 有貼心咁提供埋無糖飲品! 甜品無雪糕但有好多整好左既糕點同大大枝朱古力雪條 ! 以二百中既價錢食到咁多野又坐得舒服又有貓貓睇, 香港應該無乜邊度有! 一定會再黎翻卓 ! 臻臻日韓放題地址: 元朗鳳琴街玉龍樓下3及6號鋪訂座電話 : 2633 2963營業時間: 星期一至日 12:00 - 23:00
繼續閱讀
星期日晏晝係元朗搵食，比較隨心地入左呢間餐廳。唔洗等位，地方闊落，門口仲有貓貓睇。北海道刺身丼刺身夠鮮甜，份量亦算不少。一次過試到虎蝦、帶子、三文魚等質素唔差嘅刺身，對一餐lunch黎講已經好好。而且價錢都合理。火炙三文魚腩丼一開始見到紅紅橙橙嘅火炙三文魚腩，賣相真係唔太開胃，以為中左伏。但係食落原來辣辣地，雖然同預期中有落差，但味道係幾夾丼飯口山嘅。連魚皮嘅三文魚腩，更有咬口，口感特別。蜜糖芥末韓式炸雞蜜糖芥末味道同炸雞係夾嘅。炸雞炸皮偏薄，雞肉冇醃過嘅味道，同想像中嗁韓式炸雞有一段距離。二人埋單連加一 $245
繼續閱讀
今晚經過見佢新開嘅日韓放題，新開期間全單85折，咁就入去試下，一入去門口有2隻貓店長，好可愛😍都好闊落冷氣夠坐得舒服入座後員工會話你聽用QR落單，有啲前菜係出面自己拎，野飲都係自己拎，飲品款式唔多，但有果隻蘆薈野飲已經夠我飲😂冷盤竟然有佢自家製嘅醉鴨舌，好食渦，淨係我果檯都差唔多食哂佢成兜😂唔知下次黎會唔會仲有呢😂佢仲有麻辣魚皮，我未食過放題冷盤有呢啲野，又係好食架渦食物方面都係放題食到嘅野，真係唯一一次食放題啲炸物係熱架，啲野食似係即叫即整，個一口芝士，我夾開係出哂煙，好食，個黑松露醬薯條炸脆啲就更加好三文魚刺身好厚，不過我鐘意食薄返少少嘅，因為真係會好「漏」佢有部隊鍋、石鍋飯、壽喜燒（比較甜）二百幾蚊位，可以再有下次
繼續閱讀