臺坊 (香江大廈)

營業中

休息中

🔸蒜香岩漿煙肉蛋餅 ($45) 😋4/5一碟四件，每件滿滿厚厚的，夾起有拉絲效果。外煎得微焦，內餡豐富，蒜香倒不太突出。🔸手撕雞拌麵 ($60) 😋3.5/5手撕雞少少粗糙，需時咬但但不算有渣。肉燥拌麵，肉燥分量足夠，少許油膩但滿足。🔸洋蔥肥牛蓋飯 ($55) 😋3.5/5肥牛蓋飯接近日本牛肉飯連鎖店的味道，牛則比較厚及少少粗糙。吃到最後剩下飯時，底部是油光閃閃的油浸飯，才驚覺有那麼點不健康。環境：🖼️🖼️店舖較細，吃飯時間需等候，亦需搭枱。服務： 🤗🤗🤗正常，要到收銀處自助點餐，上菜快。✴️總結：在附近上班的好選擇。

想食下午茶，唔想食咁多嘢揀咗呢間台灣店，可以揀主食，亦有唔同小食嗌。簡簡單單嗌咗個蒜香岩漿煙肉蛋餅，仲有香芋珍珠奶綠。呢個簡單下午茶，一啲都唔簡單，一上菜俾佢個份量嚇親。喺出面平時蛋餅嘅兩倍size！蛋餅捲到勁厚勁大條，用咗好多隻雞蛋，蛋味非常濃郁！煙肉煎完脆卜卜，加埋蒜香醬非常香，仲有極之邪惡嘅拉絲芝士🧀🧀 食一個蛋餅等於食咗成碗麵😂香芋珍珠奶綠嗌咗微糖，因為珍珠本身都有黑糖，非常煙靭~香芋味唔算特別出，奶味比綠茶味更重！😍係灣仔地鐵站一出就係，好方便嘅台式店😍

因為改左名既關係所以要親自去入境處整passport🫠十點幾到籌都派哂，既然黎到我排左接近三個鐘先到我，最後都唔洗見主任用自助機就得，網上資料呃人既，嬲.等左三個鐘我又肚餓又口渴🫠整完立即係附近餐廳醫肚，真係餓死寶寶，見到有間台灣野幾吸引就入左去😎.手撕雞肉燥飯 $60雞肉份量多，手撕雞嫩滑，肉燥同平時食開既肉燥唔同味🤔份量多到食唔哂.鹽酥雞肉燥拌麵 $63鹽酥雞同肉燥都有別於平時食開既味道，唔岩我口味，可能湯麵會好食啲🤔同埋地份量多到食唔哂.炸花枝丸 $40正常發揮，無乜特別.海苔魷魚鬚 $40好香海苔味，魷魚鬚炸到脆卜卜好好食.香芋珍珠奶綠🧋(跟餐+$10)珍珠煙韌，香芋味就係用香芋奶茶粉沖既味道.珍珠奶茶(跟餐+$8)珍珠煙韌，奶茶唔太甜幾好~

喺灣仔咁繁忙嘅一個地帶仍然充滿着各國嘅餐廳真係非常難得， 舊有嘅餐廳，故知然仍然保持一貫嘅味道。😌不過亦都見多左唔少新開嘅餐廳都有佢哋嘅特色之作，喺灣仔裏面比較少嘅反而係台灣嘢食，所以一搵到有嘅話到唔理咁多，一於食咗先講。 🤪就係呢一間臺坊，裏面嘅食物都係台灣口味為主，亦都偏正宗，重拾一下旅遊嘅味道😗香辣牛肉麵— 🍜去台灣食得最多嘅正餐絕對係牛肉麵，湯底夠香牛肉味濃再加埋彈牙嘅面絕對係溫暖嘅主食。 🍜呢度嘅香辣牛肉麵採用嘅當然亦都係正宗台灣牛肉，🥩有啲似坑腩嘅部份，經過長時間嘅熬製之後牛肉已經變到非常淰身，🥩肉味都係仍然非常香濃，再加埋個湯底色澤都係夠晒牛味，🥩始終台灣正宗面。 再加埋紅蘿蔔同埋白蘿蔔，令到個湯底更加鮮甜。🍜至於個面亦都係非常特別嘅構造，台灣麵通常帶有少少糯性，🍜粗幼度適中，麥味稍稍重啲，非常有飽肚感，如果唔夠辣嘅話，更加可以落埋餐廳佢哋另外有一樽嘅麻辣醬，🌶️點牛或者配湯底都認真一流🍜芋香珍珠綠茶— 🧋去到台灣通常飲品都係珍珠奶茶作為主打。好欣賞佢哋嘅珍珠唔係軟林林，亦都唔係硬梆梆，🧋而係極度煙韌，🧋比起任何手搖飲品店都有過之而無不及。🧋加埋芋香嘅份量真係幾足，整體甜度

有日去駱克道睇完裝修嘢，黃昏時間覺肚餓，見到間企理嘅台式餐廳忍唔住入咗去食。話說入座嘅時候餐廳冇乜人，入去果下都淆底會係伏嘢，但好想食蛋餅最後都係揀咗坐低食。點知坐低唔夠5分鐘成間餐廳就坐滿人，我個心當堂定咗好多好中意個醬罌。餐牌有好多款地道台灣飯麵選擇，而且價錢麵親民，隔離枱點咗牛肉麵，見到份量都好大份，拎個餐牌睇下都只係六十零蚊。另外小食同飲品種類都好多選擇，價錢都係親民價。蛋餅餡料我揀咗芝士加肉鬆，製作過程大約需時10分鐘。蛋餅份量比我預期大好多，本身諗住當late afternoon tea食，結果食完個蛋餅晚飯都唔使食。蛋餅皮煙靱，餡料飽滿，整個蛋餅入面都有滿滿嘅芝士、蛋同肉鬆，雖然餡料豐富但蛋餅咬嘅時候都冇散開，每啖都食到唔同嘅餡料，香味十足，呢個蛋餅出食出乎意料咁好食，亦出乎意料咁有台灣味道，下次台灣癮起可以嚟止癮另外叫咗杯冬瓜仙草茶，茶底同仙草都唔太甜，味道係台灣味。

今日超凍，食碗熱辣辣嘅麵成為咗出門口嘅動力！🦾今次嚟到呢間灣仔地鐵站旁既臺坊，門口有部機，專俾人點外賣，幾方便喎😆又唔使入舖頭阻到人👍🏽不過款式就比堂食少啲啲，所以我都係揀左堂食😜餐牌都好豐富，飯、麵、伴麵都有仲有好多台式小食！😛我叫左呢到既招牌：紅燒牛肉麵 （加七蚊轉咗刀削麵，掛啲湯多啲～）牛腩條份量好多，剛剛好軟熟，亦好入味之餘又唔會好鹹，👍🏽湯汁唔會太重鹵水，融入牛肉、洋蔥、蕃茄精華睇落好濃厚，但飲起上嚟係非常溫和嘅口感，唔會覺得好heavy! 👍🏽非常樸實又單純既好滋味😋另外再跟餐叫左杯黑糖仙草凍～甜甜哋，好適合食完牛肉時飲，令個人refresh 一下😝下次再嚟要試吓佢既蛋餅呢💛🧡

看話劇前在演藝附近找點吃的, 一個人逛逛走到駱克道轉彎位的臺坊, 門面不大但燈火通明, 很久沒吃台麵了, 就被吸引入去簡潔的裝潢沒有太多花巧, 就是專門的台灣麵食與燥飯, 當然少不了珍珠奶茶等台飲沒想太多就點了招牌的紅燒牛肉麵, 特別叫了少麵, 麵端上來還是超多的, 如果正常份量, 男士應該也吃得肚脹牛腩牛筋每種各有2-3件, 而且size 不小, 對於女生如我其實單吃肉已經很飽; 可是吃下來牛腩軟綿, 肉汁非常豐足, 還是忍不住全部吃下每件牛腩都足有2-3根手指的大小本來不算十分熱愛牛筋, 卻將全部牛筋吃下肚, 煙韌味濃, 口感很滿足麵中還有紅白蘿蔔幾件, 吸滿了香濃麵湯, 很飽了還是忍不住清碗門口還有方面外賣的自助售票機

好耐冇去台灣，今日特登嚟呢間店過一過台灣口癮店舖喺灣仔站A2出口過一條馬路就到，位置方便😊門面用嘅木磚令我諗起台灣嘅店，竟然有蛋餅😍實在太好啦入到去大約五點幾嘅時間，未好多人住Menu如下👇🏻佢啲小食好多都係同台灣夜市嘅一樣😍😍真係想全部都嚟一碟店舖都有唔少掛起牆壁嘅招牌我叫咗1️⃣香辣牛肉湯麵十級推薦呢個，牛肉份量超多，3-4塊，仲有牛筋😇可以見到每舊牛肉都大大嚿，一啲都唔鞋，食落都幾軟，少少韌，不過我幾鍾意呢種口感。仲有牛筋，忟煮得好軟滑，軟咬😇😇面底如上圖，煮得好有彈性，唔會話泰淋。最讚係個湯底，牛肉味濃，重點係啖啖都辣辣地💓💓我差唔多飲晒😂成碗麵好足料仲有紅蘿蔔，白蘿蔔，入口即溶，一碗麵其實都夠兩個人食。2️⃣芝士肉鬆蛋餅喺台灣最鍾意就係食早餐店啲蛋餅又平又好味。今次終於可以試吓啦！d cheese好厚撈埋啲蛋餅皮真係好惹味, 加埋肉鬆，鹹鹹地咁，相信如果醬汁再俾多啲會更好味。食完個面已經有啲飽所以我都打包左啲蛋餅返去。跟餐嘢飲$12嗌咗個香芋珍珠奶綠，少甜常溫，香芋味濃，只係杯嘢飲都係凍凍地。店舖有買自家製嘅麻辣油，鍾意嘅朋友可以值得一試，因為個香辣牛肉麵湯都好好味下次再encore

呢個同朋友去灣仔行街，去到夜晚搵咗一間台式餐廳食dinner。舖頭唔算好大㗎，但位置非常方便。打開餐牌，見到有好多選擇，有全日餐、肉燥拌麵、牛肉麵、藥膳米線、台式蛋餅同埋其他小食等。我地點左兩個主食同埋兩杯飲品。首先係手撕雞肉燥拌麵，呢間店既份量都幾多，好抵食，岩哂大食既朋友仔。拌麵上面一半係撕成一條條既手斯雞，一半係肉燥，再加埋半隻蛋，幾豐富。另外，仲點左炸豆腐肉燥飯，炸豆腐外脆內軟，肉燥份量依然係咁多，好滿足啊。黎食台灣菜當然要點返杯台式飲品啦，我地分別點左小麥胚芽奶茶同埋珍珠奶綠。小麥胚芽奶茶啖啖都有小麥既香味，同埋唔會太甜，唔錯。我地仲加左珍珠，珍珠軟硬度適中！另外，杯珍珠奶綠都唔錯。

最近皮膚唔好食野都要戒下口不能夠太邪惡🙈今日去灣仔駱克道附近睇完浴室潔具想休息一下，路過依間臺坊就想食台式野了🐒於是決定揀最健康ge 藥膳米線糸列✨🐰藥膳豬扒米線佢個藥膳湯底好易入口，主要紅棗、杞子、蔥花、芽菜都豐富左每一口米線ge 口感✨而炸豬扒雖然賣相睇落有少少乾，但入口並非如此，有肉汁之餘亦有肥有瘦，炸得香脆但唔會食到「口鞋脷掘」✨🐰珍珠奶茶走冰走甜店員最初上錯杯正常珍奶俾我，我又掛住打卡冇為意插左支飲管影相🙈直到鄰桌的人表示佢冇叫珍奶走冰走甜🙈店員二話不說就即刻幫我地換🙏🏻謝謝🙏🏻鹽酥雞同蛋餅其實都好正咁🐒下次等皮膚好d 再試🐰

今晚同朋友黎灣仔食飯，想食台灣野，就試下呢間。呢度位置好近地鐵站，好方便。店舖牆上放左好多台式食物相。同朋友睇完餐牌，決定要手撕雞肉燥拌麵、炸豆腐肉燥飯、珍珠奶綠同小麥胚芽奶茶。手撕雞肉燥拌麵，手撕雞幾嫩滑，份量都算多，肉燥味道都唔錯，加埋配料醃菜同滷蛋，中和肉既香濃感覺，將所有野連麵一齊撈埋食，好食😋炸豆腐肉燥飯，炸豆腐外脆內軟，好香口🤤，搭配肉燥同滷蛋，好有台灣風味。珍珠奶綠，珍珠甜而不膩，而且夠彈牙，奶綠味道惹味，加埋黑糖珍珠，成杯感覺甜度岩岩好。小麥胚芽奶茶，呢杯朋友叫既，但我都飲左啖😁多左小麥胚芽增加成杯奶茶口感，好飲😋

一講台灣牛肉麵，好多餐廳都賣差唔多1百蚊，但呢度只需65蚊，仲要大大碗，我同媽咪分黎食，加埋杯野飲，當午餐都夠飽。呢度牛肉麵有兩款，分別係紅燒和香辣。落單時問店員得悉香辣有得揀少辣，所以只能食5小辣既我都揀左香辣牛肉麵。牛腩夠軟夠入味，仲要有成3大舊。湯底濃郁但不油，飲左幾啖都唔覺口渴，少辣辣度同5小辣差不多。牛筋好滑，有d咬口，配埋紅白蘿蔔，好豐富。麵可揀幼麵或加$6轉刀削麵，我就揀左幼麵。份量真成好鬼多，夾左一大“住”，都仲有咁多係個碗度。最重要係麵既味道不差，滑身得黎，仲有d麥香，就算食得慢，浸得耐都唔會一夾就斷。呢杯香芋珍珠奶綠既珍珠有黑糖味，口感夠Q彈，無死實實。香芋味道自然，少甜甜度同一般屋仔奶差不多，對我黎講岩岩好。珍珠份量有接近2份之3杯，飲完好滿足係灣仔站A出口行天橋過黎唔洗5分鐘，好方便。全部野食都好似幾有台灣特色。

呢日黎駱克道睇廁所裝修，順便食個下午茶，hea一下。行過見呢間小店絡繹不絕，不斷有客進出，睇下menu見價錢不高，自己又好耐無食台灣野，於是入左去食少少野當下午茶。Menu主要係台式麵飯、小食和飲品。呢杯係水蜜桃梳打跟餐只需$12，提供成罐玉泉梳打水比我自己沖，夠凍又夠氣，好爽。水蜜桃糖漿好夠水蜜桃味，沖哂成罐玉泉加埋冰，都夠味，仲要無死甜，味道夠自然。蒜香岩漿煙肉蛋餅有成4大件，$45價錢好合理。個餅皮煎到好爽脆，夠酥香。餡料好豐富同足料，每啖都有蛋同煙肉，配埋餅皮上少許既蒜蓉同Cheese，味道有層次得黎，不會過重，真係有d台灣夜巿既感覺。店舖不大，大概可容納20人，但裝修企理簡約，食得幾舒服。

一早食過尖沙咀臺坊了😳呢到比我印象都係大件夾抵食，肉燥係我最愛，不論係配飯定係麵都正！原來灣仔都有分店，揀好嘢食就可以自己去收銀嗰度落單！因為好肚餓，所以要食飯🫣配我最愛嘅鹽酥雞，冇諗過佢咁大兜，有四件大大件鹽酥雞，外層脆內裏嫩，肉燥有少少甜味，食落香口上面仲有啲酸菜粒，令成個飯有更多層次。另外我都好鍾意佢哋嘅辣椒油🫣每次食佢哋肉燥飯都會加少少辣椒油，更加好食！嘢飲方面，揀咗黑糖仙草凍🤭有得少甜，所以味道啱啱好，黑糖味道香濃，整體感覺都好好。

去開灣仔，辦完文件，又到午餐時間，突然想食台灣野，行左一陣，經過見到臺坊，睇落都幾吸引，就試試看吧！我大約2點到，都幾多人，幸好等了5分鐘就有位了臺坊的坐位也算闊落，坐得舒服，看完餐牌，決定點鹽酥雞肉燥飯，加杯水蜜桃梳打鹽酥雞肉燥飯 $63台灣風味的便當盒上餐, 鹽酥雞好香口，有5塊，大大件，炸得好鬆脆，入面好多肉汁，外脆內軟，剛做好熱辣辣，好好味，仲要有半隻鹵蛋，夠入味! 肉燥超多，有肉味得黎又唔會話好肥膩 ，上面仲加左菜譜，更有口感，送飯一流，食完成個飯仲有肉燥剩，份量好足，夠哂飽，性質比高😀 水蜜桃梳打 (跟餐 +$12)單售原價 $26臺坊嘅飲品係有得跟餐，好似珍珠奶茶等嘅台式飲品加$8就有，唔似某些台灣店要特地叫一杯嘢飲，今次就叫左杯水蜜桃梳打，跟餐都係加$12。有罐梳打水，冰同水蜜桃汁就另上，好冰凍好正。性價比高，食物質素唔錯，下次再試試招牌紅燒牛肉麵同珍珠奶茶😍😋