至尊雲吞麵雞煲

營業中

休息中

星期五凍凍地諗住打邊爐一黎到叫左個藥膳雞同埋打邊爐d料食完煲雞坐左一陣入單計左半個鐘都冇野食問個樓面先話比我地聽冇左張單 要重新寫過食左咁多任食 竟然有第一張單成張漏哂既依間都真係經典寫過張紙比佢再出 都仲要等多十分鐘佢話補時間比我地由於入坐個時都20:20 真心唔明佢可以點係十點閂門之前補多半個鐘頭俾我🥱早知係隔離食反好過🙄最好笑係個收銀強調親自幫我入去落第二輪野食點知一個反手比左我地寫好個張紙去隔離枱 😩

秋冬最好打邊爐食雞煲，屯門置樂有間闊落好坐的雞煲專門店，$158/位，任食兩粒鐘。點了🐱藥膳雞湯煲藥材味濃，甘甜，雞件多，啖啖肉，而且挺滑。🐱炸饅頭招牌菜。炸得挺香，拌煉奶吃很滋味。🐱蔬菜款式挺多：有生菜、羽衣甘藍、蓮藕片、白蘿蔔、金針菇等，挺新鮮。🐱打邊爐怎可缺少丸類，吃了墨魚丸、鮮牛丸、麻辣牛肉丸、海鮮沙律丸、芝士竹輪、Oppa魚板，過癮。🐱肩胛肥牛片、豚肉片肉味濃，肥瘦適中，算挺大塊。🐱韭菜水餃、鮮蝦雲吞、爽口水餃爆多餡，大大隻！尤其喜歡韭菜水餃，韭菜夠多很香。🐱飲品有汽水、檸茶、奶茶、豆漿等任飲。食物每次點餐都只送上兩人份量，大大減少了大家眼闊肚窄，浪費食物的機會。環保！由於醬料需收費：醬油、沙茶醬、芝麻醬、炸蒜、芫茜、蒜蓉、子天椒粒 每款都要$10/份，所以我們沒有點任何醬料，吃出食物原味道。

有咩平靚正雞煲推介？首選至尊雲吞麵雞煲啦，有另一間個名好似嘅唔好搞亂，呢間係唔使額外加錢都可以無限加雞呀。全新裝修過嘅屯門店好光猛，燈色柔和左，店內仲超強冷氣，打邊爐冷氣夠真係好重要！晚飯時段實在太多人，所以早啲黎食下午茶，雞煲火鍋係全日供應㗎，平日$158位，假日多十蚊，雞煲，奶茶、咖啡、檸茶、汽水都任飲，食完雞仲可以加湯打邊爐，真心平到笑系列黎。先黎個重慶雞煲小辣，唔係樣樣煲都可以‘添，要留意啦～重慶煲就可以加雞。雞件入味，麻麻辣辣好過引，小辣啱我地口味，加上雞件切得工整無碎骨，啖啖食好正。朋友超愛雞煲，一煲又點會夠喉，最後我地加左三次雞先停手，好味好味。食完雞又去打邊爐先，唔少得叫埋呢度名物炸饅頭，新鮮炸起外脆內軟，最正係煉奶呀！食左咁多雞食返啲菜先，叫左羽衣甘藍。其他火鍋料～個人覺得個肥牛韌咗啲，不過呢個價收貨啦。墨魚丸，午餐肉，萵筍，雜菇都好味，仲有油炸鬼都好正。湯底無得揀，一般豬骨湯？個煲本身有雞煲個汁，所以辣辣地幾好味。而且個爐火力十足，勁快就滾，完全唔使等。可以無限飲檸茶真係好正，大大杯又夠凍，茶底香。檸茶都飲左三杯，哈哈。三轉雞煲三杯檸茶好滿足，仲添左幾次炸饅頭㗎，呵

至尊雞煲火鍋任食，淨係聽到個名都已經夠晒興奮，仲要食夠120分鐘，時間充裕，而且火鍋選擇新鮮又多，食火鍋嘅不二之選。期待咗好耐嘅雞煲，終於上枱啦，又買又辣，淨係聞到浸味，都已經相當吸引，食落口雞肉又嫩又滑，相當野味。大大煲，食完仲可以再加。食完雞煲，直接加湯打邊爐，食材新鮮，唔可以唔食嘅新鮮炸饅頭，外脆內軟，新鮮炸起金黃色，食完真係要追加。飲品方面都係任飲，夠晒冰凍。選擇又多，又好食， $150有找，咁好食嘅雞煲真係好抵

講開大西北屯門最抵食的雞煲+火鍋+飲品放題，就一定係呢間首選。對上一次黎呢到食已經係一年之前，今次黎到發覺鋪頭裝修*了，成間鋪光猛左👍🏼食開的朋友都知道，雞煲放題主菜就一定係雞啦，雞有分唔辣度，個人覺得小辣就已經唔係好頂得順。雞件口感新鮮，調味十分出色，係爐中熱住食別有一蕃風味。當你加雞食到飽一飽，你就可以叫服務員為你加湯食火鍋，至於火鍋材料同質素唔再多講了。*文章開段有提及新裝修，由於今次被安排坐近門口位，不快事件就係到發生了，事因很多食客都無手尾，開門入鋪又唔順手關門，令店外冷風直接吹到坐近門口食客，全程食野未覺得身體有暖過，在此呼籲大家做個有手尾的人，出入記得要關門。店舖負責人都應該貼告示提醒食客。

Lunch同 同事去食雞煲任食黎到見到裝左修，環境闊落左好多每位都係$138😻：雞煲依然係正推介芝士竹輪👍🏻👍🏻👍🏻👍🏻😿：部電視定左格、食足成程唔識郁可能午市少客d，冷氣比較凍

🐽至尊惹味雞煲 （小辣）$158 雞件幾嫩滑，裏面有蒜、洋蔥、芹菜、蔥同芫茜，令到個雞煲好香，個醬汁夠味得黎又唔會太鹹，叫左小辣，幾惹味，所以小編都加左一次雞🤣因為確實幾好食食完就開始打邊爐，火鍋配料款式都幾多，有唔同肉類、各式各樣既丸、蔬菜、豆類製品同粉麵，以下係比較印象深刻既食材🙈🔸肩胛肥牛片-第一輪較瘦，第二輪就幾肥，都有啲牛味🔸豬潤-夠淋滑唔會腥😋🔸芝士竹輪-獅子狗包住芝士，芝士多到流出黎🤤🔸鵝腸-有少少肥，爽口👍🏻🔸炸饅頭-新鮮炸，熱辣辣，就算飽肚都要食返一個🤣🔸粉腸-煮好耐都係好韌🙅🏻‍♀️🔸牛柏葉-爽口唔韌😄🔸豬紅-冇咩味🤭🔸魚皮餃-比較散，皮唔太煙韌😬🔸響鈴-都係街邊個啲一盒盒響鈴質素😂🔸Oppa魚板-韓國個啲魚糕，係比較特別既配料，出面好少有🤩飲品有基本既汽水外，連奶茶、咖啡、凍檸茶同豆漿都係任飲🤣呢樣確實唔錯，同呢個價錢有咁多款式都冇得點挑剔，食物質素都正常，都值得一試

疫情前曾三番四次與好友去食， 當時只食招牌雞煲，肥牛，炸饅頭，凍奶茶，基本上都 滿足了😋今次與女友去食發現肥牛轉了來貨，質量大幅下降非常失望， 雞煲，炸饅頭，凍奶茶還好…分別不大， 但作為主食二分一的肥牛改頭換面，整體已經不行了…想不到……不止好友連肥牛也離我而去

早幾日同屋企人去屋企附近食雞煲，呢間野之前成日經過都見多人，但一直都冇入去食。環境就小店感覺個點心紙雖然我識唔算話太多，但係基本嘅嘢都有，呢個價錢來講都算OK佢個三人份雞煲係超級大份，入面勁多雞肉。不過我哋就冇揀到麻辣嘅，因為我媽咪唔食得辣，雖然冇麻辣，但係都好香同埋啲雞肉都算滑。佢嘅份量都比得好，唔多唔少，但夠三個人既份量我哋終於清晒啲雞可以打邊爐啦🤗另外一提既嘅係佢地除咗一罐罐裝野飲/豆漿之外，仲可以叫奶茶咖啡凍檸茶，平時雞煲相對比較少見到呢類餐記飲品。而係牛肉就得一款普通嘅肥牛，都OK嘅，對得起佢嘅價錢👌最後仲叫咗兩個炸饅頭，即叫即炸新鮮熱辣，仲要勁多煉奶👍🏽👍🏽 好好味🤗呢間雞煲總括嚟講都好親民，大家都係街坊look，而且都好多侍應係到，點單舉手叫嘢都好快有人認👍🏽

食雞煲嘅首選 無記錯應該150有找 任食兩個鐘 仲可以refill雞 個人認為屯門分店嘅雞係好食過元朗個間 大件啲又多啲 真係好過癮調味方面 個人認為都夠辣嘅 但重麻人士表示唔夠麻啊！炸饅頭係呢間嘅生招牌 次次嗌都熱辣辣 外層脆卜卜 點住煉奶食真係世界級呢間仲有手沖既檸檬茶 菊花茶 豆漿等等 選擇唔少 照顧到唔同客人嘅需要唔知有無鐘意食竹昇麵嘅朋友仔 呢間嘅竹昇麵真係黑馬嚟 次次嚟都必點 好彈牙 雖然係食雞煲嘅店 但個麵真係完勝啲雞 老闆話啲竹昇麵係每日新鮮整 唔怪得咁好味

至尊雲吞麵雞煲今次去到屯門食椰子雞煲～雞煲148任食真係好抵❤️椰子湯底加$50佢加椰子雞湯超級清甜，一開頭飲咗先再連埋滑雞一齊食，滑雞仲可以任添，由於我地仲可以叫好多打邊爐既野食，所以就唔添滑雞啦～我哋叫咗菜類我地選左金針菇，冬菇，生菜，羽衣甘藍🥬萵筍（其實仲有好多菜純粹個人喜好叫依幾款）肉類嘅話我地就係中意食牛 所以只係叫牛😝另外我哋要咗腸仔芝士丸響鈴竹笙等已經飽到食唔落所以我地叫左2輪就停左啦～ 大家食量ok 可以叫多幾輪😁😁

今晚專程入屯門置樂花園跟朋友吃飯，她推介「至尊雲吞麵雞煲」任飲任食火鍋🍲，我一定奉陪到底，因小店係屯門真係好出名，冇人不知，我都一定要試吓啦😘😘至尊惹味雞煲火鍋 $148/人火鍋底都有7種可以選擇，惹味、酸菜、咖哩、藥膳、麻辣…..任君選擇，我哋先來個至尊雞煲，雞件入味軟滑，芫荽、蒜仔、芹菜、洋蔥豐富配料香氣四溢，熱辣辣、好滋味👍👍火鍋配料：肩胛肥牛片嫩滑、鯇魚腩鮮甜、豬肝粉嫩、醉雞子鵝腸口感爽脆、必食推介：手工製鮮蝦雲吞、水餃、韭菜餃、餡料豐富、竹昇麵新鮮彈牙……..蔬菜一定要試吓羽衣甘藍 🥬它的維他命C含量跟西蘭花同樣高， 促使膠原蛋白的製造，美肌養顏、抗氧化，提高免疫力。 ... 富含維他命K，具持凝血功能，減低骨質疏鬆機會😍😍飲品任飲（啤酒另計）羅漢果杞子菊花茶、豆漿、咖啡、奶茶🥤檸檬茶、罐裝飲品…..我食咗五個炸饅頭，食到唔停得口😅，外層香脆、炸得剛剛好，沾上煉奶最好嘅歺後甜品🍮

同事推薦左喱間平靚正既舖頭仲要係無限refill雞煲😱😱😱今次平日星期三來到，$148/2hr😇除左雞煲仲有其他邊爐料同野飲任飲😋堅係好抵😆😆我地就叫左至尊惹味雞煲，bb辣🤤🤤一上枱已經勁香😍😍第一轉已經好多雞，起碼有大半隻🐥好滿足🤰🏼另外間鋪頭既煲勁乾凈😝😝完全冇痴底又立立令，真係放心曬🙈🙈除左雞煲之外另一個大推既係炸饅頭😍😍炸出來仲熱辣辣又唔會好乾口🤪我地就encore左一次，但我聽到隔離枱encore仲好多次😂仲話凈係食炸饅頭都抵😂😂😂而且佢地配料既選擇都好多加上每份既量唔會太多，可以俾我喱d咩都想試既人食多幾款😆😆D姐姐都好好人🙈個個都笑笑口幫我地落單同落野飲😙同佢地講唔該仲會同我講唔洗客氣🥰唔似出面d任食火鍋既姐姐黑口黑面🥲食完朋友都好滿意👏🏻又平又抵食😋😋

至尊雲吞麵雞煲 (屯門)屯門青海圍8號屯景大廈地下D號舖星期一至四去食都只不過係$148一位，中午仲要平$20。豆漿汽水除咗酒精類飲品，其他都係任飲任叫。卜卜蜆雞煲（另加$80）普通一個雞煲係唔使加錢嘅，但如果想試卜卜蜆要加$80 ，但係一定要加$80是這個卜卜蜆雞煲，因為我保險的量是非常多，我由頭打邊爐到尾都一路食，也是吃不完！而且卜卜蜆非常鮮甜多肉！雞件十分多，應該是成隻雞，雞肉好嫩滑！其他食材是任點任叫的，牛肉嫩滑鮮味，丸類齊全！特別要讚的是這個鵝腸，洗得非常乾淨，晶瑩剔透。睇過雞煲的湯甜甜的，炒過果然特別鮮味。炸饅頭非常好食。

好少可會去到屯門咁遠 今次特別長征嚟屯門搵朋友 都算係唔話得✨我話想食邊爐 朋友就物色咗依間雞煲放題比我🤣 都幾抵食任飲任食兩小時（每位$148）一開波就比咗成隻雞咁多嘅份量我哋 雖然好惹味 但我哋兩個人食嘅話 份量都係有啲多…🐓 總要佢係有得加雞件 鐘意食雞嘅朋友 可以瘋狂食食食🤣配菜嚟講肉類嘅選擇唔係好多 淨係簡咗個肥牛try try 任食嚟講 質素算唔錯 唔會話好肥 油脂分布適中🤘🏿配料的話 大多數都係蔬菜為主 值得推薦嘅有 豬紅 萵筍 炸腐竹 芝士竹輪✨ 特別嘅係佢哋總有OPPA 魚板(啫係韓國魚糕) So amzing🤣~佢哋冇咩熟食 得油炸鬼同炸饅頭 我哋叫咗個炸饅頭嚟食 Very jeng!!! 啱啱炸起 外脆內軟 連埋練奶食gdgd 總有一樣值得提嘅係 佢哋嘅野飲除咗普通汽水果啲之外 竟然總有檸檬茶奶茶果啲任飲😍對於檸茶愛好者嘅我 十分友好 飲咗3杯😂😂😂 雖然好飽都好正秋風濃郁沙嗲湯 （+$28）見個雞煲冇咩汁 我哋決定咗加少少錢換咗個湯底 真係超級濃郁🙊 不過食得耐有啲鹹要加多啲水先食到