至尊雲吞麵雞煲

好少入嚟屯門食嘢，今次就試吓呢一間雞煲，見佢價格相宜，所以就嚟一試。我今次係嚟食晚餐，$198/1位，免加一，任食任飲，食到你飽，呢個就咁啱做緊開業20周年優惠，再每位減$20，兩位都只係食咗$358😍佢嘅雞煲我覺得不過不失，都算好多肉，而且味道不錯，我叫左BB辣，都算好好食，之後就加湯然後打邊爐，不過打邊爐啲食物就算普通，不是太出色，不過不失，以價錢來對比，也算性價比合理。喺度食咗一餐晚餐，體驗亦相當唔錯，因為我算早啲嚟食，當時唔算多人，食食吓中途就開始多人，上菜都算快手，只是我真係食唔到太多啦😂入開嚟屯門，諗唔到食乜，都可以試吓㗎😋…ดูเพิ่มเติม

晏晝訂咗位夜晚食生日飯，一行八人，早咗15分鐘到佢叫我喺門口等，等到8:00佢同我講冇得訂位㗎，你再等多半個鐘頭或以上，但係佢記錄又有我嘅Booking，但係又俾唔到枱我哋，真係火都嚟。佢淨係話自己負責夜間，唔知點解早更俾我哋訂位，佢咩都唔知。即係早間訂位夜晚唔負責，咁你就唔好俾人訂位啦😡😡山長水遠九龍入嚟食把鬼火，最後帶住老弱婦孺周街搵嘢食，但係星期六冇訂位邊有得食呀？我強烈建議呢間餐廳執咗佢啦，訂咗位又俾唔到位人😡…ดูเพิ่มเติม

今日帶住2個小朋友一齊用餐，分別1歲同2歲。餐廳寫住3歲以上要收半價，但帳單出嘅時候收左2個小童嘅錢，我發現之後同店員查詢，店員表示3歲以上先要收半價，我亦表明2位小朋友都未夠歲數，但店員只肯退1位小童錢，因為話我地坐咗大枱，而大枱最低消費係3人。 但大枱並非我地要求，我地係可以坐2人枱。如果店內有咁嘅規定應該一早寫明，或者安排入座時講清楚，等我地可以決定要坐大枱定細枱，或者唔食。而唔係食緊，發現有問題，唔退錢又唔比我地轉枱，店內講明收費跟歲數又唔跟。擺明就係呃錢！講一套做一套。以後都不會再幫襯！…ดูเพิ่มเติม

今日黎屯門做野行過見到坐滿人，到午飯時間就去試下，叫左個雙拼撈面，份量大，料足味道好，而且餐牌琳琅滿目多選擇，絕對會回頭再食！價值仲要係平民價，好多野食都比其他茶記平同抵食。而且期間都留意到好多熟客同d職員有傾有笑，有呢d質素同服務，唔怪得生意興隆平日做野都成日食茶記，但好少見到雲吞麵店有咁多選擇，除左道地雲吞麵個d之外，仲有芝士撈面，米線，酸菜魚，鑊氣炒粉面飯，，台式肉燥飯，仲有好多小食，呢間絕對係值得支持既道地餐廳！…ดูเพิ่มเติม

雞質素不錯，雞肉唔係嚡熠熠六個人可以叫兩個煲。不過要早啲攞位，見到其他食客 六人坐四人枱！邊爐方面， 廚房係唔會睇你紙上寫嘅數量！我哋寫咗10粒芝士竹輪，廚房淨係出咗4粒！！！ 所以後尾直接一次過攞咗幾張紙，淨係要竹輪！豬肉同牛肉都麻麻哋，可以唔洗叫慳返啲位！🥶🥶🥶 …ดูเพิ่มเติม