至尊雲吞麵雞煲

天氣一凍就真係好想食雞煲，同事同我講元朗有間性價比極高既雞煲放題，聽落已經好吸引。於是琴晚就約左朋友落去暖下身、傾下偈，想試下係咪真係人人都話咁好。🍲❄️.呢度既「至尊雞煲放題」真係平到驚人：星期一至四入場只係 $188/位，任食任飲兩個鐘，仲要免加一（啤酒除外）。價錢真係好親民，難怪平日都有勁多人排隊等位，性價比對想平靚正食個暖暖晚餐既人真係超吸引。💸🎉.至尊惹味雞煲雞件係用蒜香爆炒過，食落好香口，帶少少香辣味，仲有芫荽、洋蔥同辣椒去提味，層次幾豐富。雞肉肉質厚身但吾柴，有口感；如果吾夠食仲可以加雞，仲可以揀一人/二人/三人/四人/五人/六人加雞，對於想食多d但又想留肚打邊爐既人，呢點真係加分。🔥🍗.打邊爐環節食完雞煲就可以轉去打邊爐，火鍋係用紙張落單形式，方便快捷。火鍋配料選擇超多，超過50款，基本上夠哂吾同口味既朋友，一齊食得開心又滿足。🍲📝.火鍋配料推介配料種類有齊：牛肉、海鮮、雞肉、水餃雲吞、蔬菜、粉麵等等一樣都冇少。推介一定要叫肩胛肥牛片，落鍋涮一涮即滑又香；芝士竹輪係我既最愛，竹輪中間有芝士，煮熟後一咬即刻芝士溶流出，邪惡但好滿足；韭菜餃係手工包，韭菜綠油油好香，口感彈牙；爽口水餃入面係木耳豬肉餡，口味清爽有層次。🥩🧀🥟.飲品飲品分兩部分：自取飲品櫃有可樂、忌廉梳打、雪碧等，即開即飲；另外用QR code落單既有羅漢果杞子菊花茶、豆漿、咖啡、港式奶茶、檸檬茶等選擇。對於好中意飲港式奶茶既我，見到有得叫奶茶真係勁加分，配雞煲同火鍋都好match。🥤🍵…查看更多

🎀元朗。性價比$178任食任添雞煲🐔🔥🎀🪄店名* #至尊雲吞麵雞煲🔮地址* 香港元朗教育路63-69號福照樓地下2-3號舖 🔮🗾分店地區🗾 天水圍，元朗，屯門，荃灣💰價錢$356 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_元朗剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵今晚專登入元朗試咗呢間人氣雞煲店！果然無令人失望～該餐廳以其寬敞舒適的環境和多元化的美食選擇吸引食客。餐廳空間寬敞，為顧客提供了輕鬆的用餐氛圍。🍽️食物質素🍽️主打雞煲與火鍋放題的結合，人均消費約$178即可享受任食雞煲及火鍋配料。雞煲款式多樣，包括至尊惹味雞煲、藥膳雞湯煲等，雞肉份量足且肉質不錯。火鍋配料則有肩胛肥牛片、鮮牛肉、豚肉片、鯇魚腩及多款肉丸蔬菜等，選擇豐富。此外，餐廳還提供炸饅頭、竹昇麵等特色主食，以及汽水和港式飲品無限供應，性價比頗高。👀評分💖💖💖💖🪄至尊惹味雞煲 $178一上枱已經聞到超香嘅醬油味，令人流晒口水！雞肉真心嫩滑，外皮煎到金黃香脆，食落有啖啖肉汁。最驚喜係連雞胸部位都一啲都唔嚡口，依然保持到嫩滑口感，呢點真心要加分！醬汁味道濃郁得嚟唔會過鹹，帶少少甜！以任食嚟講，雞件份量足，而且都算大件，絕對抵食～各式配料🌽食完個雞煲就可以加湯打邊爐！雖然主打性價比，但配料選擇都算多～🪄炸饅頭 - 即叫即炸，外皮酥脆內裡軟熟，點煉奶食係絕配！必食推薦！🪄 肩胛肥牛片 - 脂肪分布均勻，輕輕淥幾秒就食得🪄 香菇貢丸 - 爽口彈牙🪄 雞肉腸、魚皮餃、午餐肉 - 打邊爐必備之選，正常水準 🪄 蜂窩豆腐 - 索湯一流！🪄 芋絲扎、萵苣、脆響鈴卷、馬鈴薯片 - 蔬菜同配料新鮮，淥完保持到爽脆飲品🥤最欣賞係連飲品都係任飲！食完濃味雞煲同火鍋，即刻飲返杯冰凍豆漿或者熱檸水就最解渴～唔使另外加錢，真係抵讚！🪄豆漿🪄熱檸水(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰💰🎈服務態度*💌💌💌💌💌…查看更多

有冇雞煲熱愛者？想私心分享吓呢間算係幾抵食😛呢間雞煲專門店平日晚市兩小時雞煲放題$188@位(免加一)(🤫溫提:放題不包括收費小食及啤酒)～除咗有得無限加雞🐔～仲有多款火鍋料追加食到你飽～任飲埋汽水、港式飲品、豆漿、茶飲🥤.我哋鍋底揀咗✨至尊惹味雞煲(走辣)🍲～名符其實非常惹味～雞肉入味又夠嫩滑🤤🤤我哋叫咗好幾轉「加雞～唔該❤️」；免費小食推薦✨炸饅頭～熱辣辣且口感鬆軟；港式飲品質素都好好～我哋飲咗✨香滑奶茶、✨檸檬菜蜜 等等；雪櫃任拎汽水～提提你可叫「冰底」；火鍋配料方面～我哋由於主攻食雞所以只試咗少少🤣～點咗✨肩胛肥牛片、✨生菜、✨魷魚、✨蟹籽包心丸、✨粟米、✨蓮藕片 等等🤝🏻🤝🏻真係幾高性價比！難怪長期要等位入座呢😉…查看更多

午市尾聲想食個雞煲放題，點知由踏入餐廳門口開始，已經係一連串荒誕劇嘅開端。 無人招呼，自生自滅1:25pm到達餐廳，入到去竟然冇人理！眼見後面嘅街坊打尖自己搵位坐，一個二個自己搵位坐，full左。我企喺大廳中間好似透明人咁，終於忍唔住開口話：「有冇人招呼㗎？」先有個收銀員施施然行過嚟。（都叫有招待？）卡位之謎：1:30pm的「學生保留席」我見餐廳有張卡位空咗，順口問可唔可以坐，有2位，點知收銀員話：「卡位要留俾學生（未有人book）。」我望一望鐘，下晝1:30，學生？仲要係五六個學生一齊坐？我即刻懷疑自己係咪入咗平行時空，定係餐廳有啲我睇唔到嘅「幻覺學生」預訂？做學生生意？甘都要了解一下學生一般的lunch時間啦，大多數12點半食1點半都要走啦員工內訌：一個准坐，一個唔准戲肉嚟啦！當收銀員仲喺度猶豫「等吓冇人就俾你坐」嘅時候，另一個服務員突然殺出，斬釘截鐵話：「唔可以坐！」但明明有位亦冇人等位！題外話，午市雞煲放題消費點都高過普通餐飯啦，點解唔識幫老闆計數㗎？ 阿姐們的演技大比拼最後，一個比較正常嘅阿姐出嚟打圓場，叫我等一等；另一個就繼續「扮晒嘢」喺度重複「唔得唔得」，但由頭到尾都冇見佢哋服務態度好過。未試雞煲，已經搞到冇晒胃口。如果一間餐廳連基本待客之道都做唔好，就算雞煲幾好食（要靠午市學生set餐為主的雞煲店）都難以令人回頭。各位如果想挑戰自己耐性，不妨去試吓呢間「幻覺學生優先」嘅雞煲放題！ 評分：⭐️☆☆☆☆（1/5）（俾一粒星都係因為佢哋成功娛樂到我）…查看更多

天氣涼左，又係時候食下雞煲，咁就黎至尊食啦，$188一位全包價無雜費，食完雞煲仲可以打邊爐，抵到爛呀。其實至尊有好幾款唔同口味嘅煲底，魷魚雞煲、酸菜魚煲、蘿蔔牛腩煲，甚至連羊腩煲都有，不過最經典都係麻辣雞煲，是晚就要咗小辣口味🤤雞件香口惹味，一上枱已經熟咗，即刻食得，正正正👍另一個重要賣點就係咖啡、奶茶、檸茶全部任飲，當然仲有汽水添啦，食住個麻辣雞煲飲返杯凍檸茶真係好爽🍋火鍋料選擇都多，不過質素就普普通通啦，但係呢個價錢收貨有餘，我覺得個肥牛片都幾正㗎。記住要食埋至尊名物炸饅頭，新鮮炸起外脆內軟，最正係多煉奶呀🤤順帶一題，qr code落單只係落加雞、炸饅頭同飲品，火鍋料都仲係要寫紙仔嘅。…查看更多