自由流

營業中

休息中

星期日晚上行過，見無人就入去試下。環境幾舒服，但有啲枱位置比較密，可能人唔多，旁邊都無人坐，所以唔會好嘈。點左個限定拉麵：北海道味噌豚骨拉麵，老公點了個王道白豚骨拉麵👌👌1。湯很濃，第一啖覺得唔錯，但有啲油。食到尾會覺得少少鹹，要飲返杯野。咁就有啲扣分。如果鐘意清淡嘅朋友就唔太岩。2。配菜：紫菜，糖心蛋都正常，沒特別，唔錯。3。本人鐘意食硬麵，特別選了硬麵，其實都已經比老公果碗麵硬啲，但個人口味覺得都係差少少，可以再硬身啲。1。呢個拉麵嘅特色係有少辣肉碎，可以連湯同麵一齊食，幾欣賞個少辣肉碎，令湯嘅味道更豐富，而且唔會好辣，搶晒啲味，配合得唔錯。2。本人鐘意食硬麵，點餐紙上無呢個選款，特別問了侍應，可否選硬麵，侍應好有禮貌表示可以。另外因為我個麵係期間限定，點餐紙上沒有，都需要麻煩侍應點餐，全程感覺侍應有禮貌1。肉不是很大塊，而且肉質感鞋，難咬，呢個係超扣分🥲。圖中的肉是沒有食過影的，但感覺好似俾人食過咁，無左一半😂。老公表示佢果碗無咩特別。總結：試一試我感覺是ok。湯同麵都ok，但塊肉真係好扣分，未必想再試。

一個人去食午餐，突然間好想食拉麵，去咗呢間未去過嘅拉麵店試吓。嗌咗個雞白湯拉麵，佢個湯唔夠濃，冇咗嗰種日本旅行風味。因為拉麵價錢差不多要$100 ，可能因為期待過高，導致覺得有啲失望。性價比真係唔得，應該唔會再嚟。

呢間舖頭係德福商二期入面一個轉角位，真係唔仔細留意都睇佢唔到呀。見佢主要係食日式拉麵，打開份Menu睇都有幾多唔同既選擇，除左拉麵之外仲有啲定食、日式炒飯等等。叫咗一碗王道豚骨拉麵，湯底都尚算濃郁，面都有彈性，但唔算話特別好食，普通一個日式豚骨拉麵，冇咩特別。另外叫咗個日式叉燒炒飯，因為我本身比較鍾意食乾身少少既炒飯，佢個炒飯都炒得幾乾，細細份咁，但都有好多叉燒粒，幾乎每一啖都食到叉燒粒，反而對我嚟講個日式叉燒炒飯幾好食。

門口放了一排等候的木櫈，應該是曾經有過墟撼的時光吧，以為自己僥倖星期五晚不用等位。環境服務都可以吧，這裏除了主打拉麵，還有日本咖哩飯(這次沒有試)，拉麵份量太少，雞、湯和麵沒有一樣出色，湯甚至死咸，小墨魚咀弄得這麼難食算是他們的本領，其他圖中的小食也沒水準，現在食館的料理人每天沒有試味或管理好食材嗎？如有，這些料理人應該入錯行，或許一碗成佰元的拉麵當中有大半價錢是去了租金，沒有餘力做好料理本身，這碗拉麵侮辱了日本拉麵文化，“自由流” 失吧。

呢日黎到德福呢間自由流食拉麵, 估唔到德福都有間咁高質既拉麵, 佢既位置坐得都幾舒服, 我地仲坐左係卡位添~ 我地叫左一個赤味噌腫白湯拉麵, 一個辛辣雞白湯拉麵, 兩個都加左要套餐同野飲, 仲追加多一份麵添! 我地個套餐揀左要餃子同炸雞, 個炸雞都令我幾驚喜, 夠哂熱辣辣, 炸得好好食! 野飲就揀左要可樂同烏龍茶, 食完個麵再加埋小食其實都真係勁飽~ 佢既赤味噌腫白湯拉麵入面有一大件雞同埋叉燒, 食落肉質唔UN, 好好味, 而佢既麵質岩哂我口味, 唔會太軟, 湯底唔會好咸, 係我中意既味道! 大推!

之前去馳走家食油甘魚鮫超級正🐟，今次畀隔離嘅「極上A4和牛拉麵」嘅海報吸引咗！同樣都係日式餐廳，淺木系裝修，播住日本歌，🍶不過唔係只買拉麵，仲有漢堡扒等洋食，😜幾啱放工快食一餐！🍜極上A4和牛拉麵 $128日式拉麵好少放牛，呢碗啲和牛疊得都幾高吓～每片都好薄，油脂好豐富，入口即溶，好軟滑！湯底偏淡，拉麵彈牙，整睇唔錯！🍛手作流心芝士漢堡扒 $72漢堡扒入面好多芝士，牛味幾重，連埋上面嘅蘿蔔蓉，甜甜哋可以解膩！最欣賞係啲薯角，好有薯味，外層香口唔會太硬，可以食到好多舊！🥟煎餃子 +$35可以加錢配煎餃子同飲品，煎餃子唔太油膩，餡料都多！

🍭濃厚泡沫雞白湯拉麵🍜 + 炸蝦肉釀冬菇+飲品湯底雖然濃郁豐滿，但入口清爽唔油膩🌝， 拉麵Q彈有嚼勁😋， 配嫩雞肉外， 仲有滿滿嘅菜，蔥花，粟米仔同流心蛋🥚， 另加35蚊變套餐，有飲品及㨂咗炸蝦🦐肉釀冬菇， 蝦肉好彈牙， 如果淨叫蝦肉冬菇都要32蚊， 俾多3蚊有野飲， 超值🥰。🍭手作流心芝士漢堡扒🧆免治牛肉中有芝士🧀， 一口咬下， 甘香油爽， 入口肉汁豐盈，味濃而唔膩。🍭墨魚咀🦑南蠻漬墨魚咀爽滑有嚼勁， 味道鮮香甜美的，口感新穎😊， 係一個開胃醒神嘅前菜。

介紹返💁🏻‍♀️。。🇯🇵 拉麵 在九龍灣 🇯🇵。自由流 Jiyuryu。德福廣場2期4樓412號舖。黑蒜油豚骨拉麵 KURO Garlic OIl Tonkotsu Ramen。HKD95 + 10%手作漢堡扒拼吉列蝦定食 配白飯。味噌湯。前菜Homemade Hamburg Steak & Prawn Cutlet Set Served with Steamed Rice。Miso Soup。Appetizer. 。HKD95 + 10%升級套餐 Set Upgrade。HKD18 + 10%柚子昆布潰 Sliced Seaweed Marinated in Yuzu & Vinegar。炸餃子2隻 Fried Dumpling。煎餃子2隻Pan-fried Dumpling。味蛋 Marinated Egg。溫泉蛋 Soft-bolled Egg。HKD35 + 10%炸餃子5隻 Fried Dumpling。煎餃子5隻Pan-fried Dumpling。唐揚炸雞3件 Fried Chicken。炸蝦肉釀冬菇 Shlitake Mushroom & Minced Shrimp。忌廉

🔸黑蒜油豚骨拉麵💰95拉麵有濃郁嘅豚骨湯底，配上特製嘅黑蒜油，更豐富嘅風味。豚骨湯底經過長時間熬煮，口感濃郁豐滿。配料方面，拉麵上擺放著鮮嫩多汁的叉燒肉片、半熟溏心蛋、蔥花以及木耳絲，正呀🤤➕18蚊有一款小食同飲品🔸極上A4和牛拉麵💰128期間限定A4和牛100g，2大塊A4和牛燒肉薄切，味道香濃配埋拉麵食正呀～呢碗湯底味道會偏清淡，適合清淡口味嘅人士～另外嚟舖頭只需like or follow 社交平台即免費送叉燒、煎餃子、味蛋及指定飲品🍽️餐廳名稱：自由流 (九龍灣)📱IG : @jiyuryuhongkong 📍地點：九龍灣偉業街33號德福廣場2期4樓412號舖🕒營業時間：星期一至日 11:30am-22:00pm💰人均消費：$101-$200

環境 4/5環境尚算舒適，是一般的日式感覺。服務態度亦不錯，令有人滿意的舒適感。食物 3.5/5拉麵的樣子，跟相片有點分別，而且湯底不像是平常見到的豬骨類，而是有點像在日本餐廳所點的中華料理。味道是很特別，而且不錯，是你想像以外的味道。另外亦點了一點炸物，外皮炸得很香脆，值得一讚。

掛住日本最好就係食碗拉麵，放工去左九龍灣德福食呢間自由流！呢間拉麵店主打雞白湯同傳統豬骨湯！我就最中意雞白湯同豬骨湯，呢度岩岩有齊～價錢$88-$95/碗 填紙仔交俾店員就可以喇王道豚骨拉麵 $88 豚骨湯濃稠唔會過咸，配上兩塊豚叉燒及紫菜吸湯，跟半隻溏心蛋，幼麵掛湯力佳，加了雲耳多了份清爽感覺！濃厚泡沫雞白湯拉麵 $92奶白泡系雞白湯順滑輕身，雞叉燒及豚叉燒兼備，件事係舒服，建議食到一半再加點拉麵胡椒，增強整體層次感！加$12/片雞叉燒+$35 套餐餃子5隻 可選煎/炸配汽水/烏龍茶 日式餃子特式多菜瘦肉飲品會用杯上～～

自由流 • 九龍灣今次再次幫襯呢間餐廳，因為見上次食過都覺得食物質素幾好，所以今次再試一次。呢間餐廳有拉麵、日式咖哩、手作漢堡扒同飯類可以揀，今次揀左拉麵同漢堡扒😋😋..✅ 濃厚泡沫雞白湯拉麵 🍜 $92雞白湯偏奶白色，上面一層泡沫有啲似分子料理；湯頭幾濃，少少稠身，拉麵帶少少爽彈，而且掛汁，每一著都掛滿湯汁；配料有叉燒同雞肉，幾滑幾好食😙..✅ 手作漢堡扒配吉列蝦(定食)🐮 $95呢款定食配白飯，前菜同味噌湯；漢堡扒入面係有一粒粒肉嘅質感，唔鬆散，扒入面有幾多肉汁，肉汁略帶油香，屬於唔錯嘅質素。吉列蝦都算大隻，外面香脆；定食仲有巨量嘅沙律菜添😙..✅ 煎餃子(5隻) 🥟 $32餃子都唔差，入面有肉汁👍🏼

喺德福竟然開左間雞白湯拉麵濃厚泡沫雞白湯拉麵（$92）一上枱賣相好靚仔🤤湯底好白之餘面頭仲有一層泡飲落好濃雞香味雞肉本身肉質亦好嫩滑再試真啲覺得雞油味好香🐓再配埋流心溫泉蛋🥚食得都幾滿足王道白豚骨拉麵（$88）湯底濃郁而且充滿豬骨香味但飲落唔會覺得油膩主角白豚叉燒片肉質嫩滑豬肉香味幾濃郁

在九龍灣經過見到間新餐廳自由流入面拉麵同定食可以提供今次我就試咗個漢堡扒定食有飯有湯仲有沙律🥗🙏🏼雞白湯拉麵好入味一定要試🩷仲有like ig 有汽水/餃子/味玉送抵食#拉麵#九龍灣餐廳 #jiyuryuhongkong

星期五放工去左德福廣場既「自由流✨」食晚餐，餐廳環境舒適，餐飲以拉麵及和洋料理為主，無論食物質素、服務、環境、價錢都令人十分滿意👍，絕對值得推介。🍜🍛🍔👌首先必點王道白豚骨拉麵，麵條煮得有彈性，湯底濃郁而且充滿豬骨香味！每啖湯底都令人感到好滿足，而且仲有香嫩嘅白豚叉燒片，真係滿分。🍜🐷😋然後係吉列豬扒咖哩飯，豬扒煎得香脆，配上濃郁嘅咖哩飯，味道更加豐富！每一口都有啲嫩滑嘅豬扒同濃郁嘅咖哩，真係好開胃又美味！而且日本咖哩唔會太辣，帶點甜味，非常好味。🍛🐷😍最後就係和風手作漢堡扒配蘿蔔蓉，漢堡扒煎得香口，加埋蘿蔔蓉嘅清甜，真係好搭！每一口都有啲多汁嘅漢堡扒同新鮮嘅蘿蔔蓉，真係好美味！而配菜炸薯角十分香脆，食過翻尋味。🍔🥕😋總括嚟講，「自由流✨」係一間非常推介嘅餐廳！環境舒適，適合放鬆享受美食。🍜🍛🍔👍