影片
以上資料只供參考, 請與餐廳確認詳情
一個人去食午餐，突然間好想食拉麵，去咗呢間未去過嘅拉麵店試吓。嗌咗個雞白湯拉麵，佢個湯唔夠濃，冇咗嗰種日本旅行風味。因為拉麵價錢差不多要$100 ，可能因為期待過高，導致覺得有啲失望。性價比真係唔得，應該唔會再嚟。
繼續閱讀
呢間舖頭係德福商二期入面一個轉角位，真係唔仔細留意都睇佢唔到呀。見佢主要係食日式拉麵，打開份Menu睇都有幾多唔同既選擇，除左拉麵之外仲有啲定食、日式炒飯等等。叫咗一碗王道豚骨拉麵，湯底都尚算濃郁，面都有彈性，但唔算話特別好食，普通一個日式豚骨拉麵，冇咩特別。另外叫咗個日式叉燒炒飯，因為我本身比較鍾意食乾身少少既炒飯，佢個炒飯都炒得幾乾，細細份咁，但都有好多叉燒粒，幾乎每一啖都食到叉燒粒，反而對我嚟講個日式叉燒炒飯幾好食。
繼續閱讀
門口放了一排等候的木櫈，應該是曾經有過墟撼的時光吧，以為自己僥倖星期五晚不用等位。環境服務都可以吧，這裏除了主打拉麵，還有日本咖哩飯(這次沒有試)，拉麵份量太少，雞、湯和麵沒有一樣出色，湯甚至死咸，小墨魚咀弄得這麼難食算是他們的本領，其他圖中的小食也沒水準，現在食館的料理人每天沒有試味或管理好食材嗎？如有，這些料理人應該入錯行，或許一碗成佰元的拉麵當中有大半價錢是去了租金，沒有餘力做好料理本身，這碗拉麵侮辱了日本拉麵文化，“自由流” 失吧。
繼續閱讀
呢日黎到德福呢間自由流食拉麵, 估唔到德福都有間咁高質既拉麵, 佢既位置坐得都幾舒服, 我地仲坐左係卡位添~ 我地叫左一個赤味噌腫白湯拉麵, 一個辛辣雞白湯拉麵, 兩個都加左要套餐同野飲, 仲追加多一份麵添! 我地個套餐揀左要餃子同炸雞, 個炸雞都令我幾驚喜, 夠哂熱辣辣, 炸得好好食! 野飲就揀左要可樂同烏龍茶, 食完個麵再加埋小食其實都真係勁飽~ 佢既赤味噌腫白湯拉麵入面有一大件雞同埋叉燒, 食落肉質唔UN, 好好味, 而佢既麵質岩哂我口味, 唔會太軟, 湯底唔會好咸, 係我中意既味道! 大推!
繼續閱讀
之前去馳走家食油甘魚鮫超級正🐟，今次畀隔離嘅「極上A4和牛拉麵」嘅海報吸引咗！同樣都係日式餐廳，淺木系裝修，播住日本歌，🍶不過唔係只買拉麵，仲有漢堡扒等洋食，😜幾啱放工快食一餐！🍜極上A4和牛拉麵 $128日式拉麵好少放牛，呢碗啲和牛疊得都幾高吓～每片都好薄，油脂好豐富，入口即溶，好軟滑！湯底偏淡，拉麵彈牙，整睇唔錯！🍛手作流心芝士漢堡扒 $72漢堡扒入面好多芝士，牛味幾重，連埋上面嘅蘿蔔蓉，甜甜哋可以解膩！最欣賞係啲薯角，好有薯味，外層香口唔會太硬，可以食到好多舊！🥟煎餃子 +$35可以加錢配煎餃子同飲品，煎餃子唔太油膩，餡料都多！
繼續閱讀