腸粉皇后

營業中

休息中

今晚凌晨買左左一份腸粉套餐做宵夜，收咗我$23,結果返到屋企打開先知裏面剩係得腸粉，冇燒賣魚蛋。如果淨叫腸粉都係$12.足足差價被收多左$12,然後仲要唔夠飽都唔知打唔打返電話同佢地講好。

試咗佢個腸粉，燒賣，糯米雞同雙皮奶。腸粉，燒賣，糯米雞還可以，抱着醫肚同埋想食local小食心態完全冇問題。但係個雙皮奶就真係出晒事，未打開個蓋見到碗嘢浪浪吓，以為比錯咗糖水我。一打開碗嘢筆落去都知道伏伏地，個質地好似布甸。食落去完全冇奶味，基本上佢係奶凍，即係糖漿加奶加魚膠粉再雪咗佢。完全冇燉奶嘅感覺，更莫講話係雙皮奶，我只係食緊一個有甜味嘅奶凍咋。我俾屋企人試吓都搞唔掂，剩返嗰半碗都要拜拜佢。仲好意思收我 30蚊 ，真係失望到極點！

本身以為7-11嘅撈麵已經夠難食點知原來有更難食完全冇味 仲要賣$12大家如果真係想喺西灣河食撈面不妨行多2/3條街去斗來香買$17仲要有埋餸Indomie fans要食撈麵嘅依間真係唔使食都得之前都試過佢個燒賣真係唔得 再睇埋其他食評如果真係想食依啲港式小食 腸粉燒賣去前面瑛典小食食仲好

呢間太安樓小店打正旗號賣腸粉，可惜佢嘅腸粉質素真係令人失望，我諗嚟得太安樓掃街嘅朋友，個胃嘅quota有限，唔好嘥位去食呢個腸粉，因為真係普通到冇朋友，唔係唔好味，不過唔值得，街邊求其一檔都可能個味道同佢差唔多。

第一次係太安樓食宵夜，朋友帶我去食嘢，佢極度推介這一間。小店嘅選擇好多，有腸粉，有甜品，有滷水拼盤，更設有新品。最後我哋叫了以下食物1.滷水拼盤（雞翼，雞蛋，金錢肚，蘿蔔）滷水拼盤非常入味，有多款口味供選擇，最後我叫了雞翼，雞蛋，金錢肚和蘿蔔。每一款都滷得非常腍。2.腸粉+燒賣我最愛吃腸粉，當然要試試他們的腸粉。他們的腸粉好抵食，非常滑溜，配上他們的醬汁，好吃。推介。3.雙皮奶+養顏三寶桃膠、雪蓮子、雪燕非常養顏的三寶，配上滑捋捋，牛奶味濃的雙皮奶，飯後甜品一流。

今日難得放假去太安樓掃街 見到有一間舖頭好多人排隊 見咁多人排隊就即管去試試啦太安樓呢到興掃街 所以呢間舖都係以外賣為主 但呢間舖都有擺到d枱比人容易d係到食 好貼心我地叫左幾樣野滷水拼盤有豬耳 雞腎 蘿蔔 金錢肚 滷水好入味 特別係蘿蔔索晒啲精華超級好食 仲係超級大 有兩片好厚我哋主食叫咗個腸粉 配魚蛋豬皮 粉果 牛肉球 呢個配搭非常新鮮 可以一次過食晒好多樣自己鍾意食嘅嘢好正啊 腸粉既份量好多 我地兩個人都食唔晒甜品我哋叫咗雙皮奶做甜品 超滿足

原本想食ET鹽水雞，點知撞正落場，怱忙下响附近是但搵間買外賣。見呢間舖外表正常，隔離兩間主打炸嘢，就試呢間。叫咗腸粉+ 四餸(牛柏葉、雞腎、牛肚、粉果)太趕時間無影相，但可以想像吓：腸粉墊底，見到上面有甜醬辣醬，腎肚柏葉勁深鹵水色舖面仲有鹵水浸住一半，墊底呢堆嘢打成一片咁，兩個粉果砸住部份腸粉。先食腸粉，起角嘅，少少硬，蒸唔透咁嘅口感，但應該係微波爐叮嘅。中間嗰堆鹵嘢，正常發揮，唔突出亦唔難食。兩個粉果真係嚇親，睇落正正常常，一咬個頂，硬到𠼱唔切，擺明係叮出嚟，但原來連叮都唔識叮🙄。咁就用咗$41…我好肯定，去7仔/OK熟食檔買，甚至係叮叮點心嘅腸粉同粉果都好食過佢。

五點幾收工，黃昏時間有D為食，我就去西灣河筲箕灣道太安樓地下，穿入太安樓，當然就是尋找食物，我在一家名叫「腸粉皇后」的店鋪享用小食，是太安樓的寶藏。聞到香味，我立即點了咖喱三寶，當中的魚蛋特別好吃，仿佛回到了兒時街頭的咖喱魚蛋，濃郁的咖喱醬與魚蛋的鮮味相得益彰，讓人一口接一口停不下來。正正正此外，我還點了一瓶自家製涼茶，味道濃香，清熱解暑，特別適合這個季節。喝上一口，頓時感覺神涼，趕走近日悶熱的香港。好享受今日。

朝頭早打完波，之後揸車過西灣河，諗住買啲水果再食個早餐，見到呢間腸粉好似唔錯，叫咗個三拼嘅有腸粉魚蛋同埋燒賣，之後攞到返屋企食腸粉係硬骨骨，仲衰過7仔，魚蛋算正常啦，之後啲燒賣都係嗰啲微波爐叮返嗰隻，真係好難食囉，個阿姐喺度好似唔想撈咁樣語氣又差又懶懶閒咁都唔知佢想點，一次夠晒，唔會再食，太安樓入面咁多嘢食真係唔需要揀佢囉😓

放工去西灣河太安樓買宵夜，好耐無食過腸粉，就去腸粉皇后啦。星期五晚來到太安樓到處都幾多人，呢間都有不少客人幫襯，而門口有立食位，方便客人即刻食。40蚊有鹽焗手撕雞腸粉加涼茶套餐，支涼茶我選擇五花茶，好好飲，可以消暑下火。腸粉混醬好好味，夠滑溜。手撕雞份量多，無骨淡淡肉。另外滷水拼盤揀咗四款餸，有金錢肚，豬肚，豬耳同雞翼，非常入味。西灣河筲箕灣道57-87號太安樓地下A34A號舖#腸粉皇后 #西灣河 #太安樓 #宵夜

🕰️ Order Time: 11:15pmSaw that quite a few people came by, so I decided to try it. Quite a lot of choices and combinations.Seasoned mixed instant noodles 撈麵 ($50) - 6 itemsVeggie Fishcake 野菜魚餅 - 4 half pcsGluten puffs (vegetarian) 齋 - 6pcsTurkey kidney 火雞腎 - 4pcsJellyfish 海蜇 Fish ball (siu mai) 燒賣 - 5pcsCuttlefish cake 墨魚餅 - 4 half pcsNot gonna lie, super full even before eating the noodles 😂Ginger juice milk pudding 姜撞奶 ($30)Seldom see this for street food shop, so I gace it a try. If you like g

腸粉皇后😘😘😘小食之選西灣河太安樓、各式港式小食、由朝吃到晚、哈哈😄經典三合一腸粉/4條+燒賣/2粒+魚蛋/2粒$22皇牌全餐腸粉/3條+燒賣/3粒+魚蛋/3粒+牛肉/1粒+粉果/1粒+涼茶1支$38腸粉/4條+燒賣/5粒$18唔不配搭套餐、都能享受、主打美味腸粉、帶出唔不口感、一次享受、飽肚🈵️足！自家工場製作、腸粉細滑雪白、配埋混醬、濃香芝麻、甜美豉油、仲有不可缺少甜醬、經典組🈴️、配搭一流！魚蛋夠彈牙、魚肉燒賣、煙靭有嚼口、配腸粉好伴侶😍自家製作：雞骨草夏枯草茶、健康涼茶、清熱解毒、消暑解渴、清肝明目👍🏻撈麵配搭$10+4餸$40牛柏葉、水魷、金錢肚、墨魚餅軟腍有嚼口、夠爽脆、撈麵軟硬度剛好😁粢飯$20軟綿綿煙靭糯米飯、餡料裹🈵️、肉鬆絲、榨菜絲、油炸鬼、熱燙燙😊甜品🫚姜撞奶$30、姜汁勁香、撞埋雪白滑滑鮮奶、口感軟綿綿、滑入口腔、不太甜、滋味又養顏👏🏻👏🏻腸粉皇后（西灣河）西灣河筲箕灣道57-87號太安樓地下A 34A號鋪港鐵西灣河站A出口、步行約4分鐘

呢間腸粉皇后喺太安樓開咗唔算好耐但我最近平日夜晚經過，見得一個人排，咁我又想買宵夜，所以就幫襯本身見到佢賣嘅食物都幾吸引，因為佢有好多食物係太安樓其他舖頭都冇嘅我一共買咗三樣嘢，包括海底椰菊花膏飲品、蜜糖粟米，同埋雙皮奶飲品正常佢粟米有兩款，一款係椒鹽，另一款係蜜糖兩款都有張好大嘅相喺佢舖頭門面我怕辣，所以叫咗蜜糖粟米（冇影到相），但就有啲失望因為佢蜜糖粟米個樣同張相係完全唔同幅相會好似有啲調味料痴咗喺粟米上面咁但收到見到油，蜜糖味亦超級超級淡但令到我食得最嬲嘅，就係雙皮奶千祈唔好試佢個雙皮奶一個雙皮奶收$30咁貴，但根本唔係雙皮奶首先連皮都冇另外個質感同平時嘅雙皮奶唔同食落似係用魚膠粉，有啲似牛奶味嘅啫喱同平時加蛋白嘅雙皮奶或者燉奶完全唔同口感成碗嘢食咗幾啖就頂唔順掉咗因為佢連一個好味嘅牛奶味啫喱都唔係

腸粉皇后 地址: 西灣河筲箕灣道57-87號太安樓地下A34A號舖=====================太安樓一向是小食同平民美食天堂 ，去開附近都會過來行一圈，睇下有無新野。$35細/$60 大盒滷水拼盤，細盒有3樣餸過過口癮，大盒有6樣，雞蛋、豬手、雞翼，腎、豬耳同豬脷！滷再好耐，個滷水包好入味！$22一樣是揀3樣野食，有齊了魚蛋燒賣腸粉，好強醬 甜醬豉油辣醬，好抵食，食完先走。仲有涼茶同糖水港式小食，幾時食都咁好食，童年回憶返曬來腸粉我臨走時叫多份，買返去憶屋企人食！

西灣河太安樓出名係掃街天堂..想食滑脫脫既腸粉..當然一定係揀腸粉皇后😍佢哋自家工場製作,除咗腸粉之外,佢哋嘅甜品,同埋滷水小食都非常出色😋⭐️經典三合一(腸粉,燒賣,魚蛋)✨招牌腸粉,食落口滑脫脫,魚蛋彈牙可口,燒賣煙煙靭靭,加埋豉油,甜醬,花生醬,簡直係人間美食🤫⭐️滷水小食拼盤(豬耳,金錢肚,雞翼,豬腸)不得不讚呢個滷水拼盤非常出色,佢炆得非常之入味,咬落去仲系軟林林,嗰陣滷水味會令人有種好開胃嘅🤤⭐️海底椰雪梨菊花膏🍐✨菊花味非常濃郁,味道清清甜甜,海底椰亦都有美顏既功效,絕對啱晒我哋呢啲咁貪靚嘅女士們飲😍